Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 10

Subha Suttantam

Adapted from the digital version of the Sri Lanka Buddha Jayanti Tripitaka Series

 


[204]

[1][pts] Evam me sutam.|| ||

Ekam samayam ayasma Anando Savatthiyam viharati Jetavane Anathapindikassa arame aciraparinibbute Bhagavati.|| ||

Tena kho pana samayena subho manavo todeyyaputto Savatthiyam pativasati kenacideva karaniyena.

2. Atha kho subho manavo todeyyaputto annataram manavakam amantesi: ehi tvam manavaka, yena samano Anando ten'upasankama.|| ||

Upasankamitva mama vacanena samanam Anandam appabadham appatankam lahutthanam balam phasuviharam puccha "subho manavo tedeyyaputto bhavantam Anandam appabadham appatankam lahutthanam balam phasuviharam pucchati" ti.|| ||

Evam ca vadehi "sadhu kira bhavam Anando yena subhassa manavassa todeyyaputtassa nivesanam ten'upasankamatu anukampam upadaya" ti.

3. 'Evam bho'ti kho so manavako subhassa manavassa todeyyaputtassa patissutva yenayasma Anando ten'upasankami.|| ||

Upasankamitva ayasmata Anandena saddhim sammodi.|| ||

Sammodaniyam katham saraniyam1 vitisaretva eka-m-antam nisidi.|| ||

Eka-m-antam nisinno kho so manavako ayasmantam Anandam etad avoca: subho manavo todeyyaputto bhavantam Anandam appabadham appatankam lahutthanam balam phasuviharam pucchati.|| ||

Evam ca vadeti "sadhu kira bhavam Anando yena subhassa manavassa todeyyaputtassa [205] nivesanam ten'upasankamatu anukampam upadaya" ti.

4. Evam vutte aysama Anando tam manavakam etad avoca: akalo kho manavaka.|| ||

Atthi me ajja bhesajjamatta pita.|| ||

Appeva nama svepi upasankameyyama kalanca samayan ca upadayati.|| ||

'Evam bho'ti kho so manavako ayasmato Anandassa patissutva utthay asana yena subho manavo todeyyaputto ten'upasankami.|| ||

Upasankamitva subham manavam todeyyaputtam etad avoca: "avocumha kho mayam bhoto vacanena tam bhavantam Anandam: subho manavo todeyyaputto bhavantam Anandam appabadham appatankam lahutthanam balam phasuviharam pucchati.|| ||

Evam ca vadeti 'sadhu kira bhavam Anando yena subhassa manavassa todeyyaputtassa nivesanam ten'upasankamatu anukampam upadaya'ti.|| ||

Evam vutte bho samano Anando mam etad avoca: 'akalo kho manavaka.|| ||

Atthi me ajja bhesajjamatta pita.|| ||

Appeva nama svepi upasankameyyama kalanca samayan ca upadaya" ti.|| ||

"Ettavatapi kho bho katameva etam, yato so bho bhavam Anando okasamakasi svatanayapi upasankamanaya" ti.

5. Atha kho ayasma Anando tassa rattiya accayena pubbanhasamayam nivasetva pattacivaram adaya cetakena bhikkhuna pacchasamanena yena subhassa manavassa todeyyaputtassa nivesanam ten'upasankami.|| ||

Upasankamitva pannatte asane nisidi.|| ||

Atha kho subho manavo todeyyaputto yenayasma Anando ten'upasankami.|| ||

Upasankamitva ayasmata Anandena saddhim sammodi.|| ||

Sammodaniyam katham saraniyam vitisaretva eka-m-antam nisidi.

6. Eka-m-antam nisinno kho subho manavo todeyyaputto ayasmantam Anandam etad avoca: [206] "bhavam hi Anando tassa bhoto Gotamassa digha-rattam upatthako santikavacaro samipacari.|| ||

Bhavam etam Anando janeyya yesam so bhavam Gotamo dhammanam vannavadi ahosi, yattha ca imam janatam samadapesi nivesesi patitthapesi.|| ||

Katamesanam kho bho Ananda dhammanam so bhavam Gotamo vannavadi ahosi?|| ||

Kattha ca imam janatam samadapesi nivesesi patitthapesi" ti?

7. "Tinnam kho manava khandhanam so Bhagava vannavadi ahosi.|| ||

Ettha ca imam janatam samadapesi nivesesi patitthapesi.|| ||

Katamesam tinnam?|| ||

Ariyassa silakkhandhassa ariyassa samadhikkhandhassa ariyassa pannakkhandhassa.|| ||

Imesam kho manava tinnam khandhanam so Bhagava vannavadi ahosi.|| ||

Ettha ca imam janatam samadapesi nivesesi patitthapesi" ti.

8. "Katamo pana so bho Ananda ariyo silakkhandho yassa so bhavam Gotamo vannavadi ahosi, yattha ca imam janatam samadapesi nivesesi patitthapesi" ti?

9. "Idha manava Tathagato loke uppajjati araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham.|| ||

Brahmacariyam pakaseti.

10(29) Tam dhammam sunati gahapati va gahapatiputto va annatarasmim va kule paccajato.|| ||

So tam dhammam sutva tathagate saddham patilabhati.|| ||

So tena saddhapatilabhena samannagato iti patisamcikkhati: 'sambadho gharavaso rajapatho1.|| ||

Abbhokaso pabbajja.|| ||

Nayidam sukaram agaram ajjhavasata ekantaparipunnam ekantaparisuddham samkhalikhitam brahmacariyam caritum.|| ||

Yannunaham kesamassum oharetva kasayani vatthani acchadetva agarasma anagariyam pabbajeyya'nti.

11. So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano patimokkha-samvara-samvuto viharati acara-gocara-sampanno anumattesu vajjesu bhaya-dassavi.|| ||

Samadaya sikkhati sikkhapadesu kayakammavacikammena samannagato kusalena.|| ||

Parisuddhajivo silasampanno indriyesu guttadvaro bhojane mattannu satisampajannesu samannagato santuttho.

12.(29) Kathan ca manava bhikkhu silasampanno hoti?|| ||

Idha manava bhikkhu panatipatam pahaya panatipata pativirato hoti nihita-dando nihita-sattho lajji dayapanno.|| ||

Sabbapanabhutahitanukampi viharati.|| ||

Idam pi'ssa hoti silasmim.

13.Adinnadanam pahaya adinnadana pativirato hoti dinnadayi dinna-patikankhi.|| ||

Athenena suci-bhutena attana viharati.|| ||

Idam pi'ssa hoti silasmim.

