Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Sutta 3

Meghiya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][upal] Evam me sutam:|| ||

Ekam samayam Bhagava Calikayam viharati Calikaya pabbate.|| ||

Tena kho pana samayena ayasma Meghiyo Bhagavato upatthako hoti.|| ||

Atha kho ayasma Meghiyo yena Bhagava ten'upasankami,||
upasankamitva Bhagavantam abhivadetva eka-m-antam atthasi.|| ||

Eka-m-antam thito kho ayasma Meghiyo bhaghavantam etad avoca:|| ||

'Iccham'aham bhante, Jantugamam pindaya pavisitun' ti.|| ||

'Yassa dani tvam Meghiya kalam mannasi ti.|| ||

2. Atha kho ayasma Meghiyo pubbanhasamayam nivasetva pattacivaram adaya Jantugamam pindaya pavisi:|| ||

Jantugame pindaya caritva paccabhattam pindapata patikkanto yena Kimikalaya nadiya tiram ten'upasankami.|| ||

Addasa kho ayasma Meghiyo Kimikalaya nadiya tire janghaviharam anucankamamano anuvicaramano ambavanam pasadikam ramaniyam.|| ||

Disvan'assa etad ahosi:|| ||

'Pasadikam vat'idam ambavanam ramaniyam.|| ||

Alam vat'idam kulaputtassa padhan'atthikassa padhanaya.|| ||

Sace mam Bhagava anujaneyya,||
agaccheyayaham imam ambavanam padhanaya' ti.|| ||

3. Atha kho ayasma Meghiyo yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Meghiyo Bhagavantam etad avoca:|| ||

Idhaham bhante pubbanhasamayam nivasetva pattacivaram adaya Jantugamam pindaya pavisim.|| ||

Jantugame pindaya caritva pacchabhattam pindapatapatikkanto yena Kimikalaya nadiya tiram ten'upasankamim.|| ||

Addasam kho aham bhante,||
Kimikalaya nadiya tire janghaviharam anucankamamano anuvicaramano ambavanam pasadikam ramaniyam,||
disvana me etad ahosi:|| ||

'Pasadikam vat'idam ambavanam ramaniyam,||
alam vat'idam kulaputtassa padhan'atthikassa padhanaya.|| ||

Sace mam Bhagava anujaneyya||
agaccheyyaham imam ambavanam padhanayati.|| ||

Sace mam Bhagava anujaneyya||
gaccheyyaham tam ambavanam padhanayati.|| ||

'Agamehi tava Meghiya, ekak'amha.|| ||

Tava yava anno pi koci bhikkhu agacchati ti.|| ||

4. Dutiyam pi kho ayasma Meghiyo Bhagavantam etad avoca:|| ||

'Bhagavato bhante, n'atthi kinci uttarim karaniyam,||
n'atthi katassa paticayo.|| ||

Mayiham kho pana bhante,||
atthi uttarim karaniyam,||
atthi katassa paticayo.|| ||

Sace mam Bhagava anujaneyya,||
gaccheyayaham tam ambavanam padhanaya' ti.|| ||

Agamehi tava Meghiya, ekakamha.|| ||

Tava yava anne pi koci bhikkhu agacchati ti.|| ||

5. Tatiyam pi kho ayasma Meghiyo Bhagavantam etad avoca:|| ||

Bhagavato bhante, n'atthi kinci uttarim karaniyam,||
n'atthi katassa paticayo.|| ||

Mayiham kho pana bhante,||
atthi uttarim karaniyam,||
atthi katassa paticayo.|| ||

Sace mam Bhagava anujaneyya,||
gaccheyayaham tam ambavanam padhanaya' ti.|| ||

'Padhatan ti kho Meghiya vadamanam kinti vadeyyama?|| ||

Yassa dani tvam Meghiya kalam mannasi' ti.|| ||

6. Atha kho ayasma Meghiyo utthay asana Bhagavantam abhivadetva padakkhinam katva yena tam ambavanam ten'upasankami.|| ||

Upasankamitva tam ambavanam ajjhogahetva annatarasmim rukkhamule divaviharam nisidi.|| ||

Atha kho ayasmato Meghiyassa tasmim Ambavane viharantassa yebhuyyena tayo papaka akusala vitakka samudacaranti.|| ||

Seyyath'idam:||
kamavitakko||
vyapadavitakko||
vihimsavitakko.|| ||

Atha kho ayasmato Meghiyassa etad ahosi:||
'acchariyam vata bho,||
abbhutam vata bho,||
saddhaya'va tan c'amhi agarasma anagariyam pabbajito.|| ||

Atha ca pan'imehi tihi papakehi akusalehi vitakkehi anvasatto:||
kamavitakkena||
vyapadavitakkena||
vihimsavitakkenati.|| ||

