Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Atthaka Nipata
10. Samanna Vaggo

Sutta 90 (a) or [Suttas 1-27]

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1] [1][pts] Evam me sutam:|| ||

Ekam samayam Bhagava Savatthiyam viharati Pubbarame Migaramatupasade atha kho Bojjha upasika yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

- pe - [to be developed according to AN 8.43 which, for Visakha is reproduced in it's order below.|| ||

[2] - pe - Sirima - pe - || ||

[3] - pe - Paduma - pe - || ||

[4] - pe - Sutana - pe - || ||

[5] - pe - Manuja - pe - || ||

[6] - pe - Uttara - pe - || ||

[7] - pe - Mutta - pe - || ||

[8] - pe - Khema - pe - || ||

[9] - pe - Soma - pe - || ||

[10] - pe - Rupi - pe - || ||

[11] - pe - Cunadi rajakumari - pe - || ||

[12] - pe - Bimbi upasika - pe - || ||

[13] - pe - Sumana rajakumari - pe - || ||

[14] - pe - Mallika devi - pe - || ||

[15] - pe - Tissa upasika - pe - || ||

[16] - pe - Tissaya mata - pe - || ||

[17] - pe - Sona - pe - || ||

[18] - pe - Sonaya mata - pe - || ||

[19] - pe - Kana - pe - || ||

[20] - pe - Kanaya mata - pe - || ||

[21] - pe - Uttara Nandamata - pe - || ||

 


 

Sutta 22

Visakhuposatha Suttam

[22. 1][pts] Evam me sutam:|| ||

Ekam samayam Bhagava Savatthiyam viharati Pubbarame Migaramatupasade atha kho Visakha Migaramata yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Visakham Migaramataram.|| ||

Bhagava etad avoca:|| ||

2. Atthangasamannagato Visakhe||
uposatho upavuttho mahapphalo hoti mahanisamso mahajutiko mahavippharo.|| ||

Katham upavuttho ca Visakhe||
atthangasamannagato uposatho mahapphalo hoti mahanisamso mahajutiko mahavippharo?|| ||

3. Idha Visakhe ariyasavako iti patisancikkhati:|| ||

'Yavajivam arahanto panatipatam pahaya panatipata pativirata nihitadanda nihitasattha lajji dayapanna sabbapanabhutahitanukampi viharanti.|| ||

Aham p'ajja iman ca rattim iman ca divasam panatipatam pahaya panatipata pativirato nihita-dando nihita-sattho lajji dayapanno sabbapanabhutahitanukampi viharami.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina pathamena angena samannagato hoti.|| ||

4. 'Yavajivam arahanto adinnadanam pahaya adinnadana pativirata dinnadayi dinnapatikankhi athenena sucibhutena attana viharanti.|| ||

Aham p'ajja iman ca rattim iman ca divasam adinnadanam pahaya adinnadana pativirato dinnadayi dinna-patikankhi athenena sucibhutena attana viharami.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina dutiyena angena samannagato hoti.|| ||

5. 'Yavajivam arahanto abrahmacariyam pahaya brahmacarino aracari virata methuna gamadhamma.|| ||

Aham p'ajja iman ca rattim iman ca divasam abrahmacariyam pahaya brahmacari ara-cari virato methuna gamadhamma viharami.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina tatiyena angena samannagato hoti.|| ||

6. 'Yavajivam arahanto musavadam pahaya musavada pativirata saccavadi saccasandha theta paccayika avisamvadaka lokassa.|| ||

Aham p'ajja iman ca rattim iman ca divasam musavadam pahaya musavada pativirato saccavadi saccasandho theto paccayiko avisamvadako lokassa.|| ||

Imina paham angena arahatam anukaromi||
uposatho ca me upavuttho bhavissati' ti.|| ||

Imina catutthena angena samannagato hoti.|| ||

7. 'Yavajivam arahanto suramerayamajjapamadatthanam pahaya suramerayamajjapamadatthana pativirata.|| ||

Aham p'ajja iman ca rattim iman ca divasam suramerayamajjapamadatthanam pahaya suramerayamajjapamadatthana pativirato.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina pancamena angena samannagato hoti.|| ||

8. 'Yavajivam arahanto ekabhattika rattuparata virata vikalabhojana.|| ||

Aham p'ajja iman ca rattim iman ca divasam eka-bhattiko rattuparato virato vikalabhojana.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina chatthena angena samannagato hoti.|| ||

9. 'Yavajivam arahanto naccagitavaditavisukadassanamalagandhavilepanadharanamandanavibhusanatthana pativirata.|| ||

Aham p'ajja iman ca rattim iman ca divasam naccagitavaditavisukadassanamalagandhavilepanadharanamandanavibhusanatthana pativirato.|| ||

Imina pi angena arahatam anukaromi||
uposatho ca me upavuttho bhavissati ti.|| ||

Imina sattamena angena samannagato hoti.|| ||

10. Yavajivam arahanto uccasayana-mahasayanam pahaya uccasayana-mahasayana pativirata nicaseyyam kappenti mancake va tinasantharake va.|| ||

Aham p'ajja iman ca rattim iman ca divasam uccasayana-mahasayanam pahaya uccasayana-mahasayana pativirato nicaseyyam kappemi mancake va tinasantharake va.|| ||

