Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata

Sutta 56

Bhaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. 'Bhayan' ti bhikkhave, kamanam etam adhivacanam,||
'dukkhan' ti bhikkhave, kamanam etam adhivacanam,||
'rogo' ti bhikkhave, kamanam etam adhivacanam,||
'gando' ti bhikkhave, kamanam etam adhivacanam,||
'sallan' ti bhikkhave, kamanam etam adhivacanam,||
'sango' ti bhikkhave, kamanam etam adhivacanam,||
'panko' ti bhikkhave, kamanam etam adhivacanam,||
'gabbho' ti bhikkhave, kamanam etam adhivacanam.|| ||

3. Kasma ca bhikkhave, 'bhayan' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi bhaya na parimuccati,||
[290]samparadhika pi bhaya na parimuccati.|| ||

Tasma 'bhayan' ti kamanam etam adhivacanam.|| ||

4. Kasma ca bhikkhave, 'rogo' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi roga na parimuccati,||
samparadhikapi roga na parimuccati.|| ||

Tasma 'rogo' ti kamanam etam adhivacanam.|| ||

5. Kasma ca bhikkhave, 'gando' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi ganda na parimuccati,||
samparadhika pi ganda na parimuccati.|| ||

Tasma 'gando' ti kamanam etam adhivacanam.|| ||

6. Kasma ca bhikkhave, 'sallan' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi salla na parimuccati,||
samparadhika pi salla na parimuccati.|| ||

Tasma 'sallan' ti kamanam etam adhivacanam.|| ||

7. Kasma ca bhikkhave, 'sango' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi sanga na parimuccati,||
samparadhika pi sanga na parimuccati.|| ||

Tasma 'sango' ti kamanam etam adhivacanam.|| ||

8. Kasma ca bhikkhave, 'panko' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi panka na parimuccati,||
samparadhika pi panka na parimuccati.|| ||

Tasma 'panko' ti kamanam etam adhivacanam.|| ||

9. Kasma ca bhikkhave, 'gabbho' ti kamanam etam adhivacanam?|| ||

Yasma ca kamaragarattayam bhikkhave, chandaragavinibaddho ditthadhammika pi gabbha na parimuccati,||
samparadhika pi gabbha na parimuccati.|| ||

Tasma 'gabbho' ti kamanam etam adhivacanam.|| ||

Bhayam dukkhan ca rogo ca gando sallan ca sango ca panko gabbho ca ubhayam.||
Ete kama pavuccanti, yattha satto puthujjano||
Otinno satarupena puna gabbhaya gacchati,||
Yato ca bhikkhu atapi sampajannam na rincati.||
So imam palipatham duggam atikkamma tathavidho,||
Pajam jati jarupetam phandamanam avekkhati ti.|| ||

 


Contact:
E-mail
Copyright Statement