Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ Mobile (āīūŋńñţđņļ) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
II: Maha Vagga

Sutta 16

Duteyya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Atthahi bhikkhave dhammehi samannagato bhikkhu duteyyam gantum arahati.|| ||

Katamehi atthahi?|| ||

3. Idha, bhikkhave, bhikkhu sota ca hoti saveta ca,||
uggaheta ca dhareta ca,||
vinnata ca vinnapeta ca,||
kusalo ca sahitasahitassa,||
no ca kalahakarako.|| ||

Imehi kho bhikkhave, atthahi dhammehi samannagato bhikkhu duteyyam gantum arahati.|| ||

4. Atthahi bhikkhave dhammehi samannagato Sariputto duteyyam gantum arahati.|| ||

Katamehi atthahi?|| ||

Idha, bhikkhave, Sariputto sota ca hoti saveta ca,||
uggaheta ca dhareta ca,||
vinnata ca vinnapeta ca,||
kusalo ca sahitasahitassa,||
no ca kalahakarako.|| ||

Imehi kho bhikkhave atthahi dhammehi samannagato Sariputto duteyyam gantum arahati ti.|| ||

Yo ve na byadhati patva parisam uggahavadinim||
Na ca hapeti vacanam na ca cchadeti sasanam,||
Asanditthan ca bhanati pucchito na ca kuppati,||
Sa ve tadisako bhikkhu duteyyam gantum arahati ti.|| ||

 


Contact:
E-mail
Copyright Statement   Webmaster's Page