Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata
Sati-Vagga

Sutta 84

Maha Coranga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Atthahi bhikkhave, angehi samannagato mahacoro khippam pariyapajjati,||
na ciratthitiko hoti.|| ||

Katamehi atthahi?|| ||

Appaharantassa paharati,||
anavasesam adiyati,||
itthim bhanati,||
kumarim duseti,||
pabbajitam vilumpati,||
rajakosam vilumpati,||
accasante kammam karoti,||
na ca nidhanakusalo hoti.|| ||

Imehi kho bhikkhave, atthabhangehi samannagato mahacoro khippam pariyapajjati,||
na ciratthitiko hoti.|| ||

Atthahi bhikkhave, angehi samannagato mahacoro na khippam pariyapajjati,||
ciratthitiko hoti.|| ||

Katamehi atthahi?|| ||

Na appaharantassa paharati,||
na anavasesam adiyati,||
na itthim bhanati,||
na kumarim duseti,||
na pabbajitam vilumpati,||
na rajakosam vilumpati,||
na accasante kammam karoti,||
nidhanakusalo ca hoti.|| ||

Imehi kho bhikkhave, atthahi angehi samannagato mahacoro na khippampariyapajjati,||
ciratthitiko hoti.|| ||

 


Contact:
E-mail
Copyright Statement