Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
II: Maha Vagga

Sutta 19

Paharada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Evam me sutam:|| ||

Ekam samayam Bhagava Veranjayam viharati Naleru pucimandamule.|| ||

Atha kho Paharado asurindo yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thitam kho Paharadam asurindam Bhagava etad avoca:|| ||

'Api pana [198] Paharada, asura mahasamudde abhiramanti' ti?|| ||

'Abhiramanti bhante, asura mahasamudde' ti.|| ||

'Kati pana Paharada, mahasamudde acchariya abbhuta dhamma,||
ye disva disva asura mahasamudde abhiramanti' ti?|| ||

'Attha bhante, mahasamudde acchariya abbhuta dhamma ye disva disva asura mahasamudde abhiramanti.|| ||

Katame attha?|| ||

2. Mahasamuddo bhante, anupubbaninno anupubbapono anupubbapabbharo na ayataken'eva papato.|| ||

Yam pi bhante, mahasamuddo anupubbaninno anupubbapono anupubbapabbharo na ayataken'eva papato,||
ayam bhante, mahasamudde pathamo acchariyo abbhuto dhammo,||
yam disva disva asura mahasamudde abhiramanti.|| ||

3. Puna ca param bhante, mahasamuddo thitadhammo velam nativattati.|| ||

Yam pi bhante, mahasamuddo thitadhammo velam nativattati,||
ayam bhante, mahasamudde dutiyo acchariyo abbhuto dhammo,||
yam disva disva asura mahasamudde abhiramanti.|| ||

4. Puna ca param bhante, mahasamuddo na matena kunapena samvasati,||
yam hoti mahasamudade matam kunapam tam khippam eva tiram vaheti, thalam ussadeti.|| ||

Yam pi bhante, mahasamuddo na matena kunapena samvasati.|| ||

Yam hoti mahasamudde matam kunapam tam khippam eva tiram vaheti, thalam ussadeti,||
ayam bhante, mahasamudde tatiyo acchariyo abbhuto dhammo,||
yam disva disva asura mahasamudde abhiramanti.|| ||

5. Puna ca param bhante, ya kaci mahanadiyo,||
seyyathidam:||
Ganga,||
Yamuna,||
Aciravati,||
Sarabhu,||
Mahi,||
ta mahasamuddam patva jahanti purimani namagottani,||
maha- [199] samuddo tv eva sankham gacchanti.|| ||

Yam pi bhante, ya kaci mahanadiyo,||
seyyathidam:||
Ganga,||
Yamuna,||
Aciravati,||
Sarabhu,||
Mahi,||
ta mahasamuddam patva jahanti purimani namagottani,||
mahasamuddo tv eva sankham gacchanti,||
ayam bhante, mahasamudde catuttho acchariyo abbhuto dhammo,||
yam disva disva asura mahasamudde abhiramanti.|| ||

6. Puna ca param bhante, ya ka ci loke savantiyo mahasamuddam appenti,||
ya ka ci antalikkha dhara papatanti,||
na tena mahasamuddassa unattam va purattam va pannayati.|| ||

Yam pi bhante, ya ka ci loke savantiyo mahasamuddam appenti,||
ya ka ci antalikkha dhara papatanti,||
na tena mahasamuddassa unattam va purattam va pannayati,||
ayam bhante, mahasamudde pancamo acchariyo abbhuto dhammo,||
yam disva disva asura mahasamudde abhiramanti.|| ||

7. Puna ca param bhante, mahasamuddo ekaraso lonaraso.|| ||

Yam pi bhante, mahasamuddo ekaraso lonaraso,||
ayam bhante, mahasamudde chattho acchariyo abbhuto dhammo,||
yam disva disva asura mahasamudde abhiramanti.|| ||

8. Puna ca param bhante, mahasamuddo bahuratano anekaratano,||
tatr'imani ratanani,||
seyyathidam:||
mutta||
mani,||
veluriyo,||
sankho,||
sila,||
pavalam||
rajatam,||
jatarupam,||
lohitanko,||
masaragallam.|| ||

Yam pi bhante, mahasamuddo bahuratano anekaratano,||
tatr'imani ratanani,||
seyyathidam:||
mutta,||
mani,||
veluriyo,||
sankho,||
sila,||
pavalam,||
rajatam,||
jatarupam,||
lohitanko,||
masaragallam,||
ayam bhante, [200] mahasamudde sattamo acchariyo abbhuto dhammo,||
yam disva disva asura mahasamudde abhiramanti.|| ||

