Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 5

Kutadanta Suttantam

Adapted from the digital version of the Sri Lanka Buddha Jayanti Tripitaka Series

 


 

[1][pts] Evam me sutam.|| ||

Ekam samayam Bhagava magadhesu carikam caramano mahata bhikkhu-sanghena saddhim panca-mattehi bhikkhu-satehi,||
yena khanumatam nama magadhanam brahmanagamo tadavasari.|| ||

Tatra sudam Bhagava khanumate viharati Ambalatthikayam.

Tena kho pana samayena kutadanto brahmano khanumatam ajjhavasati sattussadam satinakatthodakam sadhannam rajabhoggam ranna magadhena seniyena bimbisarena dinnam rajadayam brahmadeyyam.

Tena kho pana samayena kutadantassa brahmanassa mahayanno upakkhato hoti.|| ||

Satta ca usabhasatani satta ca vacchatarasatani satta ca vacchatarisatani satta ca ajasatani satta ca urabbhasatani thunupanitani honti yannatthaya.

Assosum kho khanumataka brahmanagahapatika: "samano khalu bho Gotamo Sakyaputto Sakyakula pabbajito magadhesu carikam caramano mahata bhikkhu-sanghena saddhim panca-mattehi bhikkhu-satehi khanumatam anuppatto khanumate viharati Ambalatthikayam.

'Tam kho pana bhavantam Gotamam evam kalyano kittisaddo abbhuggato': iti pi so Bhagava araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava'ti.|| ||

[128] so imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham brahmacariyam pakaseti.|| ||

Sadhu kho pana tatharupanam arahatam dassanam hoti" ti.

Atha kho khanumataka brahmanagahapatika khanumatam nikkhamitva sanghasanghi ganibhuta yena Ambalatthika ten'upasankamanti.

[BJT Page 250]

3. Tena kho pana samayena kutadanto brahmano uparipasade divaseyyam upagato hoti.|| ||

Addasa kho kutadanto brahmano khanumatake brahmanagahapatike khanumata nikkhamitva sanghasanghi ganibhute yena Ambalatthika ten'upasankamante.|| ||

Disva khattam amantesi: "kin nu kho bho khatte khanumataka brahmanagahapatika khanumata nikkhamitva sanghasanghi ganibhuta yena Ambalatthika ten'upasankhamanti"?Ti.

"Atthi kho bho Samano Gotamo Sakyaputto Sakyakula pabbajito magadhesu carikam caramano mahata bhikkhu-sanghena saddhim panca-mattehi bhikkhu-satehi khanumatam anuppatto khanumate viharati Ambalatthikayam.|| ||

Tam kho pana bhavantam Gotamam evam kalyano kittisaddo abbhuggato: iti pi so Bhagava araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava" ti.

4. Atha kho kutadantassa brahmanassa etad ahosi "sutam kho pana me tam: Samano Gotamo tividham yannasampadam so'asaparikkharam janati ti.|| ||

Na kho panaham janami tividham yannasampadam so'asaparikkharam.|| ||

Icchami caham mahayannam yajitum.|| ||

Yannunaham [129] samanam Gotamam upasankamitva tividham yannasampadam so'asaparikkharam puccheyyanti".

Atha kho kutadanto brahmano khattam amantesi "tena hi bho khatte yena khanumataka brahmanagahapatika ten'upasankama.|| ||

Upasankamitva khanumatake brahmanagahapatike evam vadehi "kutadanto bho brahmano evam aha: agamentu kira bhavanto.|| ||

Kutadanto pi brahmano samanam Gotamam dassanaya upasankamissati" ti.

'Evam bho'ti kho so khatta kutadantassa brahmanassa patissutva yena khanumataka brahmanagahapatika ten'upasankami.|| ||

Upasankamitva khanumatake brahmanagahapatike etad avoca "kutadanto bho brahmano evam aha: agamentu kira bhonto.|| ||

Kutadanto pi brahmano samanam Gotamam dassanaya upasankamissati'ti.

5. Tena kho pana samayena anekani brahmanasatani khanumate pativasanti 'kutadantassa brahmanassa mahayannam anubhavissama'ti.|| ||

Assosum kho te brahmana 'kutadanto kira brahmano samanam Gotamam dassanaya upasankamissati'ti.|| ||

Atha kho te brahmana yena kutadanto brahmano ten'upasankamimsu.|| ||

Upasankamitva kutadantam brahmanam etad avocum 'saccam kira bhavam kutadanto samanam Gotamam dassanaya upasankamissati?'Ti.

[BJT Page 252]

"Evam kho me bho hoti: aham pi samanam Gotamam dassanaya upasankamissami" ti.

6. "Ma bhavam kutadanto samanam Gotamam dassanaya upasankami na arahati bhavam kutadanto samanam Gotamam dassanaya upasankamitum.|| ||

Sace bhavam kutadanto samanam Gotamam dassanaya upasankamissati bhoto kutadantassa yaso hayissati.|| ||

Samanassa Gotamassa yaso abhivaddhi'ssati.|| ||

Yampi bhoto kutadantassa yaso hayissati samanassasa Gotamassa yaso abhivaddhi'ssati,||
iminapangena na arahati bhavam kutadanto samanam Gotamam dassanaya upasankamitum,||
samano tv eva Gotamo arahati bhavantam kutadantam dassanaya upasankamitum.

[130] bhavam hi kutadanto ubhato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

Yampi bhavam kutadanto ubhato sujato matito ca pitito ca samsuddhagahaniko yava sattama pitamahayuga,||
akkhitto anupakkuttho jativadena,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto addho mahaddhano mahabhogo.|| ||

Yampi bhavam kutadanto addho mahaddhano mahabhogo.|| ||

Iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto ajjhayako mantadharo tinnam vedanam paragu sanighanduketubhanam sakkharappabhedanam itihasapancamanam,||
padako veyyakarano lokayatamahapurisalakkhanesu anavayo.|| ||

Yampi bhavam kutadanto ajjhayako mantadharo tinnam vedanam paragu sanighanduketubhanam sakkharappabhedanam itihasapancamanam,||
padako veyyakarano lokayatamahapurisalakkhanesu anavayo.|| ||

Iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto abhirupo dassaniyo pasadiko paramaya vannapokkharataya samannagato,||
brahmavanni brahmavaccasi akkhuddavakaso dassanaya.|| ||

Yampi bhavam kutadanto abhirupo dassaniyo pasadiko paramaya vannapokkharataya samannagato,||
brahmavanni brahmavaccasi akkhuddavakaso dassanaya,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto silava hoti vuddhasili vuddhasilena samannagato.|| ||

Yampi bhavam kutadanto silava hoti vuddhasili vuddhasilena samannagato,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto kalyanavaco kalyanavakkarano poriya vacaya samannagato vissatthaya anelagalaya atthassa vinnapatiya.|| ||

Yampi bhavam kutadanto kalyanavaco kalyanavakkarano poriya vacaya samannagato vissatthaya anelagalaya atthassa vinnapaniya,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto bahunnam acariyapacariyo.|| ||

Tini manavakasatani mante vaceti.|| ||

Bahu kho pana nanadisa nanajanapada manavaka agacchanti bhoto kutadantassa santike mantatthika mante adhiyitukama.|| ||

Yampi bhavam kutadanto bahunnam acariyapacariyo.|| ||

Tini manavakasatani mante vaceti.|| ||

Bahu kho pana nanadisa nanajanapada manavaka agacchanti bhoto kutadantassa santike mantatthika mante adhiyitukama,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto jinno vuddho mahallako addhagato vayo anuppatto.|| ||

Samano Gotamo taruno c'eva tarunapabbajito ca.|| ||

Yampi bhavam kutadanto jinno vuddho mahallako addhagato vayo anuppatto.|| ||

Samano Gotamo taruno c'eva tarunapabbajito ca,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto ranno Magadhassa seniyassa bimbisarassa sakkato garukato manito pujito apacito.|| ||

Yampi bhavam kutadanto ranno Magadhassa seniyassa bimbisarassa sakkato garukato manito pujito apacito,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

Bhavam hi kutadanto brahmanassa pokkharasatissa sakkato garukato manito pujito apacito.|| ||

Yampi bhavam kutadanto brahmanassa pokkharasatissa sakkato garukato manito pujito apacito,||
iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitum.

[131] bhavam hi kutadanto khanumatam ajjhavasati sattussadam satinakatthodakam sadhannam rajabhoggam ranna magadhena seniyena bimbisarena dinnam rajadayam brahmadeyyam.|| ||

Yampi bhavam kutadanto khanumatam ajjhavasati sattussadam satinakatthodakam sadhannam rajabhoggam ranna magadhena seniyena bimbisarena dinnam rajadayam brahmadeyyam.|| ||

Iminapangena na arahati bhavam kutadanto samanam Gotamam dassanaya upasankamitum.|| ||

Samano tv eva Gotamo arahati bhavantam kutadantam dassanaya upasankamitunti.

7.|| ||

Evam vutte kutadanto brahmano te brahmane etad avoca: "tena hi bho mamapi sunatha yatha mayameva arahama tam bhavantam Gotamam dassanaya upasankamitum,||
natv eva arahati so bhavam Gotamo amhakam dassanaya upasankamitum.

"Samano khalu bho Gotamo ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

Yampi kho Samano Gotamo ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo mahantam natisangham ohaya pabbajito.|| ||

Yampi bho Samano Gotamo mahantam natisangham ohaya pabbajito.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo pahutam hirannasuvannam ohaya pabbajito bhumigatan ca vehasatthanca.|| ||

Yampi bho Samano Gotamo pahutam hirannasuvannam ohaya pabbajito bhumigatan ca vehasatthanca.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo daharo'va samano yuva susuka'akeso bhadrena yobbanena samannagato pathamena vayasa agarasma anagariyam pabbajito.|| ||

Yampi bho Samano Gotamo daharo'va samano yuva susuka'akeso bhadrena yobbanena samannagato pathamena vayasa agarasma anagariyam pabbajito.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo akamakanam mata-pitunnam assumukhanam rudantanam kesamassum oharetva kasayani vatthani acchadetva agarasma anagariyam pabbajito.|| ||

Yampi bho Samano Gotamo akamakanam mata-pitunnam assumukhanam rudantanam kesamassum oharetva kasayani vatthani acchadetva agarasma anagariyam pabbajito.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo abhirupo dassaniyo pasadiko paramaya vannapokkharataya samannagato brahmavanni brahmavaccasi akkhuddavakaso [132] dassanaya.|| ||

Yampi bho Samano Gotamo abhirupo dassaniyo pasadiko paramaya vannapokkharataya samannagato brahmavanni brahmavaccasi akkhuddavakaso dassanaya.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho Mayameva arahama tam bhavantam Gotamam dassanaya upasankamitum.

