Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
X. Dasaka-Nipata
II. Natha Vagga

Sutta 20

Dutiya Ariyavasa Suttam

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Anguttara-Nikaya
edited by Prof. E. Hardy, PhD., D.D.

 


 

[1][pts][than][bodh] Evam me sutam:|| ||

Ekam samayam Bhagava Kurusu viharati Kammassadammam [30] nama Kurunam nigamo,||
tatra kho Bhagava bhikkhu amantesi idha bhikkhave bhikkhu||
pancangavippahino hoti||
chalangasamannagato||
ekarakkho||
caturapasseno||
panunnapaccekasacco||
samavayasatthesano||
anavilasankappo||
passaddhakayasankharo||
suvimuttacitto||
suvimuttapanno.|| ||

Bhagava etad avoca,||
ime kho bhikkhave dasa ariyavasa yadariya avasimsu va||
avasanti va||
avasissanti va.|| ||

Katame dasa? Idha, bhikkhave, bhikkhu pancangavippahino hoti||
chalanga samannagato||
ekarakkho,||
caturapasseno,||
panunnapaccekasacco||
samavayasatthesano||
anavilasankappo||
passaddhakayasankaro||
suvimuttacitto||
suvimuttapanno.|| ||

1. Kathan ca bhikkhave bhikkhu pancangavippahino hoti?|| ||

Idha, bhikkhave, bhikkhuno kamacchando pahino hoti,||
vyapado pahino hoti,||
thinamiddham pahinam hoti,||
uddhaccakukkuccam pahinam hoti,||
vicikiccha pahina hoti.|| ||

Evam kho bhikkhave bhikkhu pancangavippahino hoti.|| ||

2. Kathan ca bhikkhave bhikkhu chalangasamannagato hoti?|| ||

Idha, bhikkhave, bhikkhu cakkhuna rupam disva n'eva sumano hoti,||
na dummano.|| ||

Upekkhako viharati sato sampajano.|| ||

Sotena saddam sutva n'eva sumano hoti,||
na dummano.|| ||

Upekkhako viharati sato sampajano.|| ||

Sotena saddam sutva n'eva sumano hoti,||
na dummano ghanena gandham ghayitva n'eva sumano hoti,||
na dummano.|| ||

Upekkhako viharati sato sampajano.|| ||

Jvhaya rasam sayitva n'eva sumano hoti,||
na dummano.|| ||

Upekkhako viharati sato sampajano kayena pottabbam phusitva-pe-manasa dhammam vinnaya N'eva sumano hoti,||
na dummano.|| ||

Upekkhako viharati sato sampajano.|| ||

Manasa dhammam vinnaya n'eva sumano hoti,||
na dummano.|| ||

Upekkhako viharati sato sampajano.|| ||

Evam kho bhikkhave bhikkhu chalangasamannagato hoti.|| ||

3. Kathan ca bhikkhave bhikkhu ekarakkho hoti?|| ||

Idha, bhikkhave, bhikkhu satarakkhena cetasa samannagato hoti.|| ||

Evam kho bhikakhave bhikakhu ekarakakho hoti.|| ||

4. Kathan ca bhikkhave bhikkhu caturapasseno hoti?|| ||

Idha, bhikkhave, bhikkhu sankhayekam patisevati.|| ||

Sankhayekam adhivaseti,||
sankhayekam parivajjeti.|| ||

Sankhayekam vinodeti.|| ||

Evam kho bhikkhave bhikkhu caturapasseno hoti.|| ||

[31] 5. Kathan ca bhikkhave bhikkhu panunnapaccekasacco hoti?|| ||

Idha, bhikkhave, bhikkhuno yani tani puthu-samana-brahmananam puthu-pacceka-saccani seyyathidam:||
'sassato loko' ti va||
'assato loko' ti va||
'antava loko' ti va||
'anantava loko' ti va||
'tam jivam tam sariran' ti va||
'annam jivam annam sariran' ti va||
'hoti Tathagato param marana' ti va||
'na hoti Tathagato param marana' ti va||
'hoti va na hoti va Tathagato param marana' ti va||
'n'eva hoti na na hoti Tathagato param marana' ti va,||
sabbani tani nunnani honti panunnani,||
cattani vantani muttani pahinani patinissatthani,||
evam kho bhikkhave bhikkhu panunna paccekasacco hoti.|| ||

6. Kathan ca bhikkhave bhikkhu samavayasatthesano hoti?|| ||

Idha, bhikkhave, bhikkhuno kamesana pahina hoti,||
bhavesana pahina hoti,||
brahmacariyesana patippassaddha.|| ||

Evam kho bhikkhave bhikkhu samavayasatthesano hoti.|| ||

7. Kathan ca bhikkhave bhikkhu anavilasankappo hoti?|| ||

Idha, bhikkhave, bhikkhuno kamasankappo pahino hoti,||
vyapadasankappo pahino hoti,||
vihimsasankappo pahino hoti,||
evam kho bhikkhave bhikkhu anavilasankappo hoti.|| ||

8. Kathan ca bhikkhave bhikkhu passaddhakayasankharo hoti?|| ||

Idha, bhikkhave, bhikkhu sukhassa ca pahana dukkhassa ca pahana pubb'eva somanassa domanassanam atthangama adukkha-m-asukham upekkha-sati-parisuddhim catutthajhanam upasampajja viharati.|| ||

Evam kho bhikkhave bhikkhu passaddhakayasankharo hoti.|| ||

9. Kathan ca bhikkhave bhikkhu suvimuttacitto hoti?|| ||

Idha, bhikkhave, bhikkhuno raga cittam vimuttam hoti,||
dosa cittam vimuttam hoti,||
moha cittam vimuttam hoti,||
evam kho bhikkhave bhikkhu suvimuttacitto hoti.|| ||

10. Kathan ca bhikkhave bhikkhu suvimuttapanno hoti?|| ||

[32] Idha, bhikkhave, bhikkhu rago me pahino,||
ucjinnamulo talavatthukato anabhavakato.|| ||

Ayatim anuppadadhammoti pajanati.|| ||

Doso me pahino,||
ucjinnamulo talavatthukato anabhavakato.|| ||

Ayatim anuppadadhammoti pajanati.|| ||

Moho me pahino ucchinnamulo talavatthukato anabhavakato ayatim anuppadadhammoti pajaniti.|| ||

Evam kho bhikkhave bhikkhu suvimuttapanno hoti.|| ||

Ye hi keci bhikkhave atitam addhanam ariya ariyavase avasimsu,||
sabbe te im'eva dasa ariyavase avasimsu.|| ||

Ye hi keci, bhikkhave, anagatam addhanam ariya ariyavase avasissanti,||
sabbe te im'eva dasa ariyavase avasissanti.|| ||

Ye hi keci, bhikkhave, etarahi ariya ariyavase avasanti,||
sabbe te im'eva dasa ariyavase avasanti.|| ||

Ime kho bhikkhave dasa ariyavasa,
ye ariya avasimsu va
avasanti va
avasissanti va ti.|| ||

Nathavaggo dutiyo.

 


Contact:
E-mail
Copyright Statement