Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
IV. Dana Vagga

Sutta 34

Khettupama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[237]

[1][pts][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Atthangasamannagate bhikkhave, khette bijam vuttam na mahapphalam hoti||
na mahassadam||
na phatiyeyyam.|| ||

Katham atthangasamantagate?|| ||

2. Idha, bhikkhave, khettam unnamaninnami ca hoti,||
pasanasakkharillan ca hoti,||
usaranca hoti,||
na ca gambhirasitam hoti,||
aa ayasampannam hoti,||
na apayasampannam hoti,||
na matikasampannam hoti,||
na mariyadasampannam hoti.|| ||

Evam atthangasamannagate bhikkhave khette bijam vuttam na mahapphalam hoti,||
na mahassadam,||
na phatiyeyyam.|| ||

Evam eva kho bhikkhave atthangasamannagatesu samanabrahmanesu danam dinnam na mahapphalam hoti,||
na mahanisamsam||
na mahajutikam||
na mahavippharam.|| ||

Katham atthangasamannagatesu?|| ||

3. Idha, bhikkhave, samana-brahmana,||
miccha-ditthika honti||
miccha-sankappa,||
miccha-vaca,||
miccha-kammanta,||
miccha-ajiva,||
miccha-vayama,||
miccha-satino,||
miccha-samadhino.|| ||

Evam atthangasamannagatesu bhikkhave samanabrahmanesu danam dinnam na mahapphalam hoti,||
na mahanisamsam,||
na mahajutikam,||
na mahavippharam.|| ||

 


 

4. Atthangasamannagate bhikkhave, khette bijam vuttam mahapphalam hoti,||
mahassadam phatiyeyyam.|| ||

Katham atthangasamannagate?|| ||

5. Idha, bhikkhave, khettam anunnamaninnami ca hoti,||
apasanasakkharillan ca hoti,||
anusaran ca hoti,||
gambhi- [238] rasitam hoti,||
ayasampannam hoti,||
apayasampannam hoti,||
matikasampannam hoti,||
mariyadasampannam hoti.|| ||

Evam atthangasamannagate bhikkhave, khette bijam vuttam mahapphalam hoti,||
mahassadam phatiyeyyam.|| ||

Evam eva kho bhikkhave, atthangasamannagatesu samanabrahmanesu danam dinnam mahapphalam hoti,||
mahanisamsam,||
mahajutikam,||
mahaviptharam.|| ||

Katham atthangasamannagatesu?|| ||

6. Idha bhikkhave, samana-brahmana||
samma-ditthika honti,||
samma-sankappa,||
samma-vaca,||
samma-kammanta,||
samma-ajiva,||
samma-vayama,||
samma-satino,||
samma-samadhino.|| ||

Evam atthangasamannagatesu bhikkhave, samanabrahmanesu danam dinnam mahapphalam hoti,||
mahanisamsam,||
mahajutikam,||
mahavippharanti.|| ||

Yatha pi khette sampanne - pavutta bijasampada,||
Deve sampadayantamhi - hoti dhannassa sampada|| ||

Aniti sampada hoti - virulhi bhavati sampada,||
Vepullam sampada hoti - phalam ve hoti sampada.|| ||

Evam sampannasilesu - dinna bhojanasampada,||
Sampadanam upaneti - sampannam hi'ssa tam katam|| ||

Tasma sampadam akankhi - sampannattho'dha puggalo,||
Sampannapanne sevetha - evam ijjhanti sampada.|| ||

Vijjacaranasampanno - laddha cittassa sampadam,||
Karoti kammasampadam - labhati c'atthasampadam.|| ||

Lokam natva yathabhutam - pappuyya ditthisampadam,||
Maggasampadam agamma - yati sampannamanaso.|| ||

[239]Odhunitva malam sabbam - patva nibbana sampadam,||
Muccati sabbadukkhehi - sa hoti sabbasampada.|| ||

 


Contact:
E-mail
Copyright Statement