Samano khalu bho Gotamo silava ariyasili kusalasili kusalasilena samannagato.|| ||

Yampi bho Samano Gotamo silava ariyasili kusalasilena samannagato.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo kalyanavaco kalyanavakkarano poriya vacaya samannagato vissatthaya anelagalaya atthassa vinnapaniya.|| ||

Yampi bho Samano Gotamo kalyanavaco kalyanavakkarano poriya vacaya samannagato vissatthaya anelagalaya atthassa vinnapaniya,||
iminapangena na arahati bhavam kutadanto samanam Gotamam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo bahunnam acariyapacariyo.|| ||

Yampi bho Samano Gotamo bahunnam acariyapacariyo.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo kammavadi kiriyavadi apapapurekkharo brahmannaya pajaya.|| ||

Yampi bho Samano Gotamo kammavadi kiriyavadi apapapurekkharo brahmannaya pajaya.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo uccakula pabbajito asambhinnakhattiyakula.|| ||

Yampi bho Samano Gotamo uccakula pabbajito asambhinnakhattiyakula.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo addha kula pabbajito mahaddhana mahabhoga.|| ||

Yampi bho Samano Gotamo addha kula pabbajito mahaddhana mahabhoga.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samanam khalu bho Gotamam tirorattha tirojanapada sampucchitum agacchanti.|| ||

Yampi bho samanam Gotamam tirorattha tirojanapada sampucchitum agacchanti.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samanam khalu bho Gotamam anekani devatasahassani panehi saranam gatani.|| ||

Yampi bho samanam Gotamam anekani devatasahassani panehi saranam gatani.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samanam khalu bho Gotamam evam kalyano kittisaddo abbhuggato 'Iti pi so Bhagava araham samma sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava'ti.|| ||

Yampi bho samanam Gotamam evam kalyano kittisaddo abbhuggato 'Iti pi so Bhagava araham samma sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava'ti.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo dvattimsamahapurisalakkhanehi samannagato.|| ||

Yampi bho Samano Gotamo dvattimsamahapurisalakkhanehi samannagato.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo ehisagatavadi sakhilo sammodako abbhakutiko uttanamukho pubbabhasi.|| ||

Yampi bho Samano Gotamo ehisagatavadi sakhilo sammodako abbhakutiko uttanamukho pubbabhasi.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

[BJT Page 258]

Samano khalu bho Gotamo catunnam parisanam sakkato garukato manito pujito apacito.|| ||

Yampi bho Samano Gotamo catunnam parisanam sakkato garukato manito pujito apacito.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samane khalu bho gotame bahu deva ca manussa ca abhippasanna.|| ||

Yampi bho samane gotame bahu deva ca manussa ca abhippasanna.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo yasmim game va nigame va pativasati,||
na tasmim game va nigame va amanussa manusse vihethenti.|| ||

Yampi bho Samano Gotamo yasmim game va nigame va pativasati,||
na tasmim game va nigame va amanussa manusse vihethenti.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samano khalu bho Gotamo sanghi gani ganacariyo puthutitthakaranam aggam akkhayati.|| ||

Yatha kho pana bho ekesam samana-brahmananam yatha va tatha va yaso samudagacchati,||
na hevam samanassa Gotamassa yaso samudagato.|| ||

Atha kho anuttaraya vijjacaranasampadaya samanassa Gotamassa yaso samudagato.|| ||

Yampi bho Samano Gotamo sanghi gani ganacariyo puthutitthakaranam aggam akkhayati.|| ||

Yatha kho pana bho ekesam samana-brahmananam yatha va tatha va yaso samudagacchati,||
na hevam samanassa Gotamassa yaso samudagato.|| ||

Atha kho anuttaraya vijjacaranasampadaya samanassa Gotamassa yaso samudagato.|| ||

Iminapangena na arahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Samanam khalu bho Gotamam raja Magadho seniyo bimbisaro saputto sabhariyo [133] sapariso samacco panehi saranam gato.|| ||

Samanam khalu bho Gotamam raja pasenadi kosalo saputto sabhariyo sapariso samacco panehi saranam gato.|| ||

Samanam khalu bho Gotamam brahmano pokkharasati saputto sabhariyo sapariso samacco panehi saranam gato.|| ||

Samano khalu bho Gotamo ranno Magadhassa seniyassa bimbisarassa sakkato garukato manito pujito apacito.|| ||

Samano khalu bho Gotamo ranno pasenadissa kosalassa sakkato garukato manito pujito apacito.|| ||

Samano khalu bho Gotamo brahmanassa pokkharasatissa sakkato garukato manito pujito apacito.

Samano khalu bho Gotamo khanumatam anuppatto,||
khanumate viharati Ambalatthikayam.|| ||

Ye kho pana keci samana va brahmana va amhakam gamakkhettam agacchanti,||
atithi no te honti.|| ||

Atithi kho panamhehi sakkatabba garukatabba manetabba pujetabba apacetabba.|| ||

Yampi bho Samano Gotamo khanumatam anuppatto khanumate viharati Ambalatthikayam.|| ||

Atithamhakam Samano Gotamo,||
atithi kho panamhehi sakkatabbo garukatabbo manetabbo pujetabbo apacetabbo.

[BJT Page 260]

Iminapangena narahati so bhavam Gotamo amhakam dassanaya upasankamitum.|| ||

Atha kho mayameva arahama tam bhavantam Gotamam dassanaya upasankamitum.

Ettake kho aham bho tassa bhoto Gotamassa vanne pariyapunami.|| ||

No ca kho so bhavam Gotamo ettakavanno.|| ||

Aparimanavanno hi so bhavam Gotamo'ti.

8.|| ||

Evam vutte te brahmana kutadantam brahmanam etad avocum: "yatha kho bhavam kutadanto samanassa Gotamassa vanno bhasati ito ce'pi so bhavam Gotamo yojanasate viharati,||
alam eva saddhena kulaputtena dassanaya upasankamitum api putamsenapi1.|| ||

Tena hi bho sabbe va mayam samanam Gotamam dassanaya upasankamissama" ti.

9.|| ||

Atha kho kutadanto brahmano mahata brahmanaganena saddhim yena Ambalatthika yena Bhagava ten'upasankami.|| ||

Upasankamitva Bhagavata saddhim sammodi.|| ||

[134] sammodaniyam katham saraniyam vitisaretva eka-m-antam nisidi.|| ||

Khanumatika'pi kho brahmanagahapatika appekacce Bhagavantam abhivadetva eka-m-antam nisidimsu,||
appekacce Bhagavata saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Appekacce yena Bhagava tenanjalim panametva eka-m-antam nisidimsu.|| ||

Appekacce namagottam savetva eka-m-antam nisidimsu.|| ||

Appekacce tunhibhuta eka-m-antam nisidimsu.

10. Eka-m-antam nisinno kho kutadanto brahmano Bhagavantam etad avoca: "sutam me tam bho Gotamo tividham yannasampadam so'asaparikkharam janati ti.|| ||

Na kho panaham janami tividham yannasampadam so'asaparikkharam.|| ||

Icchami caham mahayannam yajitum.|| ||

Sadhu me bhavam Gotamo tividham yannasampadam so'asaparikkharam desetu" ti.

"Tena hi brahmana sunohi sadhukam manasikarohi bhasissami" ti.

'Evam bho'ti kho kutadanto brahmano Bhagavato paccassosi.|| ||

Bhagava etad avoca:

11. "Bhutapubbam brahmana raja mahavijito nama ahosi,||
addho mahaddhano mahabhogo pahutajataruparajato pahutavittupakarano pahutadhanadhanno paripunnakosakotthagaro.|| ||

Atha kho brahmana ranno mahavijitassa rahogatassa patisallinassa evam cetaso parivitakko udapadi: "adhigata kho me vipula manusaka bhoga.|| ||

Mahantam pathavimandalam abhivijiya ajjhavasami.|| ||

Yannunaham mahayannam yajeyyam,||
yam mama'ssa digha-rattam hitaya sukhaya" ti.

Atha kho brahmana raja mahavijite purohitam brahmanam amantetva etad avoca: 'idha mayham brahmana rahogatassa patisallinassa evam cetaso parivitakko udapadi: "adhigata kho me vipula manusaka [135] bhoga.|| ||

Mahantam pathavimandalam abhivijiya ajjhavasami.|| ||

Yannunaham mahayannam yajeyyam,||
yam mama'ssa digha-rattam hitaya sukhaya'ti.|| ||

Icchamaham brahmana mahayannam yajitum.|| ||

Anusasatu mam bhavam,||
yam mama'ssa digha-rattam hitaya sukhaya" ti.

12. Evam vutte brahmana purohito brahmano rajanam mahavijitam etad avoca: 'bhoto kho ranno janapado sakantako sauppi'o.|| ||

Gamaghata'pi dissanti,||
nigamaghata'pi dissanti,||
panthaduhana'pi dissanti.|| ||

Bhavam ce kho pana raja evam sakantake janapade sauppi'e balimuddhareyya,||
akiccakari assa tena bhavam raja.|| ||

Siya kho pana bhoto ranno evam assa: 'ahame tam dassukhilam vadhena va bandhena va jatiya va garahaya va pabbajanaya va samuhanissami'ti.|| ||

Na kho panetassa dassukhilassa evam samma samugghato hoti.|| ||

Ye te hatavasesaka bhavissanti,||
te paccha ranno janapadam vihethessanti.|| ||

Api ca kho idam samvidhanam agamma evametassa dassukhilassa samma samugghato hoti.|| ||

Tena hi bhavam raja ye bhoto ranno janapade ussahanti kasigorakkhe,||
tesam bhavam raja bijabhattam anuppadetu.|| ||

Ye bhoto ranno janapade ussahanti vanijjaya,||
tesam bhavam raja pabhatam anuppadetu.|| ||

Ye bhoto ranno janapade ussahanti rajaporise,||
tesam bhavam raja bhattavetanam pakappatu.|| ||

Te ca manussa sakammapasuta ranno janapadam na vihethessanti.|| ||

Maha ca ranno rasiko bhavissati,||
khematthita janapada akantaka anuppi'a.|| ||

Manussa ca muda modamana ure putte naccenta aparutaghara manne viharissanti" ti.

13. 'Evam bho'ti kho brahmana raja mahavijito purohitassa brahmanassa patissutva ye ranno janapade ussahimsu [136] kasigorakkhe,||
tesam raja mahavijito bijabhattam anuppadasi.|| ||

Ye ranno janapade ussahimsu vanijjaya,||
tesam raja mahavijito pabhatam anuppadasi.|| ||

Ye ranno janapade ussahimsu rajaporise,||
tesam raja mahavijito bhattavetanam pakappesi.|| ||

Te ca manussa sakammapasuta ranno janapadam na vihethesum.|| ||

Maha ca ranno rasiko ahosi,||
khematthita janapada akantaka anuppi'a.|| ||

Manussa muda modamana ure putte naccenta aparutaghara manne viharimsu.

14. Atha kho brahmana raja mahavijito purohitam brahmanam amantetva etad avoca: "samuhato kho me bho so dassukhilo bhoto samvidhanam agamma.|| ||

Maha ca me rasiko.|| ||

Khematthita janapada akantaka anuppi'a.|| ||

Manussa muda modamana ure putte naccenta aparutaghara manne viharanti.|| ||

Icchamaham brahmana mahayannam yajitum.|| ||

Anusasatu mam bhavam,||
yam mama'ssa digha-rattam hitaya sukhaya" ti.

