Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
II: Maha Vagga

Sutta 11

Veranja Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Evam me sutam:|| ||

Ekam samayam Bhagava Veranjayam viharati Nalerupucimandamule.|| ||

Atha kho Veranjo [173] brahmano yena Bhagava ten'upasankami,||
upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Veranjo brahmano Bhagavantam etad avoca:|| ||

'Sutam me tam bho Gotama,||
na Samano Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti ti.|| ||

Tayidam bho Gotama, tath'eva,||
na hi bhavam Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti.|| ||

Tayidam bho Gotama na sampannam eva' ti.|| ||

'Naham tam brahmana,||
passami sadevake loke samarake sabrahmake sassamanabrahmaniya pajaya sadeva-manussaya yam aham abhivadeyyam va paccuttheyyam va asanena va nimanteyyam.|| ||

Yam hi brahmana, Tathagato abhivadeyya va paccuttheyya va asanena va nimanteyya muddha pi tassa vipateyya' ti.|| ||

2. 'Arasarupo bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Arasarupo Samano Gotamo' ti.|| ||

Ye te brahmana, ruparasa saddarasa gandharasa rasarasa potthabbarasa,||
te Tathagatassa pahina,||
ucchinnamula talavatthukata anabhavakata ayatim anuppadadhamma.|| ||

Ayam kho brahmana, pariyayo,||
yena mam pariyayena samma vadamano vadeyya:|| ||

'Arasarupo Samano Gotamo' ti.|| ||

No ca kho yam tvam sandhaya vadesi' ti.|| ||

[174] 3. 'Nibbhogo bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Nibbhogo Samano Gotamo 'ti.|| ||

Ye te brahmana, rupabhoga saddabhoga gandhabhoga rasabhoga potthabbabhoga||
te Tathagatassa pahina ucchinnamula talavatthukata anabhavakata ayatim anuppadadhamma.|| ||

Ayam kho brahmana pariyayo,
yena pariyayena samma vadamano vadeyya:|| ||

'Nibbhogo Samano Gotamo' ti.|| ||

No ca kho yam tvam sandhaya vadesi' ti.|| ||

4. 'Akiriyavado bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Akiriyavado Samano Gotamo' ti.|| ||

Aham hi brahmana, akiriyam vadami kayaduccaritassa vaciduccaritassa manoduccaritassa,||
anekavihitanam papakanam akusalanam dhammanam akiriyam vadami.|| ||

Ayam kho brahmana pariyayo,
yena pariyayena samma vadamano vadeyya:|| ||

'Akiriyavado Samano Gotamo' ti.|| ||

No ca kho yam tvam sandhaya vadesi' ti.|| ||

5. 'Ucchedavado bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Ucchedavado Samano Gotamo' ti.|| ||

Aham hi brahmana, ucchedam vadami ragassa dosassa mohassa,||
anekavihitanam papakanam akusalanam dhammanam ucchedam vadami.|| ||

Ayam kho brahmana pariyayo,
yena pariyayena samma vadamano vadeyya:|| ||

'Ucchedavado Samano Gotamo' ti.|| ||

No ca kho yam tvam sandhaya vadesi' ti.|| ||

6. 'Jegucchi bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Jegucchi Samano Gotamo' ti|| ||

Aham hi brahmana, jigucchami kayaduccaritena vaciduccaritena manoduccaritena,||
anekavihitanam papakanam akusalanam [175] dhammanam samapattiya jigucchami.|| ||

Ayam kho brahmana pariyayo,
yena pariyayena samma vadamano vadeyya:|| ||

'Jegucchi Samano Gotamo' ti.|| ||

No ca kho yam tvam sandhaya vadesi' ti.|| ||

7. 'Venayiko bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Venayiko Samano Gotamo' ti.|| ||

Aham hi brahmana, vinayaya dhammam desemi ragassa dosassa mohassa,||
anekavihitanam papakanam akusalanam dhammanam vinayaya dhammam desemi.|| ||

Ayam kho brahmana pariyayo,
yena pariyayena samma vadamano vadeyya:|| ||

'Venayiko Samano Gotamo' ti.|| ||

No ca kho yam tvam sandhaya vadesi' ti.|| ||

8. 'Tapassi bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Tapassi Samano Gotamo' ti|| ||