14. Abrahmacariyam pahaya brahmacari hoti ara-cari virato methuna gama-dhamma.|| ||

Idam pi'ssa hoti silasmim.

15. Musa-vadam pahaya musa-vada pativirato hoti sacca-vadi sacca-sandho theto paccayiko avisamvadako lokassa.|| ||

Idam pi'ssa hoti silasmim.

Pisunam vacam pahaya pisunaya vacaya pativirato hoti.|| ||

Ito sutva na amutra akkhata imesam bhedaya.|| ||

Amutra va sutva na imesam akkhata amusam bhedaya.|| ||

Iti bhinnanam va sandhata, sahitanam va anuppadata samaggaramo samagga-rato samagganandim samagga-karanim vacam bhasita hoti.|| ||

Idam pi'ssa hoti silasmim.

17. Pharusam vacam pahaya pharusaya vacaya pativirato hoti.|| ||

Ya sa vaca ne'a kanna-sukha pemaniya7 hadayan-gama pori bahujana-kanta bahujana-manapa, tatharupam8 vacam bhasita hoti.|| ||

Idam pi'ssa hoti silasmim.

18.Samphappalapam pahaya samphappalapa pativirato hoti kala-vadi bhuta-vadi attha-vadi dhamma-vadi vinaya-vadi.|| ||

Nidhanavatim vacam bhasita hoti kalena sapadesam pariyantavatim atthasanhitam.|| ||

Idam pi'ssa hoti silasmim.

19.(30) Bijagama-bhutagama-samarambha pativirato hoti.|| ||

Eka-bhattiko2 hoti rattuparato pativirato vikala-bhojana.|| ||

Nacca-gita-vadita-visuka-dassana pativirato hoti.|| ||

Malagandhavilepanadharanamandanavibhusanatthana pativirato hoti.|| ||

Uccasayana-mahasayana pativirato hoti.|| ||

Jatarupa-rajata-patiggahana pativirato hoti.|| ||

Amaka-dhanna-patiggahana pativirato hoti.|| ||

Amakamamsapatigggahana pativirato hoti.|| ||

Itthi-kumarika-patiggahana pativirato hoti.|| ||

Dasi-dasa-patiggahana pativirato hoti.|| ||

Aj-elaka-patiggahana pativirato hoti.|| ||

Kukkuta-sukara-patiggahana6 pativirato hoti.|| ||

Hatthigavassava'ava patiggahana pativirato hoti.|| ||

Khetta-vatthu-patiggahana pativirato hoti.|| ||

Duteyyapahena gamananuyoga pativirato hoti.|| ||

Kaya-vikkaya pativirato hoti.|| ||

Tulakuta-kamsakuta-manakuta pativirato hoti.|| ||

Ukkotanavan cananikatisaci yoga pativirato hoti.|| ||

Chedana-vadhabandhana-viparamosa-alopa-sahasakara11 pativirato hoti.|| ||

Idam pi'ssa hoti silasmim.

Cullasilam nitthitam

20(31) Yatha va pan'eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham13 anuyutta viharanti, seyyathidam: mula-bijam khandha-bijam phalu-bijam agga-bijam bijabijameva15 pancamam.|| ||

Iti va iti evarupa bijagama-bhutagama-samarambha17 pativirato hoti.|| ||

Idam pi'ssa hoti silasmim.

21 (32) Yatha va pan'eke bhonto samana-brahmana saddha-deyyani bhojanani bhunjitva te evarupam sannidhi-kara-paribhogam anuyutta viharanti, seyyathidam: anna-sannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim.|| ||

Iti va iti evarupa sannidhi-kara-paribhoga pativirato hoti.|| ||

Idam pi'ssa hoti silasmim.

22(33) Yatha va pan'eke bhonto samana-brahmana saddha-deyyani bhojanani bhunjitva te evarupam visukadassanam anuyutta viharanti, seyyathidam: naccam gitam vaditam pekkham akkhatam panissaram vetalam kumbhathunam Sobha-nagarakam1 candalam vamsam dhopanakam2 hatthi-yuddham assa-yuddham mahisayuddham3 usabhayuddham ajayuddham mendayuddham4 kukkutayuddham vattakayuddham danda-yuddham mutthi-yuddham5 nibBuddham uyyodhikam balaggam senabyuham anikadassanam6.|| ||

Iti va iti evarupa visuka-dassana pativirato hoti.|| ||

Idam pi'ssa hoti silasmim.

23(34) Yatha va pan'eke bhonto samana-brahmana saddha-deyyani bhojanani bhunjitva te evarupam juta-ppamada-tthananuyogam anuyutta viharanti, seyyathidam: attha-padam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulakam pattalhakam rathakam dhanukam akkharikam manesikam yatha-vajjam.|| ||

Iti va iti evarupa juta-ppamada-tthananuyoga pativirato hoti.|| ||

Idam pi'ssa hoti silasmim.

24(35) Yatha va pan'eke bhonto samana-brahmana saddha-deyyani bhojanani bhunjitva te evarupam ucca-sayana-mahasayanam anuyutta viharanti, seyyathidam: asandim pallankam gonakam cittakam patikam patalikam tulikam vikatikam udda-lomim ekanta-lomim katthi'ssam koseyyam kuttakam hatthattharam assattharam rathattharam ajina-ppavenim kadali-miga-pavara-pacc'attharanam sa-uttara-cchadam ubhato-lohitakupadhanam.|| ||

Iti va iti evarupa uccasayana-mahasayana pativirato hoti.|| ||

Idam pi'ssa hoti silasmim.

25(36) Yatha va pan'eke bhonto samana-brahmana saddha-deyyani bhojanani bhunjitva te evarupam mandana-vibhusana-tthananuyogam anuyutta viharanti, seyyathidam: ucchadanam parimaddanam nahapanam sambahanam adasam anjanam mala-vilepanam mukkha-cunnakam1 mukhalepanam hattha-bandham sikha-bandham dandakam nalikam khaggam chattam citrupahanam unhisam manim vala-vijanim odatani vatthani digha-dasani.|| ||

Iti va iti evarupa mandana-vibhusana-tthananuyoga pativirato hoti.|| ||

Idam pi'ssa hoti silasmim.

