Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 13

Tevijja Suttantam

Adapted from the digital version of the Sri Lanka Buddha Jayanti Tripitaka Series

 


 

[1][bs][pts] Evam me sutam:|| ||

ekam samayam Bhagava Kosalesu carikam caramano mahata bhikkhu-sanghena saddhim panca-mattehi bhikkhu-satehi yena manasakatam nama kosalanam brahmanagamo tadavasari.|| ||

Tatra sudam Bhagava manasakate viharati uttarena manasakatassa aciravatiya nadiya tire Ambavane.|| ||

2. Tena kho pana samayena sambahula abhinnata abhinnata brahmanamahasala manasakate pativasati.|| ||

Seyyathidam: canki brahmano tarukkho brahmano pokkharasati brahmano janussoni brahmano todeyyo brahmano, anne ca abhinnata abhinnata brahmanamahasala.|| ||

3. Atha kho vasettha - bharadvajanam janghaviharam anucankamantanam anuvicarantanam maggamagge katha udapadi.|| ||

Atha kho vasettho manavo evam aha: 'ayameva ujumaggo ayamanjasayano niyyaniko niyyati takkarassa bramhasahavyataya yvayam akkhato brahmanena pokkharasatina'ti.|| ||

4. Bharadvajo manavo evam aha: ayameva ujumaggo [236] ayamanjasayano niyyaniko niyyani takkarassa brahmasahavyataya yvayam akkhato brahmanena tarukkhena'ti.|| ||

N'eva khvasakkhi vasettho manavo bharadvajam manavam sannapetu.|| ||

Na panasakkhi bharadvajo manavo vasettham manavam sannapetum.|| ||

5. Atha kho vasettho manavo bharadvajam manavam amantesi: ayam kho bharadvaja, Samano Gotamo Sakyaputto Sakyakula pabbajito manasakate viharati uttarena manasakatassa aciravatiya nadiya tire Ambavane.|| ||

Tam kho pana bhavantam Gotamam evam kalyano kittisaddo abbhuggato: iti pi so Bhagava araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava'ti ayama bho bharadvaja yena Samano Gotamo ten'upasankamissama.|| ||

Upasankamitva etam attham samanam Gotamam pucchissama.|| ||

Yatha no Samano Gotamo byakarissati tatha nam dharessamati.|| ||

'Evambho'ti kho bharadvajo kho bharadvajo manavo vasetthassa manavassa paccassosi.|| ||

6. Atha kho vasetthabharadvaja manava yena Bhagava ten'upasankamimsu.|| ||

Upasankamitva Bhagavata saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinno kho vasettho manavo Bhagavantam etad avoca: "idha bho Gotama amhakam janghaviharam anucankamantanam anuvivarantanam maggamagge katha udapadi.|| ||

Aham evam vadami: 'ayameva ujumaggo ayamanjasayano niyyaniko niyyati takkarassa brahmasahavyataya yvayam akkhato brahmanena pokkharasatina'ti.|| ||

Bharadvajo manavo evam aha: 'ayameva ujumaggo ayamanjasayano niyyaniko niyyati takkarassa brahmasahavyataya yvayam akkhato brahmanena tarukkhena'ti.|| ||

Ettha bho Gotama attheva viggaho atthi vivado atthi nanavado" ti.|| ||

7. [237] "Iti kira vasettha tvam evam vadesi: ayameva ujumaggo ayamanjasayano niyyaniko niyyani takkarassa brahmasahavyataya yvayam akkhato brahmanena pokkharasatina'ti.|| ||

Bharadvajo manavo evam aha: ayameva ujumaggo ayamanjasayano niyyaniko niyyati takkarassa brahmasahavyataya yvayam akkhato brahmanena tarukkhenati.|| ||

Atha kismim pana vo vasettha viggaho? Kismim vivado? Kismim nanavado?" ti.|| ||

8. "Maggamagge bho Gotama.|| ||

Kincapi bho Gotama brahmana nanamagge pannapenti addhariya brahmana, tittiriya brahmana.|| ||

Chandoka brahmana, bavahirica brahmana, atha kho sabbani tani niyyanikani niyyanti takkarassa brahmasahavyataya.|| ||

seyyatha pi bho Gotama gamassa va nigamassa va avidure bahuni ce pi nanamaggani bhavanti, atha kho sabbani tani gamasamosaranani bhavanti.|| ||

Evam eva kho bho Gotama kincapi brahmana nanamagge pannapenti addhariya brahmana, tittiriya brahmana, chandoka brahmana, bavahirica brahmana, atha kho sabbani tani niyyanikani niyyanti takkarassa brahmasahavyataya" ti.|| ||