10. Puna ca param bhante, mahasamuddo mahatam bhutanam avaso.|| ||

Tatr'ime bhuta:||
timi||
timingala||
timiramingala||
asura,||
naga,||
gandhabba.|| ||

Santi mahasamudde yojanasatika pi attabhava,||
dviyojanasatika pi attabhava,||
tiyojanasatika pi attabhava,||
catuyojanasatika pi attabhava,||
pancayojanasatika pi attabhava.|| ||

Yam pi bhante, mahasamuddo mahatam bhutanam avaso,||
tatirame bhuta:||
timi,||
timingala||
timiramingala,||
asura,||
naga,||
gandhabba;||
santi mahasamudde yojanasatika pi attabhava,||
dviyojanasatika pi attabhava,||
tiyojanasatika pi attabhava,||
catuyojanasatika pi attabhava,||
pancayojanasatika pi attabhava,||
ayam bhante, mahasamudde atthamo acchariyo abbhuto dhammo,||
yam disva disva asura mahasamudde abhiramanti.|| ||

Ime kho bhante, mahasamudde attha acchariya abbhuta dhamma,||
ye disva disva asura mahasamudde abhiramanti' ti.|| ||

'Api pana bhante, bhikkhu imasmim dhamma-vinaye abhiramanti' ti?|| ||

'Abhiramanti Paharada, bhikkhu imasmim dhamma-vinaye' ti.|| ||

'Kati pana bhante, imasmim dhamma-vinaye acchariya abbhuta dhamma,||
ye disva disva bhikkhu imasmim dhamma-vinaye abhiramanti' ti?|| ||

10. 'Attha Paharada imasmim dhamma-vinaye acchariya abbhuta dhamma,||
ye disva disva bhikkhu imasmim dhamma-vinaye abhiramanti.|| ||

Katame attha?|| ||

11. Seyyatha pi Paharada mahasamuddo anupubbaninno anupbbapono anupubbapabbharo na ayataken'eva pa- [201] pato,||
evam eva kho Paharada imasmim dhamma-vinaye anupubbasikkha anupubbakiriya anupubbapatipada,||
na ayataken'eva annapativedho.|| ||

Yam pi Paharada, imasmim dhamma-vinaye anupubbasikkha anupbbakiriya anupubbapatipada,||
na ayataken'eva annapativedho,||
ayam Paharada, imasmim dhamma-vinaye pathamo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

12. Seyyatha pi Paharada, mahasamuddo thitadhammo velam nativattati,||
evam eva kho Paharada, yam maya savakanam sikkhapadam pannattam,||
tam mama savaka jivitahetu pi natikkamanti.|| ||

Yam pi Paharada, maya savakanam sikkhapadam pannattam,||
tam mama savaka jivitahetu pi natikkamanti,||
ayam Paharada, imasmim dhamma-vinaye dutiyo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

13. Seyyatha pi Paharada mahasamuddo na matena kunapena samvasati,||
yam hoti mahasamudde matam kunapam,||
tam khippam eva tiram vaheti thalam ussadeti,||
evam eva kho Paharada, yo so puggalo dussilo papadhammo asucisankassarasamacaro paticchannakammanto assamano samanapatinno abrahmacari brahmacaripatinno,||
antoputi avassuto kasambujato,
na tena sangho samvasati||
khippam eva sannipatitva ukkhipati,
kincapi so hoti majjhe bhikkhusanghassa nisinno,||
atha kho so araka'va sanghamha sangho ca tena.|| ||

Yam pi Paharada yo so puggalo dussilo papadhammo asucisankassarasamacaro paticchannakammanto assamano samanapatinno abrahmacari brahmacaripatinno,||
antoputi avassuto kasambujato,||
[202] na tena sangho samvasati,||
khippam eva sannipatitva ukkhipati,||
kincapi so hoti majjhe bhikkhusanghassa nisinno,||
atha kho so araka'va sanghamha sangho ca tena,||
ayam Paharada, imasmim dhamma-vinaye tatiyo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

14. Seyyatha pi Paharada, ya kaci mahanadiyo,||
seyyathidam:||
Ganga||
Yamuna||
Aciravati||
Sarabhu||
Mahi,||
ta mahasamuddam patva jahanti purimani namagottani,||
mahasamuddo tv eva sankham gacchanti,||
evam eva kho Paharada, cattaro'me vanna,||
khattiya||
brahmana||
vessa||
sudda,||
te Tathagatappavedite dhamma-vinaye agarasma anagariyam pabbajitva jahanti purimani namagottani,||
'Samana Sakyaputtiya'||
tv eva sankham gacchanti.|| ||