Tapaniyaham brahmana, papake akusale dhamme vadami kayaduccaritam vaciduccaritam manoduccaritam,||
yassa kho brahmana,||
tapaniya papaka akusala dhamma pahina ucchinnamula talavatthukata anabhavakata ayatim anuppadadhamma,
tamaham tapassi'ti vadami,||
Tathagatassa kho brahmana,||
tapaniya papaka akusala dhamma pahina ucchinnamula talavatthukata anabhavakata ayatim anuppadadhamma.|| ||

Ayam kho brahmana pariyayo,
yena pariyayena samma vadamano vadeyya:|| ||

'Tapassi Samano Gotamo'ti' ti.|| ||

No ca kho yam tvam sandhaya vadesi' ti.|| ||

9. 'Apagabbho bhavam Gotamo' ti.|| ||

'Atthi khv esa brahmana, pariyayo,||
yena mam pariyayena samma vadamano vadeyya:|| ||

'Apagabbho Samano Gotamo' ti.|| ||

Yassa kho brahmana, ayatim gabbhaseyya punabbhavabhinibbatti pahina ucchinnamula talavatthukata anabhavakata ayatim [176] anuppadadhamma,||
tamaham apagabbhoti vadami Tathagatassa kho brahmana,||
ayatim gabbhaseyya punabbhavabhinibbatti pahina ucchinnamula talavatthukata anabhavakata ayatim anuppadadhamma.|| ||

Ayam kho brahmana pariyayo,
yena pariyayena samma vadamano vadeyya:|| ||

'Apagabbho Samano Gotamo' ti.|| ||

No ca kho yam tvam sandhaya vadesi' ti.|| ||

Seyyatha pi brahmana, kukkutiya andani attha va dasa va dvadasa va,||
tan'assu kukkutiya samma adhisayitani samma pariseditani samma paribhavitani;||
yo nu kho tesam kukkutacchapakanam pathamataram padanakhasikhaya va mukhatundakena va andakosam padaletva sotthina abhinibbhijjeyya,||
kinti svassa vacaniyo jettho va kanittho va' ti?|| ||

Jettho ti'ssa bho Gotama, vacaniyo,||
so hi n'esam bho Gotama, jettho hoti' ti.|| ||

10. Evam eva kho aham brahmana,||
avijjagataya pajaya andabhutaya,||
pariyonaddhaya avijjandakosam padaletva eko'va loke anuttaram sammasambodhim abhisambuddho.|| ||

Aham hi brahmana jettho settho lokassa.|| ||

Araddham kho pana me brahmana,||
viriyam ahosi asallinam,||
upatthita sati apamuttha,||
passaddho kayo asaraddho,||
samahitam cittam ekaggam.|| ||

11. 'So kho aham brahmana,||
vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja vihasim.|| ||

Vitakka-vicaranam vupasama ajjhattam sampasadanam cetaso ekodibhavam avitakkam avicaram samadhijam piti-sukham [177] dutiyam jhanam upasampajja vihasim.|| ||

Pitiya ca viraga upekkhako ca vihasim sato ca sampajano sukhan ca kayena patisamvedemi,||
yam tam ariya acikkhanti:|| ||

'Upekkhako satima sukhavihari' ti|| ||

tam tatiyam-jhanam upasampajja vihasim.|| ||

Sukhassa ca pahana dukkhassa ca pahana pubb'eva somanassa-domanassanam atthangama adukkha-m-asukham upekkha-sati-parisuddhim catuttham-jhanam upasampajja vihasim.|| ||

12. 'So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnamesim.|| ||

So aneka-vihitam pubbenivasam anussarami,||
seyyath'idam:|| ||

Ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo,||
visam pi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke pi samvattakappe anekepi vivattakappe anekepi samvatta-vivattakappe.|| ||

"Amutrasim evam-namo,||
evam-gotto||
evam vanno||
evam-aharo||
evam sukhadukkhapatisamvedi||
evam-ayu-pariyanto.|| ||

So tato cuto amutra upapadim,||
tatrapasim evam-namo evam-gotto evam vanno evam-aharo evam sukhadukkhapatisamvedi evam-ayu-pariyanto.|| ||

So tato cuto idhupapanno" ti.|| ||

Iti sakaram sa-uddesam aneka-vihitam pubbenivasam anussarami.|| ||

Ayam assa pathama vijja adhigata hoti,
avijja vihata,||
vijja uppanna,||
tamo vihato,||
aloko uppanno,||
yatha tam appamattassa atapino pahitattassa viharato.|| ||

Iti sakaram sa-uddesam aneka-vihitam pubbenivasam anussarami.|| ||

Ayam kho me brahmana,||
rattiya pathame yame pathama vijja adhigata||
avijja vihata||
vijja uppanna||
tamo vihato||
aloko uppanno||
yatha tam appamattassa atapino pahitattassa viharato.|| ||

Ayam kho me brahmana,||
pathama abhinibbhida ahosi kukkutacchapakass'eva andakosamha.

