Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 2

Samannaphala Suttantam

Adapted from the digital version of the Sri Lanka Buddha Jayanti Tripitaka Series

 


 

[1][pts][ati] Evam me sutam.|| ||

Ekam samayam Bhagava Rajagahe viharati||
Jivakassa Komarabhaccassa Ambavane mahata bhikkhu-sanghena saddhim addhate'asehi bhikkhu-satehi.|| ||

Tena kho pana samayena raja Magadho Ajatasattu Vedehi-putto tadahuposathe pannarase Komudiya catumasiniya punnaya punnamaya rattiya rajamaccaparivuto uparipasadavaragato nisinno hoti.|| ||

Atha kho raja Magadho Ajatasattu Vedehi-putto tadahuposathe udanam udanesi:|| ||

"Ramaniya vata bho dosina ratti,||
abhirupa vata bho dosina ratti,||
dassaniya vata bho dosina ratti,||
pasadika vata bho dosina ratti,||
lakkhanna vata bho dosina ratti.|| ||

Kannu khvajja samanam va brahmanam va payirupaseyyama yanno payirupasato cittam pasideyya" ti.|| ||

2. Evam vutte annataro rajamacco rajanam Magadham Ajatasattum vedehiputtam etad avoca:|| ||

'Ayam deva purano Kassapo sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo puranam kassapam payirupasatu.|| ||

App'eva nama dev'assa puranam kassapam payirupasato cittam pasideyya' ti.|| ||

Evam vutte raja Magadho Ajatasattu Vedehi-putto tunhi ahosi.|| ||

3. Annataro pi kho rajamacco rajanam Magadham Ajatasattum vedehiputtam etad avoca:|| ||

'Ayam deva [48] makkhali gosalo sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo makkhalim gosalam payirupasatu.|| ||

App'eva nama dev'assa makkhalim gosalam payirupasato cittam pasideyya' ti.|| ||

Evam vutte raja Magadho Ajatasattu tunhi ahosi.|| ||

4. Annataro pi kho rajamacco rajanam Magadham Ajatasattum vedehiputtam etad avoca:|| ||

'Ayam deva ajito kesakambalo sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo ajitam kesakambalam payirupasatu.|| ||

App'eva nama dev'assa ajitam kesakambalam payirupasato cittam pasideyya' ti.|| ||

Evam vutte raja Magadho Ajatasattu tunhi ahosi.|| ||

5. Annataro pi kho rajamacco rajanam Magadham Ajatasattum vedehiputtam etad avoca:|| ||

'Ayam deva pakudho kaccayano sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo pakudham kaccayanam payirupasatu.|| ||

App'eva nama dev'assa pakudham kaccayanam payirupasato cittam pasideyya' ti.|| ||

Evam vutte raja Magadho Ajatasattu tunhi ahosi.|| ||

6. Annataro pi kho rajamacco rajanam Magadham Ajatasattum vedehiputtam etad avoca:|| ||

'Ayam deva sanjayo be'atthaputto sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo sanjayam be'atthaputtam payirupasatu.|| ||

App'eva nama dev'assa sanjayam be'atthaputtam payirupasato cittam pasideyya' ti.|| ||

Evam vutte raja Magadho Ajatasattu tunhi ahosi.|| ||

7. Annataro pi kho rajamacco rajanam Magadham Ajatasattum vedehiputtam etad avoca:|| ||

'Ayam deva [49] Nigantho Nataputto sanghi c'eva gani ca ganacariyo ca nato yasassi titthamkaro sadhusammato bahujanassa rattannu cirapabbajito addhagato vayo anuppatto.|| ||

Tam devo Nigantham nataputtam payirupasatu.|| ||

App'eva nama dev'assa Nigantham nataputtam payirupasato cittam pasideyya' ti.|| ||

Evam vutte raja Magadho Ajatasattu tunhi ahosi.|| ||

8. Tena kho pana samayena jivako komarabhacco ranno Magadhassa Ajatasattussa vedehiputtassa avidure tunhibhuto nisinno hoti.|| ||

Atha kho raja Magadho Ajatasattu Vedehi-putto jivakam komarabhaccam etad avoca:|| ||

'Tvam pana samma jivaka kim tunhi' ti?|| ||

"Ayam deva Bhagava araham Samma-sambuddho amhakam Ambavane viharati mahata bhikkhu-sanghena saddhim addhate'asehi bhikkhu-satehi.|| ||

Tam kho pana Bhagavantam Gotamam evam kalyano kittisaddo abbhuggato:|| ||

'Iti pi so Bhagava araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava' ti.|| ||

Tam devo Bhagavantam payirupasatu.|| ||

App'eva nama dev'assa Bhagavantam payirupasato cittam pasideyya" ti.|| ||

"Tena hi samma jivaka hatthiyanani kappapehi" ti.|| ||

9. 'Evam deva' ti kho jivako komarabhacco ranno Magadhassa Ajatasattussa vedehiputtassa patissutva pancamattani hatthinikasatani kappapetva ranno ca arohaniyam nagam,||
ranno Magadhassa Ajatasattussa vedehiputtassa pativedesi:|| ||

'Kappitani kho te deva hatthiyanani yassa'dani kalam mannasi' ti.|| ||

Atha kho raja Magadho Ajatasattu Vedehi-putto pancasu hatthinikasatesu pacceka itthiyo aropetva arohaniyam nagam abhiruhitva ukkasu dhariyamanasu Rajagahamha niyyasi mahacca rajanubhavena.|| ||

Yena Jivakassa komarabhaccassa ambavanam tena payasi.|| ||

10. Atha kho ranno Magadhassa Ajatasattussa vedehiputtassa avidure ambavanassa ahudeva bhayam ahu chambhitattam ahu lomahamso.|| ||

Atha kho raja Magadho [50] Ajatasattu Vedehi-putto bhito samviggo lomahatthajato jivakam komarabhaccam etad avoca:|| ||

'Kacci mam samma jivaka na vancesi?|| ||

Kacci mam samma jivaka na palambhesi?|| ||

Kacci mam samma jivaka na paccatthikanam desi?|| ||

Katham hi nama tava mahato bhikkhu Sanghassa addhate'asanam bhikkhusatanam n'eva khipitasaddo bhavissati na ukkasitasaddo na nigghoso' ti?|| ||

"Ma bhayi maharaja na tam deva vancemi.|| ||

Na tam deva palambhemi.|| ||

Na tam deva paccatthikanam demi.|| ||

Abhikkama maharaja,||
abhikkama maharaja.|| ||

Ete mandala-male dipa jhayanti" ti.|| ||

11. Atha kho raja Magadho Ajatasattu Vedehi-putto yavatika nagassa bhumi nagena gantva naga paccorohitva pattiko'va yena mandalama'assa dvaram ten'upasankami.|| ||

Upasankamitva jivakam komarabhaccam etad avoca:|| ||

"Kaham pana samma jivaka Bhagava" ti?|| ||

"Eso maharaja Bhagava.|| ||

Eso maharaja Bhagava majjhimam thambham nissaya puratthabhimukho nisinno purakkhato bhikkhu-sanghassa" ti.|| ||

12. Atha kho raja Magadho Ajatasattu Vedehi-putto yena Bhagava ten'upasankami.|| ||

Upasankamitva eka-m-antam atthasi.|| ||

Eka-m-antam dhito kho raja Magadho Ajatasattu Vedehi-putto tunhibhutam tunhibhutam bhikkhu-sangham anuviloketva rahadamiva vippasannam,||
udanam udanesi:|| ||

'Imina me upasamena udayibhaddo kumaro samannagato hotu yen'etarahi upasamena bhikkhusangho samannagato' ti.|| ||

"Agama kho tvam maharaja yathapemam" ti.|| ||

"Piyo me bhante udayibhaddo kumaro.|| ||

Imina me bhante upasamena udayibhaddo kumaro samannagato hotu yen'etarahi upasamena bhikkhusangho samannagato" ti.|| ||

13. Atha kho raja Magadho Ajatasattu Vedehi-putto Bhagavantam abhivadetva bhikkhu Sanghassa anjalimpanametva [51] eka-m-antam nisidi.|| ||

Eka-m-antam nisinno kho raja Magadho Ajatasattu Vedehi-putto Bhagavantam etad avoca:|| ||

"Puccheyyamaham bhante Bhagavantam kinci'd'eva desam,||
sace me Bhagava okasam karoti panhassa veyyakaranaya" ti.|| ||

"Puccha maharaja yadakankhasi" ti.|| ||

14. "Yatha nu kho imani bhante puthusippayatanani seyyathidam:||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarikakappaka nahapaka suda malakara rajaka pesakara nalakara kumbhakara ganaka muddika,||
yani va panannani pi evam-gahitani puthusippayatanani,||
te ditthe va dhamme sanditthikam sippaphalam upajivan" ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho bhante evam eva ditthe va dhamme sanditthikam samannaphalam pannapetunti".|| ||

15. "Abhijanasi no tvam maharaja imam panham anne samanabrahmane pucchita" ti.|| ||

