Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata
Iddhipada Vaggo

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

Sutta 83

Sikkhadubbalya Iddhipada Suttam

[1][pts] Evam me sutam:|| ||

Savatthinidanam|| ||

Pancamani bhikkhave sikkhadubbalyani.|| ||

Katamani panca?|| ||

Panatipato,||
adinnadanam,||
kamesu miccacaro,||
musavado,||
suramerayamajjapamadatthanam.|| ||

Imani kho bhikkhave panca sikkha dubbalyani.|| ||

Imesam kho bhikkhave pancannam sikkhadubbalyanam pahanaya,||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam sikkhadubbalyanam pahanaya||
ime cattaro iddhipada bhavetabba ti.|| ||

 


 

Sutta 84

Nivarana Iddhipada Suttam

[1][pts] Evam me sutam:|| ||

Savatthinidanam|| ||

Pancimani bhikkhave nivaranani.|| ||

Katamani panca?|| ||

Kamacchandanivaranam,||
vyapadanivaranam, thinamiddhanivaranam,||
uddhaccakukkuccanivaranam,||
vicikicchanivaranam.|| ||

Imani kho bhikkhave panca nivaranani.|| ||

Imesam kho bhikkhave pancannam nivarananam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam nivarananam pahanaya||
ime cattaro iddhipada bhavetabba ti.|| ||

 


 

Sutta 85

Kamaguna Iddhipada Suttam

[1][pts] Evam me sutam:|| ||

Savatthinidanam|| ||

Panc'ime bhikkhave kamaguna.|| ||

Katame panca?|| ||

Cakkhuvinneyya rupa ittha kanta manapa piyarupa kamupasamhita rajaniya.|| ||

Sotavinneyya sadda ittha kanta manapa piyarupa kamupasamhita rajaniya||
ghanavinneyya gandha ittha kanta manapa piyarupa kamupasamhita rajaniya||
jivhavinneyya rasa ittha kanta manapa piyarupa kamupasamhita rajaniya||
kayavinneyya photthabba ittha kanta manapa piyarupa kamupasamhita rajaniya.|| ||

Ime kho bhikkhave panca kamaguna.|| ||

Imesam kho bhikkhave pancannam kamagunanam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam kamagunanam pahanaya||
ime cattaro iddhipada bhavetabba ti.|| ||

 


 

Sutta 86

Upadanakkhandha Iddhipada Suttam

[1][pts] Evam me sutam:|| ||

Savatthinidanam|| ||

Panc'ime bhikkhave upadanakkhanda.|| ||

Katame panca?|| ||

Rupupadanakkhandho,||
vedanupadanakkhandho,||
sannupadanakkhandho,||
sankharupadanakkhandho,||
vinnupadanakkhandho.|| ||

Ime kho bhikkhave, pancupadanakkhandha.|| ||

Imesam kho bhikkhave pancannam upadanakkhandanam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam upadanakkhandanam pahanaya||
ime cattaro iddhipada bhavetabba ti.|| ||

 


 

Sutta 87

Orambhagiya Iddhipada Suttam

[1][pts] Evam me sutam:|| ||

Savatthinidanam|| ||

Pancamani bhikkhave orambhagiyani sannojanani.|| ||

Katamani panca?|| ||

Sakkayaditthi,||
vicikicca,||
silabbataparamaso,||
kamacchando,||
khyapado.|| ||

Imani kho bhikkhave pancorambhagiyani sannojanani.|| ||

Imesam kho bhikkhave pancannam orambhagiyanam sannojananam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam orambhagiyanam sannojananam pahanaya||
ime cattaro iddhipada bhavetabba ti.|| ||

 


 

Sutta 88

Gati Iddhipada Suttam

[1][pts] Evam me sutam:|| ||

Savatthinidanam|| ||

Pancima bhikkhave gatiyo.|| ||

Katame panca?|| ||

Nirayo,||
tiracchanayoni,||
pettivisayo,||
manussa,||
deva.|| ||

Ima kho bhikkhave panca gatiyo.|| ||

Imasam kho bhikkhave pancannam gatinam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imasam kho bhikkhave pancannam gatinam pahanaya||
ime cattaro iddhipada bhavetabba ti.|| ||

 


 

Sutta 89

Macchariya Iddhipada Suttam

[1][pts] Evam me sutam:|| ||

Savatthinidanam|| ||

Pancimani bhikkhave macchariyani.|| ||

Katamani panca?|| ||

Avasamacchariyaham,||
kulamacchariyam,||
labhamacchariyam,||
vannamacchariyam,||
dhammamacchariyam.|| ||

Imani kho bhikkhave panca macchariyani.|| ||

Imesam kho bhikkhave, pancannam macchariyanam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave, pancannam macchariyanam pahanaya||
ime cattaro iddhipada bhavetabba ti.|| ||

 


 

Sutta 90

Uddhamabhagiya Iddhipada Suttam

[1][pts] Evam me sutam:|| ||

Savatthinidanam|| ||

Pancimani bhikkhave, uddhamabhagiyani sannojanani.|| ||

Katamani panca?|| ||

Ruparago,||
aruparago,||
mano,||
uddhaccam,||
avijja.|| ||

Imani kho bhikkhave pancuddhambhagiyani sannojanati.|| ||

Imesam kho bhikkhave pancannam uddhamabhagiyanam sannojananam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam uddhamabhagiyanam sannojananam pahanaya||
ime cattaro iddhipada bhavetabba ti.|| ||

 


 

Sutta 91

Cetokhila Iddhipada Suttam

[1][pts] Evam me sutam:|| ||

Savatthinidanam|| ||

Panc'ime bhikkhave cetokhila.|| ||

Katame panca?|| ||

Idha, bhikkhave, bhikkhu satthari kankhati vicikicchati nadhimuccati na sampasidati.|| ||

