Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
I: Metta Vagga

Sutta 6

Dutiya Lokadhamma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[157]

[1][pts][ati][olds][bodh] EVAM ME SUTAM.|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi bhikkhavo ti.|| ||

Bhadante ti te bhikkhu Bhagavato paccassosum.|| ||

Bhagava etad avoca:|| ||

Atth'ime bhikkhave, lokadhamma||
lokam anuparivattanti,||
loko ca attha lokadhamme anuparivattati.|| ||

Katame attha?|| ||

Labho ca alabho ca yaso ca ayaso ca ninda ca pasamsa ca sukham ca dukkham ca,||
ime kho bhikkhave,||
atthalokadhamma lokam anuparivattanti.|| ||

Loko ca ime atthalokadhamme anuparivattati.|| ||

Assutavato bhikkhave,||
puthujjanassa uppajjati labhopi alabhopi yasopi ayasopi nindapi pasamsapi sukhampi dukkhampi.|| ||

Sutavatopi kho bhikkhave,||
ariyasavakassa uppajjati labhopi alabhopi,||
yasopi ayasopi nindapi pasamsapi sukhampi dukkhampi.|| ||

Tatra, bhikkhave,,||
ko viseso [158] ko adhippayaso kim nanakaranam sutavato ariyasavakassa assutavata puthujjanenati:|| ||

Bhagavammulaka no bhante dhamma,||
Bhagavantettika,||
Bhagavampatisarana.|| ||

Sadhu vata bhante,||
Bhagavantamyeva patibhatu etassa bhasitassa attho,||
Bhagavato sutva bhikkhu dharessanti ti.|| ||

Tena hi bhikkhave,||
sunatha sadhukam manasi karotha,||
bhasissamiti.|| ||

Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

3 Assutavato bhikkhave,||
puthujjanassa uppajjati labho,||
so na iti patisancikkhati: uppanno kho me ayam labho,||
so ca kho anicco dukkho viparinamadhammoti,||
yathabhutam nappajanati.|| ||

Uppajjati alabho,||
so na iti patisancikkhati:||
uppanno kho me ayam alabho,||
so ca kho anicco dukkho viparinamadhammoti,||
yathabhutam nappajanati.|| ||

Uppajjati yaso,||
so na iti patisancikkhati:||
uppanno kho me ayam yaso,||
so ca kho anicco dukkho viparinamadhammoti,||
yathabhutam nappajanati.|| ||

Uppajjati ayaso,||
so na iti patisancikkhati:||
uppanno kho me ayam ayaso,||
so ca kho anicco dukkho viparinamadhammoti,||
yathabhutam nappajanati.|| ||

Uppajjati ninda so na iti patisancikkhati: uppanna kho me ayam ninda,||
sa ca kho anicca dukkha viparinamadhammati,||
yathabhutam nappajanati.|| ||

Uppajjati pasamsa so na itipatisancikkhati:||
uppanna kho me ayam pasamsa,||
sa ca kho anicca dukkha viparinamadhammati,||
yathabhutam nappajanati.|| ||

Uppajjati sukham,||
so na iti patisancikkhati:||
uppannam kho me idam sukham,||
tam ca kho aniccam dukkham viparinamadhammanti,||
yathabhutam nappajanati.|| ||

Uppajjati dukkham,||
so na itipatisancikkhati uppannam kho me idam dukkham,||
tam ca kho aniccam dukkham viparinamadhammanti.|| ||

Yathabhutam nappajanati.|| ||

Tassa labhopi cittam pariyadaya titthati,||
alobho pi cittam pariyadaya titthati,||
yasopi cittam pariyadaya titthati,||
ayasopi cittam pariyadaya titthati,||
ninda pi cittam pariyadaya titthati,||
pasamsapi cittam pariyadaya titthati.|| ||

Sukhampi cittam pariyadaya titthati,||
dukkhampi cittam pariyadaya titthati.|| ||