"Tena hi bhavam raja ye bhoto ranno janapade khattiya anuyutta negama c'eva janapada ca,||
te bhavam raja amantayatam,||
'icchamaham bho mahayannam yajitum.|| ||

Anujanantu me bhonto yam mama'ssa digha-rattam hitaya sukhaya'ti.|| ||

Ye bhoto ranno janapade amacca parisajja negama c'eva janapada ca,||
te bhavam raja amantayatam,||
'icchamaham bho mahayannam yajitum.|| ||

Anujanantu me bhonto yam mama'ssa digha-rattam hitaya sukhaya'ti.|| ||

Ye bhoto ranno janapade brahmanamahasala negama c'eva janapada ca,||
te bhavam raja amantayatam,||
'icchamaham bho mahayannam yajitum.|| ||

Anujanantu me bhonto yam mama'ssa digha-rattam hitaya sukhaya'ti.

'Evam bho'ti kho brahmana raja mahavijito purohitassa brahmanassa patissutva ye ranno janapade khattiya anuyutta negama c'eva janapada ca,||
te raja mahavijito [137] amantesi: "icchamaham bho mahayannam yajitum.|| ||

Anujanantu me bhonto,||
yam mama'ssa digha-rattam hitaya sukhaya" ti.

"Yajatam bhavam raja yannam.|| ||

Yannakalo Maharaja" ti.

Ye ranno janapade amacca parisajja negama c'eva janapada ca,||
te raja mahavijito amantesi: "icchamaham bho mahayannam yajitum.|| ||

Anujanantu me bhavanto,||
yam mama'ssa digha-rattam hitaya sukhaya" ti.|| ||

Ye ranno janapade brahmanamahasala negama c'eva janapada ca,||
te raja mahavijito amantesi: "icchamaham bho mahayannam yajitum.|| ||

Anujanantu me bhavanto,||
yam mama'ssa digha-rattam hitaya sukhaya" ti.|| ||

Ye ranno janapade gahapatinecayika negama c'eva janapada ca,||
te raja mahavijito amantesi: "icchamaham bho mahayannam yajitum.|| ||

Anujanantu me bhavanto,||
yam mama'ssa digha-rattam hitaya sukhaya" ti.

"Yajatam bhavam raja yannam.|| ||

Yannakalo Maharaja" ti.

Itime cattaro anumatipakkha tass'eva yannassa parikkhara bhavanti.

15. Raja mahavijito atthahi angehi samannagato.

Ubhato sujato matito ca pitito ca,||
samsuddhagahaniko yava sattama pitamahayuga,

Akkhitto anupakkuttho jativadena,

Abhirupo dassaniyo pasadiko,||
paramaya vannapokkharataya samannagato,||
brahmavanni brahmavaccasi akkhuddavakaso dassanaya.

Addho mahaddhano mahabhogo pahutajataruparajato pahutavittupakarano pahutadhanadhanno paripunnakosakotthagaro.

Balava caturanginiya senaya samannagato assavaya ovadapatikaraya,||
patapati manne paccatthike yasasa.

Saddho dayako danapati anavatadvaro,||
samanabrahmanakapanaddhikavanibbakayacakanam opanabhuto,||
punnani karoti.

Bahussuto tassa tassa sutajatassa.|| ||

Tassa tass'eva kho pana bhasitassa attham janati: 'ayam imassa bhasitassa attho ayam imassa bhasitassa attho'ti.

Pandito viyatto medhavi patibalo atitanagatapaccuppanne atthe cintetum.

Raja mahavijito imehi atthahi angehi samannagato.

Iti imani'pi atthangani tass'eva yannassa parikkhara bhavanti.

16. [138] purohito pi brahmano catuhangehi samannagato:

Ubhato sujato matito ca pitito ca.|| ||

Samsuddhagahaniko yava sattama pitamahayuga.|| ||

Akkhitto anupakkuttho jativadena.

Ajjhayako mantadharo tinnam vedanam paragu sanighanduketubhanam sakkharappabhedanam itihasapancamanam.|| ||

Padako veyyakarano lokayatamahapurisalakkhanesu anavayo.

Silava vuddhasili vuddhasilena samannagato.

Pandito viyatto medhavi pathamo va dutiyo va sujam pagganhantanam.

Purohito brahmano imehi catuhangehi samannagato.|| ||

Iti imani'pi cattari angani tass'eva yannassa parikkhara bhavanti.

17. Atha kho brahmana,||
purohito brahmano ranno mahavijitassa pubb'eva yanna tisso vidha desesi:

"Siya kho pana bhoto ranno mahayannam yitthukamassa kocideva vippatisaro 'maha vata me bhogakkhandho vigacchi'ssati'ti,||
so bhoto ranno vippatisaro na karaniyo.|| ||

Siya kho pana bhoto ranno mahayannam yajamanassa kocideva vippatisaro 'maha vata me bhogakkhandho vigacchati'ti,||
so bhoto ranno vippatisaro na karaniyo siya kho pana bhoto ranno mahayannam yitthassa kocideva vippatisaro 'maha vata me bhogakkhandho vigato'ti,||
so bhoto ranno vippatisaro na karaniyo" ti.

Ima kho pana brahmana purohito brahmano ranno mahavijitassa pubb'eva yanna tisso vidha desesi.

18. Atha kho brahmana,||
purohito brahmano ranno mahavijitassa pubb'eva yanna dasahakarehi patiggahakesu vippatisaram pativinodesi: "agamissanti kho bhoto yannam panatipatino pi panatipata pativirata'pi.|| ||

Ye tattha panatipatino tesam yeva tena.|| ||

Ye tattha panatipata pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam adinnadayino pi adinnadana pativirata'pi.|| ||

Ye tattha adinnadayino tesam yeva tena.|| ||

Ye tattha adinnadana pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam kamesu micchacarino pi kamesu micchacara pativirata'pi.|| ||

Ye tattha kamesu micchacarino tesam yeva tena.|| ||

Ye tattha kamesu micchacara pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam musavadino pi musa-vada pativirata'pi.|| ||

Ye tattha musavadino tesam yeva tena.|| ||

Ye tattha musa-vada pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam pisunavacino pi pisunaya vacaya pativirata'pi.|| ||

Ye tattha pisunavacino tesam yeva tena.|| ||

Ye tattha pisunaya vacaya pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam pharusavacino pi pharusaya vacaya pativirata'pi.|| ||

Ye tattha pharusavacino tesam yeva tena.|| ||

Ye tattha pharusaya vacaya pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam samphappalapino pi samphappalapa [139] pativirata'pi.|| ||

Ye tattha samphappalapino tesam yeva tena.|| ||

Ye tattha samphappalapa pativirata te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam abhijjhaluno pi anabhijjhaluno pi ye tattha abhijjhaluno tesam yeva tena.|| ||

Ye tattha anabhijjhaluno te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam byapannacitta'pi abyapannacitta'pi ye tattha byapannacitta tesam yeva tena.|| ||

Ye tattha abyapannacitta te arabbha yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.|| ||

Agamissanti kho bhoto yannam micchaditthika'pi sammaditthika'pi.|| ||

Ye tattha micchaditthika tesam yeva tena.|| ||

Ye tattha sammaditthika te yajatam bhavam,||
sajjatam bhavam,||
modatam bhavam,||
cittameva bhavam antaram pasadetu" ti.

Imehi kho brahmana purohito brahmano ranno mahavijitassa pubb'eva yanna dasahakarehi patiggahakesu vippatisaram pativinodesi.

19. Atha kho brahmana,||
purohito brahmano ranno mahavijitassa mahayannam yajamanassa so'asahakarehi cittam sandassesi samadapesi samuttejesi sampahamsesi: siya kho pana bhoto ranno mahayannam yajamanassa kocideva vatta: "raja kho mahavijito mahayannam yajati.|| ||

No ca kho tassa amantita khattiya anuyutta negamac'eva janapada ca.|| ||

Atha ca pana bhavam raja evarupam mahayannam yajati" ti.|| ||

Evam pi bhoto ranno vatta dhammato n'atthi.|| ||

Bhota kho pana ranna amantita khattiya anuyutta negama c'eva janapada ca.

Iminapetam bhavam raja janatu.|| ||

Yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.

20. Siya kho pana bhoto ranno mahayannam yajamanassa kocideva vatta 'raja kho mahavijito mahayannam yajati,||
no ca kho tassa amantita amacca parisajja negama c'eva janapada ca,||
no ca brahmanasala negama c'eva janapada ca,||
no ca gahapatinecayika negama c'eva janapada ca.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhota kho pana ranna amantita gahapatinecayika negama c'eva janapada ca.|| ||

Iminapetam bhavam raja janatu.|| ||

Yajatam bhavam,||
sajjatam bhavam,||
modatam bhavam cittameva bhavam antaram pasadetu.

21. Siya kho pana bhoto ranno mayayannam yajamanassa kocideva vatta 'raja kho mahavijito mahayannam yajati.|| ||

No ca kho ubhato sujato matito ca pitito ca,||
samsuddhagahaniko yava sattama pitamahayuga,||
[140] akkhitto anupakkuttho jativadena.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

Iminapetam bhavam raja janatu.|| ||

Yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.

22. Siya kho pana bhoto ranno mahayannam yajamanassa kocideva vatta 'raja kho mahavijito mahayannam yajati.|| ||

No ca kho abhirupo dassaniyo pasadiko paramaya vannapokkharataya samannagato brahmavanni brahmavaccasi akkhuddavakaso dassanaya atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja abhirupo dassaniyo pasadiko paramaya vannapokkharataya samannagato brahmavanni brahmavaccasi akkhuddavakaso dassanaya.|| ||

No ca kho addho mahaddhano mahabhogo pahutajataruparajato pahutavittupakarano pahutadhanadhanno paripunnakosakotthagaro.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja addho mahaddhano mahabhogo pahutajataruparajato pahutavittupakarano pahutadhanadhanno paripunnakosakotthagaro.|| ||

No ca kho balava caturanginiya senaya samannagato assavaya ovadapatikaraya patapati manne paccatthike yasasa.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja balava caturanginiya senaya samannagato assavaya ovadapatikaraya patapati manne paccatthike yasasa.|| ||

No ca kho saddho dayako danapati anavatadvaro samanabrahmanakapanaddhikavanibbakayacakanam opanabhuto punnani karoti.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vtata dhammato n'atthi.|| ||

Bhavam kho pana raja saddho dayako danapati anavatadvaro samanabrahmanakapanaddhikavanibbakayacakanam opanabhuto punnani karoti.|| ||

No ca kho bahussuto tassa tassa sutajatassa.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja bahussuto tassa tassa sutajatassa.|| ||

No ca kho tassa tass'eva kho pana bhasitassa attham janati:

'Ayam imassa bhasitassa attho ayam imassa bhasitassa attho'ti.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhavam kho pana raja tassa tass'eva kho pana bhasitassa attham janati.|| ||

Ayam imassa bhasitassa attho ayam imassa bhasitassa attho'ti.|| ||

No ca kho pandito viyatto medhavi patibalo atitanagatapaccuppanne atthe cintetum.|| ||

Atha ca pana bhavam raja evarupam mahayannam yajati'ti.

