Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata
Gotami Vaggo

Sutta 52

Bhikkhunovadaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Vesaliyam viharati Mahavane Kutagarasalayam.|| ||

Atha kho ayasma Anando yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

'Kati hi nu kho bhante,||
dhammehi samannagato bhikkhu bhikkhuno vadako sammantitabbo' ti?|| ||

2. Atthahi kho Ananda, dhammehi samannagato bhikkhu bhikkhuno'vadako sammannitabbo.|| ||

Katamehi atthahi?|| ||

3. Idha, Ananda, silava ca hoti patimokkha-samvara-samvuto viharati,||
acara-gocara-sampanno anumattesu vajjesu bhaya-dassavi samadaya sikkhati sikkhapadesu.|| ||

4. Bahussuto hoti sutadharo sutasannicayo,||
ye te dhamma adikalyana majjhekalyana pariyosanakalyana sattham savyanjanam kevalaparipunnam parisuddham brahmacariyam abhivadanti,||
tatharupassa dhamma bahussuta honti.|| ||

Dhata vacasa paricita manasanupekkhita ditthiya suppatividdha.|| ||

5. Ubhayani kho pan'assa patimokkhani vittharena svagatani honti suvibhattani suppavattini suvinicchitani suttaso anuvyanjanaso.|| ||

6. Kalyanavaco hoti kalanavakkarano poriya vacaya samannagato vissatthaya anelagalaya atthassa vinnpaniya.|| ||

7. Patibalo [280] hoti bhikkhunisanghassa dhammiya kathaya sandassetum samadapetum samuttejetum sampahamsetum.|| ||

8. Yebhuyyena bhikkhuninam piyo hoti manapo.|| ||

9. Na kho pan'etam Bhagavantam uddisam pabbajitaya kasayavavatthanivasanaya garudhammam ajjhapannupubbo hoti.|| ||

10. Visativasso va hoti atirekavisati vasso va.|| ||

Imehi kho Ananda, atthahi dhammehi samannagato bhikkhu bhikkhunovadako sammantitabbo ti.|| ||

 


Contact:
E-mail
Copyright Statement