"Abhijanamaham bhante imam panham anne samanabrahmane pucchita" ti.|| ||

"Yathakatham pana te maharaja byakarimsu,||
sace te agaru bhasassu" ti.|| ||

"Na kho me bhante garu yatth'assa Bhagava va nisinno Bhagavantarupo va" ti.|| ||

[52] "tena hi maharaja bhasassu" ti.|| ||

16. "Ekam idaham bhante samayam yena purano Kassapo ten'upasankamim.|| ||

Upasankamitva puranena kassapena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante puranam kassapam etavocam:|| ||

"Yatha nu kho imani bho kassapa puthusippayatanani seyyathidam||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivan" ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho kassapa evam eva ditthe va dhamme sanditthikam samannaphalam pannapetunti".|| ||

17. Evam vutte bhante purano Kassapo mam etad avoca:|| ||

"Karoto kho maharaja karayato chindato chedapayato pacato pacayato socayato socapayato kilamayato kilamapayato phandayato phandapayato panamatipatayato adinnam adiyato sandhim chindato nillopam harato ekagarikam karoto paripanthe titthato paradaram gacchato musa bhanato karoto na kariyati papam.|| ||

Khurapariyantena ce pi cakkena yo imissa pathaviya pane ekamamsakhalam ekamamsapunjam kareyya,||
n'atthi tato nidanam papam,||
n'atthipapassa agamo.|| ||

Dakkhinance pi gangaya tiram gaccheyya hananto ghatento chindanto chedapento pacanto pacento,||
n'atthi tato nidanam papam,||
n'atthi papassa agamo.|| ||

Uttarance'pi gangaya tiram gaccheyya dadanto dapento yajanto yajapento,||
n'atthi tato nidanam punnam,||
n'atthi punnassa agamo.|| ||

[53] Danena damena samyamena saccavajjena n'atthi punnam n'atthi punnassa agamo' ti.|| ||

Ittham kho me bhante purano Kassapo sanditthikam samannaphalam puttho samano akiriyam byakasi.|| ||

Seyyatha pi bhante ambam va puttho labujam byakareyya labujam va puttho ambam byakareyya,||
evam eva kho me bhante purano Kassapo sanditthikam samannaphalam puttho samano akiriyam byakasi.|| ||

Tassa mayham etad ahosi:|| ||

'Katham hi nama madiso samanam va brahmanam va vijite vasantam apasadetabbam manneyya' ti.|| ||

So kho aham bhante puranassa kassapassa bhasitam n'eva abhinandim nappatikkosim.|| ||

Anabhinanditva appatikkositva anattamano anatta-mana-vacam aniccharetva tam'eva vacam anugganhanto anikujjanto utthay asana pakkamim.|| ||

18. Ekam idaham bhante samayam yena makkhali gosalo ten'upasamkamim.|| ||

Upasamkamitva makkhalina gosalena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante makkhalim gosalam etad avocam:|| ||

'Yatha nu kho imani bho gosala puthusippayatanani seyyathidam:||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara nalakara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivan' ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho bhante evam eva ditthe va dhamme sanditthikam samannaphalam pannapetunti".|| ||

19. Evam vutte bhante makkhali gosalo mam etad avoca:|| ||

'N'atthi maharaja hetu n'atthi paccayo sattanam samkilesaya.|| ||

Ahetu appaccaya satta samkilissanti.|| ||

N'atthi hetu n'atthi paccayo sattanam visuddhiya.|| ||

Ahetu appaccaya satta visujjhanti.|| ||

N'atthi attakare||
n'atthi parakare||
n'atthi purisakare||
n'atthi balam||
n'atthi viriyam||
n'atthi purisathamo||
n'atthi purisaparakkamo.|| ||

Sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chassevabhijatisu sukhadukkham patisanvedenti.|| ||

Cuddasa [54] kho panimani yonippamukhasatasahassani satthi ca satani cha ca satani,||
panca ca kammuno satani,||
panca ca kammani,||
tini ca kammani,||
kamme ca addhakamme ca.|| ||

Dvatthi patipada,||
dvatthantarakappo,||
chalabhijatiyo,||
attha purisabhumiyo,||
ekunapannasa ajivakasate,||
ekunapannasa paribbajakasate,||
ekunapannasa nagavasasate,||
vise indriyasate,||
timsa nirayasate,||
chattimsa rajodhatuyo,||
satta sannigabbha,||
satta asannigabbha,||
satta niganthigabbha,||
satta deva,||
satta manusa,||
satta pesaca,||
satta sara,||
satta pavuta,||
satta pavutasatani,||
satta papata,||
satta papatasatani,||
satta supina,||
satta supinasatani,||
cu'asiti mahakappuno satasahassani yani bale ca pandite ca sandhavitva samsaritva dukkhassantam karissanti.|| ||

Tattha n'atthi iminaham silena va vatena va tapena va brahmacariyena va aparipakkam va kammam paripacessamiti paripakkam va kammam phussa phussa byanti karissamiti hevam n'atthi.|| ||

Donamite sukhadukkhe pariyantakate.|| ||

Samsare n'atthi hayanavaddhane,||
n'atthi ukkamsavakamse.|| ||

Seyyatha pi nama suttagu'e khitte nibbethiyamanameva pa'eti,||
evam eva bale ca pandite ca sandhavitva samsaritva dukkhassantam karissanti ti.|| ||

Ittham kho me bhante makkhali gosalo sanditthikam samannaphalam puttho samano samsarasuddhim byakasi.|| ||

Seyyatha pi bhante ambam va puttho labujam byakareyya,||
labujam va puttho ambam byakareyya,||
evam eva kho me bhante makkhali gosalo sanditthikam samannaphalam puttho samano samsarasuddhim byakasi.|| ||

Tassa mayham bhante etad ahosi:|| ||

'Katham hi nama madiso samanam va brahmanam va vijite vasantam apasadetabbam manneyya' ti.|| ||

So kho aham bhante makkhalissa [55] gosalassa bhasitam n'eva abhinandim nappatikkosim.|| ||

Anabhinanditva appatikkositva anattamano anattamanavacam aniccharetva tameva vacam anugganhanto anikujjanto utthay asana pakkamim.|| ||

20. Ekam idaham bhante samayam yena ajito kesakambalo ten'upasankamim.|| ||

Upasankamitva ajitena kesakambalena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante ajitam kesakambalam etad avocam:|| ||

'Yatha nu kho imani bho ajita puthusippayatanani seyyathidam||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivan' ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho bhante evam eva ditthe va dhamme sanditthikam samannaphalam pannapetunti?".|| ||

Evam vutte bhante ajito kesakambalo1 mam etad avoca: "n'atthi maharaja dinnam.|| ||

N'atthi yittham.|| ||

N'atthi hutam.|| ||

N'atthi sukata-dukkatanam kammanam phalam vipako.|| ||

N'atthi ayam loko.|| ||

N'atthi paro loko.|| ||

N'atthi mata.|| ||

N'atthi pita.|| ||

N'atthi satta opapatika.|| ||

N'atthi loke samana-brahmana sammaggata3 sammapatipanna ye iman ca lokam paranca lokam sayam abhinna sacchikatva pavedenti.|| ||

Catummahabhutiko ayam puriso yada kalam karoti,||
pathavi pathavikayam anupeti anupagacchati.|| ||

Apo apokayam anupeti anupagacchati.|| ||

Tejo tejokayam anupeti anupagacchati.|| ||

Vayo vayokayam anupeti anupagacchati,||
akasam induyani samkamanti.|| ||

Asandipancama purisa matam adaya gacchanti.|| ||

Yava a'ahana padani pannayanti.|| ||

Kapotakani atthini bhavanti.|| ||

Bhasmanta ahutiyo.|| ||

Dattupannattam yad idam danam.|| ||

Tesam tuccham musa vilapo ye keci atthikavadam vadanti.|| ||

Bale ca pandite ca kayassa bheda ucchijjanti vinassanti na honti param marana" ti.|| ||

Ittham kho me bhante ajito kesakambalo sanditthikam samannaphalam puttho samano ucchedam byakasi.|| ||

Seyyatha pi bhante ambam va puttho labujam [56] byakareyya,||
labujam va puttho ambam byakareyya,||
evam eva kho bhante ajito kesakambalo sanditthikam samannaphalam puttho samano ucchedam byakasi.|| ||

Tassa mayham bhante etad ahosi:|| ||

'Katham hi nama madiso samanam va brahmanam va vijite vasantam apasadetabbam manneyya' ti so kho aham bhante ajitassa kesakambalassa bhasitam n'eva abhinandim nappatikkosim.|| ||

Anabhinanditva appatikkositva anattamano anattamanavacam aniccharetva tameva vacam anugganhanto anikujjanto utthay asana pakkamim.|| ||

21. Ekam idaham bhante samayam yena pakudho kaccayano ten'upasankamim.|| ||

Upasankamitva pakudhena kaccayanena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante pakudham kaccayanam etad avocam:|| ||

'Yatha nu kho imani bho kaccayana puthusippayatanani, seyyathidam:||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivan' ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho kaccayana evam eva ditthe va dhamme sanditthikam samannaphalam pannapetu?Nti.|| ||

Evam vutte bhante pakudho kaccayano mam etad avoca: "satt'ime maharaja kaya akata akatavidha animmita animmata vanjha kutattha esikatthayitthita.|| ||

Te na injanti,||
na viparinamanti,||
na annamannam vyabadhenti,||
nalam annamannassa sukhaya va dukkhaya va sukhadukkhaya va.|| ||

