Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 25

Mahanama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[220]

[1][pts][kuma][bodh] Ekam samayam Bhagava Sakkesu viharati Kapilavatthusmim Nigrodharame,||
atha kho Mahanamo Sakko yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Mahanamo Sakko Bhagavantam etad avoca:|| ||

Kittavata nu kho bhante,||
upasako hotiti:|| ||

Yato kho Mahanama,||
Buddham saranam gato hoti,||
dhammam saranam gato hoti,||
sangham saranam gato hoti,||
ettavata kho Mahanama,||
upasako hoti ti.|| ||

Kittavata pana bhante,||
upasako silava hotiti:|| ||

Yato kho Mahanama,||
upasako panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti.|| ||

Ettavata kho Mahanama,||
upasako silava hoti ti.|| ||

Kittavata pana bhante,||
upasako attahitaya patipanno hoti no parahitayati:||
[221] Yato kho Mahanama,||
upasako attana saddhasampanno hoti,||
no param saddhasampadaya samadapeti.|| ||

Attana silasampanno hoti,||
no param silasampadaya samadapeti.|| ||

Attana cagasampanno hoti,||
no param cagasampadaya samadapeti.|| ||

Attana bhikkhunam dassanakamo hoti,||
no param bhikkhunam dassane samadapeti.|| ||

Attana saddhammam sotukamo hoti,||
no param saddhammasavane samadapeti.|| ||

Attana sutanam dhammanam dharanajatiko hoti,||
no param dhammadharanaya samadapeti.|| ||

Attana dhatanam dhammanam atthupaparikkhi hoti no param atthupaparikkhaya samadapeti.|| ||

Attana attham annaya dhammam annaya dhammanudhammapatipanno hoti,||
no param dhammanudhammapatipattiya samadapeti.|| ||

Ettavata kho Mahanama upasako attahitaya patipanno hoti no parahitayati.|| ||

1. Attana va - machasam.|| ||

Kittavata pana bhante,||
upasako attahitaya ca patipanno hoti,||
parahitaya cati: Yato kho Mahanama upasako attana ca saddhasampanno hoti paranca saddhasampadaya samadapeti.|| ||

Attana ca silasampanno hoti,||
paranca silasampadaya samadapeti.|| ||

Attana ca cagasampanno hoti,||
paranca cagasampadaya samadapeti,||
attana ca bhikkhunam dassanakamo hoti,||
paranca bhikkhunam dassane samadapeti.|| ||

Attana ca saddhammam sotukamo hoti,||
paran ca saddhammasavane samadapeti.|| ||

Attana ca sutanam dhammanam dharanajatiko hoti,||
paranca dhammadharanaya samadapeti.|| ||

Attana ca dhatanam dhammanam atthuparikkhi hoti paranca atthupaparikkhaya samadapeti.|| ||

Attana ca attham annaya [222] dhammam annaya dhammanudhammapatipanno hoti,||
paran ca dhammanudhammapatipattiya samadapeti.|| ||

Ettavata kho Mahanama,||
upasako attahitaya ca patipanno hoti parahitaya ca ti.|| ||

 


Contact:
E-mail
Copyright Statement