26(37) Yatha va pan'eke bhonto samana-brahmana saddha-deyyani bhojanani bhunjitva te evarupam tiracchana-katham anuyutta viharanti, seyyathidam: raja-katham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandha-katham nati-katham yana-katham gama-katham nigama-katham nagara-katham janapada-katham itthi-katham purisakatham (kumarakatham kumarikatham) sura-katham visikha-katham kumbhatthana-katham pubba-peta-katham nanatta-katham lokakkhayikam samuddakkhayikam itibhavabhava-katham.|| ||

Iti va iti evarupaya tiracchana-kathaya pativirato hoti.|| ||

Idam pi'ssa hoti silasmim.

27(38) Yatha va pan'eke bhonto samana-brahmana saddha-deyyani bhojanani bhunjitva te evarupa viggahika-katham anuyutta viharanti, seyyathidam: "na tvam imam Dhamma-Vinayam ajanasi.|| ||

Aham imam Dhamma-Vinayam ajanami.|| ||

Kim tvam imam Dhamma-Vinayam ajanissasi?|| ||

Miccha-patipanno tvam asi.|| ||

Ahamasmi sammapatipanno.|| ||

Sahitam me, asahitam te.|| ||

Pure vacaniyam paccha avaca.|| ||

Paccha vacaniyam pure avaca.|| ||

Avicinnan te viparavattam.|| ||

Aropito te vado.|| ||

Niggahito tvam asi.|| ||

Cara vadappamokkhaya.|| ||

Nibbethehi va sace pahosi" ti.|| ||

Iti va iti evarupaya viggahika-kathaya pativirato hoti.|| ||

Idam pi'ssa hoti silasmim.

28(39) Yatha va pan'eke bhonto samana-brahmana saddha-deyyani bhojanani bhunjitva te evarupam duteyya-pahina-gamananuyogamanuyrutta viharanti, seyyathidam: rannam raja-mahamattanam khattiyanam brahmananam gahapatikanam kumaranam "idha gaccha.|| ||

Amutragaccha.|| ||

Idam hara.|| ||

Amutra idam ahara" ti.|| ||

Iti va iti evarupa duteyya-pahina-gamananuyoga pativirato hoti.|| ||

Idam pi'ssa hoti silasmim.

29(40) Yatha va pan'eke bhonto samana-brahmana saddha-deyyani bhojanani bhunjitva te kuhaka ca honti lapaka ca nemittika ca nippesika ca labhena ca labham nijigimsitaro.|| ||

Iti va iti evarupa kuhanalapana pativirato hoti.|| ||

Idam pi'ssa hoti silasmim.

Majjhimasilam nitthitam.

30(41) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam1 kappenti, seyyathidam: angam nimittam uppatam supinam lakkhanam musikacchinnam aggi-homam dabbi-homam thusa-homam tandula-homam sappi-homam tela-homam mukhahomam lohita-homam anga-vijja vatthu-vijja khatta-vijja4 siva-vijja bhuta-vijja bhuri-vijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam5 saraparittanam migacakkam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

31(42) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti, seyyathidam: mani-lakkhanam vattha-lakkhanam danda-lakkhanam6 asi-lakkhanam usu-lakkhanam dhanu-lakkhanam avudha-lakkhanam7 itthi-lakkhanam purisa-lakkhanam kumara-lakkhanam kumarilakkhanam dasa-lakkhanam dasilakkhanam hatthi-lakkhanam assa-lakkhanam mahisa-lakkhanam8 usabha-lakkhanam go-lakkhanam9 aja-lakkhanam menda-lakkhanam10 kukkuta-lakkhanam vattakalakkhanam godha-lakkhanam kannika-lakkhanam kacchapa-lakkhanam miga-lakkhanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

32(43) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti seyyathidam: rannam niyyanam bhavissati, rannam aniyyanam bhavissati, abbhantaranam rannam upayanam bhavissati, bahiranam rannam apayanam bhavissati, bahiranam rannam upayanam bhavissati, abbhantaranam rannam apayanam bhavissati, abbhantaranam rannam jayo bhavissati, abbhantaranam rannam parajayo bhavissati.|| ||

Iti imassa jayo bhavissati.|| ||

Imassa parajayo bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

33(44) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: canda-ggaho bhavissati.|| ||

Suriyaggaho bhavissati.|| ||

Nakkhattagaho bhavissati.|| ||

Candima-suriyanam patha-gamanam bhavissati.|| ||

Candima-suriyanam uppatha-gamanam bhavissati.|| ||

Nakkhattanam patha-gamanam bhavissati.|| ||

Nakkhattanam uppatha-gamanam bhavissati.|| ||

Ukkapato bhavissati.|| ||

Disadaho bhavissati.|| ||

Bhumi-calo bhavissati.|| ||

Deva-dundubhi bhavissati.|| ||

Candima-suriya-nakkhattanam uggamanam ogamanam1 samkilesam vodanam bhavissati.|| ||

Evam-vipako canda-ggaho bhavissati.|| ||

Evam-vipako suriya-ggaho bhavissati.|| ||

Evam-vipako nakkhatta-ggaho bhavissati.|| ||

Evamvipakam candima-suriyanam patha-gamanam bhavissati.|| ||

Evamvipakam candima-suriyanam uppatha-gamanam bhavissati.|| ||

Evamvipakam nakkhattanam patha-gamanam bhavissati.|| ||

Evamvipakam nakkhattanam uppatha-gamanam bhavissati.|| ||

Evam-vipako ukka-pato bhavissati.|| ||

Evam-vipako disa-daho bhavissati.|| ||

Evam-vipako bhumi-calo bhavissati.|| ||

Evam-vipako deva-dundubhi bhavissati.|| ||

Evam-vipako candima-suriya-nakkhattanam uggamanam ogamanam sankilesam vodanam bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

34(45) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: subbutthika bhavissati.|| ||

Dubbutthika bhavissati.|| ||

Subhikkham bhavissati.|| ||

Dubbhikkham bhavissati.|| ||

Khemam bhavissati.|| ||

Bhayam bhavissati.|| ||

Rogo bhavissati.|| ||

Arogyam bhavissati.|| ||

Mudda ganana samkhanam kaveyyam lokayatam.|| ||

Iti va iti evarupaya tiracchana-vijjaya micchajivena pativirato hoti.|| ||

Idam pi'ssa hoti silasmim.

35(46) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nitthaddanam2 hanusamhananam hatthabhijappanam hanujappanam kanna-jappanam adasa-panham kumaripanham deva-panham adiccupatthanam Mahat-upatthanam abbhujjalanam sirivhayanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

36(47) Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: santi-kammam panidhi-kammam bhutakammam bhurikammam vassa-kammam vossa-kammam vatthu-kammam vatthu-parikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam netta-tappanam natthu-kammam anjanam paccanjanam salakiyam sallakattiyam daraka-tikiccha mula-bhesajjanam anuppadanam osadhinam patimokkho.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.