Katame satta?|| ||

Pathavikayo apokayo tejokayo vayokayo sukhe dukkhe jive sattame.|| ||

Ime satta kaya akata akatavidha animmita animmata vanjha kutattha esikatthayitthita.|| ||

Te na injanti,||
na viparinamanti,||
na annamannam vyabadhenti,||
nalam annamannassa sukhaya va dukkhaya va sukhadukkhaya va.|| ||

Tattha n'atthi hanta va ghateta va sota va saveta va vinnata va vinnapeta va.|| ||

Yo pi tinhena satthena sisam chindati,||
na koci kanci jivita voropeti.|| ||

Sattannam yeva kayanamantarena sattham vivaramanupatati" ti.|| ||

[57] Ittham kho me bhante pakudho kaccayano sanditthikam samannaphalam puttho samano annena annam byakasi.|| ||

Seyyatha pi bhante ambam va puttho labujam byakareyya,||
labujam va puttho ambam byakareyya,||
evam eva kho me bhante pakudho kaccayano sanditthikam samannaphalam puttho samano annena annam byakasi.|| ||

Tassa mayham bhante etad ahosi: katham hi nama madiso samanam va brahmanam va vijite vasantam apasadetabbam manneyya" ti?|| ||

So kho aham bhante pakudhassa kaccayanassa bhasitam n'eva abhinandim.|| ||

Nappatikkosim.|| ||

Anabhinanditva appatikkositva anattamano anattamanavacam aniccharetva tameva vacam anugganhanto anikkujjanto utthay asana pakkamim.|| ||

22. Ekam idaham bhante samayam yena Nigantho Nataputto ten'upasankamim.|| ||

Upasankamitva niganthena nataputtena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante Nigantham nataputtam etad avocam:.|| ||

"Yatha nu kho imani bho aggivessana puthusippayatanani,||
seyyathidam:||
hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivan" ti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho bho aggivessana evam eva ditthe va dhamme sanditthikam samannaphalam pannapetu"?Nti.|| ||

Evam vutte bhante Nigantho Nataputto mam etad avoca: "idha maharaja Nigantho catuyamasamvarasamvuto hoti.|| ||

Kathan ca maharaja Nigantho catuyama-samvara-samvuto hoti?|| ||

Idha maharaja Nigantho sabba vari-varito ca hoti,||
sabba-variyuto ca,||
sabba-varidhuto ca,||
sabba-variphuto ca.|| ||

Evam kho maharaja Nigantho catuyama-samvara-samvuto hoti.|| ||

Yato kho maharaja Nigantho evam catuyama-samvara-samvuto hoti,||
ayam vuccati maharaja Nigantho gatatto ca yatatto ca thitatto ca" ti.|| ||

[58] Ittham kho me bhante Nigantho Nataputto sanditthikam samannaphalam puttho samano catuyamasamvaram byakasi.|| ||

Seyyatha pi bhante ambam va puttho labujam byakareyya,||
labujam va puttho ambam byakareyya,||
evam eva kho bhante Nigantho Nataputto sanditthikam samannaphalam puttho samano catuyamasamvaram byakasi.|| ||

Tassa mayham bhante etad ahosi:|| ||

'Katham hi nama madiso samanam va brahmanam va vijite vasantam apasadetabbam manneyya' ti?|| ||

So kho aham bhante Niganthassa nataputtassa bhasitam n'eva abhinandim.|| ||

Nappatikkosim.|| ||

Anabhinanditva appatikkositva anattamano anattamanavacam aniccharetva tameva vacam anugganhanto anikkujjanto utthay asana pakkamim.|| ||

23. Ekam idaham bhante samayam yena sanjayo belatthiputto ten'upasankamim.|| ||

Upasankamitva sanjayena belatthiputtena saddhim sammodim.|| ||

Sammodaniyam katham saraniyam vitisaretva eka-m-antam nisidim.|| ||

Eka-m-antam nisinno kho aham bhante sanjayam belatthiputtam etad avocam: "yatha nu kho imani bho sanjaya puthusippayatanani,||
seyyathidam hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivanti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu kho sanjaya evam eva ditthe va dhamme sanditthikam samannaphalam pannapetu"?Nti.|| ||

Evam vutte bhante sanjayo belatthiputto mam etad avoca:||
'atthi paro loko?'Ti iti ce mam pucchasi,||
'atthi paro loko'ti iti ce me assa,||
'atthi paro loko'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'atthi paro loko?'Ti iti ce mam pucchasi,||
'n'atthi paro loko'ti iti ce me assa,||
'n'atthi paro loko'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Atthi ca n'atthi ca paro loko?'Ti iti ce mam pucchasi,||
'atthi ca n'atthi ca paro loko'ti iti ce me assa,||
'atthi ca n'atthi ca paro loko'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'ev'atthi na n'atthi paro loko?'Ti iti ce mam pucchasi,||
'n'ev'atthi na n'atthi paro loko'ti iti ce me assa,||
'n'ev'atthi na n'atthi paro loko'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Atthi satta opapatika?|| ||.|| ||

'Ti iti ce mam pucchasi,||
'atthi satta opapatika'ti iti ce me assa,||
'atthi satta opapatika'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Atthi ca n'atthi ca satta opapatika?'Ti iti ce mam pucchasi,||
'atthi ca n'atthi ca satta opapatika'ti iti ce me assa,||
'atthi ca n'atthi ca satta opapatika'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'ev'atthi na n'atthi satta opapatika?'Ti iti ce mam pucchasi,||
'n'ev'atthi na n'atthi satta opapatika'ti iti ce me assa,||
'n'ev'atthi na n'atthi satta opapatika'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Atthi sukata-dukkatanam kammanam phalam vipako?'Ti iti ce mam pucchasi,||
'atthi sukata-dukkatanam kammanam phalam vipako'ti iti ce me assa,||
'atthi sukata-dukkatanam kammanam phalam vipako'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'atthi sukata-dukkatanam kammanam phalam vipako?'Ti iti ce mam pucchasi,||
'n'atthi sukata-dukkatanam kammanam phalam vipako'ti iti ce me assa,||
'n'atthi sukata-dukkatanam kammanam phalam vipako'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Atthi ca n'atthi ca sukata-dukkatanam kammanam phalam vipako?'Ti iti ce mam pucchasi,||
'atthi ca n'atthi ca sukata-dukkatanam kammanam phalam vipako'ti iti ce me assa,||
'atthi ca n'atthi ca sukata-dukkatanam kammanam phalam vipako'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'ev'atthi na n'atthi sukata-dukkatanam kammanam phalam vipako?'|| ||.|| ||

Ti iti ce mam pucchasi,||
'n'ev'atthi na n'atthi sukata-dukkatanam kammanam phalam vipako'ti iti ce me assa,||
'n'ev'atthi na n'atthi sukata-dukkatanam kammanam phalam vipako'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Hoti Tathagato [59] param marana?'Ti iti ce mam pucchasi,||
'hoti Tathagato param marana'ti iti ce me assa,||
'hoti Tathagato param marana'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

' Na hoti Tathagato param marana?'Ti iti ce mam pucchasi,||
'na hoti Tathagato param marana'ti iti ce me assa,||
'na hoti Tathagato paramarana'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'Hoti ca na hoti ca Tathagato param marana?'Ti iti ce mam pucchasi,||
'hoti ca na hoti ca Tathagato param marana'ti iti ce me assa,||
'hoti ca na hoti ca Tathagato param marana'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no.|| ||

'N'eva hoti na na hoti Tathagato param marana?'Ti iti ce mam pucchasi,||
'n'eva hoti na na hoti Tathagato param marana'ti iti ce me assa,||
'n'eva hoti na na hoti Tathagato param marana'ti iti te nam byakareyyam.|| ||

Evan' ti pi me no.|| ||

Tatha ti pi me no.|| ||

Annatha ti pi me no.|| ||

No ' ti pi me no.|| ||

No no ' ti pi me no' ti.|| ||

Ittham kho me bhante sanjayo belatthiputto sanditthikam samannaphalam puttho samano vikkhepam byakasi.|| ||

Seyyatha pi bhante ambam va puttho labujam byakareyya,||
labujam va puttho ambam byakareyya,||
evam eva kho bhante sanjayo belatthiputto sanditthikam samannaphalam puttho samano vikkhepam byakasi.|| ||

Tassa mayham bhante etad ahosi: ayan ca imesam samana-brahmananam sabbabalo sabbamu'ho.|| ||

Katham hi nama sanditthikam samannaphalam puttho samano vikkhepam byakarissati" ti?|| ||

Tassa mayham bhante etad ahosi: katham hi nama madiso samanam va brahmanam va vijite vasantam apasadetabbam manneyya" ti?|| ||

So kho aham bhante sanjayassa belatthiputtassa bhasitam n'eva abhinandim.|| ||

Nappatikkosim.|| ||

Anabhinanditva appatikkositva anattamano anattamanavacam aniccharetva tameva vacam anugganhanto anikkujjanto utthay asana pakkamim.|| ||

24.|| ||

So 'ham bhante Bhagavantampi pucchami: yatha nu kho imani bhante puthusippayatanani,||
seyyathidam: hattharoha assaroha rathika dhanuggaha celaka calaka pindadayaka ugga rajaputta pakkhandino mahanaga sura cammayodhino dasakaputta alarika kappaka nahapaka suda malakara rajaka pesakara na'akara kumbhakara ganaka muddika,||
yani va panannani'pi evam-gahitani puthusippayatanani,||
te ditthe va dhamme sanditthikam sippaphalam upajivanti.|| ||

