Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 23

Hatthaka Alavaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][than][bodh] Evam me sutam:|| ||

Ekam samayam Bhagava Alaviyam viharati Aggalave cetiye.|| ||

Tatra kho Bhagava bhikkhu amantesi:||
Bhikkhavo ti.|| ||

Bhadante ti te bhikkhu Bhagavato paccassosum.|| ||

Bhagava etad avoca:|| ||

[217] 2. Sattahi bhikkhave, acchariyehi abbhutehi dhammehi samannagatam Hatthakam Alavakam dharetha.|| ||

Katamehi sattahi?|| ||

3. Saddho bhikkhave, Hatthako Alavako,||
silava bhikkhave, Hatthako Alavako,||
hirima bhikkhave, Hatthako Alavako,||
ottappi bhikkhave, Hatthako Alavako,||
bahussuto bhikkhave, Hatthako Alavako,||
cagava bhikkhave, Hatthako Alavako,||
pannava bhikkhave, Hatthako Alavako.|| ||

Imehi kho bhikkhave, sattahi acchariyehi abbhutehi dhammehi samannagatam Hatthakam Alavakam dharetha ti.|| ||

Idam avoca Bhagava.|| ||

Idam vatva Sugato utthay asana viharam pavisi.|| ||

4. Atha kho annataro bhikkhu pubbanhasamayam nivasetva pattacivaram adaya yena Hatthakassa Alavakassa nivesanam ten'upasankami.|| ||

Upasankamitva pannatte asane nisidi.|| ||

Atha kho Hatthako Alavako yena so bhikkhu ten'upasankami.|| ||

Upasankamitva tam bhikkhum abhivadetva eka-m-antam nisidi.|| ||

Eka-m-antam nisinnam kho Hatthakam Alavakam so bhikkhu etad avoca:|| ||

'Sattahi kho tvam avuso,||
acchariyehi abbhutehi dhammehi samannagato Bhagavata vyakato.|| ||

Katamehi sattahi?|| ||

Saddho bhikkhave, Hatthako Alavako,||
silava bhikkhave, Hatthako Alavako,||
hirima bhikkhave, Hatthako Alavako,||
ottappi bhikkhave, Hatthako Alavako,||
bahussuto bhikkhave, Hatthako Alavako,||
cagava bhikkhave, Hatthako Alavako,||
pannava bhikkhave, Hatthako Alavako.|| ||

Imehi kho tvam avuso,||
sattahi acchariyehi abbhutehi dhammehi samannagato Bhagavata vyakatoti.|| ||

'Kaccittha bhante,||
na koci gihi ahosi odatavasano' ti?|| ||

'Na khottha Avuso,||
koci gihi ahosi odatavasano' ti.|| ||

Sadhu bhante,||
yadettha na koci gihi ahosi odatavasanoti.|| ||

5. Atha kho so bhikkhu Hatthakassa Alavakassa nivesane pindapatam gahetva utthay asana pakkami.|| ||

Atha kho so bhikkhu pacchabhattam pindapatapatikkanto yena Bhagava [218] ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho so bhikkhu Bhagavantam etad avoca:|| ||

'Idhaham bhante,||
pubbanhasamayam nivasetva pattacivaramadaya yena Hatthakassa Alavakassa nivesanam ten'upasankamim,||
upasankamitva pannatte asane nisidim.|| ||

Atha kho bhante Hatthako Alavako yenaham ten'upasankami.|| ||

Upasankamitva mam abhivadetva eka-m-antam nisidi: eka-m-antam nisinnam kho aham bhante,||
Hatthakam Alavakam etad avocam.|| ||

Sattahi kho tvam avuso,||
acchariyehi abbhutehi dhammehi samannagato Bhagavata vyakato.|| ||

Katamehi sattahi?|| ||

Saddho bhikkhave, Hatthako Alavako,||
silava bhikkhave, Hatthako Alavako,||
hirima bhikkhave, Hatthako Alavako,||
ottappi bhikkhave, Hatthako Alavako,||
bahussuto bhikkhave, Hatthako Alavako,||
cagava bhikkhave, Hatthako Alavako,||
pannava bhikkhave, Hatthako Alavako.|| ||

Imehi kho tvam avuso,||
sattahi acchariyehi abbhutehi dhammehi samannagato Bhagavata vyakatoti.|| ||

Evam vutte bhante,||
Hatthako Alavako mam etad avoca:||
kaccittha bhante,||
na koci gihi ahosi odatavasanoti.|| ||

Na khottha avuso,||
koci gihi ahosi odata vasanoti.|| ||

Sadhu bhante,||
yadettha na koci gihi ahosi odatavasanoti.|| ||

Sadhu sadhu bhikkhu,||
appiccho so bhikkhu kulaputto santeyeva attani kusale dhamme na icchati parehi nayamane,||
tena hi tvam bhikkhu,||
iminapi atthamena acchariyena abbhutena dhammena samannagatam Hatthakam Alavakam dharehi yad idam appicchataya ti.|| ||

 


Contact:
E-mail
Copyright Statement