[178] 13. So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnamesim.|| ||

So dibbena cakkhuna visuddhena atikkanta-manusakena satte passami cavamane upjjamane,||
hine panite suvanne dubbanne sugate duggate yathakammupage satte pajanami.|| ||

"Ime vata bhonto satta kayaduccaritena samannagata,||
vaciduccaritena samannagata,||
manoduccaritena samannagata,||
ariyanam upavadaka micchaditthika||
micchaditthikammasamadana.|| ||

Te kayassa bheda param marana apayam duggatim vinipatam nirayam upapanna.|| ||

Ime va pana bhonto satta kayasucaritena samannagata,||
vacisucaritena samannagata,||
manosucaritena samannagata,||
ariyanam anupavadaka sammaditthika||
sammaditthikammasamadana.|| ||

Te kayassa bheda param marana sugatim saggam lokam uppanna" ti.|| ||

Iti dibbena cakkhuna visuddhena atikkanta-manusakena satte passami cavamane uppajjamane,||
hine panite suvanne dubbanne sugate duggate yathakammupage satte pajanami.|| ||

Ayam assa dutiya vijja adhigata hoti,||
avijja vihata,||
vijja uppanna,||
tamo vihato,||
aloko uppanno,||
yatha tam appamattassa atapino pahitattassa viharato.|| ||

Ayam kho me brahmana,||
rattiya majjhime yame dutiya vijja adhigata,||
avijja vihata||
vijja uppanna||
tamo vihato||
aloko uppanno||
yatha tam appamattassa atapino pahitattassa viharato.|| ||

Ayam kho me brahmana,||
dutiya abhinibbhida ahosi kukkutacchapakasseva andakosamha.|| ||

14. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnamesim.|| ||

So "idam dukkhan" ti yathabhutam abbhannasim.|| ||

"Ayam dukkhasamudayo" ti yathabhutam abbhannasim.|| ||

"Ayam dukkhanirodho" ti yathabhutam abbhannasim.|| ||

"Ayam dukkhanirodhagamini patipada" ti yathabhutam abbhannasim.|| ||

"Ime asava" ti yathabhutam abbhannasim.|| ||

[179] "Ayam asavasamudayo" ti yathabhutam abbhannasim.|| ||

"Ayam asavanirodho" ti yathabhutam abbhannasim.|| ||

"Ayam asavanirodhagamini patipada" ti yathabhutam abbhannasim.|| ||

Tassa me evam janato evam passato kamasava pi cittam vimuccittha,||
bhavasava pi cittam vimuccittha,||
ditthasava pi cittam vimuccittha,||
avijjasava pi cittam vimuccittha.|| ||

Vimuttasmim vimuttam iti nanam ahosi.|| ||

Khina jati,||
vusitam brahmacariyam,||
katam karaniyam,||
naparam itthattaya" ti abbhannasim.|| ||

Ayam kho me brahmana,||
rattiya pacchime yame tatiya vijja adhigata,||
avijja vihata,||
vijja uppanna,||
tamo vihato||
aloko uppanno||
yatha tam appamattassa atapino pahitattassa viharato.|| ||

Ayam kho me brahmana,||
tatiya abhinibbhida ahosi kukkutaccapakass'eva andakosambha ti.|| ||

Evam vutte veranjo brahmano Bhagavantam etad avoca:|| ||

Jettho bhavam Gotamo,||
settho bhavam Gotamo.|| ||

Abhikkantam bho Gotama,||
abhikkantam bho Gotama.|| ||

Seyyatha pi bho Gotama nikkujjitam va ukkujjeyya,||
paticchannam va vivareyya,||
mulhassa va maggam acikkheyya'||
andhakare va telapajjotam dhareyya,||
'cakkhumanto rupani dakkhinti' ti,||
evam eva bhota Gotamena aneka-pariyayena dhammo pakasito.|| ||

Esaham bhavantam Gotamam saranam gacchami||
dhamman ca||
bhikkhu sanghan ca.|| ||

Upasakam mam bhavam Gotamo dharetu ajjatagge panupetam saranam gatanti.|| ||

 


Contact:
E-mail
Copyright Statement