Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
VIII. Navaka Nipāta
IV. Mahā Vagga

Sutta 33

Anupubba-Vihāra-Samāpatti Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[410]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvātthiyaṃ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi.|| ||

"Bhikkhavo" ti.|| ||

"Bhadante" ti te bhikkhu Bhagavato paccassosuṃ.|| ||

Bhagavā etad avoca:|| ||

"Nava imā bhikkhave, anupubba-vihārā-samāpāttiyo desessāmi.|| ||

Taṃ suṇātha||
sādhukaṃ manasi-karotha,||
bhāsissāmī" ti.|| ||

"Evaṃ bhante" ti kho te bhikkhu Bhagavato paccassosuṃ.|| ||

Bhagavā etad avoca:|| ||

[2][pts][than] "Katamā ca bhikkhave,||
nava anupubba-vihārā-samāpāttiyo?|| ||

2. Yattha kāmā nirujjhanti,||
ye ca kāme nirodhetvā nirodhetvā viharanti,||
addhā te āyasmanto nicchātā nibbutā [411] tiṇṇā pāragatā tad aṅgenā ti vadāmi.|| ||

'Kattha kāmā nirujjhanti,||
ke ca kāme nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso bhakkhu vivicc'eva kāmehi vivicca akusalehi dhammehi sa-vitakkaṃ sa-vicāraṃ viveka-jaṃ pīti-sukhaṃ paṭhamaṃ-jhānaṃ upasampajja viharati.|| ||

Ettha kāmā nirujjhanti,||
te ca kāme nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

3. Yattha vitakka-vicārā nirajjhanti,||
ye ca vitakka-vicāre nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenā ti vadāmi.|| ||

'Kattha vitakka-vicārā nirujajhanti,
ke ca vitākka-vicāre nirodhetvā nīrodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu vitakka-vicārānaṃ vūpasamā ajjhattaṃ sampasādanaṃ cetaso ekodi-bhāvaṃ avitakkaṃ avicāraṃ samādhi-jaṃ pīti-sukhaṃ dutiyaṃ-jhānaṃ upasampajja viharati.|| ||

Ettha vitakka-vicārā nirujjhanti,||
te ca vitākka-vicāre nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

4. Yattha piti nirujjhanti,||
ye ca pītiṃ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenāti vadāmi.|| ||

'Kattha pīti nirujjhati,
ke ca pītiṃ nirodhetvā nirodhetvā viharantīti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu pītiyā ca virāgā upekkhako ca viharati||
sato ca sampajāno sukhañca kāyena paṭisaṃvedeti||
yantaṃ ariyā āvikkhanti:||
"Upekkhako satimā sukha-vihārī"||
ti taṃ tatiyaṃ-jhānaṃ upasampajja viharati.|| ||

Ettha pīti nirujjhati,||
te ca pītiṃ nirodhetvā niro- [412] dhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

5. Yattha upekhā-sukhaṃ nirujajhati,||
ye ca upekhā-sukhaṃ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenāti vadāmi.|| ||

'Kattha upekhā-sukhaṃ nirujjhati,
ke ca upekkhāsukhaṃ nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu sukhassa ca pahānā dukkhassa ca pahānā pubb'eva somanassa-domanassānaṃ atthaṅ-gamā adukkha-m-asukhaṃ upekkhā-sati-pārisuddhiṃ catutthaṃ-jhānaṃ upasampajja viharati.|| ||

Ettha upekhā-sukhaṃ nirujajhati,||
te ca upekhā-sukhaṃ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

6. Yattha rūpa-saññā nirujjhanti,||
ye ca rūpa-saññā,||
nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenāti vadāmi.|| ||

'Kattha rūpa-saññā nirujajhanti,||
ke ca rūpa-saññā nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu sabbaso rūpa-saññānaṃ samati-k-kamā paṭigha-saññānaṃ atthaṅgatamā nānatta-saññānaṃ amanasikārā anatto ākāsoti Ākāsanañ-c'āyatanaṃ upasampajja viharati.|| ||

