Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata
III. Sattavasa Vaggo

Sutta 27

Pathama Verabhaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Atha kho Anathapindiko gahapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Anathapindikam gahapatim Bhagava etad avoca:|| ||

2. Yato kho gahapati ariyasavakassa panca bhayani verani vupasantani honti,||
catuhi ca sotapattiyangehi samannagato hoti,||
so akankhamano attana va attanam vyakareyya:|| ||

'Khinanirayo'mih,||
khinatiracchanayoni,||
khinapettivisayo,||
khinapayaduggativinipato,||
sotapanno'ham asmi,||
avinipatadhammo niyato sambodhiparayano.|| ||

3. Katamani panca bhayani verani vupasantani honti?|| ||

Yam gahapati panatipati panatipatappaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Panatipata pativirato n'eva ditthadhammakam pi bhayam veram pasavati,||
na samparayikam pi bhayam veram pasavati,||
na cetasikam pi dukkham domanassam patisamvedeti.|| ||

Panatipata pativiratassa evam tam bhayam veram vupasantam hoti.|| ||

4. Yam gahapati adinnadayi adinnanappaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Adinnadana pativirato n'eva ditthadhammakam pi bhayam veram pasavati,||
na samparayikam pi bhayam veram pasavati,||
na cetasikam pi dukkham domanassam patisamvedeti.|| ||

Adinnadana pativiratassa evam tam bhayam veram vupasantam hoti.|| ||

5. Yam gahapati kamesu micchacari kamesu-micchacarappaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedati.|| ||

Kamesu micchacara pativirato n'eva ditthadhammakam pi bhayam veram pasavati,||
na samparayikam pi bhayam veram pasavati,||
na cetasikam pi dukkham domanassam patisamvedati.|| ||

Kamesu micchacara pativiratassa evam tam bhayam veram vupasantam hoti.|| ||

6. Yam gahapati musavadi musavadappaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedati.|| ||

Musavada pativirato n'eva ditthadhammakam pi bhayam veram pasavati,||
na samparayikam pi bhayam veram pasavati,||
na cetasikam pi dukkham domanassam patisamvedati.|| ||

Musavada pativiratassa evam tam bhayam veram vupasantam hoti.|| ||

7. Yam gahapati suramerayamajjapamadatthayi suramerayamajjapamadatthanappaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedati.|| ||

Suramerayamajjapamadatthana pativirato n'eva ditthadhammakam pi bhayam veram pasavati,||
na samparayikam pi bhayam veram pasavati,||
na cetasikam pi dukkham domanassam patisamvedati.|| ||

Suramerayamajjapamadatthana pativiratassa evam tam bhayam veram vupasantani hoti.|| ||

Imani panca bhayani verani vupasanthani honti.|| ||

8. Katamehi catuhi sotapattiyangehi samannagato hoti?|| ||

Idha gahapati ariyasavako Buddhe aveccappasadena samannagato hoti:|| ||

'Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi Sattha deva-manussanam buddho Bhagava' ti.|| ||

9. Dhamme aveccappasadena samannagato hoti.|| ||

'Svakkhato Bhagavata dhammo sanditthiko akaliko ehipassiko opanayiko paccattam veditabbo vinnuhi' ti.|| ||

10. Sanghe aveccappasadena samannagato hoti.|| ||

'Supatipanno Bhagavato savakasangho,||
ujupatipanno Bhagavato savakasangho nayapatipanno Bhagavato savakasangho,||
samicipatipanno Bhagavato savakasangho,||
yad idam cattari purisayugani attha purisapuggala,||
esa Bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassa' ti.|| ||

Ariyakantehi silehi samannagato hoti,||
akhandehi acachiddehi asabalehi akammasehi bhujissehi vinnuppasatthehi aparamatthehi samadhisamvattanikehi.|| ||

Imehi catuhi sotapattiyangehi samannagato hoti.|| ||

11. Yato kho gahapati ariyasavakassa imani panca bhayani verani vupasantani honti,||
imehi ca catuhi sotapattiyangehi samannagato hoti,||
so akankhamano attana'va attanam vyakareyya:|| ||

'Khina nirayo'mhi,||
khinatiracchanayoni,||
khinapettivisayo,||
khinaapayaduggativinipato,||
sotapanno'ham asmi,||
avinipatadhammo niyato sambodhiparayano ti.|| ||

 


Contact:
E-mail
Copyright Statement