Evam pi bhoto ranno vatta dhammato n'atthi.|| ||

Bhavam kho pana raja pandito viyatto medhavi patibalo atitanagatapaccuppanne atthe cintetum.|| ||

Iminapetam bhavam raja janatu.|| ||

Yajatam bhavam,||
sajjatam bhavam,||
modatam bhavam,||
cittameva bhavam antaram pasadetu.

23. Siya kho pana bhoto ranno mahayannam yajamanassa kocideva vatta: 'raja kho mahavijito mahayannam yajati.|| ||

No ca khvassa purohito brahmano ubhato sujato matito ca pitito ca.|| ||

Samsuddhagahaniko yava sattama pitamahayuga.|| ||

Akkhitto anupakkuttho jativadena.|| ||

Atha ca pana bhavam raja evarupam mahayannam yajati'ti.|| ||

[141] evam pi bhoto ranno vatta dhammato n'atthi.|| ||

Bhoto kho pana ranno purohito brahmano ubhato sujato matito ca pitito ca samsuddhagahaniko yava sattama pitamahayuga,||
akkhitto anupakkuttho jativadena.|| ||

Iminapetam bhavam raja janatu.|| ||

Yajatam bhavam,||
sajjatam bhavam,||
modatam bhavam.|| ||

Cittameva bhavam antaram pasadetu.

24. Siya kho pana bhoto ranno mahayannam yajamanassa kocideva vatta 'raja kho mahavijito mahayannam yajati.|| ||

No ca khavassa purohito brahmano ajjhayako mantadharo tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayo.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.|| ||

Bhoto kho pana ranno purohito brahmano ajjhayako mantadharo tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayo.|| ||

No ca khvassa purohito brahmano silava vuddhasili vuddhasilena samannagato.|| ||

Atha ca pana bhavam raja evarupam mahayannam yajati ti.|| ||

Evam pi bhoto ranno vatta dhammato n'atthi.|| ||

Bhoto kho pana ranno purohito brahmano silava vuddhasili vuddhasilena samannagato.|| ||

No ca khvassa purohito brahmano pandito viyatto medhavi pathamo va dutiyo va sujam pagganhantanam.|| ||

Atha ca pana bhavam raja evarupam mahayannam yajati'ti.|| ||

Evam pi bhoto ranno vatta dhammato n'atthi.

[BJT Page 274]

Bhoto kho pana ranno purohito brahmano pandito viyatto medhavi pathamo va dutiyo va sujampagganhantanam.|| ||

Imina petam bhavam raja janatu.|| ||

Yajatam bhavam,||
sajjatam bhavam,||
modatam bhavam,||
cittameva bhavam antaram pasadetu'ti.

Imehi kho brahmana,||
purohito brahmano ranno mahavijitassa mahayannam yajamanassa so'asahi akarehi cittam sandassesi,||
samadapesi,||
samuttejesi,||
sampahamsesi.

25. Tasmim kho brahmana yanne n'eva gavo hannimsu,||
na ajelaka hannimsu,||
na kukkutasukara hannimsu,||
na vividha pana samghatam apajjimsu,||
na rukkha chijjimsu1 yupatthaya,||
na dabba luyimsu barihisatthaya.|| ||

2 Ye pi'ssa ahesum dasa'ti va pessa'ti va kammakara'ti va,||
te'pi na dandatajjita na bhayatajjita na assumukha rudamana parikammani akamsu.|| ||

Atha kho ye icchimsu te akamsu.|| ||

Ye na icchimsu na te akamsu.|| ||

Yam icchimsu tam akamsu.|| ||

Yam na icchimsu na tam akamsu.|| ||

Sappitelanavanitadadhimadhuphanitenaceva so yanno nitthanamagamasi.

26. [142] atha kho brahmana khattiya anuyutta negama c'eva janapada ca amacca parisajja negama c'eva janapada ca,||
brahmanamahasala negamacave janapada ca,||
gahapatinecayika negama c'eva janapada ca pahutam sapateyyam adaya rajanam mahavijitam upasankamitva evam ahamsu: "idam deva pahutam sapateyyam devam yeva uddissa abhatam.|| ||

Tam devo patiganhatu" ti.

"Alam bho Mamapi idam pahutam sapateyyam dhammikena balina abhisankatam.|| ||

Tan ca vo hotu ito ca bhiyyo haratha" ti.

27. Te ranna patikkhitta eka-m-antam apakkamma evam sammantesum: "na kho etam amhakam patirupam yam mayam imani sapateyyani punadeva sakani gharani patihareyyama.|| ||

Raja kho mahavijito mahayannam yajati.|| ||

Handassa mayam anuyagino homa" ti.

Atha kho brahmana puratthimena yannavatassa khattiya anuyutta negama c'eva janapada ca danani patthapesum.|| ||

Dakkhinena yannavatassa amacca parisajja negama c'eva janapada ca danani patthapesum.|| ||

Pacchimena yannavatassa brahmanamahasala negama c'eva janapada ca danani patthapesum.|| ||

Uttarena yannavatassa gahapatinecayika negama c'eva janapada ca danani patthapesum.|| ||

Tesu'pi kho brahmana yannesu n'eva gavo hannimsu,||
na ajelaka hannimsu,||
na kukkutasukara hannimsu,||
na vividha pana samghatam apajjimsu,||
na rukkha chijjimsu yupatthaya,||
na dabba luyimsu barihisatthaya.|| ||

Ye pi n'esam ahesum dasa'ti va pessa'ti va kammakara'ti va te'pi na dandatajjita na bhayatajjita na assumukha rudamana parikammani akamsu.|| ||

Atha kho ye icchimsu te akamsu.|| ||

Ye na icchimsu na te akamsu.|| ||

Yam icchimsu,||
tam akamsu.|| ||

Yam na icchimsu,||
na tam akamsu.|| ||

Sappitelanavanitadadhimadhuphanitena c'eva te yanna nitthanamagamamsu.

28. [143] iti cattaro ca anumatipakkha,||
raja mahavijito atthahangehi samannagato,||
purohito brahmano catuhangehi samannagato,||
tisso ca vidha.|| ||

Ayam vuccati brahmana tividha yannasampada so'asaparikkhara'ti.

29. Evam vutte te brahmana unnadino uccasaddamahasadda ahesum: "aho yanno aho yannasampada" ti.|| ||

Kutadanto pana brahmano tunhibhuto'va nisinno hoti.|| ||

Atha kho te brahmana kutadantam brahmanam etad avocum: kasma pana bhavam kutadanto samanassa Gotamassa subhasitam subhasitato nabbhanumodati?Ti.

"Naham bho samanassa Gotamassa subhasitam subhasitato nabbhanumodami.|| ||

Muddhapi tassa vipateyya yo samanassa Gotamassa subhasitam subhasitato nabbhanumodeyya.|| ||

Api ca me bho evam hoti: na Samano Gotamo evam aha: 'evam me sutanti va evam arahati bhavitun' ti.a.|| ||

Api ca Samano Gotamo: 'evam tada asi ittham tada asi'tv eva bhasati.|| ||

Tassa mayham bho evam hoti: "addha Samano Gotamo tena samayena raja va ahosi mahavijito yannasami,||
purohito va brahmano tassa yannassa yajeta'ti.|| ||

Abhijanati pana bhavam Gotamo evarupam yannam yajitva va yajetva va kayassa bheda param marana sugatim saggam lokam upapajjita?"Ti.

[BJT Page 278]

"Abhijanamaham brahmana evarupam yannam yajitva va yajetva va kayassa bheda param marana sugatim saggam lokam upapajjita.|| ||

Aham tena samayena purohito brahmano ahosim tassa yannassa yajeta" ti.

30. "Atthi pana bho Gotama anno yanno imaya tividhaya yannasampadaya so'asaparikkharaya appattataro ca appasamarambhataro ca mahapphalataro ca mahanisamsataro ca?"Ti.

[144] "atthi kho brahmana anno yanno imaya tividhaya yannasampadaya so'asaparikkharaya appattataro ca appasamarambhataro ca mahapphalataro ca mahanisamsataro va" ti.

31.|| ||

Katamo pana so bho Gotama yanno imaya tividhaya yannasampadaya so'asaparikkharaya appattataro ca appasamarambhataro ca mahapphalataro ca mahanisamsataro ca ?"Ti.

"Yani kho pana tani brahmana niccadanani anukulayannani silavanne pabbajite uddissa diyanti,||
ayam kho brahmana yanno imaya tividhaya yannasampadaya so'asaparikkharaya appattataro1 ca appasamarambhataro ca mahapphalataro ca mahanisamsataro ca" ti.

32. Ko nu kho bho Gotama hetu ko paccayo yena tam niccadanam anukulayannam imaya tividhaya yannasampadaya so'asaparikkharaya appattataranca appasamarambhataranca mahapphalataranca mahanisamsataranca?"Ti.

Na kho brahmana evarupam yannam upasankamanti arahanto va arahattamaggam va samapanna.|| ||

Tam kissa hetu?|| ||

Dissanti hettha brahmana dandappahara'pi galaggaha'pi.|| ||

Tasma evarupam yannam na upasankamanti arahanto va arahattamaggam va samapanna.|| ||

Yani kho pana tani brahmana niccadanani anukulayannani silavante pabbajite uddissa diyanti,||
evarupam kho brahmana yannam upasankamanti arahanto va arahantamaggam va samapanna.|| ||

Tam kissa hetu?|| ||

Na hettha brahmana dissanti dandappaharapi galaggahapi.|| ||

Tasma evarupam yannam upasankamanti arahanto va arahattamaggam va samapanna.|| ||

Ayam kho brahmana hetu ayam paccayo yena tam niccadanam anukulayannam imaya tividhaya yannasampadaya so'asa parikkharaya appattataranca appasamarambhataranca mahapphalataranca mahanisamsataranca" ti.

33. "Atthi pana bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena appattataro ca appasamarambhataro [145] ca mahapphalataro ca mahanisamsataro ca"?Ti.

"Atthi kho brahmana anno yanno imaya ca tividhaya yannasampadaya so'asaparikkharaya imina ca niccadanena anukulayannena appattataro ca appasamarambhataro ca mahapphalataro ca mahanisamsataro ca"?Ti.

"Katamo pana bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena appattataro ca appasamarambhataro ca mahapphalataro ca mahanisamsataro ca"?Ti.

"Yo kho brahmana catuddisam sangham uddissa viharam karoti,||
ayam kho brahmana yanno imaya ca tividhaya yannasampadaya so'asaparikkharaya imina ca niccadanena anukulayannena appattataro ca appasamarambhataro ca mahapphalataro ca mahanisamsataro ca"?Ti.

34. "Atthi pana bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena appattataro ca appasamarambhataro ca mahapphalataro ca mahanisamsataro ca"?Ti.

