Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata

Sutta 54

Byagghapajja Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

[281]


 

[1][pts][than][nara] Evam me sutam:|| ||

Ekam samayam Bhagava Koliyesu viharati Kakkarapattam nama Koliyanam nigamo.|| ||

Atha kho Dighajanu Koliyaputto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Dighajanu Koliyaputto Bhagavantam etad avoca:|| ||

'Mayam bhante, gihi kamabhogi.|| ||

Puttasambadhasayanam ajajhavasama,||
kasikacandanam paccanubhoma,||
malagandhavilepanam dharayama,||
jataruparajatam sadiyama.|| ||

Tesam no bhante,||
Bhagava amhakam tatha dhammam desetu,||
ye amhakam assa dhamma ditthadhammahitaya ditthadhammasukhaya samparaya sukhaya' ti.|| ||

2. Cattaro'me Byagghapajja, dhamma kulaputtassa ditthadhammahitaya samvattanti ditthadhammasukhaya.|| ||

Katame cattaro?|| ||

3. Utthanasampada||
arakkhasampada||
kalyanamittata||
samajivikata.|| ||

4. Katama ca Byagghapajja, utthanasampada?|| ||

Idha Byagghapajja kulaputto yena kammatthanena jivikam kappeti,||
yadi kasiya||
yadi vanijjaya||
yadi gorakkhena||
yadi issatthena,||
yadi rajaporisena||
yadi sippannatarena.|| ||

Tattha dakkho hoti analaso tatrupayaya vimamsaya samannagato alam katum alam samvidhatum.|| ||

Ayam vuccati Byagghapajja, utthanasampada.|| ||

5. Katama ca Byagghapajja, arakkhasampada?|| ||

Idha Byagghapajja, kulaputtassa bhoga honti [282] utthanaviriyadhigata bahabalaparicita sedavakkhitta dhammika dhammaladdha,||
te arakkhena guttiya sampadeti||
'Kitti me ime bhoge n'eva rajano hareyyum,||
na cora hareyyum,||
na aggi daheyya,||
na udakam vaheyya,||
na appiya dayada hareyyun' ti?|| ||

Ayam vuccati Byagghapajja, arakkhasampada.|| ||

6. Katama ca Byagghapajja, kalayanamittata?|| ||

Idha Byagghapajja, kulaputto yasmim game va nigame va pativasati.|| ||

Tatta ye te honti gahapati va gahapiputto va dahara va vuddhasilino vuddha va vuddhasilino saddhasampanna silasampanna cagasampanna pannasampanna,||
tehi saddhim santitthati sallapati sakaccham samapajjati.|| ||

Yatha rupanam saddhasampannanam saddhasampadam anusikkhiti,||
yatharupanam silasampannanam silasampadam anusikkhati,||
yatharupanam cagasampannanam cagasampadam anusikkhati,||
yatharupanam pannasampannanam pannasampadam anusikkhati.|| ||

Ayam vuccati Byagghapajja, kalyanamittata.|| ||

7. Katama ca Byagghapajja, samajivita?|| ||

Idha Byagghapajja, kulaputto ayan ca bhoganam viditva vayan ca bhoganam viditva samam jivikam kappeti na accogalham na atihinam,||
'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Seyyatha pi Byagghapajja, tuladharo va tuladharantevasi va tulam paggahetva janati|| ||

'Ettakena va onatam ettakena va unnatan' ti.|| ||

Evam eva kho Byagghapajja,||
kulaputto ayan ca bhoganam viditva vayan ca bhoganam viditva samam jivikam kappeti,||
na ca accogalham ta atihinam.|| ||

'Evam me ayo vayam pariyadaya [283] thassati,||
na ca me vayo ayam pariyadaya thassati' ti.|| ||

Sacayam Byagghapajja, kulaputto appayo samano ularam jivikam kappeti,||
tassa bhavanti vattaro:|| ||

'Udumbarakhadikam vayam,||
kulaputto bhoge kadati' ti.|| ||

Sace panayam Byagghapajja,||
kulaputto mahayo samano kasiram jivikam kappeti,||
tassa bhavanti vattaro:|| ||

'Ajaddhumarikam vayam,||
kulaputto marissati' ti.|| ||

Yato ca khvayam Byagghapajja,||
kulaputto ayan ca bhoganam viditva vayan ca bhoganam viditva samam jivikam kappeti na accogalham na atihinam:|| ||

'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Ayam vuccati Byagghapajja, samajivita.|| ||

