Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata
Gotami Vaggo

Sutta 51

Gotami Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Sakkesu viharati Kapilavatthusmim Nigrodharame.|| ||

Atha kho Mahapajapati Gotami yena Bhagava ten'upasankami,||
upasankamitva Bhagavantam abhivadetva eka-m-antam atthasi.|| ||

Eka-m-antam thita kho Mahapajapati Gotami Bhagavantam etad avoca:|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.|| ||

'Alam Gotami, ma te rucci matugamassa Tathagatappavedite dhamma-vinaye agarasma anagariyam pabbajja' ti.|| ||

2. Dutiyam pi kho Mahapajapati Gotama6 Bhagavantam etad avoca:|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.|| ||

'Alam Gotami, ma te rucci matugamassa Tathagatappavedite dhamma-vinaye agarasma anagariyam pabbajja' ti.|| ||

3. Tatiyam pi kho Mahapajapati Gotami Bhagavantam etad avoca:|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.

Alam Gotami, ma te rucci matugamassa Tathagatappavedite dhamma-vinaye agarasma anagariyam pabbajja' ti.|| ||

Atha kho Mahapajapati Gotami 'na Bhagava anujanati matugamassa Tathagatappavedite dhamma-vinaye agarasma anagariyam pabbajjan' ti dukkhi dummana assumukhi rudamana Bhagavantam abhivadetva padakkhinam katva pakkami.|| ||

4. Atha kho Bhagava Kapilavatthusmim yathabhirantam viharitva yena Vesali tena carikam pakkami.|| ||

Anupubbena carikam caramano yena Vesali tad avasari.|| ||

Tatra sudam Bhagava Vesaliyam viharati Mahavane Kutagarasalayam.|| ||

Atha kho Mahapajapati Gotami keke chedapetva kasayani vatthani acchadetva sambahulabhi Sakiyanihi saddhim yena Vesali tena pakkami.|| ||

Anupubbena yena Vesali Mahavane Kutagarasalam ten'upasankami.|| ||

Atha kho Mahapajapati Gotami sunehi padehi rajokinnena gattena dukkhi dummana assumukhi rudamana bahi dvarakotthake atthasi.|| ||

Addasa kho ayasma Anando Mahapajapatim Gotamim sunehi padehi rajokinnena gattena dukkhim dummanam assumikhim rudamanam bahi dvarakotthake thitam,||
disva Mahapajapatim Gotamim etad avoca:|| ||

'Kin nu tvam Gotami, sunehi padehi rajokinnena gattena dukkhi dummana assumukhi rudamana bahi dvarakotthake thita' ti?

'Tatha hi pana bhante Ananda, Bhagava na anujanati matugamassa Tathagatappavedite dhamma-vinaye agarasma anagariyam pabbajjan' ti.

'Tena hi Gotami, idh'eva tava hohi, yavaham Bhagavantam yacami matugamassa Tathagatappavedite dhamma-vinaye agarasma anagariyam pabbajjan' ti.|| ||

5. Atha kho ayasma Anando yena Bhagava ten'upasankami,||
upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

'Esa bhante, Mahapajapati Gotami sunehi padehi rajokinnena gattena dukkhi dummana assumukhi rudamana bahi dvarakotthake thita,||
'na Bhagava anujanati matugamassa Tathagatappavedite dhamma-vinaye agarasma anagariyam pabbajjan' ti.|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan'ti.|| ||

Alam Ananda, ma te rucci matugamassa Tathagatappavedite dhamma-vinaye agarasma anagariyam pabbajja' ti.|| ||

Dutiyam pi kho ayasma Anando Bhagavantam etad avoca:|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.

'Alam Ananda, ma te rucci matugamassa Tathagatappavedite dhamma-vinaye agarasma anagariyam pabbajja' ti.|| ||

Tatiyam pi kho ayasma Anando Bhagavantam etad avoca:|| ||

'Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.|| ||

'Alam Ananda, mate rucci matugamassa Tathagatappavedite dhamma vinaye agarasma anagariyam pabbajjan' ti.|| ||

6. Atha kho ayasmato Anandassa etad ahosi:|| ||

'Na Bhagava anujanati matugamassa Tathagatappavedite dhamma-vinaye agarasma anagariyam pabbajjam.|| ||

Yan nunnaham annena pi pariyayena Bhagavantam yaceyyam matugamassa Tathagatappavedite dhamma-vinaye agarasma anagariyam pabbajjan' ti.|| ||

Atha kho ayasma Anando Bhagavantam etad avoca:|| ||

'Bhabbo nu kho bhante, matugamo Tathagatappavedite dhamma-vinaye agarasma anagariyam pabbajitva||
sotapattiphalam va||
sakadagamiphalam va||
anagamiphalam va||
arahattaphalam va sacchikatun' ti?|| ||

'Bhabbo Ananda matugamo Tathagatappavedite dhamma-vinaye agarasma anagariyam pabbajitva||
sotapattiphalam pi||
sakadagamiphalam pi||
anagamiphalam pi||
arahattaphalam pi sacchikatun' ti.|| ||

'Sace bhante, bhabbo matugamo Tathagatappavedite dhamma-vinaye agarasma anagariyam pabbajitva||
sotapattiphalam pi||
sakadagamiphalam pi||
anagamiphalam pi||
arahattaphalam pi||
arahattaphalam pi sacchikatum,||
bahupakara Bhante, Mahapajapati Gotami Bhagavato matuccha apadika posika,||
Bhagavantam janettiya kalakataya thannam payesi.