"Atthi kho brahmana anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena appattataro ca appasamarambhataro ca mahapphalataro ca mahanisamsataro ca"?Ti.

"Katamo pana so bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena appattataro ca appasamarambhataro ca mahapphalataro ca mahanisamsataro ca"?Ti.

"Yo kho brahmana pasannacitto Buddham saranam gacchati,||
dhammam saranam gacchati,||
sangham saranam gacchati,||
ayam kho brahmana yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena appattataro [146] ca appasamarambhataro ca mahapphalataro ca mahanisamsataro ca"?Ti.

35. "Atthi pana bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi appattataro ca appasamarambhataro ca mahapphalataro ca mahanisamsataro ca"?Ti.

[BJT Page 282]

"Atthi kho brahmana anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi appattataro ca appasamarambhataro ca mahapphalataro ca mahanisamsataro ca"?Ti.

Katamo pana so bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi appattataro ca appasamarambhataro ca mahapphalataro ca mahanisamsataro ca"?Ti.

"Yo kho brahmana pasannacitto sikkhapadani samadiyati panatipata veramanim adinnadana veramanim kamesu micchacara veramanim musa-vada veramanim suramerayamajjapamadatthana veramanim,||
ayam kho brahmana yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi appattataro ca appasamarambhataro ca mahapphalataro ca mahanisamsataro ca"?Ti.

36. "Atthi pana bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi imehi ca sikkhapadehi appattataro ca appasamarambhataro ca mahapphalataro ca mahanisamsataro ca"?Ti.

"Atthi kho brahmana anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi imehi ca sikkhapadehi appattataro ca appasamarambhataro ca mahapphalataro ca mahanisamsataro ca"?Ti.

[147] katamo pana so bho Gotama anno yanno imaya ca tividhaya yannasampadaya so'asaparikkharaya imina ca niccadanena anukulayannena imina ca viharadanena imehi ca saranagamanehi imehi ca sikkhapadehi appattataro ca appasamarambhataro ca mahapphalataro ca mahanisamsataro ca"?Ti.

37. "Idha brahmana Tathagato loke uppajjati araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham brahmacariyam pakaseti.

38. Tam dhammam sunati gahapati va gahapatiputto va annatarasmim va kule paccajato.|| ||

So tam dhammam sutva tathagate saddham patilabhati.|| ||

So tena saddhapatilabhena samannagato iti patisamcikkhati: 'sambadho gharavaso rajopatho abbhokaso pabbja.|| ||

Nayidam sukaram agaram ajjhavasata ekantaparisuddham sankhalikhitam brahmacariyam caritum.|| ||

Yannunaham kesamassum oharetva kasayani vatthani acchadetva agarasma anagariyam pabbajeyyanti.

[BJT Page 284]

So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano patimokkhasamvarasavuto viharati acara-gocara-sampanno,||
anumattesu vajjesu bhaya-dassavi.|| ||

Samadaya sikkhati sikkhapadesu.|| ||

Kayakammavacikammena samannagato kusalena,||
parisuddhajivo silasampanno indriyesu guttadvaro bhojane mattannu satisampajannena samannagato santuttho.

39. Kathan ca brahmana bhikkhu silasampanno hoti?|| ||

Idha brahmana bhikkhu panatipatam pahaya panatipata pativirato hoti nihita-dando nihita-sattho lajji dayapanno sabbapanabhutahitanukampi viharati.|| ||

Idam pi'ssa hoti silasmim.

Adinnadanam pahaya adinnadana pativirato hoti dinnadayi dinna-patikankhi.|| ||

Athenena suci-bhutena attana viharati.|| ||

Idam pi'ssa hoti silasmim.

Abrahmacariyam pahaya brahmacari hoti ara-cari virato methuna gama-dhamma.|| ||

Idam pi'ssa hoti silasmim.

Musa-vadam pahaya musa-vada pativirato hoti sacca-vadi sacca-sandho theto paccayiko avisamvadako lokassa.|| ||

Idam pi'ssa hoti silasmim.

Pisunam vacam pahaya pisunaya vacaya pativirato hoti.|| ||

Ito sutva na amutra akkhata imesam bhedaya.|| ||

Amutra va sutva na imesam akkhata amusam bhedaya.|| ||

Iti bhinnanam va sandhata samhitanam va anuppadata samaggaramo samagga-rato samagga-nandi samagga-karanim vacam bhasita hoti.|| ||

Idam pi'ssa hoti silasmim.

Pharusam vacam pahaya pharusaya vacaya pativirato hoti.|| ||

Ya sa vaca ne'a kanna-sukha pemaniya hadayan-gama pori bahujana-kanta bahujana-manapa,||
tatha-rupim vacam bhasita hoti.|| ||

Idam pi'ssa hoti silasmim.

Samphappalapam pahaya samphappalapa pativirato hoti.|| ||

Kalavadi bhuta-vadi attha-vadi dhamma-vadi vinaya-vadi.|| ||

Nidhanavatim vacam bhasita kalena sapadesam pariyantavatim atthasanhitam.|| ||

Idam pi'ssa hoti silasmim.

40. Bijagama-bhutagama-samarambha pativirato hoti.|| ||

Eka-bhattiko hoti rattuparato virato vikala-bhojana.|| ||

Nacca-gita-vadita-visuka-dassana pativirato hoti.|| ||

Malagandhavilepanadharanamandanavibhusanatthana pativirato hoti.|| ||

Uccasayana-mahasayana pativirato hoti.|| ||

Jatarupa-rajata-patiggahana pativirato hoti.|| ||

Amaka-dhanna-patiggahana pativirato hoti.|| ||

Amaka-mamsa-patiggahana pativirato hoti.|| ||

Itthi-kumarika-patiggahana pativirato hoti.|| ||

Dasi-dasa-patiggahana pativirato hoti.|| ||

Aj-e'aka-patiggahana pativirato hoti.|| ||

Kukkuta-sukara-patiggahana pativirato hoti.|| ||

Hatthigavassava'avapatiggahana pativirato hoti.|| ||

Khetta-vatthu-patiggahana pativirato hoti.|| ||

Duteyya-pahina-gamananuyoga pativirato hoti.|| ||

Kaya-vikkaya pativirato hoti.|| ||

Tulakuta-kamsakuta-manakuta pativirato hoti.|| ||

Ukkotana-vancana-nikati-saci-yoga pativirato hoti.|| ||

Chedanavadhabandhanaviparamosaalopasahakara pativirato hoti.|| ||

Idam pi'ssa hoti silasmim.

(Cullasilam nitthitam.)

41. Yatha va pan'eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham anuyutta viharanti,||
seyyathidam: mula-bijam khandha-bijam phaebijam agga-bijam bija-bijam eva pancamam.|| ||

Iti va iti evarupa bijagama-bhutagama-samarambha pativirato hoti.|| ||

Idam pi'ssa hoti silasmim.

42. Yatha va pan'eke bhonto samana-brahmana saddha-deyyani bhojanani bhunjitva te evarupam sannidhi-kara-paribhogam anuyutta viharanti,||
seyyathidam anna-sannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim.|| ||

Iti va iti evarupa sannidhi-kara-paribhoga pativirato hoti.|| ||

Idam pi'ssa hoti silasmim.

43. Yatha va pan'eke bhonto samana-brahmana saddha-deyyani bhojanani bhunjitva te evarupam visukadassanam anuyutta viharanti,||
seyyathidam: naccam gitam vaditam pekkham akkhanam panissaram vetalam kumbhathunam Sobha-nagarakam candalam vamsam dhopanam hatthi-yuddham assa-yuddham mahisayuddham usabhayuddham ajayuddham mendakayuddham kukkutayuddham vattakayuddham danda-yuddham mutthi-yuddham nibBuddham uyyodhikam balaggam sena-byuham anikadassanam.|| ||

Iti va iti evarupa visuka-dassana pativirato hoti.|| ||

Idam pi'ssa hoti silasmim.

44. Yatha va pan'eke bhonto samana-brahmana saddha-deyyani bhojanani bhunjitva te evarupam juta-ppamada-tthananuyogam anuyutta viharanti,||
seyyathidam: attha-padam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulakam pattalhakam rathakam dhanukam akkharikam manesikam yatha-vajjam.|| ||

Iti va iti evarupa juta-ppamada-tthananuyoga pativirato hoti.|| ||

Idam pi'ssa hoti silasmim.

45. Yatha va pan'eke bhonto samana-brahmana saddha-deyyani bhojanani bhunjitva te evarupam ucca-sayana-mahasayanam anuyutta viharanti,||
seyyathidam: asandim pallankam gonakam cittakam patikam patalikam tulikam vikatikam udda-lomim ekanta-lomim katthi'ssam koseyyam kuttakam hatthattharam assattharam rathattharam ajina-ppavenim kadali-miga-pavara-pacc'attharanam sa-uttara-cchadam ubhato-lohitakupadhanam.|| ||

Iti va iti evarupa uccasayana-mahasayana pativirato hoti.|| ||

Idam pi'ssa hoti silasmim.

46. Yatha va pan'eke bhonto samana-brahmana saddha-deyyani bhojanani bhunjitva te evarupam mandana-vibhusana-tthananuyogam anuyutta viharanti,||
seyyathidam: ucchadanam parimaddanam nahapanam sambahanam adasam anjanam mala-vilepanam mukkha-cunnakam mukhalepanam hattha-bandham sikha-bandham dandakam nalikam khaggam chattam citrupahanam unhisam manim va'avijanim odatani vatthani digha-dasani.|| ||

Iti va iti evarupa mandanavibhusanatthananuyoga pativirato hoti.|| ||

Idam pi'ssa hoti silasmim.

47. Yatha va pan'eke bhonto samana-brahmana saddha-deyyani bhojanani bhunjitva te evarupam tiracchana-katham anuyutta viharanti,||
seyyathidam: raja-katham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandha-katham nati-katham yana-katham gama-katham nigama-katham nagara-katham janapada-katham itthi-katham purisakatham (kumarakatham kumarikatham) sura-katham visikha-katham kumbhatthana-katham pubba-peta-katham nanatta-katham lokakkhayikam samuddakkhayikam itibhavabhava-katham.|| ||

Iti va iti evarupaya tiracchana-kathaya pativirato hoti.|| ||

Idam pi'ssa hoti silasmim.

48. Yatha va pan'eke bhonto samana-brahmana saddha-deyyani bhojanani bhunjitva te evarupam viggahika-katham anuyutta viharanti,||
seyyathidam: 'na tvam imam Dhamma-Vinayam ajanasi,||
aham imam Dhamma-Vinayam ajanami.|| ||

Kim tvam imam Dhamma-Vinayam ajanissasi?|| ||

Miccha-patipanno tvam asi,||
aham asmi sammapatipanno.|| ||

Sahitamme asahitante.|| ||

Pure vacaniyam paccha avaca.|| ||

Paccha vacaniyam pure avaca.|| ||

Avicinnam te viparavattam.|| ||

Aropito te vado.|| ||

Niggahito'si.|| ||

Cara vadappamokkhaya,||
nibbethehi va sace pahosi'ti.|| ||

Iti va iti evarupaya viggahika-kathaya pativirato hoti.|| ||

Idam pi'ssa hoti silasmim.