Te tena attanam sukhenti pinenti.|| ||

Matapitaro sukhenti pinenti.|| ||

Puttadaram sukhenti pinenti.|| ||

Mittamacce sukhenti pinenti.|| ||

Samanesu brahmanesu uddhaggikam dakkhinam patitthapenti sovaggikam sukhavipakam saggasamvattanikam.|| ||

Sakka nu [60] kho me bhante evam eva ditthe va dhamme sanditthikam samannaphalam pannapetu"?Nti.|| ||

"Sakka maharaja ".|| ||

Tena hi maharaja tam yeva ettha patipucchissami.|| ||

Yatha te khameyya,||
tatha nam byakareyyasi".|| ||

25. "Tam kim mannasi,||
maharaja,||
idha te assa puriso daso kammakaro pubbutthayi pacchanipati kinkarapatissavi manapacari piyavadi mukhullokako.|| ||

Tassa evam assa:||
'acchariyam vata bho,||
abbhutam vata bho,||
punnanam gati punnanam vipako.|| ||

Ayam hi raja Magadho Ajatasattu Vedehi-putto manusso.|| ||

Ahampi manusso.|| ||

Ayam hi raja Magadho Ajatasattu Vedehi-putto pancahi kama-gunehi samappito samangibhuto parivareti devo manne.|| ||

Ahampanambhi'ssa daso kammakaro pubbutthayi pacchanipati kinkarapatissavi manapacari piyavadi mukhullokako.|| ||

So vatassaham punnani kareyyam.|| ||

Yannunaham kesamassum oharetva kasayani vatthani acchadetva agarasma anagariyam pabbajeyya'nti.|| ||

So aparena samayena kesamassum oharetva kasayani vatthani acchadetva agarasma anagariyam pabbajeyya.|| ||

So evam pabbajito samano kayena samvuto vihareyya,||
vacaya samvuto vihareyya,||
manasa samvuto vihareyya,||
ghasacchadanaparamataya santuttho abhirato paviveke.|| ||

Tance te purisa evamaroceyyum:||
'yagghe deva janeyyasi,||
yo te puriso daso kammakaro pubbutthayi pacchanipati kinkarapatissavi manapacari piyavadi mukhullokako,||
so deva kesamassum oharetva kasayani vatthani acchadetva agarasma anagariyam pabbajito.|| ||

So evam pabbajito samano kayena samvuto viharati,||
vacaya samvuto viharati,||
manasa samvuto viharati,||
ghasacchadanaparamataya santuttho abhirato paviveke' ti.|| ||

Api nu tvam evam vadeyyasi: etu me bho so puriso.|| ||

Punadeva hotu daso kammakaro pubbutthayi pacchanipati kinkarapatissavi manapacari piyavadi mukhullokako" ti.|| ||

"No h'etam bhante.|| ||

Atha kho nam mayameva [61] abhivadeyyamapi,||
paccuttheyyamapi,||
asanenapi nimanteyyama.|| ||

Abhinimanteyyamapi nam civara-pindapata-senasanagilana-paccayabhesajja-parikkharehi.|| ||

Dhammikampi'ssa rakkhavaranaguttim samvidaheyyama" ti.|| ||

"Tam kim mannasi maharaja,||
yadi evam sante hoti va sanditthikam samannphalam no va" ti?|| ||

"Addha kho bhante evam sante hoti sanditthikam samannaphalam" ti.|| ||

"Idam kho te maharaja maya pathamam ditthe va dhamme sanditthikam samannaphalam pannattan" ti.|| ||

26. "Sakka pana bhante annampi evam eva ditthe va dhamme sanditthikam samannaphalam pannapetu?"Nti.|| ||

"Sakka maharaja.|| ||

Tena hi maharaja,||
tam yeva ettha patipucchissami.|| ||

Yatha te khameyya tatha nam byakareyyasi.|| ||

Tam kim mannasi maharaja idha te assa puriso kassako gahapatiko karakarako rasivaddhako,||
tassa evam assa: "acchariyam vata bho abbhutam vata bho punnanam gati punnanam vipako.|| ||

Ayam hi raja Magadho Ajatasattu Vedehi-putto manusso.|| ||

Ahampi manusso.|| ||

Ayam hi raja Magadho Ajatasattu Vedehi-putto pancahi kama-gunehi samappito samangibhuto parivareti devo manne.|| ||

Ahampanambhi'ssa kassako gahapatiko karakarako rasivaddhako.|| ||

So vatassaham punnani kareyyam.|| ||

Yannunaham kesamassum oharetva kasayani vatthani acchadetva agarasma anagariyam pabbajeyya'nti.|| ||

So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajeyya.|| ||

So evam pabbajito samano kayena samvuto vihareyya,||
vacaya samvuto vihareyya,||
manasa samvuto vihareyya,||
ghasacchadanaparamataya santuttho abhirato paviveke.|| ||

Tam ce te purisa evamaroceyyum:||
'yagghe deva janeyyasi.|| ||

Yo te puriso kassako gahapatiko karakarako rasivaddhako,||
so deva kesamassum ogaretva kasayani vatthani acchadetva agarasma anagariyam pabbajito.|| ||

So evam pabbajito samano kayena samvuto viharati vacaya samvuto viharati,||
manasa samvuto viharati,||
[62] ghasacchadanaparamataya santuttho abhirato paviveke' ti.|| ||

Api nu tvam evam vadeyyasi:||
'etu me bho so puriso.|| ||

Punadeva hotu kassako gahapatiko karakarako rasivaddhako'ti?.|| ||

"No hotam bhante.|| ||

Atha kho nam mayameva abhivadeyyamapi paccuttheyyamapi,||
asanenapi nimanteyyama,||
abhinimanteyyamapi nam civara-pindapata-senasanagilana-paccayabhesajja-parikkharehi.|| ||

Dhammikampi'ssa rakkhavaranaguttim samvidaheyyama" ti.|| ||

"Tam kimmannesi maharaja,||
yadi evam sante hoti va sanditthikam samannaphalam no va" ti?|| ||

"Addha kho bhante evam sante hoti sanditthikam samannaphalan" ti.|| ||

"Idam kho te maharaja maya dutiyam ditthe va dhamme sanditthikam samannaphalam pannattanti".|| ||

27. "Sakka pana bhante annampi ditthe va dhamme sanditthikam samannaphalam pannapetum imehi sanditthikehi samannaphalehi abhikkantataranca panitataranca" ti?|| ||

"Sakka maharaja.|| ||

Tena hi maharaja sunohi sadhukam manasi karohi bhasissami" ti.|| ||

"Evam bhante" ti.kho raja Magadho Ajatasattu Vedehi-putto Bhagavato paccassosi.|| ||

28. Bhagava etad avoca: "idha maharaja Tathagato loke uppajjati araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham.|| ||

Brahmacariyam pakaseti.|| ||

29. Tam dhammam sunati gahapati va gahapatiputto va annatarasmim va kule paccajato.|| ||

So tam dhammam [63] sutva tathagate saddham patilabhati.|| ||

So tena saddhapatilabhena samannagato iti patisamcikkhati:||
'sambadho gharavaso rajapatho.|| ||

Abbhokaso pabbajja.|| ||

Nayidam sukaram agaram ajjhavasata ekantaparipunnam ekantaparisuddham samkhalikhitam brahmacariyam caritum.|| ||

Yannunaham kesamassum oharetva kasayani vatthani acchadetva agarasma anagariyam pabbajeyya'nti.|| ||

So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano patimokkha-samvara-samvuto viharati acara-gocara-sampanno anumattesu vajjesu bhaya-dassavi.|| ||

Samadaya sikkhati sikkhapadesu kayakammavacikammena samannagato kusalena.|| ||

Parisuddhajivo silasampanno indriyesu guttadvaro bhojane mattannu satisampajannesu samannagato sattuttho.|| ||

29. Kathan ca maharaja bhikkhu silasampanno hoti?|| ||

Idha maharaja bhikkhu panatipatam pahaya panatipata pativirato hoti nihita-dando nihita-sattho lajji dayapanno.

Sabbapanabhutahitanukampi viharati.

Idam pi'ssa hoti silasmim.

Adinnadanam pahaya adinnadana pativirato hoti dinnadayi dinna-patikankhi.

Athenena suci-bhutena attana viharati.

Idam pi'ssa hoti silasmim.

Abrahmacariyam pahaya brahmacari hoti ara-cari virato methuna gama-dhamma.|| ||

Idam pi'ssa hoti silasmim.

Musa-vadam pahaya musa-vada pativirato hoti sacca-vadi sacca-sandho theto paccayiko avisamvadako lokassa.|| ||

Idam pi'ssa hoti silasmim.

Pisunam vacam pahaya pisunaya vacaya pativirato hoti.|| ||

Ito sutva na amutra akkhata imesam bhedaya.|| ||

[64] amutra va sutva na imesam akkhata amusam bhedaya.|| ||

Iti bhinnanam va sandhata,||
sahitanam va anuppadata samaggaramo samagga-rato samagganandim samagga-karanim vacam bhasita hoti.|| ||

Idam pi'ssa hoti silasmim.

