Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata
Yamaka-Vagga

Sutta 76

Dutiya Sampada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


[322]

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Atth'ima bhikkhave sampada.|| ||

Katama attha?|| ||

2. Utthana-sampada,||
arakkha-sampada,||
kalyanamittata,||
samajivita,||
saddha-sampada,||
sila-sampada,||
caga-sampada,||
panna-sampada.|| ||

3. Katama ca bhikkhave, utthanasampada?|| ||

Idha bhikkhave kulaputto yena kammatthanena jivikam kappeti,||
yadi kasiya||
yadi vanijjaya||
yadi gorakkhena||
yadi issatthena,||
yadi rajaporisena||
yadi sippannatarena.|| ||

[323] Tattha dakkho hoti analaso tatrupayaya vimamsaya samannagato alam katum alam samvidhatum.|| ||

Ayam vuccati bhikkhave, utthanasampada.|| ||

4. Katama ca bhikkhave, arakkhasampada?|| ||

Idha bhikkhave, kulaputtassa bhoga honti utthanaviriyadhigata bahabalaparicita sedavakkhitta dhammika dhammaladdha,||
te arakkhena guttiya sampadeti||
'Kitti me ime bhoge n'eva rajano hareyyum,||
na cora hareyyum,||
na aggi daheyya,||
na udakam vaheyya,||
na appiya dayada hareyyun' ti?|| ||

Ayam vuccati bhikkhave, arakkhasampada.|| ||

5. Katama ca bhikkhave, kalayanamittata?|| ||

Idha bhikkhave, kulaputto yasmim game va nigame va pativasati.|| ||

Tatta ye te honti gahapati va gahapiputto va dahara va vuddhasilino vuddha va vuddhasilino saddhasampanna silasampanna cagasampanna pannasampanna,||
tehi saddhim santitthati sallapati sakaccham samapajjati.|| ||

Yatha rupanam saddhasampannanam saddhasampadam anusikkhiti,||
yatharupanam silasampannanam silasampadam anusikkhati,||
yatharupanam cagasampannanam cagasampadam anusikkhati,||
yatharupanam pannasampannanam pannasampadam anusikkhati.|| ||

Ayam vuccati bhikkhave, kalyanamittata.|| ||

6. Katama ca bhikkhave, samajivita?|| ||

Idha bhikkhave, kulaputto ayan ca bhoganam viditva vayan ca bhoganam viditva samam jivikam kappeti na accogalham na atihinam,||
'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Seyyatha pi bhikkhave, tuladharo va tuladharantevasi va tulam paggahetva janati|| ||

'Ettakena va onatam etta- [324] kena va unnatan' ti.|| ||

Evam eva kho bhikkhave,||
kulaputto ayan ca bhoganam viditva vayan ca bhoganam viditva samam jivikam kappeti,||
na ca accogalham ta atihinam.|| ||

'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Sacayam bhikkhave, kulaputto appayo samano ularam jivikam kappeti,||
tassa bhavanti vattaro:|| ||

'Udumbarakhadikam vayam,||
kulaputto bhoge kadati' ti.|| ||

Sace panayam bhikkhave,||
kulaputto mahayo samano kasiram jivikam kappeti,||
tassa bhavanti vattaro:|| ||

'Ajaddhumarikam vayam,||
kulaputto marissati' ti.|| ||

Yato ca khvayam bhikkhave,||
kulaputto ayan ca bhoganam viditva vayan ca bhoganam viditva samam jivikam kappeti na accogalham na atihinam:|| ||

'Evam me ayo vayam pariyadaya thassati,||
na ca me vayo ayam pariyadaya thassati' ti.|| ||

Ayam vuccati bhikkhave, samajivita.|| ||

7. Katama ca bhikkhave, saddhasampada?|| ||

Idha bhikkhave, kulaputto saddho hoti,||
saddahati Tathagatassa bhodhi:||
iti pi so Bhagava araham Samma-sambuddho vijjajacaranasampanno sugato loka-vidu anuttaro purisadhammasarathi sattha deva-manussanam buddho Bhagava ti.|| ||

Ayam vuccati bhikkhave, saddhasampada.|| ||

8. Katama ca bhikkhave, silasampada?|| ||

Idha bhikkhave kulaputto panatipata pativirato hoti adinnadana pativirato hoti kamesumicchacara pativirato hoti,||
musavada pativirato hoti||
surameraya majjapamadatthana pativirato hoti.|| ||

Ayam vuccati bhikkhave, silasampada.|| ||

9. Katama ca bhikkhave, cagasampada?|| ||

Idha bhikkhave, kulaputto vigatamalamaccherena cetasa agaram ajajhavasati muttacago payatapani vossaggarato yavayogo danasamvibhagarato.|| ||

ayam vuccati bhikkhave, cagasampada.|| ||

10. Katama ca bhikkhave pannasampada?|| ||

[325] Idha bhikkhave, kulaputto pannava hoti||
udayatthagaminiya pannaya samannagato,||
ariyaya nibbedhikaya sammadukkhakkhayagaminiya.|| ||

Ayam vuccati bhikkhave pannasampada.|| ||

Ime kho bhikkhave, cattaro dhamma kulaputtassa samparayahitaya samvattanti samparayasukhaya ti.|| ||

Ima kho bhikkhave, attha sampada ti.|| ||

Utthata kammadheyyesu - appamatto vidhanava||
Samam kappeti jivitam - sambhatam anurakkhati.|| ||

Saddho silena sampanno vadannu vitamaccharo,||
Niccam maggam visodheti - sotthanam samparayikam.|| ||

Icc'ete attha dhamma ca saddhassa gharam esino||
Akkhata saccanamena ubhayattha sukhavaha.|| ||

Ditthadhammahitatthaya samparayasukhaya ca||
evam etam gahatthanam cago punnam pavaddhadati ti.|| ||

 


Contact:
E-mail
Copyright Statement