Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata

Sutta 55

Ujjaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Atha kho Ujjayo brahmano yena Bhagava ten'upasankami.|| ||

Upasankamitva Bhagavata saddhim sammodi,||
sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Ujjayo brahmano Bhagavantam etad avoca:|| ||

'Mayam assu bho Gotama, pavasam gantukama,||
tesam no bhavam Gotamo amhakam tatha dhammam desetu,||
ye amhakam assu dhamma ditthadhammahitaya ditthadhammasukhaya samparayahitaya samparaya sukhaya' ti.|| ||

2. Cattaro'me brahmana, dhamma kulaputtassa ditthadhammahitaya samvattanti ditthadhammasukhaya.|| ||

Katame cattaro?|| ||

[286] 3. Utthanasampada||
arakkhasampada||
kalyanamittata||
samajivikata.|| ||

4. Katama ca brahmana, utthanasampada?|| ||

Idha brahmana kulaputto yena kammatthanena jivikam kappeti,||
yadi kasiya||
yadi vanijjaya||
yadi gorakkhena||
yadi issatthena,||
yadi rajaporisena||
yadi sippannatarena.|| ||

Tattha dakkho hoti analaso tatrupayaya vimamsaya samannagato alam katum alam samvidhatum.|| ||

Ayam vuccati brahmana, utthanasampada.|| ||

5. Katama ca brahmana, arakkhasampada?|| ||

Idha brahmana, kulaputtassa bhoga honti utthanaviriyadhigata bahabalaparicita sedavakkhitta dhammika dhammaladdha,||
te arakkhena guttiya sampadeti||
'Kitti me ime bhoge n'eva rajano hareyyum,||
na cora hareyyum,||
na aggi daheyya,||
na udakam vaheyya,||
na appiya dayada hareyyun' ti?|| ||

Ayam vuccati brahmana, arakkhasampada.|| ||

6. Katama ca brahmana, kalayanamittata?|| ||

Idha brahmana, kulaputto yasmim game va nigame va pativasati.|| ||

Tatta ye te honti gahapati va gahapiputto va dahara va vuddhasilino vuddha va vuddhasilino saddhasampanna silasampanna cagasampanna pannasampanna,||
tehi saddhim santitthati sallapati sakaccham samapajjati.|| ||

Yatha rupanam saddhasampannanam saddhasampadam anusikkhiti,||
yatharupanam silasampannanam silasampadam anusikkhati,||
yatharupanam cagasampannanam cagasampadam anusikkhati,||
yatharupanam pannasampannanam pannasampadam anusikkhati.|| ||

Ayam vuccati brahmana, kalyanamittata.|| ||

7. Katama ca brahmana, samajivita?|| ||

Idha brahmana, kulaputto ayan ca bhoganam viditva vayan ca bhoganam viditva samam jivikam kappeti [287] na accogalham na atihinam,||
'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Seyyatha pi brahmana, tuladharo va tuladharantevasi va tulam paggahetva janati|| ||

'Ettakena va onatam ettakena va unnatan' ti.|| ||

Evam eva kho brahmana,||
kulaputto ayan ca bhoganam viditva vayan ca bhoganam viditva samam jivikam kappeti,||
na ca accogalham ta atihinam.|| ||

'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Sacayam brahmana, kulaputto appayo samano ularam jivikam kappeti,||
tassa bhavanti vattaro:|| ||

'Udumbarakhadikam vayam,||
kulaputto bhoge kadati' ti.|| ||

Sace panayam brahmana,||
kulaputto mahayo samano kasiram jivikam kappeti,||
tassa bhavanti vattaro:|| ||

'Ajaddhumarikam vayam,||
kulaputto marissati' ti.|| ||

Yato ca khvayam brahmana,||
kulaputto ayan ca bhoganam viditva vayan ca bhoganam viditva samam jivikam kappeti na accogalham na atihinam:|| ||

'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Ayam vuccati brahmana, samajivita.|| ||

8. Evam samuppannanam brahmana bhoganam cattari apayamukhani honti:||
itthidhutto hoti||
suradhutto||
akkhadhutto||
papamitto papasahayo papasampavanko.|| ||