Pharusam vacam6 pahaya pharusaya vacaya pativirato hoti.|| ||

Ya sa vaca ne'a kanna-sukha pemaniya hadayan-gama pori bahujana-kanta bahujana-manapa,||
tatharupam8 vacam bhasita hoti.|| ||

Idam pi'ssa hoti silasmim.

Samphappalapam pahaya samphappalapa pativirato hoti kala-vadi bhuta-vadi attha-vadi dhamma-vadi vinaya-vadi.|| ||

Nidhanavatim vacam bhasita hoti kalena sapadesam pariyantavatim atthasanhitam.|| ||

Idam pi'ssa hoti silasmim.

30. Bijagama-bhutagama-samarambha pativirato hoti.|| ||

Eka-bhattiko hoti rattuparato pativirato vikala-bhojana.|| ||

Nacca-gita-vadita-visuka-dassana pativirato hoti.|| ||

Malagandhavilepanadharanamandanavibhusanatthana pativirato hoti.|| ||

Uccasayana-mahasayana pativirato hoti.|| ||

Jatarupa-rajata-patiggahana pativirato hoti.|| ||

Amaka-dhanna-patiggahana pativirato hoti.|| ||

Amakamamsapatigggahana pativirato hoti.|| ||

Itthi-kumarika-patiggahana pativirato hoti.|| ||

Dasi-dasa-patiggahana pativirato hoti.|| ||

Aj-e'aka-patiggahana pativirato hoti.|| ||

Kukkuta-sukara-patiggahana pativirato hoti.|| ||

Hatthigavassava'ava patiggahana pativirato hoti.|| ||

Khetta-vatthu-patiggahana pativirato hoti.|| ||

Duteyyapahena gamananuyoga pativirato hoti.|| ||

Kaya-vikkaya pativirato hoti.|| ||

Tulakuta-kamsakuta-manakuta pativirato hoti.|| ||

Ukkotanavan cananikatisaci yoga pativirato hoti.|| ||

Chedana-vadhabandhana-viparamosa-alopa-sahasakara pativirato hoti.|| ||

Idam pi'ssa hoti silasmim.

Cullasilam nitthitam

31. Yatha va pan'eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham anuyutta viharanti,||
seyyathidam: mula-bijam khandha-bijam phalu-bijam agga-bijam bijabijameva pancamam.|| ||

Iti va iti evarupa bijagama-bhutagama-samarambha [65] pativirato hoti.|| ||

Idam pi'ssa hoti silasmim.

32. Yatha va pan'eke bhonto samana-brahmana saddha-deyyani bhojanani bhunjitva te evarupam sannidhi-kara-paribhogam anuyutta viharanti,||
seyyathidam: anna-sannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim.|| ||

Iti va iti evarupa sannidhi-kara-paribhoga pativirato hoti.|| ||

Idam pi'ssa hoti silasmim.

33. Yatha va pan'eke bhonto samana-brahmana saddha-deyyani bhojanani bhunjitva te evarupam visukadassanam anuyutta viharanti,||
seyyathidam: naccam gitam vaditam pekkham akkhatam panissaram vetalam kumbhathunam Sobha-nagarakam candalam vamsam dhopanakam hatthi-yuddham assa-yuddham mahisayuddham usabhayuddham ajayuddham mendayuddham kukkutayuddham vattakayuddham danda-yuddham mutthi-yuddham nibBuddham uyyodhikam balaggam senabyuham anikadassanam.|| ||

Iti va iti evarupa visuka-dassana pativirato hoti.|| ||

Idam pi'ssa hoti silasmim.

34. Yatha va pan'eke bhonto samana-brahmana saddha-deyyani bhojanani bhunjitva te evarupam juta-ppamada-tthananuyogam anuyutta viharanti,||
seyyathidam: attha-padam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulakam pattalhakam rathakam dhanukam akkharikam manesikam yatha-vajjam.|| ||

Iti va iti evarupa juta-ppamada-tthananuyoga pativirato hoti.|| ||

Idam pi'ssa hoti silasmim.

35. Yatha va pan'eke bhonto samana-brahmana saddha-deyyani bhojanani bhunjitva te evarupam ucca-sayana-mahasayanam anuyutta viharanti,||
seyyathidam: asandim pallankam gonakam cittakam patikam patalikam tulikam vikatikam udda-lomim ekanta-lomim katthi'ssam koseyyam kuttakam hatthattharam assattharam rathattharam ajina-ppavenim kadali-miga-pavara-pacc'attharanam sa-uttara-cchadam ubhato-lohitakupadhanam.|| ||

Iti va iti [66] evarupa uccasayana-mahasayana pativirato hoti.|| ||

Idam pi'ssa hoti silasmim.

36. Yatha va pan'eke bhonto samana-brahmana saddha-deyyani bhojanani bhunjitva te evarupam mandana-vibhusana-tthananuyogam anuyutta viharanti,||
seyyathidam: ucchadanam parimaddanam nahapanam sambahanam adasam anjanam mala-vilepanam mukkha-cunnakam1 mukhalepanam hattha-bandham sikha-bandham dandakam nalikam khaggam chattam citrupahanam unhisam manim vala-vijanim odatani vatthani digha-dasani.|| ||

Iti va iti evarupa mandana-vibhusana-tthananuyoga pativirato hoti.|| ||

Idam pi'ssa hoti silasmim.

37. Yatha va pan'eke bhonto samana-brahmana saddha-deyyani bhojanani bhunjitva te evarupam tiracchana-katham anuyutta viharanti,||
seyyathidam: raja-katham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandha-katham nati-katham yana-katham gama-katham nigama-katham nagara-katham janapada-katham itthi-katham purisakatham (kumarakatham kumarikatham) sura-katham visikha-katham kumbhatthana-katham pubba-peta-katham nanatta-katham lokakkhayikam samuddakkhayikam itibhavabhava-katham.|| ||

Iti va iti evarupaya tiracchana-kathaya pativirato hoti.|| ||

Idam pi'ssa hoti silasmim.

38. Yatha va pan'eke bhonto samana-brahmana saddha-deyyani bhojanani bhunjitva te evarupa viggahika-katham anuyutta viharanti,||
seyyathidam: "na tvam imam Dhamma-Vinayam ajanasi.|| ||

Aham imam Dhamma-Vinayam ajanami.|| ||

Kim tvam imam Dhamma-Vinayam ajanissasi?|| ||

Miccha-patipanno tmasi.|| ||

Ahamasmi sammapatipanno.|| ||

Sahitam me,||
asahitam te.|| ||

Pure vacaniyam paccha avaca.|| ||

Paccha vacaniyam pure avaca.|| ||

Avicinnan4 te viparavattam.|| ||

Aropito te vado.|| ||

Niggahito tvam asi.|| ||

Cara vadappamokkhaya.|| ||

Nibbethehi va sace pahosi" ti.|| ||

Iti va iti evarupaya viggahika-kathaya pativirato hoti.|| ||

Idam pi'ssa hoti silasmim.

39. Yatha va pan'eke bhonto samana-brahmana saddha-deyyani bhojanani bhunjitva te evarupam duteyya-pahina-gamananuyogamanuyrutta [67] viharanti,||
seyyathidam: rannam raja-mahamattanam khattiyanam brahmananam gahapatikanam kumaranam "idha gaccha.|| ||

Amutragaccha.|| ||

Idam hara.|| ||

Amutra idam ahara" ti.|| ||

Iti va iti evarupa duteyya-pahina-gamananuyoga pativirato hoti.|| ||

Idam pi'ssa hoti silasmim.

40. Yatha va pan'eke bhonto samana-brahmana saddha-deyyani bhojanani bhunjitva te kuhaka ca honti lapaka ca nemittika ca nippesika ca labhena ca labham nijigimsitaro.|| ||

Iti va iti evarupa kuhanalapana pativirato hoti.|| ||

Idam pi'ssa hoti silasmim.

Majjhimasilam nitthitam.

41. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti,||
seyyathidam: angam nimittam uppatam supinam lakkhanam musikacchinnam aggi-homam dabbi-homam thusa-homam tandula-homam sappi-homam tela-homam mukhahomam lohita-homam anga-vijja vatthu-vijja khatta-vijja siva-vijja bhuta-vijja bhuri-vijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam saraparittanam migacakkam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

42. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti,||
seyyathidam: mani-lakkhanam vattha-lakkhanam danda-lakkhanam asi-lakkhanam usu-lakkhanam dhanu-lakkhanam avudha-lakkhanam itthi-lakkhanam purisa-lakkhanam kumara-lakkhanam kumarilakkhanam dasa-lakkhanam dasilakkhanam hatthi-lakkhanam assa-lakkhanam mahisa-lakkhanam usabha-lakkhanam go-lakkhanam aja-lakkhanam menda-lakkhanam kukkuta-lakkhanam vattakalakkhanam godha-lakkhanam kannika-lakkhanam kacchapa-lakkhanam miga-lakkhanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

43. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya [68] micchajivena jivikam kappenti seyyathidam: rannam niyyanam bhavissati,||
rannam aniyyanam bhavissati,||
abbhantaranam rannam upayanam bhavissati,||
bahiranam rannam apayanam bhavissati,||
bahiranam rannam upayanam bhavissati,||
abbhantaranam rannam apayanam bhavissati,||
abbhantaranam rannam jayo bhavissati,||
abbhantaranam rannam parajayo bhavissati.|| ||

Iti imassa jayo bhavissati.|| ||

Imassa parajayo bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

44. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: canda-ggaho bhavissati.|| ||

Suriyaggaho bhavissati.|| ||

Nakkhattagaho bhavissati.|| ||

Candima-suriyanam patha-gamanam bhavissati.|| ||

Candima-suriyanam uppatha-gamanam bhavissati.|| ||

Nakkhattanam patha-gamanam bhavissati.|| ||

Nakkhattanam uppatha-gamanam bhavissati.|| ||

Ukkapato bhavissati.|| ||

Disadaho bhavissati.|| ||

Bhumi-calo bhavissati.|| ||

Devadundubhi bhavissati.|| ||

Candima-suriya-nakkhattanam uggamanam ogamanam samkilesam vodanam bhavissati.|| ||

Evam-vipako canda-ggaho bhavissati.|| ||

Evam-vipako suriya-ggaho bhavissati.|| ||

Evam-vipako nakkhatta-ggaho bhavissati.|| ||

Evamvipakam candima-suriyanam patha-gamanam bhavissati.|| ||

Evamvipakam candima-suriyanam uppatha-gamanam bhavissati.|| ||

Evamvipakam nakkhattanam patha-gamanam bhavissati.|| ||

Evamvipakam nakkhattanam uppatha-gamanam bhavissati.|| ||

Evam-vipako ukka-pato bhavissati.|| ||

Evam-vipako disa-daho bhavissati.|| ||

Evam-vipako bhumivalo bhavissati.|| ||

Evam-vipako deva-dundubhi bhavissati.|| ||

Evam-vipako candima-suriya-nakkhattanam uggamanam ogamanam sankilesam vodanam bhavissati.|| ||

Iti va evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

45. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya [69] micchajivena jivikam kappenti.|| ||

Seyyathidam: subbutthika bhavissati.|| ||

Dubbutthika bhavissati.|| ||

Subhikkham bhavissati.|| ||

Dubbhikkham bhavissati.|| ||

Khemam bhavissati.|| ||

Bhayam bhavissati.|| ||

Rogo bhavissati.|| ||

Arogyam bhavissati.|| ||

Mudda ganana samkhanam kaveyyam lokayatam.|| ||

Iti va iti evarupaya tiracchana-vijjaya micchajivena pativirato hoti.|| ||

Idam pi'ssa hoti silasmim.

46. Yatha pana pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nitthaddanam hanusamhananam hatthabhijappanam hanujappanam kanna-jappanam adasa-panham kumaripanham deva-panham adiccupatthanam Mahat-upatthanam abbhujjalanam sirivhayanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

47. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: santi-kammam panidhi-kammam bhutakammam bhurikammam vassa-kammam vossa-kammam vatthu-kammam vatthu-parikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam netta-tappanam natthu-kammam anjanam paccanjanam salakiyam sallakattiyam daraka-tikiccha mula-bhesajjanam anuppadanam osadhinam patimokkho.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

48. Sa kho so maharaja bhikkhu evam silasampanno na kutoci bhayam samanupassati yad idam silasamvarato.|| ||

Seyyatha pi maharaja khattiyo muddhavasitto nihatapaccamitto na [70] kutoci bhayam samanupassati yad idam paccatthikato,||
evam eva kho maharaja bhikkhu evam silasampanno na kutoci bhayam samanupassati yad idam silasamvarato.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

Evam kho maharaja bhikkhu silasampanno hoti.

49. Kathan ca maharaja bhikkhu indriyesu guttadvaro hoti?|| ||

Idha maharaja bhikkhu cakkhuna rupam disva na nimittaggahi hoti nanuvyanjanaggahi.|| ||

Yatvadhikaranamenam cakkhundriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati cakkhundriyam cakkhundriye samvaram apajjati.|| ||

Sotena saddam sutva na nimittaggahi hoti nanuvyanjanaggahi.|| ||

Yatvadhikaranamenam sotindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati sotindriyam sotindriye samvaram apajjati.|| ||

Ghanena gandham ghayitva na nimittaggahi hoti nanuvyanjanaggahi.|| ||

Yatvadhikaranamenam ghanindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati ghanindriyam ghanindriye samvaram apajjati.|| ||

Jivhaya rasam sayitva na nimittaggahi hoti nanuvyanjanaggahi.|| ||

Yatvadhikaranamenam jivhindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati jivhindriyam jivhindriye samvaram apajjati.|| ||

Kayena photthabbam phusitva na nimittaggahi hoti nanuvyanjanaggahi.|| ||

Yatvadhikaranamenam kayindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati kayindriyam kayindriye samvaram apajjati.|| ||

Manasa dhammam vinnaya na nimittaggahi hoti nanuvyanjanaggahi.|| ||

Yatvadhikaranamenam manindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati manindriyam.|| ||

Manindriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

Evam kho maharaja bhikkhu indriyesu guttadvaro hoti.

50. Kathan ca maharaja bhikkhu satisampajannena samannagato hoti?|| ||

Idha maharaja bhikkhu abhikkante patikkante sampajanakari hoti.|| ||

Alokite vilokite sampajanakari hoti.|| ||

Saminjite1 pasarite sampajanakari hoti.|| ||

Sanghatipattacivaradharane sampajanakari hoti.|| ||

Asite pite khayite sayite sampajanakari hoti.|| ||

Uccarapassavakamme sampajanakari hoti.|| ||

Gate thite nisinne sutte jagarite bhasite tunhibhave sampajanakari hoti.|| ||

Evam kho [71] maharaja bhikkhu satisampajannena samannagato hoti.

51. Kathan ca maharaja bhikkhu santuttho hoti?|| ||

Idha maharaja bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

Seyyatha pi maharaja pakkhi sakuno yena yen'eva deti sapattabharo'va deti,||
evam eva kho maharaja bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

Evam kho maharaja bhikkhu santuttho hoti.

52. So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato imaya ca ariyaya santutthiya samannagato vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam.|| ||

So pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva.

53. So abhijjham loke pahaya vigatabhijjhena cetasa viharati.|| ||

Abhijjhaya cittam parisodheti.|| ||

vyapadapadosam pahaya abyapannacitto viharati sabba-pana-bhuta-hitanukampi.|| ||

vyapadapadosa cittam parisodheti.|| ||

Thinamiddham pahaya vigatathinamiddho viharati alokasanni sato sampajano.|| ||

Thinamiddha cittam parisodheti.|| ||

Uddhaccakukkuccam pahaya anuddhato viharati ajjhattam vupasannacitto.|| ||

Uddhaccakukkucca cittam parisodheti.|| ||

Vicikiccham pahaya tinnavicikiccho viharati akathamkathi kusalesu dhammesu.|| ||

Vicikicchaya cittam parisodheti.

54. seyyatha pi maharaja puriso inam adaya kammante payojeyya,||
tassa te kammanta samijjheyyum,||
so yani ca poranani inamulani tani ca byantikareyya,||
siya c'assa uttarim avasittham darabharanaya,||
tassa evam assa:||
"aham kho pubbe inam adaya kammante payojesim.|| ||

[72] Tassa me te kammanta samijjhimsu.|| ||

So'ham yani ca poranani inamulani tani ca byanti akasim.|| ||

Atthi ca me uttarim avasittham darabharanaya" ti.|| ||

So tatonidanam labhetha pamojjam,||
adhigaccheyya somanassam-

55. seyyatha pi maharaja puriso abadhiko assa dukkhito balhagilano,||
bhattam c'assa nacchadeyya,||
na c'assa kaye balamatta,||
so aparena samayena tamha abadha mucceyya,||
bhattanc'assa chadeyya,||
siya c'assa kaye balamatta,||
tassa evam assa: "aham kho pubbe abadhiko ahosim dukkhito balhagilano.|| ||

Bhattam ca me nacchadesi.|| ||

Nacassa me asi kaye balamatta.|| ||

So'mhi etarahi tamha abadha mutto bhattan ca me chadeti.|| ||

Atthi ca me kaye balamatta" ti.|| ||

So tato nidanam labhetha pamojjam,||
adhigaccheyya somanassam-

56. seyyatha pi maharaja puriso bandhanagare baddho assa,||
so aparena samayena tamha bandhanagara mucceyya sotthina abbayena,||
na c'assa kinci bhoganam vayo,||
tassa evam assa: "aham kho pubbe bandhanagare baddho ahosi.|| ||

So'mhi etarahi tamha bandhanagara mutto sotthina abbayena.|| ||

N'atthi ca me kinci bhoganam vayo" ti.|| ||

So tatonidanam labhetha pamojjam,||
adhigaccheyya somanassam-

57. seyyatha pi maharaja puriso daso assa anattadhino paradhino na yenakamangamo,||
so aparena samayena tamha dasabya mucceyya attadhino aparadhino bhujisso yenakamangamo,||
tassa evam assa: "aham kho pubbe daso ahosim anattadhino paradhino na yenakamangamo,||
so'mhi etarahi tamha dasabya mutto attadhino aparadhino bhujisso yenakamangamo" ti.|| ||

So [73] tatonidanam labhetha pamojjam,||
adhigaccheyya somanassam-

59. seyyatha pi maharaja puriso sadhano sabhogo kantaraddhanamaggam patipajjeyya dubbhikkham sappatibhayam.|| ||

So aparena samayena tam kantaram nitthareyya,||
sotthina gamantam anupapuneyya khemam appatibhayam,||
tassa evam assa:||
"aham kho pubbe sadhano sabhogo kantaraddhanamaggam patipajjim dubbhikkham sappatibhayam.|| ||

So'mhi etarahi tam kantaram tinno sotthina gamantam anuppatto khemam appatibhayan" ti.|| ||

So tato nidanam labhetha pamojjam adhigaccheyya somanassam-

60. Evam eva kho maharaja bhikkhu yatha gunam yatha rogam yatha bandhanagaram yatha dasabyam yatha kantaraddhanamaggam evam ime panca nivarane appahine attani samanupassati.|| ||

Seyyatha pi maharaja ananyam yatha arogyam yatha bandhana mokkham yatha bhujissam yatha khemantabhumim evam eva kho maharaja bhikkhu ime panca nivarane pahine attani samanupassati.

