Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata

Sutta 83

Kim Mulaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bd] Evam me sutam:|| ||

Savatthinidanam.|| ||

2. Sace bhikkhave, annatitthiya paribbajaka evam puccheyyum:|| ||

'Kimmulaka avuso, sabbe dhamma,||
kimsambhava sabbe dhamma,||
kimsamudaya sabbe dhamma,||
kimsamosarana sabbe dhamma,||
kim-pamukha sabbe dhamma||
kim-adhipateyya sabbe dhamma,||
kim-uttara sabbe dhamma,||
kimsara sabbe dhamma' ti?|| ||

Evam puttha tumhe bhikkhave,||
tesam annatitthiyanam paribbajakanam kinti vyakareyyatha ti?|| ||

3. Bhagavammulaka no bhante,||
dhamma Bhagavannettika||
Bhagavam patisarana.|| ||

Sadhu bhante, Bhagavantam yeva patibhatu etassa bhasitassa attho.|| ||

Bhagavato sutva bhikkhu dharessanti ti.|| ||

Tena hi bhikkhave, sunatha.|| ||

Sadhukam manasikarotha||
bhasissami ti.|| ||

Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

4. Sace bhikkhave, annatitthiya paribbajaka evam puccheyyum:|| ||

'Kimmulaka avuso, sabbe dhamma,||
kimsambhava sabbe dhamma,||
kimsamudaya sabbe dhamma,||
kimsamosarana sabbe dhamma,||
kim-pamukha sabbe dhamma||
kim-adhipateyya sabbe dhamma,||
kim-uttara sabbe dhamma,||
kimsara sabbe dhamma' ti?|| ||

Evam puttha tumhe bhikkhave,||
tesam annatitthiyanam paribbajakanam evam vyakareyyatha:|| ||

'Chandamulaka avuso, sabbe dhamma,||
manasikarasambhava sabbe dhamma,||
phassasamudaya sabbe dhamma,||
vedana samosarana sabbe dhamma,||
samadhipamukha sabbe dhamma,||
satadhipateyya sabbe dhamma,||
pannuttara sabbe dhamma,||
vimuttisara sabbe dhamma' ti.|| ||

Evam phuttha tumhe bhikkhave,||
tesam annatitthiyanam paribbajakanam evam vyakareyya tha ti.|| ||

 


Contact:
E-mail
Copyright Statement