Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 21

Vesalika-Ugga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bodh] Ekam samayam Bhagava Vesaliyam viharati Mahavane kutagarasalayam tatra kho Bhagava bhikkhu amantesi Bhikkhavo ti.|| ||

Bhadanteti te bhikkhu Bhagavato paccassosum.|| ||

Bhagava etad avoca:|| ||

Atthahi bhikkhave,||
acchariyehi abbhutehi dhammehi samannagatam uggam gahapatim Vesalikam dharethati.|| ||

Idam avoca [209] Bhagava,||
idam vatvana sugato utthay asana viharam pavisi.|| ||

Atha kho annataro bhikkhu pubbanhasamayam nivasetva pattacivaramadaya yena uggassa gahapatino Vesalikassa nivesanam ten'upasankami.|| ||

Upasankamitva pannatte asane nisidi.|| ||

Atha kho uggo gahapati Vesaliko yena so bhikkhu ten'upasankami.|| ||

Upasankamitva tam bhikkhum abhivadetva eka-m-antam nisidi.|| ||

Eka-m-antam nisinnam kho uggam gahapatim Vesalikam so bhikkhu etad avoca:|| ||

Atthahi kho tvam gahapati,||
acchariyehi abbhutehi dhammehi samannagato Bhagavata vyakato.|| ||

Katame te gahapati,||
attha acchariya abbhuta dhamma yehi tvam samannagato Bhagavata vyakatoti.|| ||

Na kho aham bhante,||
janami katamehi atthahi abbhutehi dhammehi samannagato Bhagavata vyakato.|| ||

Api ca bhante,||
ye me attha acchariya abbhuta dhamma samvijjanti te sunahi,||
sadhukam manasikarohi, bhasissami ti.|| ||

Evam gahapatiti kho so bhikkhu uggassa gahapatino Vesalikassa paccassosi.|| ||

Uggo gahapati Vesaliko etad avoca:|| ||

1. Yadaham bhante,||
Bhagavantam pathamam durato va addasam sahadassanen'eva me bhante Bhagavato cittam pasidi.|| ||

Ayam kho me bhante pathamo acchariyo abbhuto dhammo samvijjati.|| ||

2. So kho aham bhante,||
pasannacitto Bhagavantam payirupasim.|| ||

Tassa me Bhagava anupubbikatham kathesi,||
seyyathidam:danakatham silakatham saggakatham kamanam adinavam okaram sankilesam nekkhamme ca anisamsam pakasesi.|| ||

Yada mam Bhagava annasi kallacittam muducittam vinivaranacittam udaggacittam pasannacittam,||
atha ya buddhanam [210] samukkamsika dhammadesana,||
tam pakasesi,||
dukkham samudayam nirodham maggam.|| ||

seyyatha pi nama suddham vattham apagataka'akam samma-d-eva rajanam patiganheyya,||
evam eva kho me tasmim yeva asane virajam vitamalam dhammacakkhum udapadi,||
yam kinci samudayadhammam sabbam tam nirodhadhammanti.|| ||

So kho aham bhante,||
ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthusasane tattheva Buddhanca dhammanaca sanghanca saranam agamasim.|| ||

Brahmacariyapancamani ca sikkhapadani samadiyim.|| ||

Ayam kho me bhante,||
dutiyo acchariyo abbhuto dhammo samvijjati.|| ||

3. Tassa mayham bhante,||
catasso komariyo pajapatiyo ahesum.|| ||

Atha khvaham bhante,||
yena ta pajapatiyo ten'upasankamim.|| ||

Upasankamitva ta pajapatiyo etad avocam: maya kho bhaginiyo brahmacariyapancamani sikkhapadani samadinnani.|| ||

Ya icchati sa idh'eva bhoge ca bhunjatu! Punnani ca karotu! Sakani va natikulani gacchatu!|| ||

Hoti va pana purisadhippaya,||
kassa vo dammiti.|| ||

Evam vutte sa bhante jettha pajapati mam etad avoca: itthamnamassa mam ayyaputta purisassa dehiti.|| ||

Atha khvaham bhante,||
tam purisam pakkosapetva vamena hatthena pajapatim gahetva dakkhinena hatthena bhinkaram gahetva tassa purisassa onojesim.|| ||

Komarim kho panaham bhante,||
daram pariccajanno nabhijanami cittassa annathattam.|| ||

Ayam kho me bhante,||
tatiyo acchariyo dhammo samvijjati.|| ||

4. Samvijjanti [211] kho pana me bhante, kule bhoga.|| ||

Te ca kho appativibhatta silavantehi kalyanadhammehi.|| ||

Ayam kho me bhante,||
catuttho acchariyo abbhuto dhammo samvijjati.|| ||

5. Yam kho pana aham bhante,||
bhikkhum payirupasami,||
sakkaccamyeva payirupasami no asakkaccam.|| ||

So ce me bhante, ayasma dhammam deseti,||
sakkaccam yeva sunami,||
no asakkaccam.|| ||

No ce me so ayasma dhammam deseti,||
aham assa dhammam desemi.|| ||

Ayam kho me bhante,||
pancamo acchariyo abbhuto dhammo samvijjati.|| ||

6. So ce me bhante,||
ayasma dhammam deseti sakkaccam yeva sunami,||
no asakkaccam.|| ||

No ce me so ayasma dhammam deseti ahamassa dhammam desemi.|| ||

Ayam kho me bhante,||
chattho acchariyo abbhuto dhammo samvijjati.|| ||

7. Anacchariyam kho pana mam bhante,||
devata upasankamitva arocenti: svakkhato gahapati,||
Bhagavata dhammoti.|| ||

Evam vutte aham bhante,||
ta devata evam vadami:||
vadeyyatha va evam kho tumhe devata no va vadeyyatha,||
atha kho svakkhato Bhagavata dhammoti,||
na kho panaham bhante,||
abhijanami tatonidanam cittassa unnatim,||
mam va devata upasankamanti aham va devatahi sallapamiti.|| ||

Ayam kho me bhante,||
sattamo acchariyo abbhuto dhammo samvijjati.|| ||

8. Yanimani bhante,||
Bhagavata desitani pancorambhagiyani samyojanani,||
naham tesam kinci attani appahinam samanupassami ti.|| ||

Ayam kho me bhante,||
atthamo acchariyo abbhuto dhammo samvijjati.|| ||

Ime [212] kho bhante,||
attha acchariya abbhuta dhamma samvijjanti.|| ||

No ca kho aham janami.|| ||

Katamehipaham atthahi acchariyehi abbhutehi dhammehi samannagato Bhagavata vyakatoti.|| ||

Atha kho so bhikkhu uggassa gahapatino Vesalikassa nivesane pindapatam gahetva utthay asana pakkami.|| ||

Atha kho so bhikkhu pacchabhattam pindapatapatikkanto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi eka-m-antam nisinno kho so bhikkhu yavatako ahosi uggena gahapatina Vesalikena saddhim kathasallapo,||
tam sabbam Bhagavato arocesi.|| ||

Sadhu sadhu bhikkhu,||
yatha tam uggo gahapati Vesaliko samma vyakaramano vyakareyya imeh'eva bhikkhu,||
atthahi acchariyehi abbhutehi dhammehi samannagato uggo gahapati Vesaliko maya byakato.|| ||

Imehi ca pana bhikkhu,||
acchariyehi abbhutehi dhammehi samannagatam uggam gahapatim Vesalikam dharetha ti.|| ||

 


Contact:
E-mail
Copyright Statement