Yam pi Paharada, cattaro'me vanna||
khattiya||
brahmana||
vessa||
sudda,||
te Tathagatappavedite dhamma-vinaye agarasma anagariyam pabbajitva jahanti purimani namagottani,||
'Samana Sakyaputtiya'||
tv eva sankham gacchanti,||
ayam Paharada, imasmim dhamma-vinaye catuttho acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

15. Seyyatha pi Paharada, ya ca loke savantiyo mahasamuddam appenti,||
ya kaci antalikkha dhara papatanti,||
na tena mahasamuddassa unattam va purattam va pannayati,||
evam eva kho Paharada, bahu ce pi bhikkhu anupadisesaya nibbanadhatuya parinibbayanti,||
na tena nibbanadhatuya unattam va purattam va pannayati.|| ||

Yam pi Paharada, bahu ce pi bhikkhu anupadisesaya [203] nibbanadhatuya parinibbayanti,||
na tena nibbanadhatuya unattam va purattam va pannayati,||
ayam Paharada, imasmim dhamma-vinaye pancamo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

16. Seyyatha pi Paharada, mahasamuddo ekaraso lonaraso,||
evam eva kho Paharada, ayam dhammavinayo ekaraso vimuttiraso.|| ||

Yam pi Paharada, ayam dhammavinayo ekaraso vimuttiraso,||
ayam Paharada imasmim dhamma-vinaye chattho acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

17. Seyyatha pi Paharada, mahasamuddo bahuratano anekaratano,||
tatr'imani ratanani,||
seyyathidam:||
mutta,||
mani,||
veluriyo,||
sankho,||
sila,||
pavalam,||
rajatam,||
jatarupam,||
lohitanko,||
masaragallam,||
Evam eva kho Paharada, ayam dhammavinayo bahuratano anekaratano,||
tatr'imani ratanani,||
seyyathidam:
cattaro satipatthana,||
cattaro sammappadhana||
cattaro iddhipada||
pancindriyani||
panca balani||
satta bojjhanga||
ariyo atthangiko maggo.|| ||

Yam pi Paharada, ayam dhammavinayo bahuratano anekaratano,||
tatr'imani ratanani,||
seyyathidam:||
cattaro satipatthana||
cattaro sammappadhana||
cattaro iddhipada||
pancindriyani||
panca balani||
satta bojjhanga||
ariyo atthangiko maggo,||
ayam Paharada, imasmim dhamma-vinaye sattamo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

18. Seyyatha pi Paharada mahasamuddo mahatam bhutanam avaso,||
tatr'ime bhuta:||
timi||
timingala||
timi- [ 204] rapingala||
asura||
naga||
gandhabba,||
santi mahasamudde yojanasatika pi attabhava||
dviyojanasatika pi attabhava,||
tiyojanasatika pi attabhava,||
catuyojanasatika pi attabhava,||
pancayojanasatika pi attabhava||
evam eva kho Paharada, ayam dhammavinayo mahatam bhutanam avaso,||
tatr'ime bhuta:||
sotapanto,||
sotapatti phalasacchikiriyaya patipanno,||
sakadagami,||
sakadagami phalasacchikiriyaya patipanno,||
anagami,||
anagami phalasacchikiriyaya patipanno,||
araha,||
arahattaya patipanno.|| ||

Yam pi Paharada, ayam dhamma-vinaye mahatam bhutanam avaso,||
tatr'ime bhuta,||
sotapanno,||
sotapatti phalasacchikiriyaya patipanno,||
sakadagami,||
sakadagamiphalasacchikiriyaya patipanno,||
anagami,||
anagami phalasacchikiriyaya patipanno,||
araha,||
arahattaya patipanno,||
ayam Paharada, imasmim dhamma-vinaye atthamo acchariyo abbhuto dhammo,||
yam disva disva bhikkhu imasmim dhamma-vinaye abhiramanti.|| ||

Ime kho Paharada, imasmim dhamma-vinaye attha acchariya abbhuta dhamma,||
ye disva disva bhikkhu imasmim dhamma-vinaye abhiramanti ti.|| ||

 


Contact:
E-mail
Copyright Statement