Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Namo tassa Bhagavato arahato samma sambuddhassa

Sutta 1

Sambodhipakkhiya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][ati][upal] Evam me sutam.|| ||

Ekam samayam Bhagava Savatthiyam viharati Jetavane Anathapindikassa arame,||
tatra kho Bhagava bhikkhu amantesi.|| ||

Bhikkhavo ti.|| ||

Bhadanteti te bhikkhu Bhagavato paccassosum Bhagava etad avoca:|| ||

Sace bhikkhave annatitthiya paribbajaka evam puccheyyum: sambodhipikkhiyanam.|| ||

Avuso dhammanam ka upanisa bhavanayati.|| ||

Evam puttho tumhe bhikkhave tesam annatitthiyanam paribbajakanam kinti khyakareyyathati.|| ||

Bhagavammulaka no bhante dhamma Bhagavantettika,||
Bhagavampatisarana,||
sadhu vata bhante Bhagavantam yeva patibhatu etassa bhasitasya attho.|| ||

Bhagavato sutva bhikkhu dharessanti ti.|| ||

Tena hi bhikkhave sunatha sadhukam manasikarotha,||
bhasissami ti.|| ||

Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

Sace bhikkhave annatitthiya paribbajaka evam puccheyyum sambodhipakkhiyanam avuso dhammanam ka upanisa bhavanayati.|| ||

Evam puttha tumhe bhikkhave tesam annatitthiyanam paribbajakanam evam khyakareyyatha:|| ||

1. Idh'avuso bhikkhu kalyanamitto hoti kalyanasahayo kalyanasampavanko.|| ||

Sambodhipakkhiyanam avuso dhammanam ayam pathama upanisa bhavanaya.|| ||

2. Puna ca param avuso bhikkhu silava hoti patimokkha-samvara-samvuto viharati acara-gocara-sampanno anumattesu vajjesu bhaya-dassavi samadaya sikkhati sikkhapadesu.|| ||

Sambodhipakkhiyanam avuso dhammanam ayam dutiya upanisa bhavanaya.|| ||

3. Puna ca param avuso bhikkhu yayam katha ubhasallekhika cetovivaranasappaya seyyath'idam:||
appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha.|| ||

Evarupiya kathaya nikamalabhi hoti akicchalabhi akasiralabhi.|| ||

Sambodhipakkhiyanam avuso dhammanam ayam tatiya upanisa bhavanaya.|| ||

4. Puna ca param avuso bhikkhu araddhaviriyo viharati akusalanam dhammanam pahanaya,||
kusalanam dhammanam upasampadaya thamava dalhaparakkamo anikkhittadhuro kusalesu dhammesu.|| ||

Sambodhipakkhiyanam avuso dhammanam ayam catutthi upanisa bhavanaya.|| ||

5. Puna ca param avuso bhikku pannava hoti udayatthagaminiya pannaya samannagato ariyaya nibbedhikaya sammadukkhayagaminiya.|| ||

Sambodhipakkhiyanam avuso dhammanam ayam pancami upanisa bhavanaya.|| ||

Kalyanamittass'etam bhikkhave bhikkhuno patikankham kalyanasahayassa kalyanasampavankassa silava bhavissati patimokkha-samvara-samvuto viharissati acara-gocara-sampanno anumattesu vijjesu bhayadassavi samadaya sikkhati sikkhapadesu.|| ||

Appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha.|| ||

Evarupiya kathaya nikamalabhi bhavissati akicchalabhi akasiralabhi.|| ||

Kalyanamittass'etam bhikkhave bhikkhuno patikankham kalyanasahayassa kalyanasampavankassa: araddhaviriyo viharissati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu.|| ||

Kalyanamittass'etam bhikkhave bhikkhuno patikankham kalyanasahayassa kalyanasampavankassa: pannava bhavissati udayatthagaminiya pannaya samannagato ariyaya nibbedhikaya sammadukkhakyagaminiya.|| ||

Tena ca pana bhikkhave bhikkhuna imesu pancasu dhammesu patitthaya cattaro dhamma uttarim bhavetabba:|| ||

6 - 9. Asubha bhavetabba ragassa pahanaya.|| ||

Metta bhavetabba vyapadassa pahanaya.|| ||

Anapanasati bhavetabba vitakkupacchedaya.|| ||

Aniccasanna bhavetabba asmimanasamugghataya,||
aniccasannino bhikkhave bhikkhuno anattasanna santhati.|| ||

Anattasanni asmimanasamugghatam papunati,||
ditthe va dhamme nibbananti.|| ||

 


Contact:
E-mail
Copyright Statement