9. "Niyyantiti vasettha vadesi?".|| ||

"Niyyantiti bho Gotama vadami".|| ||

"Niyyantiti vasettha vadesi?".|| ||

"Niyantiti bho Gotama vadami."|| ||

"Niyyantiti vasettha vadesi?".|| ||

"Niyyantiti bho Gotama vadami."|| ||

10. [238] "kim pana vasettha atthi koci tevijjanam brahmananam ekabrahmano pi yena Brahma sakkhi dittho?" ti.|| ||

"No h'idam bho Gotama."|| ||

"Kim pana vasettha atthi koci tevijjanam brahmananam ekacariyo pi yena Brahma sakkhi dittho?" ti.|| ||

"Noh'idam bho Gotama".|| ||

"Kim pana vasettha atthi koci tevijjanam brahmananam yava sattama acariyamahayuga yena Brahma sakkhi dittho?" ti.|| ||

"No h'idam bho Gotama".|| ||

"Kim pana vasettha ye pi tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samuhitam tadanugayanti tadanubhasanti bhasitamanubhasanti vacitamanuvacenti, seyyathidam: attako vamako vamadevo vessamitto yamataggi angiraso bharadvajo vasettho Kassapo bhagu, te'pi evam ahamsu: mayame tam janama mayame tam passama yattha va Brahma yena va Brahma yahim va Brahma'ti?".|| ||

"No h'idam bho Gotama."|| ||

11. "Iti kira vasettha n'atthi koci tevijjanam brahmananam ekabrahmano pi yena Brahma sakkhi dittho.|| ||

N'atthi koci tevijjanam brahmananam ekacariyo pi yena Brahma sakkhidittho.|| ||

N'atthi koci tevijjanam brahmananam ekacariyapacariyo pi yena Brahma sakkhidittho.|| ||

N'atthi [239] koci tevijjanam brahmananam yava sattama acariyamahayuga yena Brahma sakkhi dittho-.|| ||

Ye pi kira tevijjanam brahmananam pubbaka isayo mantanam kattaro mantanam pavattaro, yesamidam etarahi tevijja brahmana poranam mantapadam gitam pavuttam samuhitam tadanugayanti tadanubhasanti bhasitamanubhasanti vacitamanuvacenti, seyyathidam: attako vamako vamadevo vessamitto yamataggi angiraso bharadvajo vasettho Kassapo bhagu, te'pi evam ahamsu: mayame tam janama mayame tam passama yattha va Brahma yena va Brahma yahim va Brahma'ti.|| ||

Te vata tevijja brahmana evam ahamsu: yam mayam na janama yam na passama, tassa sahavyataya maggam desema: ayameva ujumaggo ayamanjasayano niyyaniko niyyati takkarassa brahmasahavyataya'ti.|| ||

12. Tam kim mannasi vasettha, tanu evam sante tevijjanam brahmananam appatihirakatam bhasitam sampajjati?" ti.|| ||

"Addha kho bho Gotama, evam sante tevijjanam brahmananam appatihirakatam bhasitam sampajjati" ti.|| ||

13. Sadhu vasettha.|| ||

Te vata vasettha tevijja brahmana yam na jananti yam na passanti tassa sahavyataya maggam desessanti: 'ayameva ujumaggo ayamanjasayano niyyaniko niyyani takkarassa brahmasahavyataya'ti n'etam thanam vijjati.|| ||

seyyatha pi vasettha andhaveniparamparam samsatta purimo pi na passati majjhimo pi na passati pacchimo pi na passati, evam eva kho vasettha andhavenupamam manne tevijjanam brahmananam bhasitam.|| ||

Purimo pi na [240] passati.|| ||

Majjhimo pi na passati.|| ||

Pacchimo pi na passati.|| ||

Tesamidam tevijjanam brahmananam bhasitam bhassakam yeva sampajjati, namakam yeva sampajjati.|| ||

Rittakam yeva sampajjati, tucchakam yeva sampajjati.|| ||

14. "Tam kim mannasi vasettha, passanti tevijja brahmana candimasuriye anne capi bahu jana, yato ca candimasuriya uggacchanti, yattha ca ogacchanti, ayacanti, thomayanti, panjalika namassamana anuparivattanti?" ti.|| ||

"Evam bho Gotama.|| ||

Passanti tevijja brahmana candimasuriye anne capi bahujana, yato ca candimasuriya uggacchanti yattha ca ogacchanti, ayacanti, thomayanti, panjalika namassamana anuparivattanti" ti.|| ||

15. "Tam kim mannasi vasettha, yam passanti tevijja brahmana candimasuriye anne capi bahujana, yato ca candimasuriya uggacchanti, yattha ca ogacchanti, ayacanti thomayanti panjalika namassamana anuparivattanti, pahonti tevijja brahmana candima-suriyanam sahavyataya maggam desetum: ayameva ujumaggo ayamanjasayano niyyaniko niyyati takkarassa candima-suriyanam sahavyataya?" ti.|| ||