37(48) Sa kho1 so manava bhikkhu evam silasampanno na kutoci bhayam samanupassati yad idam silasamvarato.|| ||

seyyatha pi manava khattiyo muddhavasitto2 nihatapaccamitto na kutoci bhayam samanupassati yad idam paccatthikato, evam eva kho manava bhikkhu evam silasampanno na kutoci bhayam samanupassati yad idam silasamvarato.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

Evam kho manava bhikkhu silasampanno hoti.

38.|| ||

Ayam kho so manava ariyo silakkhadho yassa so Bhagava vannavadi ahosi yatha ca imam janatam samadapesi nivesesi patitthapesi.|| ||

Athi cevetha uttarim karaniyanti."

39.|| ||

"Acchariyam bho anada, abbhrutam bho anada, sopayam bho anada ariyo silakkhadho paripunno no aparipunno.|| ||

Evamparipunnancahamho anada ariyam [207] silakkhadham ito bahiddha annesu samanabrahmanesu na samanupassami.|| ||

Evamparipunnanca bho anada ariyam silakkhadham ito bahiddha anne samana-brahmana attani samanupasseyyum, te tavataken'eva attamana assu 'alamettavata katamettavata, anuppatto no samannatho, nathi no kinci uttarim karaniya'nti.|| ||

Atha ca pana bhavam anado evam aha: athi cevetha uttarim karaniyan" ti.

Pathamakabhanavaram.|| ||

40.|| ||

"Katamo pana so bho anada ariyo samadhikkhadho yassa so bhavam Gotamo vannavadi ahosi yatha ca imam janatam samadapesi nivesesi patitthapesi?" Ti.

41(49) Kathan ca manava bhikkhu indriyesu guttadvaro hoti?|| ||

Idha manava bhikkhu cakkhuna rupam disva na nimittaggahi hoti nanuvyanjanaggahi.|| ||

Yatvadhikaranamenam cakkhundriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati cakkhundriyam.|| ||

Cakkhundriye samvaram apajjati.|| ||

Sotena saddam sutva na nimittaggahi hoti nanuvyanjanaggahi.|| ||

Yatvadhikaranamenam sotindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati sotindriyam.|| ||

Sotindriye samvaram apajjati.|| ||

Ghanena gandham ghayitva na nimittaggahi hoti nanuvyanjanaggahi.|| ||

Yatvadhikaranamenam ghanindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati ghanindriyam.|| ||

Ghanindriye samvaram apajjati.|| ||

Jivhaya rasam sayitva na nimittaggahi hoti nanuvyanjanaggahi.|| ||

Yatvadhikaranamenam jivhindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati jivhindriyam.|| ||

Jivhindriye samvaram apajjati.|| ||

Kayena photthabbam phusitva na nimittaggahi hoti nanuvyanjanaggahi.|| ||

Yatvadhikaranamenam kayindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati kayindriyam.|| ||

Kayindriye samvaram apajjati.|| ||

Manasa dhammam vinnaya na nimittaggahi hoti nanuvyanjanaggahi.|| ||

Yatvadhikaranamenam manindriyam asamvutam viharantam abhijjha domanassa papaka akusala dhamma anvassaveyyum3 tassa samvaraya patipajjati.|| ||

Rakkhati manindriyam.|| ||

Manindriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

Evam kho manava bhikkhu indriyesu guttadvaro hoti.

42(50) Kathan ca manava bhikkhu satisampajannena samannagato hoti?|| ||

Idha manava bhikkhu abhikkante patikkante sampajanakari hoti.|| ||

Alokite vilokite sampajanakari hoti.|| ||

Saminjite1 pasarite sampajanakari hoti.|| ||

Sanghatipattacivaradharane sampajanakari hoti.|| ||

Asite pite khayite sayite sampajanakari hoti.|| ||

Uccarapassavakamme sampajanakari hoti.|| ||

Gate thite nisinne sutte jagarite bhasite tunhibhave sampajanakari hoti.|| ||

Evam kho manava bhikkhu satisampajannena samannagato hoti.

43(51) Kathan ca manava bhikkhu santuttho hoti?|| ||

Idha manava bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

seyyatha pi manava pakkhi sakuno yena yen'eva deti sapattabharo'va deti, evam eva kho manava bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

Evam kho manava bhikkhu santuttho hoti.

44(52) So imina ca ariyena silakkhandhena3 samannagato imina ca ariyena indriyasamvarena samannagato imina ca ariyena satisampajannena samannagato imaya ca ariyaya santutthiya samannagato vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam.|| ||

So pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva.

45(53) So abhijjham loke pahaya vigatabhijjhena cetasa viharati.|| ||

Abhijjhaya cittam parisodheti.|| ||

vyapadapadosam pahaya abyapannacitto viharati sabba-pana-bhuta-hitanukampi.|| ||

vyapadapadosa cittam parisodheti.|| ||

Thinamiddham pahaya vigatathinamiddho viharati alokasanni sato sampajano.|| ||

Thinamiddha cittam parisodheti.|| ||

Uddhaccakukkuccam pahaya anuddhato viharati ajjhattam vupasantacitto.|| ||

Uddhaccakukkucca cittam parisodheti.|| ||

Vicikiccham pahaya tinnavicikiccho viharati akathamkathi kusalesu dhammesu.|| ||

Vicikicchaya cittam parisodheti.

