Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
I: Metta Vagga

Sutta 10

Karandava Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Evam me sutam:|| ||

Ekam samayam Bhagava Campayam viharati Gaggaraya pokkharaniya tire.|| ||

Tena kho pana samayena bhikkhu bhikkhum apattiya codenti.|| ||

So bhikkhu bhikkhuhi apattiya codiyamano annenannam paticarati,||
bahiddha katham apanameti,||
kopan ca dosan ca appaccayan ca patukaroti.|| ||

Atha kho Bhagava bhikkhu amantesi:|| ||

2. Niddhamath'etam bhikkhave puggalam,||
niddhamath'etam bhikkhave, puggalam.|| ||

Apaneyyo so bhikkhave puggalo.|| ||

Kim vo paraputta vihetheti?|| ||

Idha, bhikkhave, ekaccassa puggalassa tadisam yeva hoti||
abhikkantam patikkantam alokitam vilokitam samminjitam pasaritam samghatipatta civaradharanam,||
seyyatha pi annesam bhaddakanam bhikkhunam,||
yav'assa bhikkhu apattim na passanti,||
yato ca khvassa bhikkhu apattim passanti,||
tam enam evam jananti:|| ||

'Samanadusi'vayam samanapalapo samanakaranadavo' ti.|| ||

Tam enam iti viditva bahiddha nasenti.|| ||

Tam kissa hetu?|| ||

Ma anne bhaddake bhikkhu dusesi ti.|| ||

3. Seyyatha pi, bhikkhave, sampanne yavakarane yavadusi jayetha,||
yavapalapo yavakarandavo.|| ||

Tassa tadisam yeva mulam hoti,||
seyyatha pi annesam bhaddakanam yavanam,||
Tadisam yeva nalam hoti,||
seyyatha pi annesam bhaddakanam yavanam,||
tadisam yeva pattam hoti,||
seyyatha pi annesam bhaddakanam yavanam,||
yav'assa sisam na nibbattati,||
yato ca khvassa sisam nibbattati.|| ||

Tam enam evam jatanti:|| ||

'Yavadusi'vayam yavapalapo yavakarandavo' ti.|| ||

Tam enam iti viditva samulam uppatetva bahiddha yavakaranassa chaddhenti.|| ||

Tam kissa hetu?|| ||

Ma anne bhadrake yave dusesi ti.|| ||

Evam eva kho bhikkhave idh'ekaccassa puggalassa tadisam yeva hoti||
abhikkantam patikkantam alokitam vilokitam samminjitam pasaritam sanghatipatta civaradharanam,||
seyyatha pi annesam bhaddakanam bhikkhunam||
yav'assa bhikkhu apattim na passanti,||
yato ca khvassa bhikkhu apattim passanti,||
tam enam evam jananti:|| ||

'Samanadusi'vayam samanapalapo samanakarandavo' ti.|| ||

Tam enam iti viditva bahiddha nasenti.|| ||

Tam kissa hetu?|| ||

Ma anne bhadrake bhikkhu dusesi ti.|| ||

4. Seyyatha pi, bhikkhave, mahato dhannarasissa vuvamanassa tattha yani tani dhannani dalhani saravantani,||
tani eka-m-antam punjam hoti,||
yani pana tani dhannani dubbalani palapani,||
tani vato eka-m-antam apavahati.|| ||

Tam enam samika samika sammajjanim gahetva bhiyyo somattaya apasammajjanti.|| ||

Tam kissa hetu?|| ||

Ma anne bhadrake dhanne dusesi ti.|| ||

Evam eva kho bhikkhave idh'ekaccassa puggalassa tadisam yeva hoti||
abhikkantam patikkantam alokitam vilokitam samminjitam pasaritam sanghatipatta civaradharanam,||
seyyatha pi annesam bhaddakanam bhikkhunam||
yav'assa bhikkhu apattim na passanti,||
yato ca khvassa bhikkhu apattim passanti,||
tam enam evam jananti:|| ||

'Samanadusi'vayam samanapalapo samanakarandavo' ti.|| ||

Tam enam iti viditva bahiddha nasenti.|| ||

Tam kissa hetu?|| ||

Ma anne bhadrake bhikkhu dusesi ti.|| ||

5. Seyyatha pi, bhikkhave, puriso udapanapanaliya atthiko tinham kutharim adaya vanam paviseyya,||
so tam tad eva rukkham kutharipasena akoteti.|| ||

Tattha yani tani rukkhani dalhani saravantani,||
kutharipasena akotitani kakkhalam patinadanti,||
yani tani rukkhani antoputini avassutani kasambujatani,||
tani kutharipasena akotitani daddaram patinadanti.|| ||

Tam enam mule chindati,||
mule chinditva agge chindati,||
agge chinditva anto suvisodhitam visodheti,||
anto suvisodhitam visodhetva udapanapanalim yojeti.|| ||

Evam eva kho bhikkhave idh'ekaccassa puggalassa tadisam yeva hoti||
abhikkantam patikkantam alokitam vilokitam samminjitam pasaritam sanghatipatta civaradharanam,||
seyyatha pi annesam bhaddakanam bhikkhunam||
yav'assa bhikkhu apattim na passanti,||
yato ca khvassa bhikkhu apattim passanti,||
tam enam evam jananti:|| ||

'Samanadusi'vayam samanapalapo samanakarandavo' ti.|| ||

Tam enam iti viditva bahiddha nasenti.|| ||

Tam kissa hetu?|| ||

Ma anne bhadrake bhikkhu dusesi ti.|| ||

Samvasayam vijanatha, papiccho kodhano iti,||
Makkhi thambhi palasi ca issuki macchari satho||
Sanhavaco janavati, samano viya bhasati,||
Raho karoti katanam papaditthi anadaro.||
Samsappi ca musavadi, tam viditva yatha katham?||
Sabbe samagga hutvana, abhinibbajjayatha nam.||
Karandavam niddhamatha, kasambun apakassatha.||
Tato palape vahetha, assamane samanamanino||
Niddhamitvana papicche, papa-akacaragocare,||
Suddhasuddhehi samvasam, kappayavho patissata Tato samagga nipaka, dukkhass'antam karissatha ti.|| ||

 


Contact:
E-mail
Copyright Statement