Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Sutta 20

Velama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

[392]


 

[1][pts][ati][upal] Evam me sutam ekam samayam Bhagava Savatthiyam viharati Jetavane Anathapindikassa arame.|| ||

Atha kho Anathapindiko gahapati yena Bhagava ten'upasankami,||
upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Anathapindikam gahapatim Bhagava etad avoca:|| ||

Api nu te gahapati, kule danam diyatiti?|| ||

Diyati me bhante, kule danam,||
tan ca kho lukham kanajakam bilangadutiyan ti.|| ||

2. Lukhan ce pi gahapati,||
danam deti panitam va,||
tan ca asakkaccam deti,||
acittikatva deti,||
asahattha deti,||
apaviddham deti,||
anagamanaditthiko deti;||
yattha yattha tassa tassa danassa vipako nibbattati,||
na ularaya bhattabhogaya cittam namati,||
na ularaya vatthabhogaya cittam namati,||
na ularaya yanabhogaya cittam namati,||
na ularesu pancasu kamagunesu bhogaya cittam namati.|| ||

Ye pi'ssa te [393] honti putta ti va dara ti va dasa ti va pessa ti va kammakara ti va,||
te pi na sussusanti,||
na sotam odahanti,||
na annacittam upatthapenti.|| ||

Tam kissa hetu?|| ||

Evam h'etam gahapati,||
hoti asakkaccakatanam kammanam vipako.|| ||

3. Lukhan ce pi gahapati,||
danam deti panitam va,||
tan ca sakkaccam deti,||
cittikatva deti,||
sahattha deti,||
anapaviddham deti,||
agamanaditthiko deti;||
yattha yattha tassa tassa danassa vipako nibbattati,||
ularaya bhattabhogaya cittam namati,||
ularaya vatthabhogaya cittam namati,||
ularaya yanabhogaya cittam namati,||
ularesu pancasu kamagunesu bhogaya cittam namati.|| ||

Ye pi'ssa te honti putta ti va dara ti va dasa ti va pessa ti va kammakara ti va||
te pi sussusanti,||
sotam odahanti,||
annacittam upatthapenti.|| ||

Tam kissa hetu?|| ||

Evam h'etam gahapati,||
hoti sakkaccakatanam kammanam vipako.|| ||

4. Bhutapubbam gahapati,||
Velamo nama brahmano ahosi.|| ||

So evarupam danam adasi mahadanam:|| ||

Caturasiti suvannapatisahassani adasi rupiya purani,||
caturasiti rupiyapatisahassani adasi suvannapurani,||
caturasiti kamsapatisahassani adasi hirannapurani,||
caturasiti hatthisahassani adasi sovannalankarani sovannadhajani hemajalasanchannani||
caturasiti rathasahassani adasi sihavammaparivarani vyagghacammaparivarani dipicammaparivarani pandukambalaparivarani sovannalankarani sovannadhajani hemajalasanchannani||
caturasiti dhenusahassani adasi dukulasanthanani kamsupadharanani,||
caturasiti kannasahassani adasi amuttamanikundalayo,||
caturasiti pallankasahassani [394] adasi gonakatthatani patikattatani patalikatthatani kadalimigapavarapacc'attharanani,||
sa-uttaracchadani ubhato lohitakupadhanani,||
caturasiti vatthakotisahassani adasi khomasukhumanam koseyyasukhumanam kambalasukhumanam kappasikasukhumanam||
ko pana vado annassa panassa khajjassa bhojjassa leyyassa peyyassa?|| ||

Najjo manne vissandati.|| ||

5. Siya kho pana te gahapati.|| ||

Evam assa "Anno nuna tena samayena Velamo brahmano ahosi||
so tam danam adasi mahadanan' ti.|| ||

Na kho pan'etam gahapati,||
evam datthabbam.|| ||

Aham tena samayena Velamo brahmano ahosim,||
aham tam danam adasim mahadanam.|| ||

Tasmim kho pana gahapati,||
dane na koci dakkhineyyo ahosi||
na tam koci dakkhinam visodheti.|| ||

Yam gahapati, Velamo brahmano danam adasi, mahadanam,||
yo c'ekam ditthisampannam bhojeyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca satam ditthisampannanam bhojeyya,||
yo c'ekam sakadagamim bojeyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca satam sakadagaminam bhojeyya,||
yo c'ekam anagamim bojeyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca satam anagaminam bhojeyya,||
yo c'ekam arahantam bhojeyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca satam arahantam bhojeyya,||
yo c'ekam paccekabuddham bhojeyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca paccekabuddhanam bhojeyya,||
yo ca Tathagatam arahantam Samma-sambuddham bhojeyya||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca buddhapamukham bhikkhusangham bhojeyya,
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca catudadisam sangham uddissa viharam karapeyya||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca pasannacitto buddan ca dhamman ca sanghan ca saranam gaccheyya||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo ca pasannacitto sikkhapadani samadiyeyya panatipata veramanim,||
adinnadana veramanim,||
kamesu micchacara veramanim,||
musa-vada veramanim,||
suramerayamajjapamadatthana veramanim,||
yo ca antamaso gadduhanamattam pi,||
mettacittam bhaveyya,||
idam tato mahapphalataram.|| ||

Yan ca gahapati Velamo brahmano danam adasi mahadanam,||
yo c'ekam ditthisampannam bhojeyya,||
yo ca satam ditthisampannanam bhojeyya,||
yo cekam sakadagamim bhojeyya,||
yo ca satam sakadagaminam bhojeyya,||
yo cekam anagamim bhojeyya,||
yo ca satam anagaminam bhojeyya,||
yo cekam arahantam bhojeyya,||
yo ca satam arahantanam bhojeyya,||
yo cekam paccekabuddham bhojeyya,||
yo ca satam paccekabuddhanam bhojeyya.|| ||

Yo ca Tathagatam arahantam Samma-sambuddham bhojeyya,||
yo ca Buddhapamukham bhikkhu-sangham bhojeyya,||
yo ca catuddisam sangham uddissa viharam karapeyya,||
yo ca pasannacitto Buddhan ca dhamman ca sanghan ca saranam gaccheyya,||
yo ca pasanna citto sikkhapadani samadiyye panatipati veramani,||
adinnadana veramani,||
kamesumicchacara veramani,||
musa-vada veramani,||
suramerayamajjapamadatthana veramani.|| ||

Yo ca antamaso gadduhanamattam pi mettacittam bha- [396] veyya,||
yo ca accharasanaghatamattam pi aniccasannam bhaveyya,||
idam tatato mahapphalataranti.|| ||

Sihanadavaggo dutiyo|| ||

 


Contact:
E-mail
Copyright Statement