61. Tassime panca nivarane pahine attani samanupassato pamojjam jayati.|| ||

Pamuditassa piti jayati.|| ||

Pitimanassa kayo passambhati.|| ||

Passaddhakayo sukham vedeti.|| ||

Sukhino cittam samadhiyati.

62. So vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharati.|| ||

So imameva kayam vivekajena pitisukhena abhisanteti parisanneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.

63. [74] seyyatha pi maharaja dakkho nahapako va nahapakantevasi va kamsathale nahaniyacunnani akiritva udakena paripphosakam paripphosakam sanneyya3 sayam nahaniyapindi snehanugata snehapareta santarabahira phuta snehena na ca paggharani-

Evam eva kho maharaja bhikkhu imameva kayam vivekajena pitisukhena abhisanneti parisanneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.|| ||

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

64. Puna ca param maharaja bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati.|| ||

So imameva kayam samadhijena pitisukhena abhisandeti parisandeti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

65. seyyatha pi maharaja udakarahado ubbhidodako,||
tassa nev'assa puratthimaya disaya udakassa ayamukham,||
na dakkhinaya disaya udakassa ayamukham,||
na pacchimaya disaya udakassa ayamukham,||
na uttaraya disaya udakassa ayamukham,||
devo ca na kalena kalam samma dharam anupaveccheyya,||
atha kho tamha ca udakarahada sita varidhara ubbhijjitva tameva udakarahadam sitena varina abhisandeyya parisandeyya paripureyya paripphareyya,||
nassa kinci sabbavato udakarahadassa varina sitena apphutam assa-

Evam eva kho maharaja bhikkhu imameva kayam samadhijena pitisukhena abhisandeti parisandeti [75] paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

66. Puna ca param maharaja bhikkhu pitiya ca viraga upekkhako ca viharati sato sampajano sukhanca kayena patisanvedeti.|| ||

Yantam ariya acikkhanti:||
'Upekkhako satima sukha-vihari' ti tatiyam-jhanam upasampajja viharati.

So imameva kayam nippitikena sukhena abhisandeti parisandeti paripureti,||
parippharati nassa kinci sabbavato kayassa nippitikena sukhena apphutam hoti.

67. seyyatha pi maharaja uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udakanuggatani antonimuggaposini tani yava cagga yava ca mula sitena varina abhisannani parisannani paripurani,||
paripphutani nassa kinci sabbavatam uppalanam va padumanam va pundarikanam va sitena varina apphutam assa.

Evam eva kho maharaja bhikkhu imameva kayam nippitikena sukhena abhisandeti parisandeti paripureti parippharati.|| ||

Nassa kinci sabbavato kayassa nippitikena sukhena apphutam hoti.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

68. Puna ca param maharaja bhikkhu sukhassa ca pahana dukkhassa ca pahana pubb'eva somanassa-domanassanam atthangama adukkha-m-asukham upekkha-sati-parisuddhim catuttham-jhanam upasampajja viharati.|| ||

So imameva kayam parisuddhena cetasa pariyodatena [76] pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.

Seyyatha pi maharaja puriso odatena vatthena sasisam parupitva nisinno assa,||
nassa kinci sabbavato kayassa odatena vatthena apphutam assa,||
evam eva kho maharaja bhikkhu imameva kayam parisuddhena cetasa pariyodatena pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

69. Puna ca param maharaja so bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte nanadassanaya cittam abhiniharati abhininnameti.|| ||

So evam pajanati: "ayam kho me kayo rupi catum-maha-bhutiko mata-pettika-sambhavo odanakummasupacayo aniccucchadanaparimaddanabhedaviddhamsanadhammo.|| ||

Idam ca pana me vinnanam ettha sitam ettha patibaddha'nti.

70. seyyatha pi maharaja mani veeriyo subho jatima atthamso suparikammakato accho vippasanno anavilo sabbakarasampanno,||
tatra'ssa suttam avutam nilam va pitam va lohitam va odatam va pandusuttam va.|| ||

Tam enam cakkhuma puriso hatthe karitva paccavekkheyya "ayam kho mani veeriyo subho jatima atthamso suparikammakato,||
accho vippasanno anavilo sabbakarasampanno.|| ||

Tatiradam suttam avutam nilam va pitam va lohitam va odatam va pandusuttam va" ti.

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte nanadassanaya cittam abhiniharati abhininnameti.|| ||

So evam pajanati ayam kho me kayo rupi catum-maha-bhutiko mata-pettika-sambhavo odanakummasupacayo aniccucchadanaparimaddanabhedanaviddhamsanadhammo.|| ||

[77] idam ca pana me vinnanam ettha sitam ettha patibaddhanti.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

71. So evam samahite citte parisuddhe pariyodate anangane vigatupakkilese mudubhute kammaniye thite anejjappatte manomayam kayam abhinimminanaya cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim ahinindriyam,

Seyyatha pi maharaja puriso munjamha isikam pavaheyya.|| ||

Tassa evam assa: ayam munjo ayam isika anno munjo anna isika munjamhatv eva isika pava'hati.

Seyyatha pi va pana maharaja puriso asim kosiya pavaheyya.|| ||

Tassa evam assa: "ayam asi ayam kosi,||
anno asi anna kosi,||
kosiyatv eva asi pava'ho" ti.

Seyyatha pi va pana maharaja puriso aham karanda uddhareyya.|| ||

Tassa evam assa: "ayam ahi ayam karando,||
anno ahi anno karando,||
karandatv eva ahi ubbhato" ti..

Evam eva kho maharaja bhikkhu evam samahite citte parisuddhe pariyodate anangane vigatupakkilese mudrabhute kammaniye thite anejjappatte manomayam kayam abhinimminanaya cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim ahinindriyam.|| ||

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

72. So evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

[78] So aneka-vihitam iddhividham paccanubhoti: eko pi hutva bahudha hoti bahudhapi hutva eko hoti,||
avibhavam tirobhavam tirokuddam tiropakaram tiropabbatam asajjamano gacchati seyyatha pi akase,||
pathaviya'pi ummujjanimujjam karoti seyyatha pi udake,||
udake'pi abhijjamane gacchati seyyatha pi pathaviyam,||
akase'pi pallankena kamati seyyatha'pi pakkhi sakuno.|| ||

Ime'pi candimasuriye evammahiddhike evammahanubhave panina paramasati parimajjati.|| ||

Yava brahmalokapi kayena vasam vatteti.

73. seyyatha pi maharaja dakkho kumbhakaro va kumbhakarantevasi va suparikammakataya mattikaya yam yadeva bhajanavikatim akankheyya tam tad eva kareyya abhinipphadeyya-

Seyyatha pi va pana maharaja dakkho dantakaro va dantakarantevasi va suparikammakatasmim dantasmim yam yadeva dantavikatim akankheyya tam tad eva kareyya abhinipphadeyya-

Seyyatha pi va pana maharaja dakkho suvannakaro va suvannakarantevasi va suparikammakatasmim suvannasmim yam yadeva suvannavikatim akankheyya tam tad eva kareyya abhinipphadeyya-

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So aneka-vihitam iddhividham paccanuhoti: eko pi hutva bahudha hoti.|| ||

Bahudha'pi hutva eko hoti.|| ||

Avibhavam tirobhavam tirokuddam tiropakaram tiropabbatam asajjamano gacchati seyyatha pi akase.|| ||

Pathaviya'pi ummujjanimujjam karoti seyyatha pi udake.|| ||

Udake'pi abhijjamane gacchati seyyatha pi pathaviyam.|| ||

Akase'pi pallankena kamati seyyatha pi pakkhi sakuno.|| ||

Ime'pi candimasuriye evammahiddhike evammahanubhave [79] panina paramasati parimajjati.|| ||

Yava brahmaloka'pi kayena vasam vatteti.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

74. So evam samahite citte parisuddhe pariyodate anangane vigatupakkilese mudubhute kammaniye thite anejjappatte dibbaya sotadhatuya cittam abhiniharati abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

75. seyyatha pi maharaja puriso addhanamaggapatipanno so suneyya bherisaddampi mudingasaddampi sankhapanavadendimasaddampi,||
tassa evam assa: bherisaddo i' ti pi mudingasaddo i' ti pi sankhapanavadendimasaddo i' ti.i.|| ||

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte dibbaya sotadhatuya cittam abhiniharati abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

76. So evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.|| ||

So parasattanam parapuggalanam cetasa ceto paricca pajanati: "saragam va cittam saragam cittanti pajanati.|| ||

Vitaragam va cittam vitaragam cittanti pajanati.|| ||

[80] sadosam va cittam sadosam cittatanti pajanati.|| ||

Vitadosam va cittam vitadosam cittanti pajanati.|| ||

Samoham va cittam samoham cittanti pajanati.|| ||

Vitamoham va cittam vitamoham cittanti pajanati.|| ||

Sankhittam va cittam sankhittam cittanti pajanati.|| ||

Vikkhittam va cittam vikkhittam cittanti pajanati.|| ||

Mahaggatam va cittam mahaggatam cittanti pajanati.|| ||

Amahaggatam va cittam amahaggatam cittanti pajanati.|| ||

Sauttaram va cittam sauttaram cittanti pajanati.|| ||

Anuttaram va cittam anuttaram cittanti pajanati.|| ||

Samahitam va cittam samahitam cittanti pajanati.|| ||

Asamahitam va cittam asamahitam cittanti pajanati.|| ||

Vimuttam va cittam vimuttam cittanti pajanati.|| ||

Avimuttam va cittam avimuttam cittanti pajanati.