Sadhu bhante, labheyya matugamo Tathagatappavedite dhamma-vinaye agarasma anagariyam pabbajjan' ti.|| ||

7. 'Sace Ananda, Mahapajapati Gotami attha garudhamme patiganhati,||
sa'v'assa hotu upasampada.|| ||

1. "Vassasatupasampannaya bhikkhuniya tadahupasampannassa bhikkhuno abhivadanm paccutthanam anjalikammam samicikammam kattabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

2. Na bhikkhuniya abhikkhuke avase vassam upagantabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

3. Anvaddhamasam bhikkhuniya bhikkhu-sanghato uposatha pucchakan ca ovadupasankamanan ca pariyesitabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

4. Vassam vutthaya bhikkhuniya ubhato sanghe tihi thanehi pavaretabba:||
ditthena sutena parisankaya.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

5. Garudhammam ajajhapannaya bhikkhuniya ubhato sanghe pakkhamanattam caritabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

6. Dve vassani chasu dhammesu sikhkhitasikkhaya sikkhamanaya ubhato sanghe upasampada pariyesitabba.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

7. Na kenaci pariyayena bhikkhuniya bhikkhu akkositabbo paribhasitabbo.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

8. Ajja-t-agge Ananda, ovato bhikkhuninam bhikkhusu vacanapatho, anovato bhikkhunam bhikkhunisu vacanapatho.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

Sace Ananda, Mahapajapati Gotami ime attha garudhamme patiganhati,||
sa'v'assa hotu upasampada' ti.|| ||

8. Atha kho ayasma Anando Bhagavato santike ime attha garudhamme uggahetva yena Mahapajapati Gotami ten'upasankami.|| ||

Upasankamitva mahapajapatim Gotamim etad avoca:|| ||

'Sace kho tvam Gotami, attha garudhamme patiganheyyasi,||
sa'va te bhavissati upasampada.

1. "Vassasatupasampannaya bhikkhuniya tadahupasampannassa bhikkhuno abhivadanm paccutthanam anjalikammam samicikammam kattabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

2. Na bhikkhuniya abhikkhuke avase vassam upagantabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

3. Anvaddhamasam bhikkhuniya bhikkhu-sanghato uposatha pucchakan ca ovadupasankamanan ca pariyesitabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

4. Vassam vutthaya bhikkhuniya ubhato sanghe tihi thanehi pavaretabba:||
ditthena sutena parisankaya.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

5. Garudhammam ajajhapannaya bhikkhuniya ubhato sanghe pakkhamanattam caritabbam.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

6. Dve vassani chasu dhammesu sikhkhitasikkhaya sikkhamanaya ubhato sanghe upasampada pariyesitabba.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

7. Na kenaci pariyayena bhikkhuniya bhikkhu akkositabbo paribhasitabbo.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

8. Ajja-t-agge, ovato bhikkhuninam bhikkhusu vacanapatho, anovato bhikkhunam bhikkhunisu vacanapatho.|| ||

Ayam pi dhammo sakkatva gakarukatva manetva pujetva yavajivam anatikkamaniyo.|| ||

Sace ko tvam Gotami, ime attha garudhamme patiganhayyasi,||
sava te bhavissati upasampada' ti.|| ||

'Seyyatha pi bhante Ananda, itthi va puriso va daharo yuva mandanakajatiko sisam nahato uppalamalam va vassikamalam va atimuttakamalam va lahitva ubhohi hatthehi patiggahetva uttamange sirasmim patitthapeyya.|| ||

Evam eva kho aham bhante, ime attha garudhamme patiganhissami yavajivam anatikkamaniye' ti.|| ||

9. Atha kho ayasma Anando yena Bhagava ten'upasankami,||
upasankamitva Bhagavantam abhivadetva eka-m-antam nisidi,||
eka-m-antam nisinno kho ayasma Anando Bhagavantam etad avoca:|| ||

'Patiggahita bhante, mahapajapatiya Gotamiya attha garudhamma yavajivam anatikkamaniya' ti.|| ||

'Sace Ananda, nalabhissa matugamo Tathagatappavedite dhamma-vinaye agarasma anagariyam pabbajjam,||
ciratthitikam Ananda, brahmacariyam abhavissa,||
vassasahassam eva saddhammo tittheyya.|| ||

Yato ca kho Ananda, matugamo Tathagatappavedite dhamma-vinaye agarasma anagariyam pabbajito,||
na dani Ananda, brahmacariyam ciratthitikam bhavissati,||
panc'eva dani Ananda, vassasatani saddhammo thassati.|| ||

Seyyatha pi Ananda, yani kanici kulani bahukitthikani appurisakani,||
tani suppadhamsiyani honti corehi kumbhatthenakehi.|| ||

Evam eva kho Ananda, yasmim dhamma-vinaye labhati matugamo agarasma anagariyam pabbajjam,||
na tam brahmacariyam ciratthitikam hoti.|| ||

Seyyatha pi Ananda, sampanne salikkhette setatthika nama rogajati nipatati,||
evam tam salikkhettam na ciratthitikam hoti.|| ||

Evam eva kho Ananda, yasmim dhamma-vinaye labhati matugamo agarasma anagariyam pabbajjam,||
na tam brahmacariyam ciratthitikam hoti.|| ||

Seyyatha pi Ananda, sampanne ucchukhette manjetthika nama rogajati nipatti,||
evam tam ucchukhettam na ciratthitikam hoti.|| ||

Evam eva kho Ananda, yasmim dhamma-vinaye labhati matugamo agarasma anagariyam pabbajjam,||
na tam brahmacariyam ciratthitikim hoti.|| ||

Seyyatha pi Ananda, puriso mahato talakassa patigacc'eva alim bandheyya yava-d'eva udakassa anatikkamanaya,||
evam eva kho Ananda maya patigacc'eva bhikkhuninam attha garudhamma pannatta yavajivam anatikkamaniya' ti.|| ||

 


Contact:
E-mail
Copyright Statement