Imina pi angena arahatam anukaromi||
uposatho ca me upavuttho bhavissati' ti.|| ||

Imina atthamena angena samannagato hoti.|| ||

Evam upavuttho kho Visakhe||
atthangasamannagato uposatho mahapphalo hoti mahanisamso mahajutiko mahavippharo ti.|| ||

 


 

11. Kiva mahapphalo hoti||
kiva mahanisamso||
kiva mahajutiko||
kiva mahavippharo?|| ||

Seyyatha pi, Visakhe, yo imesam solasannam mahajanapadanam pahutasattaratananam issariyadhipaccam rajjam kareyya,||
seyyathidam:|| ||

Anganam||
Magadhanam||
Kasinam||
Kosalanam||
Vajjinam||
Mallanam||
Cetinam||
Vanganam||
Kurunam||
Pancalanam||
Macchanam||
Surasenanam||
Assakanam||
Avantinam||
Gandharanam||
Kambojanam,||
atthangasamantagatassa uposathassa etam kalam nagghati solasim.|| ||

Tam kissa hetu?|| ||

Kapanam Visakhe, manusakam rajjam dibbam sukham upanidhaya.|| ||

12. Yani Visakhe, manusakani pannasa vassani,||
Catummaharajikanam devanam eso eko rattindivo,||
taya rattiya timsa rattiyo maso,||
tena masena dvadasa masiyo samvaccharo,||
tena samvaccharena dibbani panca vassasatani Catummaharajikanam devanam ayuppamanam.|| ||

Thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Catummaharajikanam devanam sahavyatam upapajjye.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

13. Yam Visakhe manusakam vassasatam,||
Tavatimsanam devanam eso eko rattindivo;||
taya rattiya timsa rattiyo maso;||
tena masena dvadasa masiyo samvaccharo||
tena samvaccharena dibbam vassasahassam Tavatimsanam devanam ayuppamanam.|| ||

Thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Tavatimsanam devanam sahavyatam upapajjye.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

14. Yani Visakhe, manusakani dve vassasatani,||
Yamanam devanam eso eko rattindivo,||
taya rattiya timsa rattiyo maso,||
tena masena dvadasa masiyo samvaccharo,||
tena samvaccharena dibbani dve vassasahassani Yamanam devanam ayuppamanam.|| ||

Thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Yamanam devanam sahavyatam upapajjye.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

15. Yani Visakhe, manusakani cattari vassasatani,||
Tusitanam devanam eso eko rattindivo;||
taya rattiya timsa rattiyo maso;||
tena masena dvadasa masiyo samvaccharo,||
tena samvaccharena dibbani cattari vassasahassani Tusitanam devanam ayuppamanam.|| ||

Thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Tusitanam devam sahavyatam upapajjeyya.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

16. Yani Visakhe, manusakani attha vassasatani,||
Nimmanaratinam devanam eso eko rattindivo,||
taya rattiya timsa rattiyo maso,||
tena masena dvadasa masiyo samvaccharo,||
tena samvaccharena dibbani attha vassasahassani Nimmanaratinam devanam ayuppamanam.|| ||

Thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Nimmanaratinam devanam sahavyatam upapajjeyya.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

17. Yani Visakhe, manusakani solasa vassasatani,||
Paranimmitavasavattinam devanam eso eko rattindivo;||
taya rattiya timsa rattiyo maso,||
tena masena dvadasa masiyo samvaccharo,||
tena samvaccharena dibbani solasa vassasahassani Paranimmitavasavattinam devanam ayuppamanam.|| ||

thanam kho pan'etam Visakhe, vijjati,||
yam idh'ekacco itthi va puriso va atthangasamannagatam uposatham upavasitva kayassa bheda param marana Paranimmitasavattinam devanam sahavyatam upapajjye.|| ||

Idam kho pana me tam Visakhe, sandhaya bhasitam:||
kapanam manusakam rajjam dibbam sukham upanidhaya.|| ||

Panam na hanne na cadinnam adiye||
Musa na bhase na ca majjapo siya||
Abrahmacariya virameyya methuna||
Rattim na bhunjeyya vikalabhojanam.|| ||

Malam na dhareye na ca gandham acare||
Mance chamayam vasayetha santhate||
Etam hi atthangikam ah'uposatham||
Buddhena dukkhantaguna pakasitam.|| ||

Cando ca suriyo ca ubho sudassana||
Obhasayam anupariyanti yavata,||
Tamonuda te pana antalikkhaga||
Nabhe pabhasenti disa virocana.|| ||

Etasmim yam vijjati antare dhanam||
Mutta mani veluriyana ca bhaddakam||
Singi suvannam atha va pi kancanam||
Yam jatarupam hatakan ti vuccati||
Atthingu petassa uposathassa||
Kalam pi te nanubhavanti solasim||
Candappaha taragana va sabbe.|| ||

Tasma hi nari ca naro ca silava||
Atthangupetam upavass'uposatham||
Punnani katvana sukhudayani||
Anindita saggam upenti thanan ti.|| ||

[23] - pe - Khujjuttara upasika - pe - || ||

[24] - pe - Samavati upasika - pe - || ||

[25] - pe - Suppavasa Koliyathita - pe - || ||

[26] - pe - Suppiya upasika - pe - || ||

[27] - pe - Nakulamata gahapatani - pe - || ||

 


Contact:
E-mail
Copyright Statement