Ettha rūpa-saññā nirujjhanti,||
te va rūpa-saññā nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

[413] 7. Yattha Ākāsanañ-c'āyatana-sañña nirujajhati,||
ye ca Ākāsanañ-c'āyatana-saññaṃ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenāti vadāmi.|| ||

'Kattha Ākāsanañ-c'āyatana-sañña nirujjhati,
ke ca Ākāsanañ-c'āyatana-saññaṃ nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu sabbaso Ākāsanañ-c'āyatanaṃ samati-k-kamma,||
"Anantaṃ viññāṇan" ti,||
Viññāṇañ-c'āyatanaṃ upasampajja viharati.|| ||

Ettha Ākāsanañ-c'āyatana-sañña nirujjhati||
te ca Ākāsanañ-c'āyatana-saññaṃ nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

8. Yattha Viññāṇañ-c'āyatana-sañña nirujajhati,||
ye ca Viññāṇañ-c'āyatana-saññaṃ nirodhetvā nirodhechatvā viharanti,||
addhā te āyasmanto nicchātā nibābutā nitṇhā pāragatā tad aṅgenāti vadāmi.|| ||

'Kattha Viññāṇañ-c'āyatana-sañña nirujajhati,||
ke ca Viññāṇañ-c'āyatana-saññaṃ nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu sabbaso Viññāṇañ-c'āyatanaṃ samati-k-kamma,||
"N'atthi kiñci" ti||
Ākiñcaññ'āyatanaṃ upasampajja viharati.|| ||

Ettha Viññāṇañ-c'āyatana-sañña nirujajhati,||
te ca Viññāṇañ-c'āyatanasañdaṃ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

9. Yattha Ākiñ caññ'āyatana-sañña nirujajhati,||
ye ca Ākiñ caññ'āyatana-saññaṃ nirodhetvā nirodhechatvā viharanti,||
addhā te āyasmanto nicchātā nibābutā nittaṇhā pāragatā tad aṅgenāti vadāmi.|| ||

'Kattha Ākiñ caññ'āyatana-sañña nirujajhati,
ke ca Ākiñ caññ'āyatana-saññaṃ nirodhetvā nirodhetvā viharanti?|| ||

[414] Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso, bhikkhu sabbaso Ākiñcaññ'āyatanaṃ samati-k-kamma N'eva-saññā-nā-saññ'āyatanaṃ upasampajja viharati.|| ||

Ettha Ākiñ caññānā-saññā nirujajhati,||
te ca Ākiñ caññ'āyatana-saññaṃ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

9. Yattha N'eva-saññā-nā-saññ'āyatana-sañña nirujjhati,||
ye ca N'eva-saññā-nā-saññ'āyatana-saññaṃ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tad aṅgenāti vadāmi.|| ||

'Kattha N'eva-saññā-nā-saññ'āyatana-sañña nirujajhati,
ke ca N'eva-saññā-nā-saññ'āyatana-saññaṃ nirodhetvā nirodhetvā viharanti?|| ||

Aham etaṃ na jānāmi,||
aham etaṃ na passāmī' ti.|| ||

Iti yo evaṃ vadeyayya,||
so evam assa vacanīyo:|| ||

'Idh'āvuso bhikkhu sabbaso N'eva-saññā-nā-saññ'āyatanaṃ samati-k-kamma saññā-vedayita-nirodhaṃ upasampajja viharati.|| ||

Ettha N'eva-saññā-nā-saññ'āyatana-sañña nirujajhati,||
te ca N'eva-saññā-nā-saññ'āyatana-saññaṃ nirodhetvā niredhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaṃ abhinandeyya anumodeyya||
'sādhu' ti bhāsitaṃ abhinan'ditvā anumo-ditvā||
nama-s-samāno pañjaliko payirupāseyya.|| ||

Imā kho bhikkhave, nava anupubba vihāra-samāpattiyo" ti.|| ||

 


Contact:
E-mail
Copyright Statement