Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata
Maha Vaggo

Sutta 66

Sakkaragarukara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] EVAM ME SUTAM.|| ||

Savatthinidanam.|| ||

2. Atha kho ayasmato Sariputtassa rahogatassa patisallinassa evam cetaso paricitakko udapadi:|| ||

'Kin nu kho bhikkhu sakkatva garukatva upanissaya viharanto akusalam pajaheyya kusalam bhaveyya' ti?|| ||

Atha kho ayasmato Sariputtassa etad ahosi:|| ||

"Sattharam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Dhammam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Sangham kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Sikkham kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Samadhim kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Appamadam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Patisantharam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya" ti.|| ||

Atha kho ayasmato Sariputtassa etad ahosi:|| ||

'Ime kho me dhamma parisuddha pariyodata,||
yan nunaham ime dhamme gantva Bhagavato aroceyyam,||
evam me ime dhamma parisuddha c'eva bhavissanti parisuddha-sankhatatara ca.|| ||

Seyyatha pi nama puriso suvannanikkham adigaccheyya parisuddham pariyodanam,||
tassa evam assa:|| ||

"Ayam kho me suvannanikkho parisuddho parayodato,||
yan nunaham imam suvannanikkham gantva kammaranam dasseyyam,||
evam me ayam suvannanikkho kammaragato parisuddho c'eva bhavissati parisuddha-sankhattaro ca" ti.|| ||

Evam eva me ime dhamma parisuddha pariyodata,||
yan nunaham ime dhamme gantva Bhagavato aroceyyam,||
evam me ime dhamma parisuddha c'eva bhavissanti parisuddha-sankhatatara ca' ti.|| ||

Atha kho ayasma Sariputto sayanhasamayam patisallana vutthito yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Sariputto Bhagavantam etad avoca:|| ||

3. Idha mayham bhante, rahogatassa patisallinassa evam cetaso parivitakko udapadi:|| ||

"Kin nu kho bhikkhu sakkatva garukatva upanissaya viharanto akusalam pajaheyya,||
kusalam bhaveyya" ti?|| ||

Tassa mayham bhante etad ahosi:|| ||

'Sattharam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Dhammam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Sangham ko bhikkhu sakkata garukata upanissaya viharanto akusalam pajaheyya,||
kusalam bhaveyya.|| ||

Sikkham kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Samadhim kho bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Appamadam kho bhikkhu sakkatva garukatva unissaya viharanto akusalam pajaheyya,||
kusalam bhaveyya.|| ||

Patisattharam kho bhikkhu sakkatva garukatva upanissaya viharanto akusalam pajaheyya,||
kusalam bhaveyya' ti.|| ||

Tassa mayham bhante, etad ahosi:|| ||

'Ime kho me dhamma parisuddha pariyoda,||
yan nunaham ime dhamme gantva Bhagavato aroceyyam,||
evam me ime dhamma parisuddha c'eva bhavissanti parisuddha-sankhatatara ca."|| ||

Seyyatha pi nama purise suvannanikkham adhigaccheyya,||
parisuddham pariyodatam,||
tassa evam assa:|| ||

"Ayam kho me suvannanikkho parisuddho pariyodato,||
yan nunaham imam suvannanikkham gantva kammaranam dasseyyam,||
evam me ayam suvannanikkho kammaragato parisuddho c'eva bhavissati parasuddha-sankhatataro ca" ti.|| ||

Evam eva me ime dhamma parisuddha pariyodata,||
yan nunaham ime dhamme gantva Bhagavato aroceyyam,||
evam me ime dhamma parisuddha c'eva bhavissanti parisuddha-sankhatatara ca' ti.|| ||

Sadhu sadhu Sariputta.|| ||

Sattharam kho Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Dhammam kho Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Sangham ko Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Sikkham kho Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Samadhim kho Sariputta bhikkhu sakkatva garukatva upanissa viharanto akusalam pajaheyya,||
kusalam bhaveyya.|| ||

Appamadam kho Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Patisattharam kho Sariputta, bhikkhu sakkatva garukatva upanissaya viharanto akusalam pajaheyya,||
kusalam bhaveyya.|| ||

Evam vutte ayasma Sariputto Bhagavantam etad avoca:|| ||

3. 'Imassa kho aham bhante Bhagavata sankhittena bhasitassa evam vittharena attham ajanami:|| ||

