Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 22

Hatthigamaka Ugga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[212]

[1][pts][bodh] Evam me sutam:|| ||

Ekam samayam Bhagava Vajjisu viharati Hatthigame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

Bhadante ti te bhikkhu Bhagavato paccassosum.|| ||

Bhagava etad avoca:|| ||

2. 'Atthahi bhikkhave, acchariyehi abbhutehi dhammehi samannagatam Uggam gahapatim Hatthigamakam dharetha' ti.|| ||

Idam avoca Bhagava.|| ||

Idam vatva Sugato utthay asana viharam pavisi.|| ||

3. Atha kho annataro bhikkhu pubbanhasamayam nivasetva pattacivaramadaya yena Uggassa gahapatino Hatthigamakassa nivesanam ten'upasankami.|| ||

Upasankamitva pannatte asane nisidi.|| ||

Atha kho Uggo gahapati Hatthigamako yena so bhikkhu ten'upasankami.|| ||

Upasankamitva tam bhikkhum abhivadetva eka-m-antam nisidi.|| ||

Eka-m-antam nisinnam kho Uggam gahapatim Hatthigamakam so bhikkhu etad avoca:|| ||

[213] 4. Atthahi kho tvam gahapati,||
acchariyehi abbhutehi dhammehi samannagato Bhagavata vyakato.|| ||

'Katame te gahapati, attha acchariya abbhuta dhamma yehi tvam samannagato Bhagavata vyakato' ti?|| ||

'Na kho aham bhante, janami,||
katamehipaham atthahi acchariyehi abbhutehi dhammehi samannagato Bhagavata vyakato.|| ||

Apica bhante, ye me attha acchariya abbhuta dhamma samvijjanti te sunahi||
sadhukam||
manasikarohi||
bhasissami ti.|| ||

'Evam gahapati' ti so bhikkhu Uggassa gahapatino Hatthigamakassa paccassosi.|| ||

Uggo gahapati Hatthigamako etad avoca:|| ||

5. Yadaham bhante, Nagavane paricarento Bhagavantam pathamam durato'va addasam.|| ||

Saha dassanen'eva me bhante, Bhagavato cittam pasidi suramado ca pahiyyi.|| ||

Ayam kho me bhante, pathamo acchariyo abbhuto dhammo samvijjati.|| ||

So kho aham bhante, pasannacitto Bhagavantam payirupasim.|| ||

Tassa me Bhagava anupubbikatham kathesi,||
seyyathidam:||
danakatham||
silakatham||
saggakatham||
kamanam adinavam okaram sankilesam nekkhamme anisamsam pakasesi.|| ||

6. Yada mam Bhagava annasi kallacittam muducittam vinivaranacittam udaggacittam pasannacittam,||
atha ya buddhanam samukkamsika dhammadesana,||
tam pakasesi:||
dukkham||
samudayam||
nirodham||
maggam.|| ||

Seyyatha pi nama suddham vattham apagatakalakam samma-d-eva rajanam patiganheyya,||
evam eva kho me tasmim yeva asane virajam vitamalam dhammacakkhum udapadi,||
'yam kinci samudayadhammam||
sabbam tam nirodhadhamman' ti. So kho aham bhante, ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo Satthu sasane tatth' [214] eva Buddham ca dhammam ca sangham ca saranam agamasim.|| ||

Brahmacariyapancamani ca sikkhapadani samadiyim.|| ||

Ayam kho me bhante, dutiyo acchariyo abbhuto dhammo samvijjati.|| ||

7. Tassa mayham bhante,||
catasso komariyo pajapatiyo ahesum.|| ||

Atha khvaham bhante,||
yena ta pajapatiyo ten'upasankamim.|| ||

Upasankamitva ta pajapatiyo etad avocam:|| ||

'Maya kho bhaginiyo brahmacariyapancamani sikkhapadani samadinnani.|| ||

Ya icchati sa idh'eva bhoge ca bhunjatu!|| ||

Punnani ca karotu!|| ||

Sakani va natikulani gacchatu!|| ||

Hoti va pana purisadhippaya,||
kassa vo dammi' ti?|| ||

Evam vutte sa bhante jettha pajapati mam etad avoca:|| ||

'Itthamnamassa mam ayya putta purisassa dehi' ti.|| ||

Atha khvaham bhante,||
tam purisam pakkosapetva vamena hatthena pajapatim gahetva dakkhinena hatthena bhinkaram gahetva tassa purisassa onojesim.|| ||

