Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
I: Metta Vagga

Sutta 9

Nanda Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][than][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Kulaputto' ti bhikkhave,||
Nandam sammavadamano vadeyya:||
balavati bhikkhave,||
Nandam samma vadamano vadeyya;||
Pasadikoti bhikkhave,||
Nandam samma vadamano vadeyya;||
Tibbaragoti bhikkhave,||
Nandam sammavadamano vadeyya.|| ||

Kimannatra bhikkhave,||
Nando indriyesu guttadvaro bhojanesu mattannu jagariyam anuyutto satisampajannena samannagato.|| ||

Ye hi Nando Sakkoti paripunnam parisuddham brahmacariyam caritum:|| ||

Tatiradam bhikkhave,||
Nandassa indriyesu guttadvarataya hoti:||
sace [167] bhikkhave,||
Nandassa puratthima disa aloketabba hoti,||
sabbam cetasa samannaharitva Nando puratthimam disam aloketi,||
'evam me puratthimam disam alokayato na abhijjha domanassa papaka akusala dhamma anvassavissanti' ti,||
itiha tattha sampajano hoti.|| ||

Sace bhikkhave,||
Nandassa pacchima disa aloketabba hoti.|| ||

Sabbam cetasa samannaharitva Nando pacchimam disam aloketi,||
'evam me pacchimam disam alokayato na abhijjha domanassa papaka akusala dhamma anvassavissanti'ti,||
itiha tattha sampajano hoti.|| ||

Sace bhikkhave,||
Nandassa uttara disa aloketabba hoti.|| ||

Sabbam cetasa samannaharitva Nando uttaram disam aloketi,||
'evam me uttaram disam alokayato na abhijjha domanassa papaka akusala dhamma anvassavissanti' ti,||
itiha tattha sampajano hoti.|| ||

Sace bhikkhave,||
Nandassa dakkhina disa aloketabba hoti,||
sabbam cetasa samannaharitva Nando dakkhinam disam aloketi,||
'evam me dakkhinam disam alokayato na abhijjha domanassa papaka akusala dhamma anvassavissanti' ti,||
itiha tattha sampajano hoti.|| ||

Sace bhikkhave,||
Nandassa uddham ulloketabba hoti.|| ||

Sabbam cetasa samannaharitva Nando uddham ulloketi,||
'evam me uddham ullokayato na abhijjha domanassa papaka akusala dhamma anvassavissanti' ti,||
itiha tattha sampajano hoti.|| ||

Sace bhikkhave,||
Nandassa adho oloketabba hoti.|| ||

Sabbam cetasa samannaharitva Nando adho oloketi,||
'evam me adho olokayato na abhijjha domanassa papaka akusala dhamma anvassavissanti' ti,||
itiha tattha sampajano hoti.|| ||

Sace bhikkhave,||
Nandassa anudisa anuviloketabba hoti.|| ||

Sabbam cetasa samannaharitva Nando anudisam anuviloketi,||
'evam me anudisam anuvilokayato na abhijjha domanassa papaka akusala dhamma anvassavissanti' ti,||
itiha tattha sampajano,||
idam kho bhikkhave,||
Nandassa indriyesu guttadvarataya hoti.|| ||

Tatiradam bhikkhave,||
Nandassa bhojane mattannutaya hoti?|| ||

Idha bhikkhave Nando patisankhayoniso aharam ahareti:||
n'eva davaya na madaya na mandanaya na vibhusanaya,||
yavad eva imassa kayassa thitiya yapanaya vihimsuparatiya brahmacariyanuggahaya,||
iti puranan ca vedanam patihankhami,||
navan ca vedanam na uppadessami,||
yatra ca me bhavissati,||
anavajjata ca phasuviharo ca ti.|| ||

Idam kho bhikkhave,||
Nandassa bhojane mattannutaya hoti.|| ||

Tatiradam bhikkhave,||
Nandassa jagariyanuyogasmim hoti.|| ||

Idha [168] bhikkhave,||
Nando divasam cankamena nisajjaya avaraniyehi dhammehi cittam parisodheti.|| ||

Rattiya pathamam yamam cankamena nisajjaya avaraniyehi dhammehi cittam parisodheti.|| ||

Rattiya majjhimam yamam dakkhinena passena sihaseyyam kappeti.|| ||

Pade padam accadhaya sato sampajano utthanasannam manasikaritva.|| ||

Rattiya pacchimam yamam paccutthaya cankamena nisajjaya avaraniyehi dhammehi cittam parisodheti.|| ||

Idam kho bhikkhave,||
Nandassa jagariyanuyogasmim hoti.|| ||

Tatiradam bhikkhave,||
Nandassa satisampajannasmim hoti?|| ||

Idha bhikkhave, Nandassa vidita vedana uppajjanti,||
vidita upatthahanti,||
vidita abbhattham gacchanti,||
vidita sanna uppajjanti,||
vidita upatthahanti,||
vidita abbhattham gacchanti.|| ||

Vidita vitakka uppajjanti,||
vidita upatthahanti,||
vidita abbhattham gacchanti,||
idam kho bhikkhave,||
Nandassa satisampajannasmim hoti.|| ||

Kimannatra bhikkhave,||
Nando indriyesu guttadvaro bhojane mattannu jagariyam anuyutto satisampajannena samannagato yehi Nando Sakkoti paripunnam parisuddham brahmacariyam caritunti.|| ||

 


Contact:
E-mail
Copyright Statement