So vata bhante, bhikkhu Satthari agaravo dhamme sagaravo bhavissati ti||
n'etam thanam vijjati.|| ||

Yo so bhante, bhikkhu Satthari agaravo,||
dhamme pi so agaravo.|| ||

So vata bhante, bhikkhu Satthari agaravo dhamme agaravo sanghe sagaravo bhavissati ti||
n'etam thanam vijjati.|| ||

Yo so bhante bhikkhu Satthari agaravo dhamme agaravo, sanghe pi so agaravo.|| ||

So vata bhante, bhikkhu Satthari agaravo, dhamme agaravo, sangho agaravo sikkhaya sagaravo bhavissati ti||
n'etam thanam vijjati.|| ||

Yo so bhante, bhikkhu Satthari agaravo, dhamme agaravo, sangho agaravo sikkhaya pi so agaravo.|| ||

So vata bhante, bhikkhu Satthari agaravo, dhamme agaravo, sanghe agaravo, sikkhaya agaravo samadismim sagaravo bhavissati ti||
n'etam thanam vijjati.|| ||

Yo so bhante, bhikkhu Satthari agaravo, dhamme agaravo, sangho agaravo, sikkhaya agaravo, samadhismim pi so agaravo.|| ||

So vata bhante, bhikkhu Satthari agaravo, dhamme agaravo, sanghe agaravo, sikkhaya agaravo, samadhismim agaravo appamade sagaravo bhavissati ti||
n'etam thanam vijjati.|| ||

Yo so bhante, bhikkhu Satthari agaravo, dhamme agaravo, sanghe agaravo, sikkhaya agaravo, samadhismim agaravo appamade pi so agaravo.|| ||

So vata bhante bhikkhu Satthari agaravo, dhamme agaravo, sanghe agaravo, sikkhaya agaravo, samadismim agaravo, appamade agaravo, patisatthare sagaravo bhavissati ti||
n'etam thanam vijjati.|| ||

Yo so bhante, bhikkhu Satthari agaravo, dhamme agaravo, sanghe agaravo, sikkhaya agaravo, samadismim agaravo, appamade agaravo patisatthare pi so agaravo.|| ||

 


 

So vata bhante, bhikkhu Satthari sagaravo||
dhamme agaravo bhavissati ti||
n'etam thanam vijjati.|| ||

Yo so bhante, bhikkhu Satthari sagaravo||
dhamma pi so sagaravo.|| ||

So vata bhante, bhikkhu Satthari sagaravo, dhamme sagaravo,||
sanghe agaravo bhavissati ti||
n'etam thanam vijjati|| ||

Yo so bhante, bhikkhu Satthari sagaravo, dhamme sagaravo||
sanghe pi so sagaravo.|| ||

So vata bhante bhikkhu Satthari sagaravo, dhamme sagaravo, sanghe sagaravo,||
sikkhaya agaravo bhavissati ti||
n'etam thanam vijjati.|| ||

Yo so bhante, bhikkhu Satthari sagaravo, dhamme sagaravo, sanghe sagaravo||
sikkhaya pi so sagaravo.|| ||

So vata bhante, bhikkhu Satthari sagaravo, dhamme sagaravo, sangho sagaravo, sikkhaya sagaravo,||
samadhismim agaravo bhavissati ti||
n'etam thanam vijjati.|| ||

Yo so bhante, bhikkhu Satthari sagaravo, dhamme sagaravo, sanghe sagaravo, sikkhaya sagaravo||
samadismim pi so sagaravo.|| ||

So vata bhante, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadhismim sagaravo||
appamade agaravo bhavissati ti||
n'etam thanam vijjati.|| ||

Yo so bhante bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadhismim sagaravo||
appamade pi so sagaravo.|| ||

So vata bhante, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadismim sagaravo, appamade sagaravo||
patisatthare agaravo bhavissati ti||
n'etam thanam vijjati.|| ||

Yo so bhante, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadismim sagaravo, appamade sagaravo||
patisatthare pi so sagaravo' ti.|| ||

Imassa kho aham bhante, Bhagavata sankhittena bhasitassa evam vittharena attham ajanami.|| ||

 


 

Sadhu sadhu Sariputta.|| ||

Sadhu kho tvam Sariputta,||
imassamaya sankhittena bhasitassa evam vittharena attham ajanasi.|| ||

So vata Sariputta, bhikkhu Satthari agaravo dhamme sagaravo bhavissati ti||
n'etam thanam vijjati.|| ||