Komarim kho panaham bhante,||
daram pariccajanto nabhijanami cittassa annathattam.|| ||

Ayam kho me bhante,||
tatiyo acchariyo dhammo samvijjati.|| ||

8. Samvijjanti kho pana me bhante, kule bhoga||
te ca kho appativibhatta silavantehi kalyanadhammehi.|| ||

Ayam kho me bhante,||
catuttho acchariyo abbhuto dhammo samvijjati.|| ||

[215] 9. Yam kho pana aham bhante,||
bhikkhum payirupasami,||
sakkaccam yeva payirupasami no asakkaccam.|| ||

So ce me bhante, ayasma dhammam deseti,||
sakkaccam yeva sunami,||
no asakkaccam.|| ||

No ce me so ayasma dhammam deseti,||
aham assa dhammam desemi.|| ||

Ayam kho me bhante, pancamo acchariyo abbhuto dhammo samvijjati.|| ||

10. Anacchariyam kho pana me bhante,||
sanghe nimantite devata upasankamitva arocenti:|| ||

'Asuko gahapati, bhikkhu ubhato-bhaga-vimutto,||
asuko pannavimutto,||
asuko kayasakkhi,||
asuko ditthappatto asuko saddhavimutto,||
asuko saddhanusari,||
asuko dhammanusari,||
asuko silava kalyanadhammo,||
asuko dussilo papadhammo' ti.|| ||

Samgham kho panaham bhante,||
parivisanto nabhijanami.|| ||

Evam cittam uppadeta:|| ||

'Imassa va thokam demi imassa va bahukan' ti.|| ||

Atha khvaham bhante, samacitto'va demi.|| ||

Ayam kho me bhante, chattho acchariyo abbhuto dhammo samvijjati.|| ||

11. Acchariyam kho pana me bhante,||
devata upasankamitva arocenti:|| ||

'Svakkhato gahapati Bhagavata dhammo' ti.|| ||

Evam vutte aham bhante,||
ta devata evam vadami:|| ||

'Vadeyyatha va evam kho tumhe devata||
no va vadeyyatha,||
atha kho svakkhato Bhagavata dhammo' ti.|| ||

Na kho panaham bhante, abhijanami tato nidanam cittassa unnatim:|| ||

'Mam va devata upasankamanti.|| ||

Aham va devatahi sallapami' ti.|| ||

Ayam kho me bhante, sattamo acchariyo abbhuto dhammo samvijjati.|| ||

[216] 12. Sace kho panaham bhante, Bhagavato pathamataram kalam kareyyam,||
anacchariyam kho pan'etam,||
yam mam Bhagava evam vyakareyya:|| ||

'N'atthi tam samyojanam,||
yena samyojanena samyutto Uggo gahapati Hatthigamako puna imam lokam agaccheyya'ti.|| ||

Ayam kho me bhante, atthamo acchariyo abbhuto dhammo samvijjati.|| ||

Ime kho bhante, attha acchariya abbhuta dhamma samvijjanti.|| ||

No ca kho aham janami,||
katamehipaham atthahi acchariyehi abbhutehi dhammehi samannagato Bhagavata vyakato ti.|| ||

13. Atha kho so bhikkhu Uggassa gahapatino Hatthigamakassa nivesane pindapatam gahetva utthay asana pakkami.|| ||

Atha kho so bhikkhu pacchabhattam pindapata patikkanto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho so bhikkhu yavatako ahosi Uggena gahapatina Hatthigamakena saddhim kathasallapo,
tam sabbam Bhagavato arocesi.|| ||

14. Sadhu sadhu bhikkhu,||
yatha tam Uggo gahapati Hatthigamako samma vyakaramano vyakareyya,||
imeh'eva kho bhikkhu, atthahi acchariyehi abbhutehi dhammehi samannagato Uggo gahapati Hatthigamako maya vyakato.|| ||

Imehi ca pana bhikkhu atthahi acchariyehi abbhutehi dhammehi samannagatam Uggam gahapatim Hatthigamakam dharetha ti.|| ||

 


Contact:
E-mail
Copyright Statement