46(54) seyyatha pi manava puriso inam adaya kammante payojeyya, tassa te kammanta samijjheyyum, so yani ca poranani inamulani tani ca byantikareyya, siya c'assa uttarim avasittham darabharanaya, tassa evam assa: "aham kho pubbe inam adaya kammante payojesim.|| ||

Tassa me te kammanta samijjhimsu.|| ||

So'ham yani ca poranani inamulani tani ca byanti akasim.|| ||

Atthi ca me uttarim avasittham darabharanaya" ti.|| ||

So tatonidanam labhetha pamojjam, adhigaccheyya somanassam-

47(55) seyyatha pi manava puriso abadhiko assa dukkhito balhagilano, bhattam c'assa nacchadeyya, na c'assa kaye balamatta, so aparena samayena tamha abadha mucceyya, bhattanc'assa chadeyya, siya c'assa kaye balamatta, tassa evam assa: "aham kho pubbe abadhiko ahosim dukkhito balhagilano.|| ||

Bhattam ca me nacchadesi.|| ||

Nacassa me asi kaye balamatta.|| ||

So'mhi etarahi tamha abadha mutto bhattan ca me chadeti.|| ||

Atthi ca me kaye balamatta" ti.|| ||

So tato nidanam labhetha pamojjam, adhigaccheyya somanassam-

48(56) seyyatha pi manava puriso bandhanagare baddho assa, so aparena samayena tamha bandhanagara mucceyya sotthina abbayena1, na c'assa kinci bhoganam vayo, tassa evam assa: "aham kho pubbe bandhanagare baddho ahosim.|| ||

So'mhi etarahi tamha bandhanagara mutto sotthina abbayena.|| ||

N'atthi ca me kinci bhoganam vayo" ti.|| ||

So tatonidanam labhetha pamojjam, adhigaccheyya somanassam-

49(57) seyyatha pi manava puriso daso assa anattadhino paradhino na yenakamangamo, so aparena samayena tamha dasabya mucceyya attadhino aparadhino bhujisso yenakamangamo, tassa evam assa: "aham kho pubbe daso ahosim anattadhino paradhino na yenakamangamo, so'mhi etarahi tamha dasabya mutto attadhino aparadhino bhujisso yenakamangamo" ti.|| ||

So tatonidanam labhetha pamojjam, adhigaccheyya somanassam-

50(59) seyyatha pi manava puriso sadhano sabhogo kantaraddhanamaggam patipajjeyya dubbhikkham sappatibhayam.|| ||

So aparena samayena tam kantaram nitthareyya, sotthina gamantam anupapuneyya khemam appatibhayam, tassa evam assa: "aham kho pubbe sadhano sabhogo kantaraddhanamaggam patipajjim dubbhikkham sappatibhayam.|| ||

So'mhi etarahi tam kantaram tinno sotthina gamantam anuppatto khemam appatibhayan" ti.|| ||

So tato nidanam labhetha pamojjam adhigaccheyya somanassam-

51(60) Evam eva kho manava bhikkhu yatha inam yatha rogam yatha bandhanagaram yatha dasabyam yatha kantaraddhanamaggam evam ime panca nivarane appahine attani samanupassati.|| ||

seyyatha pi manava ananyam yatha arogyam yatha bandhana mokkham yatha bhujissam yatha khemantabhumim evam eva kho manava bhikkhu ime panca nivarane pahine attani samanupassati.

52(61) Tassime panca nivarane pahine attani samanupassato pamojjam jayati.|| ||

Pamuditassa piti jayati.|| ||

Pitimanassa kayo passambhati.|| ||

Passaddhakayo sukham vedeti.|| ||

Sukhino cittam samadhiyati.

53. So vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharati.|| ||

So imameva kayam vivekajena pitisukhena abhisanneti parisanneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.

54. seyyatha pi manava dakkho nahapako va nahapakantevasi va kamsathale nahaniyavunnani akiritva udakena paripphosakam paripphosakam sanneyya sayam nahaniyapindi snehanugata snehapareta santarabahira phuta snehena na ca paggharani, evam eva kho manava bhikkhu imameva kayam vivekajena pitisukhena abhisanneti parisenneti paripureti parippharati.|| ||

Nassa kinci sabbavato kayassa vivekajena pitisukhena apphutam hoti.

55. Yampi manava bhikkhu vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharati, so imameva kayam vivekajena pitisukhena abhisandeti parisandeti paripureti parippharati, nassa kinci sabbavato kayassa vivekajena pitisukhena apphutam hoti, idampi'ssa hoti samadhismim.

56.|| ||

Puna ca param manava bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati.|| ||

So imameva kayam samadhijena pitisukhena abhisandeti parisandeti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

57. seyyatha pi manava udakarabhado ubbhidodako, tassa nev'assa puratthimaya disaya udakassa ayamukham, na dakkhinaya disaya udakassa ayamukham, na pacchimaya disaya udakassa ayamukham, na uttaraya disaya udakassa ayamukham, devo ca na kalena kalam samma dharam anupaveccheyya, atha kho tamha ca udakaehada sita varidhara ubbhijjitva tameva udakaehadam sitena varina abhisandeyya parisandeyya paripureyya paripphareyya, nassa kinci sabbavato udakarahadassa varina sitena apphutam assa, evam eva kho manava bhikkhu imameva kayam samadhijena pitisukhena abhisandeti parisandeti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.

58. Yampi manava bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati, so imameva kayam samadhijenapitisukhena abhisandeti parisandeti paripureti parippharati.|| ||

Nassa kinci sabbavato kayassa samadhijena pitisukhena apphutam hoti.|| ||

[208] idampi'ssa hoti samadhismim.

59. Puna ca param manava bhikkhu pitiya ca viraga upekkhako ca viharati sato sampajano sukhanca kayena patisanvedeti.|| ||

Yantam ariya acikkhanti: 'Upekkhako satima sukha-vihari' ti tatiyam-jhanam upasampajja viharati.|| ||

So imameva kayam nippitikena sukhena abhisandeti parisandeti paripureti, parippharati nassa kinci sabbavato kayassa nippitikena sukhena apphutam hoti.

60. seyyatha pi manava uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udakanuggani antonimuggaposini tani yava cagga yava ca mula sitena varina abhisannani parisannani paripurani, paripphutani nassa kinci sabbavatam uppalanam va padumanam va pundarikanam va sitena varina apphutam assa.|| ||

Evam eva kho manava bhikkhu imameva kayam nippitikena sukhena abhisandeti parisandeti paripureti parippharati.|| ||

Nassa kinci sabbavato kayassa nippitikena sukhena apphutam hoti.

61. Yampi manava bhikkhu pitiya ca viraga upekkhako ca viharati sato sampajano sukhanca kayena patisanvedeti, yam tam ariya acikkhanti 'Upekkhako satima sukha-vihari' titam tatiyam-jhanam upasampajja viharati.|| ||

So imameva kayam nippitikena sukhena abhisandeti parisandeti paripureti parippharati, nassa kinci sabbavato kayassa nippitikena sukhena apphutam hoti, idampi'ssa hoti samadhismim.