8. Evam samuppannanam Byagghapajja bhoganam cattari apayamukhani honti:||
itthidhutto hoti||
suradhutto||
akkhadhutto||
papamitto papasahayo papasampavanko.|| ||

Seyyatha pi Byagghapajja,||
mahato talakassa cattari c'eva apayamukhani.|| ||

Cattari ca apayamukhani,||
tassa puriso yani c'eva ayamukhani tani pidabheyya,||
yani ca apayamukhani tani vivareyya,||
devo ca na samma dharam anuppaveccheyya,||
evam hi tassa Byagghapajja mahato talakassa parihani yeva patikankha no vuddhi.|| ||

Evam eva kho Byagghapajja,||
evam samuppannanam bhoganam cattari apayamukhani honti:||
itthidhutto hoti||
suradhutto||
akkhadhutto||
papamitto papasahayo papasampavanko.|| ||

9. Evam samuppannanam Byagghapajja,||
bhoganam cattari ayamukhani honti:|| ||

Na itthidhutto hoti||
na suradhutto||
na [284] akkhadhutto,||
kalyanamitto kalyanasahayo kalyanasampavanko.|| ||

Seyyatha pi Byagghapajja,||
mahato talakassa cattari c'eva ayamukhani,||
cattari ca apayamukhani,||
tassa puriso yani c'eva ayamukhani tani vivareyya,||
yani ca apayamukhani tani pidaheyya,||
devo ca samma dharam anuppaveccheya,||
evam hi tassa Byagghapajja,||
mahato talakassa vuddhi yeva patikankha no parihani,||
evam eva kho Byagghapajja,||
evam samuppanna bhoganam cattari ayamukhani honti:||
na itthidhutto hoti,||
na suradhutto,||
na akkhadhutto,||
kalyanamitto kalyanasahayo kalyanasampavanko.|| ||

Ime kho Byagghapajja, cattaro dhamma kulaputtassa ditthadhammahitaya samvattanti,||
ditthadhammasukhayati.|| ||

10. Cattaro me Byagghapajja, dhamma kulaputtassa samparayahitaya samvattanti samparayasukhaya.|| ||

Katame cattaro?|| ||

11. Saddhasampada||
silasampada||
cagasampada||
pannasampada.|| ||

12. Katama ca Byagghapajja, saddhasampada?|| ||

Idha Byagghapajja, kulaputto saddho hoti,||
saddahati Tathagatassa bhodhi:||
iti pi so Bhagava araham Samma-sambuddho vijjajacaranasampanno sugato loka-vidu anuttaro purisadhammasarathi sattha deva-manussanam buddho Bhagava ti.|| ||

Ayam vuccati Byagghapajja, saddhasampada.|| ||

13. Katama ca Byagghapajja, silasampada?|| ||

Idha Byagghapajja kulaputto panatipata pativirato hoti adinnadana pativirato hoti kamesumicchacara pativirato hoti,||
musavada pativirato hoti||
surameraya majjapamadatthana pativirato hoti.|| ||

Ayam vuccati Byagghapajja, silasampada.|| ||

14. Katama ca Byagghapajja, cagasampada?|| ||

Idha Byagghapajja, kulaputto vigatamalamaccherena cetasa agaram ajajhavasati muttacago payatapani vossaggarato yavayogo danasamvibhagarato.|| ||

ayam vuccati Byagghapajja, cagasampada.|| ||

15. Katama ca Byagghapajja pannasampada?|| ||

[285] Idha Byagghapajja, kulaputto pannava hoti||
udayatthagaminiya pannaya samannagato,||
ariyaya nibbedhikaya sammadukkhakkhayagaminiya.|| ||

Ayam vuccati Byagghapajja pannasampada.|| ||

Ime kho Byagghapajja, cattaro dhamma kulaputtassa samparayahitaya samvattanti samparayasukhaya ti.|| ||

 

Utthata kammadheyyesu appamatto vidhanava,||
Samam kappeti jivikam sambhatam anurakkhati.|| ||

Saddho silena sampanno vadannu vitamaccharo,||
Niccam maggam visodheti sotthanam samparayikam|| ||

Icc'ete attha dhamma ca saddhassa gharam esino,||
Akkhata saccanamena ubhayattha sukhavaha.|| ||

Ditthadhammahitatthaya samparayasukhaya ca||
evam etam gahatthanam cago punnam pavaddhati ti.|| ||

 


Contact:
E-mail
Copyright Statement