Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata
III. Sattavasa Vaggo

Sutta 26

Silayupopama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam|| ||

Ekam samayam ayasma ca Sariputto ayasma ca Candikaputto Rajagahe viharani Veluvane Kalandakanivape.|| ||

Tatra kho ayasma Candikaputto bhikkhu amantesi:|| ||

'Avuso bhikkhavo' ti.|| ||

'Avuso' ti kho te bhikkhu ayasmato Candikaputtassa paccassosum.|| ||

Ayasma Candikaputto etad avoca:|| ||

Devadatto avuso bhikkhunam evam dhammam deseti:|| ||

'Yato ca kho avuso bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"Khina jati,||
vusitam brahmacariyam,||
katam karaniyam||
naparam itthattaya ti||
pajanami"' ti.|| ||

2. Atha kho Ayasma Sariputto ayasmantam Candikaputtam etad avoca:|| ||

Na kho avuso Candikaputta,||
Devadatto bhikkhunam evam dhammam deseti:|| ||

'Yato kho avuso bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

Evan ca kho avuso Candikaputta||
Devadatto bhikkhunam dhammam deseti:|| ||

'Yato kho avuso bhikkhuno cetasa cittam suparicitam hoti,||
tass'etam bhikkhuno kallam veyyakaranaya:||
"Khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

3. Dutiyam pi kho ayasma Candikaputto bhikkhu amantesi:|| ||

Devadatto avuso bhikkhunam evam dhammam deseti:|| ||

'Yato ca kho avuso bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"Khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

Dutiyam pi kho Ayasma Sariputto ayasmantam Candikaputtam etad avoca:|| ||

Na kho avuso Candikaputta,||
Devadatto bhikkhunam evam dhammam deseti:|| ||

'Yato kho avuso bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

Evan ca kho avuso Candikaputta||
Devadatto bhikkhunam dhammam deseti:|| ||

'Yato kho avuso bhikkhuno cetasa cittam suparicitam hoti,||
tass'etam bhikkhuno kallam veyyakaranaya:||
"Khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

4. Tatiyam pi kho ayasma Candikaputto bhikkhu amantesi:|| ||

Devadatto avuso bhikkhunam evam dhammam deseti:|| ||

Yato kho avuso bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"Khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

Tatiyam pi kho ayasma Sariputto ayasmantam Candikaputtam etad avoca:|| ||

Na kho avuso Candikaputta,||
Devadatto bhikkhunam evam dhammam deseti:|| ||

'Yato kho avuso, bhikkhuno cetasa cittam paricitam hoti,||
tass'etam bhikkhuno kallam veyyakaranaya:||
"Khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

Evan ca kho avuso Candikaputta||
Devadatto bhikkhunam dhammam deseti:||
yato kho avuso bhikkhuno cetasa cittam suparicitam hoti,||
tass'etam bhikkhuno kallam veyyakaranaya:||
"khina jati||
vusitam brahmacariyam||
katam karaniyam||
naparam itthattaya ti||
pajanami"' ti.|| ||

5. Kathan ca avuso bhikkhuno cetasa cittam suparicitam hoti?|| ||

'Vitaragam me cittan' ti||
cetasa cittam suparicitam hoti.|| ||

'Vitadosam me cittan' ti||
cetasa cittam suparicitam hoti.|| ||

'Vitamoham me cittan' ti||
cetasa cittam suparicitam hoti.|| ||

'Asaragadhammam me cittan' ti||
cetasa cittam suparicitam hoti.|| ||

'Asandosanadhammam me cittan' ti||
cetasa cittam suparicitam hoti.|| ||

'Asammohadhammam me cittan' ti||
cetasa cittam suparicitam hoti.|| ||

'Anavattidhammam me cittam kamabhavaya' ti||
cetasa cittam suparicitam hoti.|| ||

'Anavattidhammam me cittam rupabhavaya' ti||
cetasa cittam suparicitam hoti.|| ||

'Anavattidhammam me cittam arupabhavaya' ti||
cetasa cittam suparicitam hoti.|| ||

6. Evam samma vimutta-cittassa kho avuso bhikkhuno bhusa ce pi cakkhuvinneyya rupa cakkhussa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi sotavinneyya sadda sotassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi ghanavinneyya gandha ghanassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi jivhavinneyya rasa jivhaya apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi kayavinneyya photthabba kayassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi manovinneyya dhamma manassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Seyyatha pi avuso silayupo solasakukkuko,||
tass'assu attha kukku hettha nemassa attha kukku upari nemassa;||
atha puratthimaya ce pi disaya agaccheyya bhusa vatavutthi,||
n'eva nam kampeyya na sankampeyya na sampakampeyya na sampavedheyya;||
atha pacchimaya ce pi disaya seyyatha pi avuso silayupo solasakukkuko,||
tass'assu attha kukku hettha nemassa attha kukku upari nemassa;||
atha puratthimaya ce pi disaya agaccheyya bhusa vatavutthi,||
n'eva nam kampeyya na sankampeyya na sampakampeyya na sampavedheyya,||
atha uttaraya ce pi disaya seyyatha pi avuso silayupo solasakukkuko,||
tass'assu attha kukku hettha nemassa attha kukku upari nemassa;||
atha puratthimaya ce pi disaya agaccheyya bhusa vatavutthi,||
n'eva nam kampeyya na sankampeyya na sampakampeyya na sampavedheyya,||
atha dakkhinaya ce pi disaya agaccheyya bhusa vatavutthi,||
n'eva nam kampeyya na sankampeyya na sampakampeyya.|| ||

Tam kissa hetu?|| ||

Gambhiratta avuso nemassa,||
sunikhatatta silayupassa.|| ||

Evam eva kho avuso evam samma vimutta-cittassa kho avuso bhikkhuno bhusa ce pi cakkhuvinneyya rupa cakkhussa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi sotavinneyya sadda sotassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi ghanavinneyya gandha ghanassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi jivhavinneyya rasa jivhaya apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi kayavinneyya photthabba kayassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

Bhusa ce pi manovinneyya dhamma manassa apatham agacchanti.|| ||

Nev'assa cittam pariyadiyanti,||
amissikatam ev'assa cittam hoti thitam anenjappattam,||
vayan c'assanupassati.|| ||

 


Contact:
E-mail
Copyright Statement