Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
III: Gahapati-Vagga

Sutta 29

Akkhana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[225]

[1][pts][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Khanakicco loko khanakicco loko ti bhikkhave,||
assutava puthujjano bhasati,||
no ca kho so janati khanam va akkhanam va.|| ||

Atth'ime bhikkhave, akkhana asamaya brahmacariyavasaya.|| ||

Katame attha?|| ||

3. Idha, bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||

dhammo ca desiyati opasamiko parinibbayiko sambodhagami sugatappavedito,||
ayam ca puggalo nirayam upapanno hoti.|| ||

Ayam bhikkhave, pathamo akkhano asamayo brahmacariyavasaya.|| ||

[226] 4. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayam ca puggalo nirayam upapanno hoti.|| ||

Ayam bhikkhave, dutiyo akkhano asamayo brahmacariyavasaya.|| ||

5. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayan ca puggalo pettivisayam upapanno hoti.|| ||

Ayam bhikkhave, tatiyo akkhano asamayo brahmacariyavasaya.|| ||

6. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayan ca puggalo annataram dighayukam devanikayam upapanno hoti.|| ||

Ayam bhikkhave catuttho akkhano asamayo brahmacariyavasaya.|| ||

7. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayan ca puggalo paccantimesu janapadesu paccajato hoti avinnataresu milakkhesu.|| ||

Yattha n'atthi gati bhikkhunam bhikkhuninam upasakanam upasikanam.

Ayam bhikkhave pancamo akkhano asamayo brahmacariyavasaya.|| ||

8. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayamn ca puggalo majjhimesu janapadesu paccajato hoti||
micchaditthiko viparitadassano||
n'atthi dinnam||
n'atthi yittham||
n'atthi hutam||
n'atthi sukata-dukkatanam kammanam phalam vipako,
n'atthi ayam loko n'atthi paro loko||
n'atthi mata||
n'atthi pita||
n'atthi satta opapatika||
n'atthi loke samana-brahmana sammaggata sammapatipanna ye iman ca lokam paran ca lokam sayam abhinna sacchikatva pavedenti ti.|| ||

Ayam bhikkhave chattho akkhano asamayo brahmacariyavasaya.|| ||

9. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadammasarathi||
Sattha deva-manussanam||
buddho||
Bhagava,||
dhammo ca desiyati opasamiko parinibbayiko sambodhagami sugatappavedito,||
ayamn ca puggalo majjhimesu janapadesu paccajato hoti so ca hoti duppanno jalo elamugo.|| ||

Na patibalo subhasita dubbhasitassa atthamannatum.|| ||

Ayam bhikkhave sattamo akkhano asamayo brahmacariyavasaya. 10. Puna ca param bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadamma sarathi||
Sattha deva-manussanam||
buddho||
Bhagava,||
Dhammo ca na desiyati [227] opasamiko parinibbayiko sambodhagami sugatappavedito,||
ayamn ca puggalo majjhimesu janapadesu paccajato hoti||
so ca hoti pannava ajalo anelamugo patibalo subhasita dubbhasitassa atthamannatum.|| ||

Ayam bhikkhave, atthamo akkhano asamayo brahmacariyavasaya.|| ||

Ime kho bhikkhave, attha akkhana asamaya brahmacariyavasaya.|| ||

11. Eko va bhikkhave, khano ca samayo ca brahmacariyavasaya.|| ||

Katamo eko?|| ||

12. Idha bhikkhave, Tathagato ca loke uppanno hoti||
araham||
samma sambuddho||
vijjacaranasampanno||
Sugato||
lokavidu anuttaro purisadamma sarathi||
Sattha deva-manussanam||
buddho||
Bhagavadhammo ca desiyati opasamiko parinibbayiko sambodhagami sugatappavedito,||
ayan ca puggalo majjhimesu janapadesu paccajato hoti.|| ||

So ca hoti pannava ajalo anelamugo patibalo subhasita dubbhasitassa atthamannatum.|| ||

Ayam bhikkhave, eko va khano ca samayo ca brahmacariyavasaya ti.

Manussalabham laddhana saddhamme suppavedite,||
Ye khanam nadhigacchanti atinamenti te khanam.

Bahuhi akkhana vutta puggalass'antarayika,||
Kadaci karahaci loke uppajjanti Tathagata.

Tayidam sammukhibhutam yam lokasmim sudullabham,||
Manussapatilabho ca saddhammassa ca desana,||
Alam vayamitum tattha atthakamena jantuna.

[228] Katham vijanna saddhammam khano ve ma upaccaga?||
Khanatita hi socanti nirayamhi samappita.

Idha-m'eva nam viradheti saddhammassa niyamatam,||
Vanijo va atitattho cirattam anutapessati.

Avijjanivuto poso saddhammam aparadhiko,||
Jatimaranasamsaram ciram paccanubhossati.

Ye ca laddha manussattam saddhamme suppavedite,||
Akamsu Satthu vacanam karissanti karonti va.

Khanam paccavidum loke brahmacariyam anuttaram,||
Ye maggam patipajjimsu Tathagatappaveditam.

Ye samvara cakkhumata desitadiccabandhuna,||
Tesu gutto sada sato viharetha anavassuto.

Sabbe anusaye chetva Maradheyya saranuge,||
Te ve paragata loke ye patta asavakkhayan ti.

 


Contact:
E-mail
Copyright Statement