77. seyyatha pi maharaja itthi va puriso va daharo va yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano sakanikam va sakanikanti janeyya,||
akanikam va akanikanti janeyya-

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.

So parasattanam parapuggalanam cetasa ceto paricca pajanati: saragam va cittam saragam cittanti pajanati vitaragam va cittam vitaragam cittanti pajanati.|| ||

Sadosam va cittam sadosam cittanti pajanati vitadosam va cittam vitadosam cittanti pajanati.|| ||

Samoham va cittam samoham cittanti pajanati vitamoham va cittam vitamoham cittanti pajanati.|| ||

Sankhittam va cittam sankhittam cittanti pajanati.|| ||

Vikkhittam va cittam vikkhittam cittanti pajanati.|| ||

Mahaggatam va cittam mahaggatam cittanti pajanati amahaggatam va cittam amahaggatam cittanti pajanati.|| ||

Sauttaram va cittam sauttaram cittanti pajanati*.|| ||

[81] anuttaram va cittam anuttaram cittanti pajanati.|| ||

Samahitam va cittam samahitam cittanti pajanati asamahitam va cittam asamahitam cittanti pajanati.|| ||

Vimuttam va cittam vimuttam cittanti pajanati avimuttam va cittam avimuttam cittanti pajanati.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

78. So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo tisammpi jatiyo cattarisam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe amutrasim evamnamo evamgotto evam-vanno evam-aharo evam sukhadukkhapatisanvedi evam-ayu-pariyanto.|| ||

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno' ti.|| ||

Iti sakaram sa-uddesam aneka-vihitam pubbenivasam anussarati.

79. seyyatha pi maharaja puriso sakamha gama annam gamam gaccheyya tamha'pi gama annam gamam gaccheyya.|| ||

So tamha gama sakam yeva gamam paccagaccheyya.|| ||

Tassa evam assa:||
'aham kho sakamha gama amum gamam agacchim tatra evam atthasim evam nisidim evam abhasim evam tunhi ahosi.|| ||

Tamhapi gama agacchim tatrapi evam atthasim evam nisidim evam abhasim evam tunhi ahosi.|| ||

So'mpi tamha [82] gama sakam yeva gamam paccagato'ti.

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno'ti iti sakaram sa-uddesam aneka-vihitam pubbenivasam anussarati.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

80. So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati:||
'ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna' ti.|| ||

Iti dibbena cakkhuna visuddhena atikkantamanusakena [83] satte passati cavamane upapajjamane hine panite suvanne dubbanne sugate duggate yathakammupage satte pajanati.

81. seyyatha pi maharaja majjhe simghatake pasado.|| ||

Tattha cakkhuma puriso thito passeyya manusse geham pavisante'pi rathiya vitisancarante'pi majjhe simghatake nisinne'pi,||
tassa evam assa: ete manussa geham pavisanti.|| ||

Ete nikkhamanti.|| ||

Ete rathiya vitisancaranti.|| ||

Ete majjhe simghatake nisinna'ti.

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati:||
'ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna' ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.

Idam pi kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.

82. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti so idam dukkhan ti yathabhutam [84] pajanati.|| ||

Ayam dukkhanirodhagaminipatipada'ti yathabhutam pajanati.|| ||

Ime asava'ti yathabhutam pajanati.|| ||

Ayam asavasamudayo'ti yathabhutam pajanati.|| ||

Ayam asavanirodho'ti yathabhutam

Pajanati.|| ||

Ayam asavanirodhagaminipatipada'ti yathabhutam pajanati.|| ||

Tassa evam janato evam passato kamasava pi cittam vimuccati bhavasava pi cittam vimuccati avijjasava pi cittam vimuccati.|| ||

Vimuttasmim vimuttamiti nanam hoti.|| ||

Khina jati vusitam brahmacariyam katam karaniyam naparam itthattayati pajanati.

83. seyyatha pi maharaja pabbatasankhepe udakarahado accho vippasanno anavilo.|| ||

Tattha cakkhuma puriso tire thito passeyya sippisambukampi sakkharakathalampi macchagumbampi carantampi titthantampi.|| ||

Tassa evam assa: ayam kho udakarahado accho vippasanno anavilo.|| ||

Tatrime sippisambuka'pi sakkharakathala'pi macchagumba'pi carantipi titthantipiti.

Evam eva kho maharaja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti.|| ||

So idam dukkhan ti yathabhutam pajanati.|| ||

Ayam dukkhasamudayo'ti yathabhutam pajanati.|| ||

Ayam dukkhanirodho'ti yathabhutam pajanati.|| ||

Ayam dukkhanirodhagaminipatipada'ti yathabhutam pajanati.|| ||

Ime asava'ti yathabhutam pajanati.|| ||

Ayam asavanirodho'ti yathabhutam pajanati.|| ||

Ayam asavanirodhagaminipatipada'ti yathabhutam pajanati.

Tassa evam janato evam passato kamasava'pi cittam vimuccati,||
bhavasava'pi cittam vimuccati,||
avijjasava'pi cittam vimuccati.|| ||

Vimuttasmim vimuttamiti nanam hoti.|| ||

Khina jati,||
vusitam brahmacariyam,||
katam karaniyam naparam itthattayati pajanati.

[85] idam kho maharaja sanditthikam samannaphalam purimehi sanditthikehi samannaphalehi abhikkantataranca panitataranca.|| ||

Imasma ca pana maharaja sanditthika samannaphala annam sanditthikam samannaphalam uttaritaram va panitataram va n'atthiti.

84. Evam vutte raja Magadho Ajatasattu Vedehi-putto Bhagavantam etad avoca:||
'abhikkantam bhante,||
abhikkantam bhante.|| ||

Seyyatha pi bhante nikujjitam va ukkujjeyya,||
paticchannam va vivareyya,||
mulhassa va maggam acikkheyya,||
andhakare va telapajjotam dhareyya cakkhumanto rupani dakkhintiti,||
evam eva bhante Bhagavata aneka-pariyayena dhammo pakasito.|| ||

Esaham bhante Bhagavantam saranam gacchami,||
dhammanca bhikkhu-sanghan ca.|| ||

Upasakam mam Bhagava dharetu ajjatagge panupetam saranam gatam.|| ||

Accayo mam bhante accagama yathabalam yathamulham yathaakusalam yo'ham pitaram dhammikam dhammarajanam issariyassa karana jivita voropesim.|| ||

Tassa me bhante Bhagava accayam accayato patigganhatu ayatim samvaraya'ti.

85. Taggha tvam maharaja accayo accagama yathabalam yathamulham yathaakusalam yo tvam pitaram dhammikam dhammarajanam jivita coropesi.|| ||

Yato ca kho tvam maharaja accayam accayato disva yathadhammam patikarosi.|| ||

Tante mayam patiganhama.|| ||

Vuddhi hesa maharaja ariyassa vinaye yo accayam accayato disva yathadhammam patikaroti ayatim samvaram apajjatiti.

86. Evam vutte raja Magadho Ajatasattu Vedehi-putto Bhagavantam etad avoca: handa ca dani mayam bhante gacchami bahukicca mayam bahukaraniya'ti.

"Yassa 'dani tvam maharaja kalam mannasi" ti.

Atha kho raja Magadho Ajatasattu Vedehi-putto Bhagavato bhasitam abhinanditva anumoditva utthay asana Bhagavantam abhivadetva padakkhinam katva pakkami.

87. Atha kho Bhagava acirapakkantassa ranno Magadhassa [86] Ajatasattussa vedehiputtassa bhikkhu amantesi: khatayam bhikkhave raja,||
upahatayam bhikkhave raja.|| ||

Sacayam bhikkhave raja pitaram dhammikam dhammarajanam jivita na voropessatha imasmim yeva asane virajam vitamalam dhammacakkhum uppajjissathati.

Idam avoca Bhagava.|| ||

Attamana te bhikkhu Bhagavato bhasitam abhinandunti.


Contact:
E-mail
Copyright Statement