Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
II: Maha Vagga

Sutta 14

Khalunka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][than][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Attha ca bhikkhave assakhalunke desissami attha ca assadose,||
attha ca purisakhalunke attha ca purisadose,||
tam sunatha sadhukam manasi karotha bhasissami ti.|| ||

'Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

3. Katame ca bhikkhave, attha assakhalunka attha ca assadosa?|| ||

Idha, bhikkhave, ekacco assakhalunko 'pehi' ti vutto viddho samano codito sarathina,||
pacchato patisakkati,||
[191] pitthito ratham pativatteti.|| ||

Evarupo pi bhikkhave idh'ekacco assakhalunko hoti.|| ||

Ayam bhikkhave, pathamo assadoso.|| ||

4. Puna ca param bhikkhave,||
idh'ekacco assakhalunko 'pehi' ti vutto viddho samano codito sarathina,||
paccha lamghati,||
kubbaram hanti.|| ||

Tidandam bhanjati.|| ||

Evarupo pi bhikkhave,||
idh'ekacco assakhaludko hoti.|| ||

Ayam bhikkhave, dutiyo assadoso.|| ||

5. Puna ca param bhikkhave,||
idh'ekacco assakhalunko 'pehi' ti vutto viddho samano codito sarathina,||
rathisaya satthim ussajjitva,||
rathisam yeva ajjhomaddati.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, tatiyo assadoso.|| ||

6. Puna ca param bhikkhave,||
idh'ekacco assakhalunko 'pehi' ti vutto viddho samano codito sarathina,||
ummaggam ganhati,||
ubbatumam ratham karoti.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, catuttho assadoso.|| ||

7. Puna ca param bhikkhave,||
idh'ekacco assakhalunko 'pehi' ti vutto viddho samano codito sarathina,||
langhati purimam kayam,||
pagganhati purime pade.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, pancamo assadoso.|| ||

8. Puna ca param bhikkhave,||
idh'ekacco assakhalunko 'pehi' ti vutto viddho samano codito sarathina,||
anadiyitva sarathim anadiyitva patodam dantehi mukhadhanam [192] viddhamsitva,||
yenakamam pakkamati.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, chattho assadoso.|| ||

9. Puna ca param bhikkhave idh'ekacco assakhalunko 'pehi' ti vutto viddho samano codito sarathina,||
n'eva abhikkamati,||
no patikkamati,||
tatth'eva khilatthayi thito hoti.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, sattamo assadoso.|| ||

10. Puna ca param bhikkhave idh'ekacco assakhalunko 'pehi' ti vutto viddho samano codito sarathina,||
purime ca pade samharitva pacchime ca pade samharitva tatth'eva cattaro pade abhinisidati.|| ||

Evarupo pi bhikkhave, idh'ekacco assakhalunko hoti.|| ||

Ayam bhikkhave, atthamo assadoso.|| ||

Ime kho bhikkhave,||
attha assakhalunka attha ca assadosa.|| ||

 


 

11. Katame ca bhikkhave attha ca purisakhalunka,||
attha ca purisadosa?|| ||

Idha, bhikkhave, bhikkhu bhikkhum apattiya codenti.|| ||

So bhikkhu bhikkhuhi apattiya codiyamano:|| ||

'Na sarami na sarami' ti asatiya'va nibbetheti.|| ||

Seyyatha pi so bhikkhave,||
assakhalunko 'pehi' ti vutto viddho samano codito sarathina,||
pacchato patisakkati,||
pitthito ratham pativatteti.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, pathamo purisadoso.|| ||

12. Puna ca param bhikkhave bhikkhu bhikkhum apattiya codenti.|| ||

So bhikkhu bhikkhuhi apattiya codiyamano [193] codakam yeva patippharati:|| ||

'Kim nu kho tuyham balassa akhyattassa bhanitena,||
tvam pi nama bhanitabbam mannasi' ti?|| ||

Seyyatha pi so bhikkhave assakhalunko pehiti vutto viddho samano codito sarathina,||
paccha lalghi,||
pati kubbaram hanti,||
tidandam bhanjati.|| ||

