Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata
III. Sattavasa Vaggo

Sutta 24

Sattavasa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam ekam samayam Bhagava Savatthiyam viharati Jetavane Anathapindikassa arame.|| ||

Nava bhikkhave, tanha mulake dhamme desessami.|| ||

Tam sunatha, sadhukam manasikarotha, bhasissami ti.|| ||

Evam bhante ti kho te bhikkhu Bhagavato paccassosum.|| ||

Bhagava etad avoca:|| ||

Nava ime bhikkhave, sattavasa.|| ||

Katame nava?|| ||

2. Santi, bhikkhave, satta nanattakaya nanatta sannino,||
seyyatha pi manussa ekacce ca deva ekacce ca vinipatika.|| ||

Ayam pathamo sattavaso.|| ||

3. Santi, bhikkhave, satta nanattakaya ekattasannino||
seyyatha pi deva Brahmakayika pathamahi nibbatta.|| ||

Ayam dutiyo sattavaso.|| ||

4. Santi, bhikkhave, satta ekattakaya nanattasannino||
seyyatha pi deva Abhassara.|| ||

Ayam tatiyo sattavaso.|| ||

5. Santi, bhikkhave, satta ekattakaya ekattasannino||
seyyatha pi deva Subhakinna.|| ||

Ayam catuttho sattavaso.|| ||

6. Santi, bhikkhave, satta asannino appatisamvedino,||
seyyatha pi deva Asannasatta.|| ||

Ayam pancamo sattavaso.|| ||

7. Santi, bhikkhave, satta sabbaso rupa-sannanam samatikkama||
patigha-sannanam atthangama||
nanattasannanam amanasi-kara||
'anatto akaso' ti||
akasanancayatanupaga.|| ||

Ayam chattho sattavaso.|| ||

8. Santi, bhikkhave, satta sabbaso akasanancayatanam samatikkamma||
'anattam vinnanan' ti||
vinnanancayatanupaga.|| ||

Ayam sattamo sattavaso.|| ||

9. Santi, bhikkhave, satta sabbaso vinnanancayatanam samatikkamma||
'n'atthi kinci' ti||
akincannayatanupaga.|| ||

Ayam atthamo sattavaso.|| ||

10. Santi, bhikkhave, satta sabbaso akincannayatanam samatikkamma||
n'eva-sanna-nasannayatanupaga.|| ||

Ayam navamo sattavaso.|| ||

Ime kho bhikkhave nava sattavasa ti.|| ||

 


Contact:
E-mail
Copyright Statement