62. Puna ca param manava bhikkhu sukhassa ca pahana dukkhassa ca pahana pubb'eva somanassa-domanassanam atthangama adukkha-m-asukham upekkhosatiparisuddhim catuttham-jhanam upasampajja viharati.|| ||

So imameva kayam parisuddhena cetasa pariyodatena pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.|| ||

seyyatha pi manava puriso odatena vatthena sasisam parupitva nisinno assa, nassa kinci sabbavato kayassa odatena vatthena apphutam assa, evam eva kho maharaja bhikkhu imameva kayam parisuddhena cetasa pariyodatena pharitva nisinno hoti.|| ||

Nassa kinci sabbavato kayassa parisuddhena cetasa pariyodatena apphutam hoti.

63. Yampi manava bhikkhu sukhassa ca pahana dukkhassa ca pahana pubb'eva somanassa-domanassanam atthangama adukkha-m-asukham upekkha-sati-parisuddhim catuttham-jhanam upasampajja viharati, so imameva kayam parisuddhena cetasa pariyodatena pharitva nisinno hoti, nassa kinci sbabavato kayassa parisuddhena cetasa pariyodatena apphutam hoti, idampi'ssa hoti samadhismim.|| ||

Ayam kho so manava ariyo samadhikkhandho yassa so Bhagava vannavadi ahosi, yattha ca imam janatam samadapesi nivesesi patitthapesi.|| ||

Atthi cevettha uttarim karaniyanti.

64. "Acchariyam bho Ananda.|| ||

So cayam bho Ananda ariyo samadhikkhandho paripunena no aparipunno.|| ||

Evam paripunnancaham bho Ananda ariyam samadhikkhandham ito bahiddha annesu samanabrahmanesu na samanupassami.|| ||

Evam paripunnanca bho Ananda ariyam samadhikkhandham ito bahiddha anne samana-brahmana attani samanupasseyyum, te tavataken'eva attamana assu alamettavata, katamettavata, anuppatto no samannattho, n'atthi no kinci uttarim karaniyanti.

65. Atha ca pana bhavam Anando evam aha: atthi cevettha uttarim karaniyanti.|| ||

Katamo pana so bho Ananda ariyo pannakkhandho, yassa so bhavam Gotamo vannavadi ahosi yattha ca imam janatam samadapesi nivesesi patitthapesi" ti?

66. "Puna ca param manava so bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte nanadassanaya cittam abhiniharati abhininnameti.|| ||

So evam pajanati: "ayam kho me kayo rupi catum-maha-bhutiko matapentikasambhavo odanakummasupacayo aniccucchadanaparimaddanabhedaviddhamsanadhammo.|| ||

Idam ca pana me vinnanam ettha sitam ettha patibaddha'nti.

67. seyyatha pi manava mani veeriyo subho jatima atthamso suparikammakato accho vippasanno anavilo sabbakarasampanno, tatra'ssa suttam avutam nilam va pitam va lohitam va odatam va pandusuttam va.|| ||

Tam enam cakkhuma puriso hatthe karitva paccavekkheyya "ayam kho mani veeriyo subho jatima atthamso suparikammakato, accho vippasanno anavilo sabbakarasampanno.|| ||

Tatiradam suttam avutam nilam va pitam va lohitam va odatam va pandusuttam va" ti.|| ||

Evam eva kho maharaja bhikkhu evam samahite citte parisuddhe pariyodane anangane vigatupakkilese mudubhute kammaniye thite anejjappatte nanadassanaya cittam abhiniharati abhinnameti.|| ||

So evam pajanati ayam kho me kayo rupi catum-maha-bhutiko mata-pettika-sambhavo odanakummasupacayo aniccucchadanaparimaddanabhedanaviddhamsanadhammo.|| ||

Idam ca pana me vinnanam ettha sitam ettha patibaddhanti.

68. Yampi manava bhikkhu evam samahite citte parisuddhe pariyodate anangane vigatupakkilese mudubhute [209] kammaniye thite anejjappatte nanadassanaya cittam abhiniharati abhininnameti.|| ||

So evam pajanati: "ayam kho me kayo rupi catum-maha-bhutiko matapentikasambhavo odanakummasupacayo aniccucchadanaparimaddanabhedaviddhamsanadhammo.|| ||

Idam ca pana me vinnanam ettha sitam ettha patibaddhanti, idampi'ssa hoti pannaya.

69. So evam samahite citte parisuddhe pariyodate anangane vigatupakkilese mudubhute kammaniye thite anejjappatte manomayam kayam abhinimminanaya1 cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim abhinindriyam.

70. seyyatha pi manava puriso munjamha isikam pavaheyya, tassa evam assa: ayam munjo ayam isika anno munjo anna isika munjamhatv eva isika pava'hati.|| ||

seyyatha pi va pana maharaja puriso asim kosiya pavaheyya.|| ||

Tassa evam assa: ayam asi ayam kosi, anno asi anna kosi, kosiyatv eva asi pava'ho'ti.|| ||

seyyatha pi va pana maharaja puriso aham karanda uddhareyya.|| ||

Tassa evam assa: ayam ahi ayam karande, anno ahi anno karando, karandatv eva ahi ubbhato'ti.|| ||

Evam eva kho manava bhikkhu evam samahite citte parisuddhe pariyodate anangane vigatupakkilese mudrabhute kammaniye thite anejjappatte manomayam kayam abhinimminanaya cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim ahinindriyam.

71. Yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte manomayam kayam abhinimminanaya1 cittam abhiniharati abhininnameti.|| ||

So imamha kaya annam kayam abhinimminati rupim manomayam sabbangapaccangim abhinindriyam, idampi'ssa hoti pannaya.

72. So evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So aneka-vihitam iddhividham paccanubhoti: eko pi hutva bahudha hoti bahudhapi hutva eko hoti, avibhavam tirobhavam tirokuddam tiropakaram tiropabbatam asajjamano gacchati seyyatha pi akase, pathaviya'pi ummujjanimujjam karoti seyyatha pi udake, udake'pi abhijjamane gacchati seyyatha pi pathaviyam, akase'pi pallankena kamati seyyatha'pi pakkhi sakuno.|| ||

Ime'pi candimasuriye evammahiddhike evammahanubhave panina paramasati parimajjati.|| ||

Yava brahmalokapi kayena vasam vatteti.

