Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
VIII. Atthaka Nipata
V. Uposatha Vagga

Sutta 46

Anuruddha-Manapakayika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[262]

[1][pts][bodh] Evam me sutam:|| ||

Ekam samayam Bhagava Kosambiyam viharati Ghositarame.|| ||

Tena kho pana samayena ayasma Anuruddho divaviharam gato hoti patisallino.|| ||

Atha kho sambahula manapakayika devata yena ayasma Anuruddho ten'upasankamimsu.|| ||

Upasankamitva ayasmantam Anuruddham abhivadetva eka-m-antam atthamsu.|| ||

Eka-m-antam thita kho ta devata ayasmantam Anuruddham etad avocum:|| ||

Mayam [263] bhante Anuruddha,||
manapakayika nama devata tisu thanesu issariyam karema vasam vattema.|| ||

Mayam bhante Anuruddha,||
yadisakam vannam akankhama||
tadisakam vannam thanaso patilabhama.|| ||

Mayam bhante Anuruddha,||
yadisakam saram akankhama||
tadisakam saram thanaso patilabhbhama.|| ||

Mayam bhante Anuruddha,||
yadisakam sukham akkhankhama||
tadisakam sukham thanaso patilabhama.|| ||

Mayam bhante Anuruddha,||
manapakayika nama devata imesu tisu thanesu issariyam karema vasam vattema' ti.|| ||

2. Atha kho ayasmato Anurudassa etad ahosi:|| ||

'Aho vat'ima devata sabba'va nila assu nilavanna nilavattha nilalamkara' ti.|| ||

Atha kho ta devata ayasmato Anuruddhassa cittam annaya sabba'va nila ahesum nilavanna nilavattha nilalamkara.|| ||

Atha kho ayasmato Anuruddassa etad ahosi:|| ||

'Aho vat'ima devata sabba'va pita assu pitavanna pitavattha pitalamkara' ti.|| ||

Atha kho ta devata ayasmato Anuruddhassa citta mannaya sabba'va pita ahesum pitavanna pitavattha pitalamkara.|| ||

Atha kho ayasmato Anuruddassa etad ahosi:|| ||

'Aho vat'ima devata sabba'va lohitaka assu lohitaka vanna lohitakavattha lohitalamkara' ti.|| ||

Atha kho ta devata ayasmato Anuruddhassa citta mannaya sabba'va lohita ahesum lohitakavanna lohitakavattha lohitakalamkara.|| ||

Atha kho ayasmato Anuruddassa etad ahosi:|| ||

'Aho vat'ima devata sabba'va odata assu odatavanna odatavattha odatalamkara' ti.|| ||

Atha kho ta devata ayasmato Anuruddhassa citta mannaya sabba'va odata ahesum odatavanna odatavattha odatalamkara.|| ||

Atha kho ta devata eka'va gayi,||
eka'va nacci,||
eka'va accharikam vadesi.|| ||

Seyyatha pi nama pancangikassa turiyassa suvinitassa suppatipatalitassa kusalehi susamannagatassa saddo hoti vaggu ca rajaniyo ca kamaniyo ca pemaniyo ca madaniyo ca, [264]||
evam eva tasam devatanam alamkaranam saddo hoti vaggu ca rajaniyo ca kamaniyo ca pemaniyo ca madaniyo ca.|| ||

Atha kho ayasma Anuruddho indriyani okkhipi.|| ||

Atha kho ta devata|| ||

'na khv ayyo Anuruddho sadiyati' ti tatth'ev'antaradhayimsu.|| ||

3. Atha kho ayasma Anuruddho sayanhasamayam patisallana vutthi yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anuruddho Bhagavantam etad avoca:|| ||

Idhaham bhante, divaviharam gato homi patisallino.|| ||

Atha kho bhante, sambahula manapakayika devata yenaham ten'upasankamimsu.|| ||

Upasankamitva mam abhivadetva eka-m-antam atthamsum.|| ||

Eka-m-antam thita kho bhante,||
ta devata mam etad avocum:|| ||

Mayam bhante Anuruddha,||
manapakayika nama devata tisu thanesu issariyam karema vasam vattema.|| ||

Mayam bhante Anuruddha,||
yadisakam vannam akankhama||
tadisakam vannam thanaso patilabhama.|| ||

Mayam bhante Anuruddha,||
yadisakam saram akankhama||
tadisakam saram thanaso patilabhbhama.|| ||

Mayam bhante Anuruddha,||
yadisakam sukham akkhankhama||
tadisakam sukham thanaso patilabhama.|| ||

Mayam bhante Anuruddha,||
manapakayika nama devata imesu tisu thanesu issariyam karema vasam vattema' ti.|| ||

