Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
I: Metta Vagga

Sutta 8

Uttara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[162]

[1][pts][than][bodh] EVAM ME SUTAM.|| ||

Ekam samayam ayasma Uttaro Mahisavatthusmim viharati Sankheyyake pabbate Dhavajalikayam.|| ||

Tatra kho ayasma Uttaro bhikkhu amantesi bhikkhavoti.

Bhadante ti te bhikkhu ayasmato Uttarassa paccassosum.

Ayasma Uttaro etad avoca:|| ||

2. Sadhavuso bhikkhu kalena kalam attavipattim paccavekkhita hoti,||
sadhavuso bhikkhu kalena kalam paravipattim paccavekkhita hoti,||
sadhavuso bhikkhu kalena kalam attasampattim paccavekkhita hoti,||
sadhavuso bhikkhu kalena kalam parasampattim paccavekkhita hoti ti.|| ||

3. Tena kho pana samayena Vessavano Maharaja uttaraya disaya dakkhinam disam gacchati kenaci-d-eva karaniyena.|| ||

Assosi kho Vessavano Maharaja ayasmato Uttarassa Mahisavatthusmim Sankheyyake pabbate Dhavajalikayam bhikkhunam evam dhammam desentassa:|| ||

Sadhavuso bhikkhu kalena kalam attavipattim paccavekkhita hoti,||
sadhavuso bhikkhu kalena kalam paravipattim paccavekkhita hoti,||
sadhavuso bhikkhu kalena kalam attasampattim paccavekkhita hoti,||
sadhavuso bhikkhu kalena kalam parasampattim paccavekkhita hoti ti.|| ||

4. Atha kho Vessavano Maharaja seyyatha pi nama balava puriso samminjitam va baham pasareyya pasaritam va baham samminjeyya,||
evam eva Mahisavatthusmim Sankheyyake pabbate Dhavajalikayam antarahito devesu Tavatimsesu paturahosi.|| ||

Atha kho Vessavano Maharaja yena Sakko devanam indo ten'upasankami,||
upasankamitva Sakkam devanam indam etad avoca,|| ||

'Yagghe marisa, janeyyasi, eso ayasma Uttaro Mahisavatthusmim Sankheyyake Pabbate Dhavajalikayam bhikkhunam evam dhammam deseti:|| ||

Sadhavuso bhikkhu kalena kalam attavipattim paccavekkhita hoti,||
sadhavuso bhikkhu kalena kalam paravipattim paccavekkhita hoti,||
sadhavuso bhikkhu kalena kalam attasampattim paccavekkhita hoti,||
sadhavuso bhikkhu kalena kalam parasampattim paccavekkhita hoti ti.|| ||

5. Atha kho Sakko devanam indo seyyatha pi nama balava puriso samminjitam va baham pasareyya,||
pasaritam va baham samminjeyya,||
evam eva devesu Tavatimsesu antarahito Mahisavatthusmim Sankheyyake pabbate Dhavajalikayam ayasmato Uttarassa samukhe paturahosi.|| ||

Atha kho Sakko devanam indo yenayasma Uttaro ten'upasankami,||
upasankamitva ayasmantam Uttaram abhivadetva eka-m-antam atthasi.|| ||

Eka-m-antam thito kho Sakko devanam indo ayasmantam Uttaram etad avoca:|| ||

Saccam kira bhante, ayasma Uttaro bhikkhunam evam dhammam desesi:|| ||

Sadhavuso bhikkhu kalena kalam attavipattim paccavekkhita hoti,||
sadhavuso bhikkhu kalena kalam paravipattim paccavekkhita hoti,||
sadhavuso bhikkhu kalena kalam attasampattim paccavekkhita hoti,||
sadhavuso bhikkhu kalena kalam parasampattim paccavekkhita hoti ti.|| ||

'Evam devanam inda' ti.|| ||

'Kim pana'idam Bhante, ayasmato Uttarassa sakam patibhanam,||
udahu tassa Bhagavato vacanam arahato sammasamBuddhassa' ti?|| ||

6. 'Tena hi devanam inda, upamam te karissami,||
upamaya pi idh'ekacce vinnu purisa bhasitassa attham ajananti.|| ||

Seyyatha pi devanam inda, gamassa va nigamassa va avidure mahadhannarasi,||
tato mahajanakayo dhannam ahareyya kajehi pi pitakehi pi ucchangehi pi anjalihi pi.|| ||

Yo nu kho devanam inda tam mahajanakayam upasankamitva evam puccheyya:|| ||

Kuto imam dhannam aharatha ti?|| ||

Katham tam vyakaramano nu kho devanam inda,||
so mahajanakayo samma vyakaramano vyakareyya' ti?|| ||

'Amumha mahadhannarasimha aharama ti kho bhante,||
so mahajanakayo samma vyakaramano vyakareyya' ti.|| ||

Evam eva kho devanam inda,||
yam kinci subhasitam sabbam tam tassa Bhagavato vacanam arahato sammasambuddhassa,||
tato upaday'upadaya mayan c'anne ca bhanama' ti.|| ||

7. Acchariyam bhante, abbhutam bhante,||
yava subhasitam idam Bhante,||
ayasmata Uttarena:|| ||

"Yam kinci subhasitam sabbam tam tassa Bhagavato vacanam arahato sammasambuddhassa,||
tato upadayupadaya mayan canne ca bhanama' ti.|| ||

Ekam idam bhante, Uttara,||
samayam Bhagava Rajagahe viharati||
Gijjhakute pabbate acirapakkante Devadatte.|| ||

