Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Sutta 37

Ananda Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][ati][bd][upal] Evam me sutam.|| ||

Ekam samayam ayasma Anando Kosambiyam viharati Ghositarame.|| ||

Tatra kho ayasma Anando bhikkhu amantesi:|| ||

Avuso Bhikkhavo ti.|| ||

Avuso ti kho te bhikkhu ayasmato Anandassa paccassosum.|| ||

Ayasma Anando etad avoca:|| ||

2. Acchariyam avuso,||
abbhutam avuso,||
yavan c'idam tena Bhagavata janata passata arahata Samma-sambuddhena sambadhe okasadhigamo anubuddho sattanam visuddhiya sokaparidavanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya.|| ||

Tad eva nama cakkhum bhavissati,||
te rupa tan' [427] cayatanam no patisanvedissati;||

tad eva nama sotam bhavissati,||
te sadda tan'cayatanam no patisanvedissati;||

tad eva nama ghanam bhavissati,||
te gandha tan'cayatanam no patisanvedissati;||

sa ca nama jivha bhavissati,||
te rasa tan'cayatanam no patisanvedissati;||

so ca nama kayo bhavissati,||
te photthabba tan'cayatanam no patisanvedissati ti.|| ||

3. Evam vutte ayasma Udayi ayasmantam Anandam etad avoca:|| ||

'Sanni-m-eva nu kho avuso Ananda tad ayatanam no patisanvediti,||
udahu asanni ti?|| ||

Sanni-m-eva kho avuso tad ayatanam no patisanvediti,||
no asanni ti.|| ||

Kim sanni pan'avuso tad ayatanam no patisanvedati' ti?|| ||

4. Idh'avuso bhikkhu sabbaso rupasannanam samatikkama patighasannanam atangama nanattasannanam amanasikara||
'Ananto akaso' ti||
akasanancayatanam upasampajja viharati.|| ||

Evam sanni pi kho avuso tad ayatanam no patisanvedeti.|| ||

5. Puna ca param avuso bhikkhu sabbaso akasanancayatanam samatikkamma||
'Anantam vinnanan' ti||
vinnanancayatanam upasampajja viharati.|| ||

Evam sanni pi kho avuso tad ayatanam no patisanvedeti.|| ||

6. Puna ca param avuso,||
bhikkhu sabbaso vinnanancayatanam samatikkamma||
'N'atthi kinci' ti||
akincannayatanam upasampajja viharati.|| ||

Evam sanni pi kho avuso tad ayatanam no patisanvedeti ti.|| ||

7. Ekam idaham avuso,||
samayam Sakete viharami Anjanavane Migadaye.|| ||

Atha kho avuso Jatilagahiya Bhikkhuni yenaham ten'upasankami.|| ||

Upasankamitva mam abhivadetva eka-m-antam atthasi.|| ||

Eka-m-antam thita kho avuso,||
Jatilagahiya bhikkhuni mam etad avoca:|| ||

'Yayam bhante Ananda samadhi na cabhinato na capanato||
na sasankharaniggayhavaritavato||
vimuttatta thito,||
thitatta santusito||
santusitatta no paritassati,||
ayam bhante Ananda samadhi kimphalo vutto Bhagavata' ti?|| ||

Evam vutte aham avuso Jatilagahiyam bhikkhunim etad avoca:|| ||

'Yayam bhagini samadhi na cabhinato na capanato,||
na sasankharaniggayihavaritavato,||
vimuttatta thito,||
thitatta santusito,||
santusitatta no paritassati||
ayam bhagini samadhi annaphalo vutto Bhagavata' ti.|| ||

Evam sanni pi kho avuso tad ayatanam no patisanvedeti ti.|| ||

 


Contact:
E-mail
Copyright Statement