Tassa mayham bhante etad ahosi:|| ||

'Aho vat'ima devata sabba'va nila assu nilavanna nilavattha nilalamkara' ti.|| ||

Atha kho ta devata mama cittam annaya sabba'va nila ahesum nilavanna nilavattha nilalamkara.|| ||

Tassa mayham bhante etad ahosi:|| ||

'Aho vat'ima devata sabba'va pita assu pitavanna pitavattha pitalamkara' ti.|| ||

Atha kho ta devata mama citta mannaya sabba'va pita ahesum pitavanna pitavattha pitalamkara.|| ||

Tassa mayham bhante etad ahosi:|| ||

'Aho vat'ima devata sabba'va lohitaka assu lohitaka vanna lohitakavattha lohitalamkara' ti.|| ||

Atha kho ta devata mama citta mannaya sabba'va lohita ahesum lohitakavanna lohitakavattha lohitakalamkara.|| ||

Tassa mayham bhante etad ahosi:|| ||

'Aho vat'ima devata sabba'va odata assu odatavanna odatavattha odatalamkara' ti.|| ||

Atha kho ta devata [265] mama citta mannaya sabba'va odata ahesum odatavanna odatavattha odatalamkara.|| ||

Atha kho bhante ta devata eka'va gayi,||
eka'va nacci,||
eka'va accharikam vadesi.|| ||

Seyyatha pi nama pancangikassa turiyassa suvinitassa suppatipatalitassa kusalehi susamannagatassa saddo hoti vaggu ca rajaniyo ca kamaniyo ca pemaniyo ca madaniyo ca,||
evam eva tasam devatanam alamkaranam saddo hoti vaggu ca rajaniyo ca kamaniyo ca pemaniyo ca madaniyo ca.|| ||

Atha khv aham bhante indriyani okkhipi.|| ||

Atha kho bhante ta devata|| ||

'Na khv ayyo Anuruddho sadiyati ti tatth'ev'antaradhayimsu.|| ||

Katihi nu kho bhante,||
dhammehi samannagato matugamo kayassa bheda param marana manapakayikanam devanam sahavyatam upapajjati' ti?|| ||

4. Atthahi kho Anuruddha, dhammehi samannagato matugamo kayassa bheda param marana manapakayikanam devanam sahavyatam upapajjati.|| ||

Katamehi atthahi?|| ||

5. Idha Anuruddha, matugamo yassa mata-pitaro bhattuno denti,||
atthakama hitesino anukampaka anukampam upadaya,||
tassa hoti pubbutthayini pacchanipatini kinkarapatissavini manapacarini piyavadini.|| ||

6. Ye te bhattu garuno honti,||
'mata' ti va 'pita' ti va 'samana-brahmana' ti va,||
te sakkaroti garukaroti maneti pujeti abbhagate ca asanodakena patipujeti.|| ||

7. Ye te bhattu abbhantara kammanta 'unna' ti va 'kappasa' ti va||
tattha dakkha hoti analasa tatrupayaya vimamsaya samannagata alan katum alam samvidhatum.|| ||

8. Yo so bhatatu abbhantaro anto- [266] jano 'dasa' ti va 'pessa' ti va,||
'kammakara' ti va,||
tesam katan ca katato janati,||
akatan ca akatato janati,||
gilanakanan ca balabalam janati,||
khadaniyam bhojaniyan c'assa paccamsena samvibhajati.|| ||

Yam hattu aharati dhanam va dhannam va rajatam va jatarupam va,||
tam arakkhena guttiya sampadeti,||
tattha ca hoti adhutti atheni asondi avinasika.|| ||

Upasika kho pana hoti Buddham saranam gata,||
dhammam saranam gata||
Sangham saranam gata.|| ||

Silavati kho pana hoti panatipata pativirata,||
adinnadana pativirata||
kamesu micchacara pativirata||
musa-vada pativirata||
surameraya majjapamadatthana pativirata.|| ||

Cagavati kho pana hoti vigatamalamaccherena cetasa agaram ajjhavasati muttacaga payatapani vossaggarata yacayoga danasamviharagarata.|| ||

Imehi kho Anuruddha, atthahi dhammehi samangato matugamo kayassa bheda param marana manapakayikanam devanam sahavyatam upapajjati ti.|| ||

Yo nam bharati sabbada niccam atapi ussuko,||
Tam sabbakamadam posam bhattaram natimannati.|| ||

Na capi sotthi bhattaram issavadena rosaye,||
Bhattu ca garuno sabbe patipujeti pandita.|| ||

Utthayika analasa sangahitaparijjana,||
Bhattu manapam carati sambhatam anurakkhati.|| ||

Ya evam vattati nari bhattu chandavasanuga,||
Manapa nama te deva yattha sa upapajjati ti.|| ||

 


Contact:
E-mail
Copyright Statement