Tatra kho Bhagava Devadattam arabbha bhikkhu amantesi:|| ||

Sadhavuso bhikkhu kalena kalam attavipattim paccavekkhita hoti,||
sadhavuso bhikkhu kalena kalam paravipattim paccavekkhita hoti,||
sadhavuso bhikkhu kalena kalam attasampattim paccavekkhita hoti,||
sadhavuso bhikkhu kalena kalam parasampattim paccavekkhita hoti ti.|| ||

Atthahi bhikkhave, asaddhammehi abhibhuto pariyadinnacitto Devadatto apayiko nerayiko kappattho atekiccho.|| ||

Katamehi atthahi?|| ||

Labhena bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Alabhena bhikkhave abhibhuto pariyadinnacitto Devadatto apayiko nerayiko kappattho atekiccho.|| ||

Yasena bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Ayasena bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Sakkarena bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Asakkarena bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Papicchataya bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Papamittataya bhikkhave, abhibhuto pariyadinnacitto Devadatto apayiko nerayiko kappattho atekiccho.|| ||

Imehi kho bhikkhave, atthahi asaddhammhi aebhibhuto pariyadinnacitto Devadatto apayiko nerayiko kappattho, atekiccha.|| ||

Sadhu bhikkhave bhikkhu uppannam labham abhibhuyya abhibhuyya vihareyya.|| ||

Uppannam alabham abhibhuyya abhibhuyya vihareyya.|| ||

Uppannam yasam abhibhuyya abhibhuyya vihareyya.|| ||

Uppannam ayasam abhibhuyya abhibhuyya vihareyya.|| ||

Uppannam sakkaram abhibhuyya abhibhuyya vihareyya.|| ||

Uppannam asakkaram abhibhuyya abhibhuyya vihareyya.|| ||

Uppannam papicchatam abhibhuyya abhibhuyya vihareyya.|| ||

Uppannam papamittatam abhibhuyya abhibhuyya vihareyya.|| ||

8. Kathan ca bhikkhave, bhikkhu atthavasam paticca uppannam labham abhibhuyya abhibhuyya vihareyya,||
uppannam alabham abhibhuyya abhibhuyya vihareyya,||
uppannam yasam abhibhuyya abhibhuyya vihareyya,||
uppannam ayasam abhibhuyya abhibhuyya vihareyya,||
uppannam sakkaram abhibhuyya abhibhuyya vihareyya,||
uppannam asakkaram abhibhuyya abhibhuyya vihareyya,||
uppannam papicchatam abhibhuyya abhibhuyya vihareyya,||
uppannam papamittatam abhibhuyya abhibhuyya vihareyya.|| ||

Yam hi'ssa bhikkhave uppannam labham anabhibhuyya viharato uppajjeyyum asava vighataparilaha,||
uppannam labham abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam alabham anabhibhuyya viharato uppajjeyyum asava vighataparilaha,||
uppannam alabham abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam yasam anabhibhuyya viharato uppajjeyyum asava vighataparilaha,||
uppannam yasam abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam ayasam anabhibhuyya viharato uppajjeyyum asava vighataparilaha,||
uppannam ayasam abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam sakkaram anabhibhuyya viharato uppajjeyyum asava vighataparilaha,||
uppannam sakkaram abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam asakkaram anabhibhuyya viharato uppajjeyyum asava vighataparilaha,||
uppannam asakkaram abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam papicchatam anabhibhuyya viharato uppajjeyyu asava vighataparilaha,||
uppannam papicchatam abhibhuyya viharato evamsa te asava vighataparilaha na honti.|| ||

Yam hi'ssa bhikkhave uppannam papamittatam anabhibhuyya viharato uppajjeyyum asava vighataparilaha,||
uppannam papamittatam abhibhuyya viharato evamsa te asava vighataparilaha na honti.|| ||

Idam kho bhikkhave, bhikkhu atthavasam paticca uppannam labham abhibhuyya abhibhuyya vihareyya,||
uppannam alabham abhibhuyya abhibhuyya vihareyya,||
uppannam yasam abhibhuyya abhibhuyya vihareyya,||
uppannam ayasam abhibhuyya abhibhuyya vihareyya,||
uppannam sakkaram abhibhuyya abhibhuyya vihareyya,||
uppannam asakkaram abhibhuyya abhibhuyya vihareyya,||
uppannam papicchatam abhibhuyya abhibhuyya vihareyya,||
uppannam papamittatam abhibhuyya abhibhuyya vihareyya.|| ||

Tasma ti ha bhikkhave evam sikkhitabbam:|| ||

9. Uppannam labham abhibhuyya abhibhuyya viharissama,||
uppannam alabham abhibhuyya abhibhuyya viharissama,||
uppannam yasam abhibhuyya abhibhuyya viharissama,||
uppannam ayasam abhibhuyya abhibhuyya viharissama,||
uppannam sakkaram abhibhuyya abhibhuyya viharissama,||
uppannam asakkaram abhibhuyya abhibhuyya viharissama,||
uppannam papicchatam abhibhuyya abhibhuyya viharissama,||
uppannam papamittatam abhibhuyya abhibhuyya viharissama ti.|| ||

Evam hi vo bhikkhave sikkhitabban ti.|| ||

10. Yavata bhante Uttara, manussesu catasso parisa:||
bhikkhu bhikkhuniyo upasaka upasikayo||
nayam dhamma-pariyayo kisminci patitthito.|| ||

Ugganhatu bhante,||
ayasma Uttaro imam dhamma-pariyayam,||
pariyapunatu bhante,||
ayasma Uttaro imam dhamma-pariyayam,||
dharetu bhante,||
ayasma Uttaro imam dhamma-pariyayam,||
atthasamhito ayam bhante,||
dhamma-pariyayo adibrahmacariyako' ti.|| ||

 


Contact:
E-mail
Copyright Statement