Yo so Sariputta, bhikkhu Satthari agaravo,||
dhamme pi so agaravo.|| ||

So vata Sariputta, bhikkhu Satthari agaravo dhamme agaravo sanghe sagaravo bhavissati ti||
n'etam thanam vijjati.|| ||

Yo so Sariputta bhikkhu Satthari agaravo dhamme agaravo, sanghe pi so agaravo.|| ||

So vata Sariputta, bhikkhu Satthari agaravo, dhamme agaravo, sangho agaravo sikkhaya sagaravo bhavissati ti||
n'etam thanam vijjati.|| ||

Yo so Sariputta, bhikkhu Satthari agaravo, dhamme agaravo, sangho agaravo sikkhaya pi so agaravo.|| ||

So vata Sariputta, bhikkhu Satthari agaravo, dhamme agaravo, sanghe agaravo, sikkhaya agaravo samadismim sagaravo bhavissati ti||
n'etam thanam vijjati.|| ||

Yo so Sariputta, bhikkhu Satthari agaravo, dhamme agaravo, sangho agaravo, sikkhaya agaravo, samadhismim pi so agaravo.|| ||

So vata Sariputta, bhikkhu Satthari agaravo, dhamme agaravo, sanghe agaravo, sikkhaya agaravo, samadhismim agaravo appamade sagaravo bhavissati ti||
n'etam thanam vijjati.|| ||

Yo so Sariputta, bhikkhu Satthari agaravo, dhamme agaravo, sanghe agaravo, sikkhaya agaravo, samadhismim agaravo appamade pi so agaravo.|| ||

So vata Sariputta bhikkhu Satthari agaravo, dhamme agaravo, sanghe agaravo, sikkhaya agaravo, samadismim agaravo, appamade agaravo, patisatthare sagaravo bhavissati ti||
n'etam thanam vijjati.|| ||

Yo so Sariputta, bhikkhu Satthari agaravo, dhamme agaravo, sanghe agaravo, sikkhaya agaravo, samadismim agaravo, appamade agaravo patisatthare pi so agaravo.|| ||

 


 

So vata Sariputta, bhikkhu Satthari sagaravo||
dhamme agaravo bhavissati ti||
n'etam thanam vijjati.|| ||

Yo so Sariputta, bhikkhu Satthari sagaravo||
dhamma pi so sagaravo.|| ||

So vata Sariputta, bhikkhu Satthari sagaravo, dhamme sagaravo,||
sanghe agaravo bhavissati ti||
n'etam thanam vijjati|| ||

Yo so Sariputta, bhikkhu Satthari sagaravo, dhamme sagaravo||
sanghe pi so sagaravo.|| ||

So vata Sariputta bhikkhu Satthari sagaravo, dhamme sagaravo, sanghe sagaravo,||
sikkhaya agaravo bhavissati ti||
n'etam thanam vijjati.|| ||

Yo so Sariputta, bhikkhu Satthari sagaravo, dhamme sagaravo, sanghe sagaravo||
sikkhaya pi so sagaravo.|| ||

So vata Sariputta, bhikkhu Satthari sagaravo, dhamme sagaravo, sangho sagaravo, sikkhaya sagaravo,||
samadhismim agaravo bhavissati ti||
n'etam thanam vijjati.|| ||

Yo so Sariputta, bhikkhu Satthari sagaravo, dhamme sagaravo, sanghe sagaravo, sikkhaya sagaravo||
samadismim pi so sagaravo.|| ||

So vata Sariputta, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadhismim sagaravo||
appamade agaravo bhavissati ti||
n'etam thanam vijjati.|| ||

Yo so Sariputta bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadhismim sagaravo||
appamade pi so sagaravo.|| ||

So vata Sariputta, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadismim sagaravo, appamade sagaravo||
patisatthare agaravo bhavissati ti||
n'etam thanam vijjati.|| ||

Yo so Sariputta, bhikkhu Satthari sagaravo, dhamme sagaravo, sanghe sagaravo, sikkhaya sagaravo, samadismim sagaravo, appamade sagaravo||
patisatthare pi so sagaravo' ti.|| ||

Imassa kho aham Sariputta, Bhagavata sankhittena bhasitassa evam vittharena attham ajanami.|| ||

Imassa kho Sariputta, sankhittena bhasitassa evam vittharena attha datthabboti.|| ||

 


Contact:
E-mail
Copyright Statement