So uppantam labham anurujjhati alabhe pativirujjhati.|| ||

Uppantam yasam anurujjhati ayase pativirujjhati uppannam pasamsam anurujjhati nindaya pativirujjhati.|| ||

Uppannam sukham anurujjhati.|| ||

Dukkhe pativirujjhati so evam anurodhavirodhasamapanno na parimuccati,||
jatiya jaraya maranena sokehi paridevehi dukkhehi domanassehi upayasehi,||
na parimuccati dukkhasmati vadami.|| ||

4. Sutavato ca kho bhikkhave,||
ariyasavakassa uppajjati labho.|| ||

So iti patisancikkhati;||
Uppanto kho me ayam labho so ca kho anicco dukkho viparinamadhammoti yathabhutam pajanati.|| ||

Uppajjati alabho.|| ||

So iti patisancikkhati uppanto kho me ayam alabho so ca kho anicco dukkho viparinamadhammoti yathabhutam pajanati.|| ||

Uppajjati yaso.|| ||

[159] So iti patisancikkhati uppanto kho me ayam yaso.|| ||

So ca kho anicco dukkho viparinamadhammoti yathabhutam pajanati.|| ||

Uppajjati ayaso.|| ||

So iti patisancikkhati uppanno kho me ayam ayaso.|| ||

So ca kho anicco dukkho viparinamadhammoti yathabhutam pajanati.|| ||

Uppajjati ninda.|| ||

So iti patisancikkhati uppanta kho me ayam ninda.|| ||

Sa ca kho anicca dukkha viparinamadhammati yathabhutam pajanati.|| ||

Uppajjati pasamsa.|| ||

So iti patisancikkhati uppanta kho me ayam pasamsa.|| ||

Sa ca kho anicca dukkha viparinamadhammati yathabhutam pajanati.|| ||

Uppajjati sukham.|| ||

So iti patisancikkhati uppantam kho me idam sukham.|| ||

Tam ca kho aniccam dukkham viparinamadhammanti yathabhutam pajanati.|| ||

Uppajjati dukkham.|| ||

So iti patisancikkhati:|| ||

Uppannam kho me idam dukkham.|| ||

Tan ca kho aniccam dukkham viparinamadhammanti yathabhutam pajanati.|| ||

Tassa labho pi cittam na pariyadaya titthati,||
alobho pi cittam na pariyadaya titthati,||
yaso pi cittam na pariyadaya titthati,||
ayaso pi cittam na pariyadaya titthati,||
ninda'pi cittam na pariyadaya titthati,||
pasamsa'pi cittam na pariyadaya titthati,||
sukhampi cittam na pariyadaya titthati,||
dukkhampi cittam na pariyadaya titthati.|| ||

So uppannam labham nanurujjhati,||
alabhe nappativirujjhati.|| ||

Uppannam yasam nanurujjhati,||
ayase nappativirujjhati.|| ||

Uppannam pasamsam nanurujjhati,||
nindaya nappativirujjhati.|| ||

Uppannam sukham nanurujjhati,||
dukkhe nappativirujjhati.|| ||

So evam anurodhavirodhavippahino parimuccati jatiya jaraya maranena sokehi paridevehi dukkhehi domanassehi upayasehi.|| ||

Parimuccati dukkhasmati vadami.|| ||

Ayam kho bhikkhave,||
viseso ayam adhippayaso idam nanakaranam sutavato ariyasavakassa assutavata puthujjanenati.|| ||

Labho alabho ayaso yaso ca||
Ninda pasamsa ca sukhan ca dukkham,||
Ete anicca manujesu dhamma||
Asassata viparinamadhamma.|| ||

Ete ca natva satima su medho||
Avekkhati viparinamadhamme||
Itthassa dhamma na mathenti cittam||
Anitthato no patighatameti.|| ||

Tassanurodha [160] athava virodha||
Vidhupita atthagata na santi,||
Padanca natva virajam asokam||
Sammappajanati bhavassaparaguti.|| ||

 


Contact:
E-mail
Copyright Statement