49. Yatha va pan'eke bhonto samana-brahmana saddha-deyyani bhojanani bhunjitva te evarupam duteyya-pahina-gamananuyogamanuyutta viharanti,||
seyyathidam: rannam raja-mahamattanam khattiyanam brahmananam gahapatikanam kumaranam: idha gaccha,||
amutragaccha,||
idam hara,||
amutra idam aharati.|| ||

Iti va iti evarupa duteyya-pahina-gamananuyoga pativirato hoti.|| ||

Idam pi'ssa hoti silasmim.

50. Yatha va pan'eke bhonto samana-brahmana saddha-deyyani bhojanani bhunjitva te kuhaka ca honti lapaka ca nemittika ca nippesika ca labhena labham nijigimsitaro ca.|| ||

Iti va iti evarupa kuhanalapana pativirato hoti.|| ||

Idam pi'ssa hoti silasmim.

(Majjhimasilam nitthitam)

51. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: angam nimittam uppadam supinam lakkhanam musikacchinnam aggi-homam dabbi-homam thusa-homam kana-homam tandula-homam sappi-homam tela-homam mukhahomam lohita-homam anga-vijja vatthu-vijja khatta-vijja siva-vijja bhuta-vijja bhurivijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam saraparittanam migacakkam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

52. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: mani-lakkhanam vattha-lakkhanam danda-lakkhanam asi-lakkhanam usu-lakkhanam dhanu-lakkhanam avudha-lakkhanam itthi-lakkhanam purisa-lakkhanam kumara-lakkhanam kumarilakkhanam dasa-lakkhanam dasilakkhanam hatthi-lakkhanam assa-lakkhanam mahisa-lakkhanam usabha-lakkhanam go-lakkhanam aja-lakkhanam menda-lakkhanam kukkuta-lakkhanam vattakalakkhanam godha-lakkhanam kannika-lakkhanam kacchapa-lakkhanam miga-lakkhanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

53. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: rannam niyyanam bhavissati,||
rannam aniyyanam bhavissati,||
abbhantaranam rannam upayanam bhavissati,||
bahiranam rannam apayanam bhavissati,||
bahiranam rannam upayanam bhavissati,||
abbhantaranam rannam apayanam bhavissati,||
abbhantaranam rannam jayo bhavissati,||
bahiranam rannam parajayo bhavissati,||
bahiranam rannam jayo bhavissati,||
abbhantaranam rannam parajayo bhavissati,||
iti imassa jayo bhavissati,||
imassa parajayo bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

54. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: canda-ggaho bhavissati.|| ||

Suriyaggaho bhavissati,||
nakkhatta-ggaho bhavissati,||
candima-suriyanam patha-gamanam bhavissati,||
candima-suriyanam uppatha-gamanam bhavissati,||
nakkhattanam patha-gamanam bhavissati,||
nakkhattanam uppatha-gamanam bhavissati,||
ukka-pato bhavissati,||
disa-daho bhavissati,||
bhumi-calo bhavissati,||
deva-dundubhi bhavissati,||
candima-suriya-nakkhattanam uggamanam ogamanam samkilesam vodanam bhavissati,||
evam-vipako canda-ggaho bhavissati,||
evam-vipako suriya-ggaho bhavissati,||
evam-vipako nakkhatta-ggaho bhavissati,||
evam-vipakam candima-suriyanam patha-gamanam bhavissati,||
evam-vipakam candima-suriyanam uppatha-gamanam bhavissati,||
evam-vipakam nakkhattanam patha-gamanam bhavissati,||
evam-vipakam nakkhattanam uppatha-gamanam bhavissati,||
evam-vipako ukka-pato bhavissati,||
evam-vipako disa-daho bhavissati,||
evam-vipako bhumi-calo bhavissati,||
evam-vipako deva-dundubhi bhavissati,||
evam-vipakam candima-suriya-nakkhattanam uggamanam ogamanam sankilesam vodanam bhavissati,||
iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

55. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: subbutthika bhavissati,||
dubbutthika bhavissati,||
subhikkham bhavissati,||
dubbhikkham bhavissati,||
khemam bhavissati,||
bhayam bhavissati,||
rogo bhavissati,||
arogyam bhavissati.|| ||

Mudda ganana samkhanam kaveyyam lokayatam,||
iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

56. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nitthaddanam hanusamhananam hatthabhijappanam kanna-jappanam adasa-panham kumaripanham deva-panham adiccupatthanam Mahat-upatthanam abbhujjalanam sirivhayanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

57. Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: santi-kammam panidhi-kammam (bhutakammam) bhuri-kammam vassa-kammam vossa-kammam vatthu-kammam vatthu-parikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam netta-tappanam natthu-kammam anjanam paccanjanam salakiyam sallakattiyam daraka-tikiccha mula-bhesajjanam anuppadanam osadhinam patimokkho.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

58. Atha kho brahmana,||
bhikkhu evam silasampanno na kutoci bhayam samanupassati yad idam silasamvarato.|| ||

seyyatha pi brahmana,||
khattiyo muddhavasitto1 nihatapaccamitto na kutoci bhayam samanupassati yad idam paccatthikato.|| ||

Evam eva kho brahmana,||
bhikkhu evam silasampanno na kutoci bhayam samanupassati yad idam silasamvarato.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

Evam kho brahmana bhikkhu silasampanno hoti.

(Mahasilam nitthitam)

59. Kathan ca brahmana,||
bhikkhu indriyesu guttadvaro hoti?|| ||

Idha brahmana,||
bhikkhu cakkhuna rupam disva na nimittaggahi hoti nanuvyanjanaggahi.|| ||

Yatvadhikaranam enam cakkhundriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati cakkhundriyam,||
cakkhundriye samvaram apajjati.|| ||

Sotena saddam sutva na nimittaggahi hoti nanuvyanjanaggahi.|| ||

Yatvadhikaranam enam sotindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati sotindriyam,||
sotindriye samvaram apajjati.|| ||

Ghanena gandham ghayitva na nimittaggahi hoti nanuvyanjanaggahi.|| ||

Yatvadhikaranam enam ghanindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati ghanindriyam,||
ghanindriye samvaram apajjati.|| ||

Jivhaya rasam sayitva na nimittaggahi hoti nanuvyanjanaggahi.|| ||

Yatvadhikaranam enam jivhindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati jivhindriyam,||
jivhindriye samvaram apajjati.|| ||

Kayena photthabbam phusitva na nimittaggahi hoti nanuvyanjanaggahi.|| ||

Yatvadhikaranam enam kayindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati kayindriyam,||
kayindriye samvaram apajjati.|| ||

Manasa dhammam vinnaya na nimittaggahi hoti nanuvyanjanaggahi.|| ||

Yatvadhikaranam enam manindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati.|| ||

Rakkhati manindriyam,||
manindriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

Evam kho brahmana bhikkhu indriyesu guttadvaro hoti.

60. Kathan ca brahmana,||
bhikkhu satisampajannena samannagato hoti?|| ||

Idha brahmana,||
bhikkhu abhikkante patikkante sampajanakari hoti,||
alokite vilokite sampajanakari hoti,||
samminjite pasarite sampajanakari hoti,||
sanghatipattacivaradharane sampajanakari hoti,||
asite pite khayite sayite sampajanakari hoti.|| ||

Uccarapassavakamme sampajanakari hoti.|| ||

Gate thite nisinne sutte jagarite bhasite tunhibhave sampajanakari hoti.|| ||

Evam kho brahmana bhikkhu satisampajannena samannagato hoti.

61. Kathan ca brahmana bhikkhu santuttho hoti?|| ||

Idha brahmana bhikkhu santuttho hoti kayapariharikena civarena kucchipariharikena pindapatena.|| ||

So yena yen'eva pakkamati samadayeva pakkamati.|| ||

seyyatha pi brahmana pakkhi sakuno yena yen'eva deti sapattabharova deti,||
evam eva kho brahmana bhikkhu santuttho hoti kayapariharikena civarena kucchipariharikena pindapatena.|| ||

So yena yen'eva pakkamati samadayeva pakkamati.|| ||

Evam kho brahmana bhikkhu santuttho hoti.

62. So imina ca ariyena silakkhandhena samannagato,||
imina ca ariyena indriyasamvarena samannagato,||
imina ca ariyena satisampajannena samannagato,||
imaya ca ariyaya santutthiya samannagato,||
vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam.|| ||

So pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva.

63. So abhijjham loke pahaya vigatabhijjhena cetasa viharati abhijdhaya cittam parisodheti.|| ||

vyapadapadosam pahaya abyapannacitto viharati sabba-pana-bhuta-hitanukampi.|| ||

vyapadapadosa cittam parisodheti.|| ||

Thinamiddham pahaya vigatathinamiddho viharati alokasanni sato sampajano.|| ||

Thinamiddha cittam parisodheti.|| ||

Uddhaccakukkuccam pahaya anuddhato viharati ajjhattam vupasantacitto uddhaccakukkucca cittam parisodheti.|| ||

Vicikiccham pahaya tinnavicikiccho viharati.|| ||

Akathamkathi kusalesu dhammesu.|| ||

Vicikicchaya cittam parisodheti.

64. seyyatha pi brahmana puriso inam adaya kammante payojeyya,||
tassa te kammanta samijjheyyum,||
so yani ca poranani inamulani tani ca byantikareyya.|| ||

Siya c'assa uttarim avasittham darabharanaya.|| ||

Tassa evam assa: 'aham kho pubbe inam adaya kammante payojesim.|| ||

Tassa me te kammanta samijjhimsu.|| ||

So'ham yani ca poranani inamulani tani ca byantiakasim.|| ||

Atthi ca me uttarim avasittham darabharanaya'ti.|| ||

So tato nidanam labhetha pamojjam.|| ||

Adhigaccheyya somanassam.

65. seyyatha pi brahmana puriso abadhiko assa dukkhito balhagilano,||
bhattam c'assa nacchadeyya,||
na c'assa kaye balamatta.|| ||

So aparena samayena tamha abadha mucceyya,||
bhattanc'assa chadeyya,||
siya c'assa kaye balamatta.|| ||

Tassa evam assa: aham kho pubbe abadhiko ahosim,||
dukkhito balhagilano,||
bhattam ca me nacchadesi.|| ||

Na c'assa me asi kaye balamatta.|| ||

So'mhi etarahi tamha abadha mutto bhattan ca me chadeti,||
atthi ca me kaye balamatta'ti.|| ||

So tatonidanam labhetha pamojjam adhigaccheyya somanassam.

66. seyyatha pi brahmana puriso bandhanagare baddho assa.|| ||

So aparena samayena tamha bandhana mucceyya sotthina abbayena.|| ||

Na casasa kinci bhoganam vayo.|| ||

Tassa evam assa: 'aham kho pubbe bandhanagaram baddho ahosim.|| ||

Somhi etarahi tambha bandhana mutto sotthina abbayena.|| ||

N'atthi ca me kinci bhoganam vayo'ti.|| ||

So tatonidanam labhetha pamojjam,||
adhigaccheyya somanassam.

