Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 24

Hatthaka-Alavaka Sangahavatthu Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[218]

[1][pts][than][bodh] Ekam samayam Bhagava Alaviyam viharati Aggalave cetiye.|| ||

Atha kho Hatthako Alavako panca-mattehi upa- [219] sakasatehi parivuto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Hatthakam Alavakam Bhagava etad avoca:|| ||

2. Mahati kho tyayam Hatthaka, parisa,||
katham pana tvam Hatthaka,||
imam mahatim parisam sanganhahi ti?|| ||

'Yan'imani bhante,||
Bhagavata desitani cattari sangahavatthuni,||
tenaham imam parisam sanganhami.|| ||

Aham bhante, yam janami,||
"ayam danena sangahetabbo" ti,||
tam danena sanganhami;||
yam janami||
"ayam peyyavajjena sangahetabbo" ti,||
tam peyyavajjena sanganhami;||
yam janami||
"ayam atthacariyaya sangahetabbo" ti||
tam atthacariyaya sanganhami;||
yam janami||
"ayam samanattataya sangahetabbo" ti||
tam samanattataya sanganhami.|| ||

Samvijjanti kho pana me bhante, kule bhoga,||
daliddassa kho no tatha sotabbam mannanti' ti.|| ||

3. Sadhu sadhu Hatthaka,||
yoni kho tyayam Hatthaka,||
mahatim parisam sangahetum.|| ||

Ye hi keci Hatthaka,||
atitam addhanam parisam sangahesum,||
sabbe te imeh'eva catuhi sangahavatthuhi mahatim parisam sangahesum.|| ||

Ye pi hi keci Hatthaka,||
anagatam addhanam mahatim parisam sangahessanti,||
sabbe te imeh'eva catuhi sangahavatthuhi mahatim parisam sangahi'ssanti.|| ||

Ye pi hi keci Hatthaka,||
etarahi mahatim parisam sanganhanti,||
sabbe te imeh'eva catuhi sangahavatthuhi mahatim parisam sanganhanti ti.|| ||

4. Atha kho Hatthako Alavako Bhagavata dhammiya kathaya sandassito samadapito samuttejito sampahamsito utthay asana Bhagavantam abhivadetva padakkhinam katva [220] pakkami.|| ||

Atha kho Bhagava acirapakkante hatthake Alavake bhikkhu amantesi:|| ||

5. Atthahi bhikkhave, acchariyehi abbhutehi dhammehi samannagatam Hatthakam Alavakam dharetha.|| ||

Katamehi atthahi?|| ||

6. Saddho bhikkhave, Hatthako Alavako,||
silava bhikkhave, Hatthako Alavako,||
hirima bhikkhave, Hatthako Alavako,||
ottappi bhikkhave, Hatthako Alavako,||
bahussuto bhikkhave, Hatthako Alavako,||
cagava bhikkhave, Hatthako Alavako,||
pannava bhikkhave, Hatthako Alavako.|| ||

Imehi kho bhikkhave, atthahi acchariyehi abbhutehi dhammehi samannagatam Hatthakam Alavakam dharetha ti.|| ||

 


Contact:
E-mail
Copyright Statement