Tathupamaham bhikkhave imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, dutiyo purisadoso.|| ||

13. Puna ca param bhikkhave,||
bhikkhu bhikkhum apattiya codenti.|| ||

So bhikkhu bhikkhuhi apattiya codiyamano codakass'eva paccaropeti:|| ||

'Tvam pi kho'si itthannamam apattim apanno.|| ||

Tvam tava pathamam patikarohi' ti.|| ||

Seyyatha pi so bhikkhave,||
assakhalunko 'pehi' ti vutto viddho samano codito sarathina||
rathisaya satthim ussajjitva rathisam yeva ajjhomaddati.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, tatiyo purisadoso.|| ||

14. Puna ca param bhikkhave,||
bhikkhu bhikkhum apattiya codenti.|| ||

So bhikkhu bhikkhuhi apattiya codiyamano annen'annam paticarati,||
bahiddha katham apanameti,||
kopan ca dosan ca appaccayam ca patukaroti.|| ||

Seyyatha pi so bhikkhave,||
assakhalunko pehiti vutto viddho samano codito sarathina,||
ummaggam ganhati,||
ubbatumam ratham karoti.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, catuttho purisadoso.|| ||

15. Puna ca param bhikkhave,||
bhikkhu bhikkhum apattiya codenti.|| ||

So bhikkhu bhikkhuhi apattiya codiyamano sanghamajjhe bahavikkhepam bhanati.|| ||

Seyyatha pi so [194] bhikkhave assakhalunko 'pehi' ti vutto viddho samano codito sarathina,||
langhati purimam kayam,||
pagganhati purime pade.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, pancamo purisadoso.|| ||

16. Puna ca param bhikkhave,||
bhikkhu bhikkhum apattiya codenti.|| ||

So bhikkhu bhikkhuhi apattiya codiyamano anadiyitva sangham anadiyitva codakam sapattiko va yenakamam pakkamati.|| ||

Seyyatha pi so bhikkhave, assakhalunko 'pehi' ti vutto viddho samano codito sarathina,||
anadiyitva sarathim
anadiyitva patodam dantehi mukhadhanam vidamsitva,||
yenakamam pakkamati.|| ||

Tathupamaham bhikkhave, imam puggalam vadami.|| ||

Eva rupo pi bhikkhave, idh'ekacco purisakhalunko hoti.|| ||

Ayam bhikkhave, chattho purisadoso.|| ||

17. Puna ca param bhikkhave bhikkhu bhikkhum apattiya codenti.|| ||

So bhikkhu bhikkhuhi apattiya codiyamano:|| ||

'Nevaham apanno'mhi,||
na panaham apanno'mhi' ti.|| ||

So tunhibhavena sangham viheseti.|| ||

Seyyatha pi so bhikkhave,||
assakhalunko 'pehi' ti vutto viddho samano codito sarathina,||
n'eva abhikkamati,||
no patikkamati,||
tatth'eva khilatthayi thito hoti.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, sattamo purisadoso.|| ||

18. Puna ca param bhikkhave bhikkhu bhikkhum apattiya codenti.|| ||

So bhikkhu bhikkhuhi apattiya codiyamano evam [195] aha:|| ||

'Kim nu kho tumhe ayasmanto atibalham mayi vyavata yava,||
idanaham sikkham paccakkhaya hinayavattissami' ti?|| ||

So sikkham paccakkhaya hinayavattitva evam aha:|| ||

'Idani kho tumhe ayasmanto attamana hotha' ti.|| ||

Seyyatha pi so bhikkhave assakhalunko 'pehi' ti vutto viddho samano codito sarathina purime ca pade samharitva pacchime ca pade samharitva tatth'eva cattaro pade abhinisidati.|| ||

Tathupamaham bhikkhave, imam puggalam vadami.|| ||

Evarupo pi bhikkhave, idh'ekacco purisakhalunko hoti.|| ||

Ayam bhikkhave, atthamo purisadoso.|| ||

Ime kho bhikkhave, attha purisakhalunka attha ca purisadosa ti.|| ||

 


Contact:
E-mail
Copyright Statement