Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Sutta 2

Nissayasampanna Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][upal] Evam me sutam ekam samayam Bhagava Savatthiyam viharati Jetavane Anathapindikassa arame.|| ||

Atha kho annataro bhikkhu yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho so bhikkhu Bhagavantam etad avoca:|| ||

'Nissayasampanno nissayasampanno' ti bhante vuccati.|| ||

Kittavata nu kho bhante bhikkhu nissayasampanno hoti ti?|| ||

2. Saddhan ce bhikkhu, bhikkhu nissaya.|| ||

Akusalam pajahati kusalam bhaveti pahinam ev'assa tam akusalam hoti.|| ||

Hirin ce bhikkhu, bhikkhu nissaya.|| ||

Akusalam pajahati kusalam bhaveti pahinam ev'assa tam akusalam hoti.|| ||

Ottappan ce bhikkhu, bhikkhu nissaya.|| ||

Akusalam pajahati kusalam bhaveti pahinam ev'assa tam akusalam hoti.|| ||

Viriyan ce bhikkhu, bhikkhu nissaya.|| ||

Akusalam pajahati kusalam bhaveti pahinam ev'assa tam akusalam hoti.|| ||

Pannan ce bhikkhu, bhikkhu nissaya.|| ||

Akusalam pajahati kusalam bhaveta pahinam ev'assa tam akusalam hoti.|| ||

Tam hi'ssa bhikkhuno akusalam pahinam hoti suppahinam,||
yamsa ariyaya pannaya disva pahinam.|| ||

Tena ca pana bhikkhu, bhikkhuna imesu pancasu dhammesu patitthaya cattaro dhamma upanissaya vihatabba.|| ||

Katame cattaro?|| ||

Idha bhikkhu, bhikku||
sankhayekam patisevati,||
sankhayekam adhivaseti,||
sankhayekam parivajjeti,||
sankhayekam vinodeti.|| ||

Evam kho bhikkhu bhikkhu nissayasampanno hoti ti.|| ||

 


Contact:
E-mail
Copyright Statement