Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
I: Metta Vagga

Namo tassa Bhagavato arahato samma sambuddhassa

Sutta 1

Metta-Nisamsa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Mettaya bhikkhave ceto-vimuttiya asevitaya bhavitaya bahulikataya yanikataya vatthukataya anutthitaya paricitaya susamaraddhaya atthanisamsa patikankha.|| ||

Katame attha?|| ||

Sukham supati,||
sukham patibujjhati,||
na papakam supinam passati,||
manussanam piyo hoti,||
amanussanam piyo hoti,||
devata rakkhanti,||
nassa aggi va visam va sattham va kamati,||
uttarim appativijjhanto brahmalokupago hoti.|| ||

Mettaya bhikkhave ceto-vimuttiya asevitaya bhavitaya bahulikataya yanikataya vatthukataya anutthitaya paricitaya susamaraddhaya ime atthanisamsa patikankha ti.|| ||

Yo ca mettam bhavayati,||
appamanam patissato||
Tanu samyojana honti,||
passato upadhikkhayam.|| ||

Ekam pi ce panam adutthacitto,||
mettayati kusali tena hoti,||
Sabbe'va pane manasanukampi,||
pahutamariyo pakaroti punnam.|| ||

Ye sattasandam pathavim vijetva,||
rajisayo yajamananupariyaya,||
Assamedham purisamedham,||
sammapasam vacapeyyam niraggalam.|| ||

Mettassa cittassa subhavitassa,||
kalam pi te nanubhavanti solasim,||
Candappabha taragana va sabbe.|| ||

Yo na hanti na ghateti,||
na jinati na japaye,||
Mettamso sabbabhutanam,||
veram tassa na kenaci ti.|| ||

 


Contact:
E-mail
Copyright Statement