Seyyatha pi brahmana,||
mahato talakassa cattari c'eva apayamukhani.|| ||

Cattari ca apayamukhani,||
tassa puriso yani c'eva ayamukhani tani pidabheyya,||
yani ca apayamukhani tani vivareyya,||
devo ca na samma dharam anuppaveccheyya,||
evam hi tassa [288] brahmana mahato talakassa parihani yeva patikankha no vuddhi.|| ||

Evam eva kho brahmana,||
evam samuppannanam bhoganam cattari apayamukhani honti:||
itthidhutto hoti||
suradhutto||
akkhadhutto||
papamitto papasahayo papasampavanko.|| ||

9. Evam samuppannanam brahmana,||
bhoganam cattari ayamukhani honti:|| ||

Na itthidhutto hoti||
na suradhutto||
na akkhadhutto,||
kalyanamitto kalyanasahayo kalyanasampavanko.|| ||

Seyyatha pi brahmana,||
mahato talakassa cattari c'eva ayamukhani,||
cattari ca apayamukhani,||
tassa puriso yani c'eva ayamukhani tani vivareyya,||
yani ca apayamukhani tani pidaheyya,||
devo ca samma dharam anuppaveccheya,||
evam hi tassa brahmana,||
mahato talakassa vuddhi yeva patikankha no parihani,||
evam eva kho brahmana,||
evam samuppanna bhoganam cattari ayamukhani honti:||
na itthidhutto hoti,||
na suradhutto,||
na akkhadhutto,||
kalyanamitto kalyanasahayo kalyanasampavanko.|| ||

Ime kho brahmana, cattaro dhamma kulaputtassa ditthadhammahitaya samvattanti,||
ditthadhammasukhayati.|| ||

10. Cattaro me brahmana, dhamma kulaputtassa samparayahitaya samvattanti samparayasukhaya.|| ||

Katame cattaro?|| ||

11. Saddhasampada||
silasampada||
cagasampada||
pannasampada.|| ||

12. Katama ca brahmana, saddhasampada?|| ||

Idha brahmana, kulaputto saddho hoti,||
saddahati Tathagatassa bhodhi:||
iti pi so Bhagava araham Samma-sambuddho vijjajacaranasampanno sugato loka-vidu anuttaro purisadhammasarathi sattha deva-manussanam buddho Bhagava ti.|| ||

Ayam vuccati brahmana, saddhasampada.|| ||

13. Katama ca brahmana, silasampada?|| ||

Idha brahmana kulaputto panatipata pativirato hoti adinnadana pativirato hoti kamesumicchacara pativirato hoti,||
musavada pativirato hoti||
surameraya majjapamadatthana pativirato hoti.|| ||

Ayam vuccati brahmana, silasampada.|| ||

14. Katama ca brahmana, cagasampada?|| ||

[289] Idha brahmana, kulaputto vigatamalamaccherena cetasa agaram ajajhavasati muttacago payatapani vossaggarato yavayogo danasamvibhagarato.|| ||

ayam vuccati brahmana, cagasampada.|| ||

15. Katama ca brahmana pannasampada?|| ||

Idha brahmana, kulaputto pannava hoti||
udayatthagaminiya pannaya samannagato,||
ariyaya nibbedhikaya sammadukkhakkhayagaminiya.|| ||

Ayam vuccati brahmana pannasampada.|| ||

Ime kho brahmana, cattaro dhamma kulaputtassa samparayahitaya samvattanti samparayasukhaya ti.|| ||

 

Utthata kammadheyyesu appamatto vidhanava,||
Samam kappeti jivikam sambhatam anurakkhati.|| ||

Saddho silena sampanno vadannu vitamaccharo,||
Niccam maggam visodheti sotthanam samparayikam|| ||

Icc'ete attha dhamma ca saddhassa gharam esino,||
Akkhata saccanamena ubhayattha sukhavaha.|| ||

Ditthadhammahitatthaya samparayasukhaya ca||
evam etam gahatthanam cago punnam pavaddhati ti.|| ||

 


Contact:
E-mail
Copyright Statement