73. seyyatha pi maharaja dakkho kumbhakaro va kumbhakarantevasi va suparikammakataya mantikayam yam yadeva bhajanavikatim akankheyya tam tad eva kareyya abhinipphadeyya-

74. seyyatha pi va pana manava dakkho dantakaro va dantakarantevasi va suparikammakatasmim dantasmim yam yadeva dantavikatim akankheyya tam tad eva kareyya abhinipphadeyya-

75. seyyatha pi va pana manava dakkho suvannakaro va suvannakarentavasi va suparikammakatasmim suvannasmim yam yadeva suvannavikatim akankheyya tam tad eva kareyya abhinipphadeyya-

76. Evavema kho manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So aneka-vihitam iddhividham paccanuhoti: eko pi hutva bahudha hoti.|| ||

Bahudha'pi hutva eko hoti.|| ||

Avibhavam tirobhavam tirokuddam tiropakaram tiropabbatam asajjamano gacchati seyyatha pi akase.|| ||

Pathaviya'pi ummujjanimujjam karoti seyyatha pi udake.|| ||

Udake'pi abhijjamane gacchati seyyatha pi pathaviyam.|| ||

Akase'pi pallankena kamati seyyatha pi pakkhi sakuno.|| ||

Ime'pi candimasuriye evammahiddhike evammahanubhave panina paramasati parimajjati.|| ||

Yava brahmaloka'pi kayena vasam vatteti.

77. Yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhividhaya cittam abhiniharati abhininnameti.|| ||

So aneka-vihitam iddhividham paccanuhoti: eko pi hutva bahudha hoti.|| ||

Bahudha'pi hutva eko hoti.|| ||

Avibhavam tirobhavam tirokuddam tiropakaram tiropabbatam asajjamano gacchati seyyatha pi akase.|| ||

Pathaviya'pi ummujjanimujjam karoti seyyatha pi udake.|| ||

Udake'pi abhijjamane gacchati seyyatha pi pathaviyam.|| ||

Akase'pi pallankena kamati seyyatha pi pakkhi sakuno.|| ||

Ime'pi candimasuriye evammahiddhike evammahanubhave panina paramasati parimajjati.|| ||

Yava brahmaloka'pi kayena vasam vatteti, idampi'ssa hoti pannaya.

78. So evam samahite citte parisuddhe pariyodate anangane vigatupakkilese mudubhute kammaniye thite anejjappatte dibbaya sotadhatuya vittam abhiniharati abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

79. seyyatha pi manava puriso addhanamaggapatipanno so suneyya bherisaddampi mudingasaddampi sankhapanavadendimasaddampi, tassa evam assa: bherisaddo i' ti pi mudingasaddo i' ti pi sankhapanavadendimasaddo i' ti.i.|| ||

Evam eva kho maharaja bhikkhu evam samahite citte parisuddhe pariyodane anangane vigatupakkilese mudubhute kammaniye thite anejjappatte dibbaya sotadhatuya cittam abhiniharati abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca.

80. Evam samahite citte parisuddhe pariyodate anangane vigatupakkilese mudubhute kammaniye thite anejjappatte dibbaya sotadhatuya vittam abhiniharati abhininnameti.|| ||

So dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca, idampi'ssa hoti pannaya.

81. So evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.|| ||

So parasattanam parapuggalanam cetasa ceto paricca pajanati: "saragam va cittam saragam cittanti pajanati.|| ||

Vitaragam va cittam vitaragam cittantipajanati.|| ||

Sadesasam va cittam sadosam cittatanti pajanati.|| ||

Vitadosam va cittam vitadosam cittanti pajanati.|| ||

Samoham va cittam samoham cittanti pajanati.|| ||

Vitamoham va cittam vitamoham cittanti pajanati.|| ||

Sankhittam va cittam sankhittam cittanti pajanati.|| ||

Vikkhittam va cittam vikkhittam cittanti pajanati.|| ||

Mahaggatam va cittam mahaggatam cittanti pajanati.|| ||

Amahaggatam va cittam amahaggatam cittanti pajanati.|| ||

Sauttaram va cittam sauttaram cintanti pajanati.|| ||

Anuttaram va cittam anuttaram cittanti pajanati.|| ||

Samahitam va cittam samahitam cittanti pajanati.|| ||

Asamahitam va cittam

Asamahitam cittanti pajanati.|| ||

Vimuttam va cittam vimuttam cittanti pajanati.|| ||

Avimuttam va cittam avimuttam cittanti pajanati.

82. seyyatha pi manava itthi va puriso va daharo va yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano sakanikam va sakikanti janeyya, akanikam va akanikanti janeyya, evam eva kho manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.|| ||

So parasattanam parapuggalanam cetasa ceto paricca pajanati: saragam va cittam saragam cittanti pajanati vitaragam va cittam vitaragam cittanti pajanati.|| ||

Sadosam va cittam sadosam cittanti pajanati vitadosam va cittam vitadosam cittanti pajanati.|| ||

Samoham va cittam samoham cittanti pajanati vitamoham va cittam vitamoham cittanti pajanati.|| ||

Sankhittam va cittam sankhittam cittanti pajanata.|| ||

Vikkhittam va cittam vikkhittam cittanti pajanati.|| ||

Mahaggatam va cittam mahaggatam cittanti pajanati amahaggatam va cittam amahaggatam cittanti pajanati.|| ||

Sauttaram va cittam sauttaram cittanti pajanati.|| ||

Anuttaram va cittam anuttaram cittanti pajanati.|| ||

Samahitam va cittam samahitam cittanti pajanati asamahitam va cittam asamahitam cittanti pajanati.|| ||

Vimuttam va cittam vimuttam cittanti pajanati avimuttam va cittam avimuttam cittanti pajanati.

83. Yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte cetopariyananaya cittam abhiniharati abhininnameti.|| ||

So parasattanam parapuggalanam cetasa ceto paricca pajanati: saragam va cittam saragam cittanti pajanati vitaragam va cittam vitaragam cittanti pajanati.|| ||

Sadosam va cittam sadosam cittanti pajanati vitadosam va cittam vitadosam cittanti pajanati.|| ||

Samoham va cittam samoham cittanti pajanati vitamoham va cittam vitamoham cittanti pajanati.|| ||

Sankhittam va cittam sankhittam cittanti pajanata.|| ||

Vikkhittam va cittam vikkhittam cittanti pajanati.|| ||

Mahaggatam va cittam mahaggatam cittanti pajanati amahaggatam va cittam amahaggatam cittanti pajanati.|| ||

Sauttaram va cittam sauttaram cittanti pajanati.|| ||

Anuttaram va cittam anuttaram cittanti pajanati.|| ||

Samahitam va cittam samahitam cittanti pajanati asamahitam va cittam asamahitam cittanti pajanati.|| ||

Vimuttam va cittam vimuttam cittanti pajanati avimuttam va cittam avimuttam cittanti pajanati, idampi'ssa hoti pannaya.