7. Atha kho ayasma Meghiyo yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Meghiyo Bhagavantam etad avoca:|| ||

Idha mayham bhante tasmim Ambavane viharantassa yebhuyyena tayo papaka akusala vitakka samudacaranti.|| ||

Seyyath'idam:||
kamavitakko||
vyapadavitakko||
vihimsavitakko.|| ||

Tassa mayham bhante, etad ahosi:||
'acchariyam vata bho,||
abbhutam vata bho,||
saddhaya'va tan c'amhi agarasma anagariyam pabbajito.|| ||

Atha ca pan'imehi tihi papakehi akusalehi vitakkehi anvasatto||
kamavitakkena||
vyapadavitakkena||
vihimsavitakkena' ti.|| ||

Aparipakkaya Meghiya ceto-vimuttiya panca dhamma paripakkaya samvattanti.|| ||

Katame panca?|| ||

8. Idha Meghiya, bhikkhu kalyanamitto hoti kalyanasahayo kalyanasampavanko.|| ||

Aparipakkava Meghiya ceto-vimuttiya ayam pathamo dhammo paripakkaya samvattati.|| ||

9. Puna ca param Meghiya bhikkhu silava hoti||
patimokkhasamvarasamvuto viharati acaragocarasampanno||
anumattesu vajjesu bhayadassavi samadaya sikkhati sikkhapadesu.|| ||

Aparipakkaya Meghiya, ceto-vimuttiya ayam dutiyo dhammo paripakkaya samvattati.|| ||

10. Puna ca param Meghiya bhikkhu yayam katha abhisallekhika ceto-vivaranasappaya seyyath'idam:||
appicchakatha||
santutthikatha||
pavivekakatha||
asamsaggakatha||
viriyarambhakatha||
silakatha||
samadhikatha||
pannakatha||
vimuttikatha||
vimuttinanadassanakatha.|| ||

Evarupiya kathaya nikamalabhi hoti akicchalabhi akasiralabhi.|| ||

Aparipakkaya Meghiya, ceto-vimuttiya ayam tatiyo dhammo paripakkaya samvattati.|| ||

11. Puna ca param Meghiya bhikkhu araddhaviriyo viharati akusalanam dhammanam pahanaya,||
kusalanam dhammanam upasampadaya||
thamava dalhaparakkamo anikkhittadhuro kusalesu dhammesu.|| ||

Aparipakkaya Meghiya ceto-vimuttiya ayam catuttho dhammo paripakkaya samvattati.|| ||

12. Puna ca param Meghiya bhikkhu pannava hoti||
udayatthagaminiya pannaya samannagato ariyaya nibbedhikaya sammadukkhakkhayagaminiya.|| ||

Aparikkaya Meghiya ceto-vimuttiya ayam pancamo dhammo paripakkaya samvattati.|| ||

13. Kalyanamittass'etam Meghiya bhikkhuno patikankham kalyanasahayassa kalyanasampavankassa||
silava bhavissati||
patimokkhasamvarasamvuto viharissati acaragocara-sampanno||
anumattesu vijjesu bhayadassavi samadaya sikkhati sikkhapadesu.|| ||

Kalyanamittass'etam Meghiya bhikkhuno patikankham kalyanasahayassa kalyanasampavankassa:||
yayam katha abhisallekhika ceto-vivaranasappaya.|| ||

Seyyath'idam:|| ||

Appicchakatha||
santutthikatha||
pavivekakatha||
asamsaggakatha||
viriyarambhakatha||
silakatha||
samadhikatha||
pannakatha||
vimuttikatha||
vimuttinanadassanakatha.|| ||

Evarupiya kathaya nikamalabhi bhavissati kicchalabhi akasiralabhi.|| ||

Kalyanamittass'etam Meghiya bhigkhuno patikankham kalyanasahayassa,||
kalyana-sampavankassa||
araddhaviriyo viharissati akusalanam dhammanam pahanaya||
kusalanam dhammanam upasampadaya||
thamava dalhaparakkamo anikkhittadhuro kusalesu dhammesu.|| ||

Kalyanamittass'etam Meghiya bhikkhuno patikankham kalyanasahayassa kalyanasampavankassa:||
pannava bhavissati udayatthagaminiya pannaya samannagato ariyaya nibbedhikaya sammadukkhakkhayagaminiya.|| ||

Tena ca pana Meghiya bhikkhuno imesu pancasu dhammesu patitthaya cattaro dhamma uttarim bhavetabba:||
asubha bhavetabba ragassa pahanaya,||
metta bhavetabba vyapadassa pahanaya,||
anapanasati bhavetabba vitakkupacchadaya,||
aniccasanna bhavetabba asmimanasamugghataya.|| ||

Aniccasannino Meghiya anattasanna santhati.|| ||

Anattasanni asmimanasamugghatam papunati ditthe va dhamme nibbanan ti.|| ||

 


Contact:
E-mail
Copyright Statement