67. seyyatha pi brahmana puriso daso assa anattadhino paradhino na yenakamangamo.|| ||

So aparena samayena tambha dasabya mucceyya,||
attadhino aparadhino bhujisso yenakamangamo.|| ||

Tassa evam assa: 'aham kho pubbe daso ahosim anattadhino paradhino na yenakamangamo.|| ||

So'mhi etarahi tambha dasabya mutto attadhino aparadhino bhujisso yenakamangamo'ti.|| ||

So tato nidanam labhetha pamojjam adhigaccheyya somanassam.

68. seyyatha pi brahmana puriso sadhano sabhogo kantaraddhanamaggam patipajjeyya dubbhikkham sappatibhayam.|| ||

So aparena samayena tam kantaram nitthareyya,||
sotthina gamantam anupapuneyya khemam appatibhayam.|| ||

Tassa evam assa: 'aham kho pubbe sadhano sabhogo kantaraddhanamaggam patipajjim dubbhikkham sappatibhayam.|| ||

So'mbhi etarahi tam kantaram nitthinno sotthina gamantam anuppatto khemam appatibhayanti.|| ||

So tato nidanam labhetha pamojjam adhigaccheyya somanassam.

69. Evam eva kho brahmana bhikkhu yatha inam yatha rogam yatha bandhanagaram yatha dasabyam yatha kantaraddhanamaggam.|| ||

Evam ime pancanivarane appahine attani samanupassati.|| ||

seyyatha pi brahmana ananyam yatha arogyam yatha bandhana mokkham yatha bhujissam yatha khemantabhumim,||
evam eva kho brahmana bhikkhu ime pancanivarane pahine attani samanupassati.

70. Tassime pancanivarane pahine attani samanupassato pamojjam1 jayati.|| ||

Pamuditassa piti jayati.|| ||

Pitimanassa kayo passambhati.|| ||

Passaddhakayo sukham vedeti.|| ||

Sukhino cittam samadhiyati.

71. So vivicc'eva kamehi,||
vivicca akusalehi dhammehi,||
savitakkam savicaram vivekajam piti-sukham pathamam-jhanam upasampajja viharati.|| ||

So imameva kayam vivekajena pitisukhena abhisanneti parisanneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.

72. seyyatha pi brahmana dakkho nahapako va nahapakantevasi va kamsathale nahaniyacunnani akiritva udakena paripphosakam paripphosakam sanneyya,||
sayam nahaniyapindi snehanugata snehapareta santarabahira phuta snehena,||
na ca paggharani.

Evam eva kho brahmana bhikkhu imameva kayam vivekajena pitisukhena abhisanneti parisanneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.

Ayam kho brahmana yanno purimehi yannehi appatthataro ca appasamarambhataro ca mahapphalataro ca mahanisamsataro ca.

73. Puna ca param brahmana bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati.|| ||

So imameva kayam samadhijena pitisukhena abhisanneti parisanneti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

74. seyyatha pi brahmana udakarahado gambhiro ubbhidodako,||
tassa nev'assa puratthimaya disaya udakassa ayamukham,||
na dakkhinaya disaya udakassa ayamukham,||
na pacchimaya disaya udakassa ayamukham,||
na uttaraya disaya udakassa ayamukham,||
devo ca na kalena kalam samma dharam anuppaveccheyya,||
atha kho tamha ca udakarahada sita varidhara ubbhijjitva tameva udakarahadam sitena varina abhisanneyya parisanneyya paripureyya.|| ||

Nassa kinci sabbavato udakarahadassa sitena varina apphutam assa.|| ||

Evam eva kho brahmana bhikkhu imameva kayam samadhijena pitisukhena abhisanneti parisanneti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

[BJT Page 304]

Ayam kho brahmana yanno purimehi yannehi appatthataro ca appsamarambhataro ca mahapphalataro ca mahanisamsataro ca.

75. Puna ca param brahmana bhikkhu pitiya ca viraga upekkhako ca viharati sampajano,||
sukhanca kayena patisanvedeti.|| ||

Yantam ariya acikkhanti 'Upekkhako satima sukha-vihari' ti.|| ||

Tam tatiyam-jhanam upasampajja viharati.|| ||

So imameva kayam nippitikena sukhena abhisanneti parisanneti paripureti parippharati.|| ||

Nassa kinci sabbavato kayassa nippitikena sukhena apphutam hoti.

76. seyyatha pi brahmana uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani1 udakanuggatani antonimuggaposini,||
tani yava cagga yava ca mula sitena varina abhisannani2 parisannani paripurani paripphutani.|| ||

Nassa kinci sabbavatam uppalanam va padumanam va pundarikanam va sitena varina apphutam assa.|| ||

Evam eva kho brahmana bhikkhu imameva kayam nippitikena sukhena abhisanneti parisanneti paripureti parippharati.|| ||

Nassa kinci sabbavato kayassa nippitikena sukhena apphutam hoti.

Ayam kho brahmana yanno purimehi yannehi appatthataro ca appasamarambhataro ca mahapphalataro ca mahanisamsataro ca.

77. Puna ca param brahmana bhikkhu sukhassa ca pahana dukkhassa ca pahana pubb'eva somanassa-domanassanam atthangama adukkha-m-asukham upekkha-sati-parisuddhim catuttham-jhanam upasampajja viharati.|| ||

So imameva kayam parisuddhena cetasa pariyodatena pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.

78. seyyatha pi brahmana puriso odatena vatthena sasisam parupitva nisinno assa,||
nassa kinci sabbavato kayassa odatena vatthena apputam assa.|| ||

Evam eva kho brahmana bhikkhu imameva kayam parisuddhena cetasa pariyodatena pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.

Ayam kho brahmana yanno purimehi yannehi appatthataro ca appasamarambhataro ca mahapphalataro ca mahanisamsataro ca.

79. So evam samahite citte parisuddhe pariyodate anangane vigatupakkilese mudubhute kammaniye thite anejjappatte1 nanadassanaya cittam abhiniharati abhininnameti.|| ||

So evam pajanati: 'ayam kho me kayo rupi catum-maha-bhutiko mata-pettika-sambhavo odanakummasupacayo aniccucchadanaparimaddanabhedanaviddhamsanadhammo,||
idam ca pana me vinnanam ettha sitam ettha patibaddha'nti.

80. seyyatha pi brahmana,||
mani veeriyo subho jatima atthamso suparikammakato accho vippasanno anavilo sabbakarasampanno,||
tatr'assa suttam avutam nilam va pitam va lohitam va odatam va pandusuttam2 va.|| ||

Tam enam cakkhuma puriso hatthe karitva paccavekkheyya,||
'ayam kho mani veeriyo subho jatima atthamso suparikammakato accho vippasanno anavilo sabbakarasampanno.|| ||

Tatridam suttam avutam nilam va pitam va lohitam va odatam va pandusuttam va'ti.

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte nanadassanaya cittam abhiniharati abhininnameti.|| ||

So evam pajanati: 'ayam kho me kayo rupi catum-maha-bhutiko mata-pettika-sambhavo,||
odanakummasupacayo,||
aniccucchadanaparimaddanabhedanaviddhamsanadhammo.|| ||

Idam ca pana me vinnanam ettha sitam ettha patibaddhanti.

Ayam kho brahmana,||
yannehi appatthataro ca appasamarambhataro ca mahapphalataro ca mahanisamsataro ca.

81. So evam samahite citte parisuddhe pariyodate anangane vigatupakkilese mudubhute kammaniye thite anejjappatte manomayam kayam abhinimminanaya cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim ahinindriyam.

seyyatha pi brahmana,||
puriso munjamha isikam1 pabbaheyya,||
tassa evam assa "ayam munjo,||
ayam isika.|| ||

Anno munjo,||
anna isika.|| ||

Munjamha tv eva isika pabba'ha" ti.

Seyyatha va pana brahmana,||
puriso asi kosiya pabbaheyya,||
tassa evam assa "ayam asi,||
ayam kosi,||
anno asi,||
anna kosi,||
kosiyatv eva asi pabba'ho" ti.

Seyyatha va pana brahmana,||
puriso ahim karanda uddhareyya,||
tassa evam assa "ayam ahi,||
ayam karando,||
anno ahi,||
anno karando,||
karanda tv eva ahi ubbhato" ti.

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute.|| ||

Kammaniye thite anejjappatte manomayam kayam abhinimminanaya cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim ahinindriyam.

Ayam kho brahmana,||
yanno purimehi yannehi appatthataro ca appasamarambhataro ca mahapphalataro ca mahanisamsataro ca.

82. So evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So anekavibhitam iddhividham paccanubhoti eko pi hutva bahudha hoti,||
bahudha'pi hutva eko hoti,||
avibhavam tirobhavam tirokuddam tiropakaram tiropabbatam asajjamano gacchati seyyatha pi akase.|| ||

Pathaviya'pi ummujjanimujjam karoti seyyatha pi udake.|| ||

Udake'pi abhijjamane gacchati seyyatha pi pathaviyam.|| ||

Akase'pi pallankena kamati seyyatha pi pakkhi sakuno.|| ||

Ime'pi candimasuriye evam mahiddhike evam mahanubhave panina parimasati parimajjati yava brahmaloka'pi kayena vasam vatteti.

seyyatha pi brahmana,||
dakkho kumbhakaro va kumbhakarantevasi va suparikammakataya mattikaya yam yadeva bhajanavikatim akankheyya tam tad eva kareyya abhinipphadeyya:

Seyyatha va pana brahmana,||
dakkho dantakaro dantakarantevasi va suparikammakatasmim dantasmim yam yadeva dantavikatim akankheyya tam tad eva kareyya abhinipphadeyya:

Seyyatha va pana brahmana,||
dakkho suvannakaro va suvannakarantevasi va suparikammakatasmim suvannasmim yam yadeva suvannavikatim akankheyya,||
tam tad eva kareyya abhinipphadeyya:

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So aneka-vihitam iddhividham paccanubhoti eko pi hutva bahudha hoti bahudha'pi hutva eko hoti.|| ||

Avibhavam tirobhavam tirokuddam tiropakaram tiropabbatam asajjamano gacchati seyyatha'pi udake.|| ||

Udake'pi abhijjamane gacchati seyyatha'pi pathaviyam.|| ||

Akase'pi pallankena kamati seyyatha pi pakkhi sakuno.|| ||

Ime'pi candimasuriye evammahiddhike evammahanubhave panina parimasati parimajjati.|| ||

Yava brahmaloka'pi kayena vasam vatteti.

Ayam kho brahmana yanno purimehi yannehi appatthataro ca appasamarambhataro ca mahapphalataro ca mahanisamsataro ca.