84. So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo tisammpi jatiyo cattarisam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe amutrasim evamnamo evamgotto evam-vanno evam-aharo evam sukhadukkhapatisanvedi evam-ayu-pariyanto.|| ||

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno'ti.|| ||

Iti sakaram sa-uddesam aneka-vihitam pubbenivasam anussarati.

85. seyyatha pi manava puriso sakamha gama annam gamam gaccheyya tamha'pi gama annam gamam gaccheyya.|| ||

So tamha gama sakam yeva gamam paccagaccheyya.|| ||

Tassa evam assa: 'aham kho sakamha gama amum gamam agacchim tatra evam atthasim evam nisidim evam abhasim evam tunhi ahosim.|| ||

Tamhapi gama agacchim tatrapi evam atthasim evam nisidim evam abhasim evam tunhi ahosim.|| ||

So'mpi tamha gama sakam yeva gamam paccagato'ti.|| ||

Evam eva kho manava bhikkhu evam samahite citte parisuddhe parayodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto-

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno'ti iti sakaram sa-uddesam aneka-vihitam pubbenivasam anussarati.

86. Yampi manava bhikkhu evam samahite citte parisuddhe parayodate anangane vigatupakkilese mudubhute kammaniye thite anejjappatte pubbenivasanussatinanaya cittam abhiniharati abhininnameti.|| ||

So aneka-vihitam pubbenivasam anussarati seyyathidam: ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke'pi samvattakappe aneke'pi vivattakappe aneke'pi samvatta-vivattakappe amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno'ti iti sakaram sa-uddesam aneka-vihitam pubbenivasam anussarati, idampi'ssa hoti pannaya.

87. So evam samahite citte parisuddhe pariyodane anangane vigatu pakkilese mudubhute kammaniye thite anejjappatte sattanam cutupapatanaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati: 'ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna'ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.

88. seyyatha pi manava majjhe simghatake pasado.|| ||

Tattha cakkhuma puriso thito passeyya manusse geham pavisante'pi rathiya vitisancarante'pi majjhe simghatake nisinne'pi, tassa evam assa: ete manussa geham pavisanti.|| ||

Ete nikkhamanti.|| ||

Ete rathiya vitisancaranti.|| ||

Ete majjhe samghatake nisinna'ti.

89. Evam eva kho manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati: 'ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna'ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.

90. Yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhiniharati abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati: 'ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna'ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati, idampi'ssa hoti pannaya.

92. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti so idam dukkhan ti yathabhutam pajanati.|| ||

Ayam dukkhanirodhagaminipatipada'ti yathabhutam pajanati.|| ||

Ime asava'ti yathabhutam pajanati.|| ||

Ayam asavasamudayo'ti yathabhutam pajanati.|| ||

Ayam asavanirodho'ti yathabhutam pajanati.|| ||

Ayam asavanirodhagaminipatipada'ti yathabhutam pajanati.|| ||

Tassa evam janato evam passato kamasava pi cittam vimuccati bhavasava pi cittam vimuccati avijjasa vapi cittam vimuccati.|| ||

Vimuttasmim vimuttamiti nanam hoti.|| ||

Khina jati vusitam brahmacariyam katam karaniyam naparam itthattayati pajanati.

seyyatha pi manava pabbatasankhepe udakarahado accho vippasanno anavilo.|| ||

Tattha cakkhuma puriso tire thito passeyya sippisambukampi sakkharakathalampi macchagumbampi carantampi titthantampi.|| ||

Tassa evam assa: ayam kho udakarahado accho vippasanno anavilo.|| ||

Tatrime sippisambuka'pi sakkharakathala'pi macchagumba'pi carantipi titthantipiti.|| ||

Evam eva kho manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti.|| ||

So idam dukkhan ti yathabhutam pajanati.|| ||

Ayam dukkhasamudayo'ti yathabhutam pajanati.|| ||

Ayam dukkhanirodho'ti yathabhutam pajanati.|| ||

Ayam dukkhanirodhagaminipatipada'ti yathabhutam pajanati.|| ||

Ime asava'ti yathabhutam pajanati.|| ||

Ayam asavanirodho'ti yathabhutam pajanati.|| ||

Ayam asavanirodhagaminipatipada'ti yathabhutam pajanati.

92. Tassa evam janato evam passato kamasava'pi cittam vimuccati, bhavasava'pi cittam vimuccati, avijjasava'pi cittam vimuccati.|| ||

Vimuttasmim vimuttamiti nanam hoti.|| ||

Khina jati, vusitam brahmacariyam, katam kariniyam naparam itthattayati pajanati.|| ||

Yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti so idam dukkhan ti yathabhutam pajanati.|| ||

Ayam dukkhanirodhagaminipatipada'ti yathabhutam pajanati.|| ||

Ime asava'ti yathabhutam pajanati.|| ||

Ayam asavasamudayo'ti yathabhutam pajanati.|| ||

Ayam asavanirodho'ti yathabhutam pajanati.|| ||

Ayam asavanirodhagaminipatipada'ti yathabhutam pajanati.|| ||

Tassa evam janato evam passato kamasava pi cittam vimuccati bhavasava pi cittam vimuccati avijjasa vapi cittam vimuccati.|| ||

Vimuttasmim vimuttamiti nanam hoti.|| ||

Khina jati vusitam brahmacariyam katam karaniyam naparam itthattayati pajanati, idampi'ssa hoti pannaya.

93. Ayam kho manava so ariyo pannakkhandho yassa so Bhagava vannavadi ahosi, yattha ca imam janatam samadapesi nivesesi patitthapesi.|| ||

N'atthi cevettha uttarim karaniyanti.

94.|| ||

[210] acchariyam bho Ananda, abbhutam bho Ananda, so cayam bho Ananda ariyo pannakkhandho paripunno.|| ||

Evamparipunnancaham bho Ananda ariyam pannakkhandham ito bahiddha annesu samanabrahmanesu na samanupassami.|| ||

Natti c'ettha uttarim karaniyanti.|| ||

Abhikkantam bho Ananda, abhikkantam bho Ananda, seyyatha pi bho Ananda, nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya cakkhumanto rupani dakkhintiti, evam eva kho bhota Anandena aneka-pariyayena dhammo pakasito.|| ||

Esaham bho Ananda, Bhagavantam Gotamam saranam gacchami dhammanca bhikkhu-sanghan ca.|| ||

Upasakam mam bhavam Anando dharetu ajjatagge panupetam saranam gatanti.


Contact:
E-mail
Copyright Statement