Yo so bhikkhave bhikkhu satthari kankhati,||
vicikicchati,||
nadhimuccati na sampasidati,||
tassa cittam na namati atappaya anuyogaya sataccaya padhanaya,||
yassa cittam na namati atappaya anuyogaya sataccaya padhanaya,||
ayam pathamo cetokhilo.|| ||

Puna ca param bhikkhave bhikkhu dhamme kankhati vicikicchati nadhimuccati na sampasidati.|| ||

Yo so bhikkhave bhikkhu dhamme kankhati,||
vicikicchati,||
nadhimuccati na sampasidati,||
tassa cittam na namati atappaya anuyogaya sataccaya padhanaya,||
yassa cittam na namati atappaya anuyogaya sataccaya padhanaya,||
ayam dutiyo cetokhilo.|| ||

Puna ca param bhikkhave bhikkhu sanghe kankhati vicikicchati nadhimuccati na sampasidati.|| ||

Yo so bhikkhave bhikkhu sanghe kankhati,||
vicikicchati,||
nadhimuccati na sampasidati,||
tassa cittam na namati atappaya anuyogaya sataccaya padhanaya,||
yassa cittam na namati atappaya anuyogaya sataccaya padhanaya,||
ayam tatiyo cetokhilo.|| ||

Puna ca param bhikkhave bhikkhu sikkhaya kankhati vicikicchati nadhimuccati na sampasidati.|| ||

Yo so bhikkhave bhikkhu sikkhaya kankhati,||
vicikicchati,||
nadhimuccati na sampasidati,||
tassa cittam na namati atappaya anuyogaya sataccaya padhanaya,||
yassa cittam na namati atappaya anuyogaya sataccaya padhanaya,||
ayam catuttha cetokhilo.|| ||

Yo so bhikkhave bhikkhu sabrahmacarisu kupito hoti anattamano abhatacitto kilajato,||
tassa cittam na namati atappaya anuyogaya,||
sataccaya padhanaya.

Yassa cittam na namati atappaya anuyogaya sataccaya,||
ayam pancamo cetokhilo.|| ||

Ime kho bhikkhave panca cetokila.|| ||

Imesam kho bhikkhave pancannam cetokhilanam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam cetokhilanam pahanaya||
ime cattaro iddhipada bhavetabba ti.|| ||

 


 

Sutta 92

Vinibandha Iddhipada Suttam

[1][pts] Evam me sutam:|| ||

Savatthinidanam|| ||

Panc'ime bhikkhave cetaso vinibandha.|| ||

Katame panca?|| ||

Idha, bhikkhave, bhikkhu kamesu avitarago hoti avigatachando avigatapemo avigatapipaso avigataparilaho avigata tanho.|| ||

Yo so bhikkhave bhikkhu kamesu avitarago hoti avigatachando avigatapemo avigatapipaso avigataparilabho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam pathamo cetaso vinibandho.|| ||

Puna ca param bhikkhave bhikkhu kaye avitarago hoti avigatachando avigatapemo avigatapipaso avigataparilaho avigata tanho.|| ||

Yo so bhikkhave bhikkhu kaye avitarago hoti avigatachando avigatapemo avigatapipaso avigataparilabho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam dutiyo cetaso vinibandho.|| ||

Puna ca param bhikkhave bhikkhu rupe avitarago hoti avigatachando avigatapemo avigatapipaso avigataparilaho avigata tanho.|| ||

Yo so bhikkhave bhikkhu rupesu avitarago hoti avigatachando avigatapemo avigatapipaso avigataparilabho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya, ayam tatiyo cetaso vinibandho.|| ||

Puna ca param bhikkhave bhikkhu yavadattham udaravadehakam bhunjitva seyyasukham passasukham middhasukham anuyutto viharati avitarago hoti avigatachando avigatapemo avigatapipaso avigataparilaho avigata tanho.|| ||

Yo so bhikkhave bhikkhu yavadattham udaravadehakam bhunjitva seyyasukham passasukham middhasukham anuyutto viharati,||
avitarago hoti avigatachando avigatapemo avigatapipaso avigataparilabho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam catuttho cetaso vinibandho.|| ||

Puna ca param bhikkhave bhikkhu annataram devanikayam panidhaya brahmacariyam carati,||
iminaham silena va vatena va tapena va brahmacariyena va devo va bhavissami devannataro va'ti.|| ||

Yo so bhikkhave bhikkhu annataram devanikayam panidhaya brahmacariyam carati iminaham silena va vatena va tapena va brahmacariyena va devo va bhavismi devannataro vati,||
tassa cittam na namati atappaya anuyogaya, sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam pancamo cetaso vinibandho.|| ||

Ime kho bhikkhave, panca cetaso vinibandha.|| ||

Imesam kho bhikkhave pancannam cetaso vinibandhanam pahanaya||
cattaro iddhipada bhavetabba.|| ||

Katame cattaro?|| ||

Idha bhikkhave bhikkhu||
chandasamadhipadhanasankharasamannagatam iddhipadam bhaveti.|| ||

Viriyasamadhipadhanasankharasamannagatam iddhipadam bhaveti.|| ||

Cittasamadhipadhanasankharasamannagatam iddhipadam bhaveti.|| ||

Vimamsasamadhipadhanasankharasamannagatam iddhipadam bhaveti.|| ||

Imesam kho bhikkhave pancannam cetaso vinibandhanam pahanaya||
ime cattaro iddhipada bhavetabba ti.|| ||

 


Contact:
E-mail
Copyright Statement