83. So evam samahite citte parisuddhe pariyodate anangane vigatupakkilese mudubhute kammaniye thite anejjappatte dibbaya sotadhatuya cittam abhiniharati,||
abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

84. Seyyatha'pi brahmana,||
puriso addhanamaggapatipanno,||
so suneyya bherisaddampi mudingasaddampi sankhapanavadendimasaddampi.|| ||

Tassa evam assa 'bherisaddo i' ti pi mudingasaddo i' ti pi sankhapanavadendimasaddo i' ti.i.|| ||

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anenjapatte dibbaya sotadhatuya cittam abhiniharati,||
abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

Ayam kho brahmana,||
yanno purimehi yannehi appatthataro ca appasamarambhataro ca mahapphalataro ca mahanisamsataro ca.

85. So evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.|| ||

So parasattanam parapuggalanam cetasa ceto paricca pajanati.|| ||

Saragam va cittam saragam cittanti pajanati,||
vitaragam va cittam vitaragam cittanti pajanati,||
sadosam va cittam sadosam cittanti pajanati,||
vitadosam va cittam vitadosam cittanti pajanati,||
samoham va cittam samoham cittanti pajanati,||
vitamoham va cittam vitamoham cittanti pajanati,||
sankhittam va cittam sankhittam cittanti pajanati,||
vikkhittam va cittam vikkhittam cittanti pajanati,||
mahaggatam va cittam mahaggatam cittanti pajanati,||
amahaggatam va cittam amahaggatam cittanti pajanati,||
sauttaram va cittam sauttaram cittanti pajanati,||
anuttaram va cittam anuttaram cittanti pajanati,||
samahitam va cittam samahitam cittanti pajanati,||
asamahitam va cittam asamahitam cittanti pajanati,||
vimuttam vam cittam vimuttam cittanti pajanati,||
avimuttam va cittam avimuttam cittanti pajanati.

86. Seyyatha'pi brahmana,||
itthi va puriso va daharo va yuva mandanajatiko adase va parisuddhe pariyodate acche va udakapatte sakam mukhanimittam paccavekkhamano sakanikam va sakanikanti janeyya akanikam va akanikanti janeyya.

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.

So parasattanam parapuggalanam cetasa ceto paricca pajanati.|| ||

Saragam va cittam saragam cittanti pajanati,||
vitaragam va cittam vitaragam cittanti pajanati,||
sadosam va cittam sadosam cittanti pajanati,||
vitadosam va cittam vitadosam cittanti pajanati,||
samoham va cittam samoham cittanti pajanati,||
vitamoham va cittam vitamoham cittanti pajanati,||
sankhittam va cittam sankhittam cittanti pajanati,||
vikkhittam va cittam vikkhittam cittanti pajanati,||
mahaggatam va cittam mahaggatam cittanti pajanati,||
amahaggatam va cittam amahaggatam cittanti pajanati,||
sauttaram va cittam sauttaram cittanti pajanati,||
anuttaram va cittam anuttaram cittanti pajanati,||
samahitam va cittam samahitam cittanti pajanati,||
asamahitam va cittam asamahitam cittanti pajanati,||
vimuttam va cittam vimuttam cittanti pajanati,||
avimuttam va cittam avimuttam cittanti pajanati.

Ayam kho brahmana,||
yanno purimehi yannehi appatthataro ca appasamarambhataro ca mahapphalataro ca mahanisamsataro ca.

87. So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe: "amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra upapadim.|| ||

Tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno" ti.|| ||

Iti sakaram sa-uddesam aneka-vihitam pubbenivasam anussarati.

88. Seyyatha'pi brahmana,||
puriso sakambha gama annam gamam gaccheyya,||
tamhapi gama annam gamam gaccheyya.|| ||

So tamha gama sakam yeva gamam paccagaccheyya,||
tassa evam assa: "aham kho sakamha gama amum gamam agacchim,||
tatra evam atthasim evam nisidim evam abhasim evam tunhi ahosim.|| ||

Tamhapi gama amum gamam agacchim.|| ||

Tatrapi evam atthasim evam nisidim evam tunhi ahosim.|| ||

So'mhi tamha gama sakam yeva gamam paccagato" ti.

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe: "amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra upapadim.|| ||

Tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno" ti.|| ||

Iti sakaram sa-uddesam aneka-vihitam pubbenivasam anussarati.

[BJT Page 316]

Ayam kho brahmana,||
yanno purimehi yannehi appatthataro ca appasamarambhataro ca mahapphalataro ca mahanisamsataro ca.

89. So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthikammasamadana.|| ||

Te kayassa bheda param marana sugatim saggam lokam upapanna'ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.

90. seyyatha pi brahmana,||
majjhe simghatake1 pasado.|| ||

Tattha cakkhuma puriso thito passeyya manusse geham pavisante'pi nikkhamante'pi rathiya vitisancarante'pi majjhe simghatake1 nisinne'pi.|| ||

Tassa evam assa,||
ete manussa geham pavisanti,||
ete nikkhamanti,||
ete rathiya vitisancaranti,||
ete majjhe simghatake1 nisinna'ti:

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim

Vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthikammasamadana.|| ||

Te kayassa bheda param marana sugatim saggam lokam upapanna'ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.

Ayam kho brahmana,||
yanno purimehi yannehi appatthataro ca appasamarambhataro ca mahapphalataro ca mahanisamsataro ca.

91. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti.|| ||

So idam dukkhan ti yathabhutam pajanati.|| ||

'Ayam dukkhasamudayo'ti yathabhutam pajanati.|| ||

'Ayam dukkhanirodho'ti yathabhutam pajanati.|| ||

'Ayam dukkhanirodhagaminipatipada'ti yathabhutam pajanati.|| ||

'Ime asava'ti yathabhutam pajanati.|| ||

'Ayam asavasamudayo'ti yathabhutam pajanati.|| ||

'Ayam asavanirodho'ti yathabhutam pajanati.|| ||

'Ayam asavanirodhagaminipatipada'ti yathabhutam pajanati.|| ||

Tassa evam janato evam passato kamasava'pi cittam vimuccati.|| ||

Bhavasava'pi cittam vimuccati.|| ||

Avijjasava'pi cittam vimuccati.|| ||

Vimuttasmim vimuttamiti nanam hoti.|| ||

Khina jati vusitam brahmacariyam katam karaniyam naparam itthattaya'ti pajanati.

92. seyyatha pi brahmana,||
pabbatasankhepe udakarahado accho vippasanno anavilo,||
tattha cakkhuma puriso tire thito passeyya sippisambukampi sakkharakathalampi macchagumbampi carantampi titthantampi.|| ||

Tassa evam assa: ayam kho udakarahado accho vippasanno anavilo.|| ||

Tatrime sippisambuka'pi sakkharakathala'pi macchagumba'pi caran' ti pi titthanti pi'ti:

Evam eva kho brahmana,||
bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti.|| ||

So idam dukkhan ti yathabhutam pajanati.|| ||

'Ayam dukkhasamudayo'ti yathabhutam pajanati.|| ||

'Ayam dukkhanirodho'ti yathabhutam pajanati.|| ||

'Ayam dukkhanirodhagaminipatipada'ti yathabhutam pajanati.|| ||

'Ime asava'ti yathabhutam pajanati.|| ||

'Ayam asavasamudayo'ti yathabhutam pajanati.|| ||

'Ayam asavanirodho'ti yathabhutam pajanati.|| ||

'Ayam asavanirodhagaminipatipada'ti yathabhutam pajanati.

Tassa evam janato evam passato kamasava'pi cittam vimuccati.|| ||

Bhavasava'pi cittam vimuccati.|| ||

Avijjasava'pi cittam vimuccati.|| ||

Vimuttasmim vimuttamiti nanam hoti.|| ||

Khina jati vusitam brahmacariyam katam karaniyam naparam itthattaya'ti pajanati.

Ayam pi kho brahmana,||
yanno purimehi yannehi appatthataro ca appasamarambhataro ca mahanisamsataro ca.|| ||

Imaya ca brahmana yannasampadaya anna yannasampada uttaritara va panitatara va n'atthi" ti.

93. Evam vutte kutadanto brahmano Bhagavantam etad avoca: abhikkantam bho Gotama,||
abhikkantam bho Gotama.|| ||

seyyatha pi bo Gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya: cakkhumanto rupani dakkhinti ti.|| ||

Evam eva bhota Gotamena aneka-pariyayena dhammo pakasito esaham bhavantam Gotamam saranam gacchami dhammanca bhikkhu-sangham ca.|| ||

Upasakam mam bhavam Gotamo dharetu ajjatagge panupetam saranam gatam.|| ||

Esaham bho [148] Gotama satta ca usabhasatani satta ca vacchatarasatani,||
satta ca vacchatarisatani,||
satta ca ajasatani satta ca urabbhasatani muncami,||
jivitam demi.|| ||

Haritani c'eva tinani khadantu sitani ca paniyani pivantu sito ca n'esam vato upavayatuti.

94. Atha kho Bhagava kutadantassa brahmanassa anupubbikatham kathesi seyyathidam?|| ||

Danakatham silakatham saggakatham kamanam adinavam okaram samkilesam nekkhamme ca anisamsam pakasesi.|| ||

Yada Bhagava annasi kutadantam brahmanam kallacittam muducittam vinivaranacittam udaggacittam pasannacittam.|| ||

Atha ya buddhanam samukkamsika dhammadesana,||
tam pakasesi: dukkham samudayam nirodham maggam.

seyyatha pi nama suddham vattham apagataka'akam rajanam patigganheyya,||
evam eva kutadantassa brahmanassa tasmim yeva asane virajam vitamalam dhammacakkhum udapadi: yam kinci samudayadhammam sabbantam nirodhammanti.

95. Atha kho kutadanto brahmano ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthusasane Bhagavantam etad avoca: adhivasetu me bhavam Gotamo svatanaya bhattam saddhim bhikkhusanghenati.|| ||

Adhivasesi Bhagava tunhibhavena.

97. Atha kho kutadanto brahmano Bhagavato adhivasanam viditva utthay asana Bhagavantam abhivadetva padakkhinam katva pakkami.|| ||

Atha kho kutadanto brahmano tassa rattiya accayena sake yannavate panitam khadaniyam bhojaniyam patiyadapetva Bhagavato kalam arocapesi: kalo bho Gotama,||
nitthitam bhattanti.

98. Atha kho Bhagava pubbanhasamayam nivasetva pattacivaram adaya saddhim bhikkhu-sanghena yena kutadantassa brahmanassa yannavato ten'upasankami.|| ||

Upasankamitva pannatte asane nisidi.|| ||

Atha kho kutadanto brahmano [149] Buddhapamukham bhikkhu-sangham panitena khadaniyena bhojaniyena sahattha santappesi sampavaresi.|| ||

Atha kho kutadanto brahmano Bhagavantam bhuttavim onitapattapanim annataram nicam asanam gahetva eka-m-antam nisidi.|| ||

Eka-m-antam nisinnam kho kutadantam brahmanam Bhagava dhammiya kathaya sandassetva samadapetva samuttejetva sampahamsetva utthay asana pakkamiti.

Kutadantasuttam nitthitam pancamam.


Contact:
E-mail
Copyright Statement