"No h'idam bho Gotama.".|| ||

16. Iti kira vasettha yam passanti tevijja brahmana candimasuriye, anne capi bahu jana, yato ca candimasuriya uggacchanti, yattha ca ogacchanti, ayacanti thomayanti panjalika namassamana anuparivattanti, te'pi nappahonti candima-suriyanam sahavyataya maggam desetum: ayameva ujumaggo ayamanjasayano niyyaniko niyyani takkarassa candima-suriyanam sahavyatayati.|| ||

Kim pana, na kira tevijjehi brahmanehi Brahma sakkhi dittho.|| ||

Na pi kira tevijjanam brahmananam acariyehi Brahma sakkhidittho.|| ||

Na pi kira tevijjanam [241] brahmananam acariyapacariyehi Brahma sakkhidittho.|| ||

Na pi kira tevijjanam brahmananam yava sattama acariyamahayugehi Brahma sakkhidittho.|| ||

"Ye pi kira tevijjanam brahmananam pubbaka isayo mantanam kattaro mantanam pavattaro, yesamidam etarahi tevijja brahmana poranam mantapadam gitam pavuttam samuhitam, tadanugayanti tadanubhasanti bhasitamanubhasanti vacitamanuvacenti, seyyathidam: attako vamako vamadevo vessamitto yamataggi angiraso bharadvajo masettho Kassapo bhagu.|| ||

Te pi na evam ahamsu: mayame tam janama, mayame tam passama, yattha va Brahma yena va Brahma yahim va Brahma'ti.|| ||

Te vata tevijja brahmana evam ahamsu: yam na janama yam na passama, tassa sahavyataya maggam desema: ayameva ujumaggo ayamanjasayano niyyaniko niyyati takkarassa brahmasahavyataya" ti.|| ||

"Tam kim mannasi vasettha, nanu evam sante tevijjanam brahmananam appatihirakatam bhasitam sampajjati?" ti.|| ||

"Addha kho bho Gotama evam satte tevijjanam brahmananam appatihirakatam bhasitam sampajjati" ti.|| ||

17. "Sadhu vasettha.|| ||

Te vata vasettha tevijja brahmana yam na jananti yam na passanti tassa sahavyataya maggam desessanti: ayameva ujumaggo ayamanjasayano niyyaniko niyyani takkarassa brahmasabhavyatayati n'etam thanam vijjati'ti.|| ||

18. seyyatha pi vasettha puriso evam vadeyya: aham kho ya imasmim janapade janapadakalyani, tam icchami tam kamemiti.|| ||

Tam enam evam vadeyyum: ambho purisa, yam tvam janapadakalyanim icchasi kamesi, janasi tam janapadakalyanim khattayi va brahmani va vessi va suddi va?' ti iti puttho 'no'ti vadeyya tam enam evam vadeyyum: "ambho purisa yam tvam janapadakalyanim na janasi, na passasi, [242] evamnama va evamgotta va, digha va rassa va majjhima va ka'i va sama va manguracchavi va'ti, amukasmim game va nigame va nagare va" ti.|| ||

Iti puttho 'no'ti vadeyya.|| ||

Tam enam evam vadeyyum: "ambho purisa yam tvam na janasi, na passasi, tam tvam icchasi kamesi" ti.|| ||

Iti puttho 'amo'ti vadeyya.|| ||

Tam kim mannasi vasettha nanu evam sante tassa purisassa appatihirakatam bhasitam sampajjati?" ti.|| ||

"Addha kho bho Gotama tassa purisassa appatibhirakatam bhasitam sampajjati" ti.|| ||

19. Evam eva kho vasettha na kira tevijjehi brahmanehi Brahma sakkhi dittho.|| ||

Napi kira tevijjanam brahmananam acariyehi Brahma sakkhi dittho.|| ||

Napi kira tevijjanam brahmananam acariyapacariyehi Brahma sakkhi dittho.|| ||

Napi kira tevijjanam brahmananam yava sattama acariyamahayugehi Brahma sakkhi dittho.|| ||

Ye pi kira tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samuhitam tadanugayanti tadanubhasanti bhasitamanubhasanti vacitamanuvacenti, seyyathidam attako vamako vamadevo vessamitto yamataggi angiraso bharadvajo vasettho Kassapo bhagu, te'pi na evam ahamsu: mayame tam janama mayame tam passama yattha va Brahma yena va Brahma yahim va Brahma'ti.|| ||

Te vata tevijja brahmana evam ahamsu: yam na janama yam na passama, tassa sahavyataya maggam desema: ayameva ujumaggo ayamanjasayano niyyaniko niyyati takkarassa brahmasahavyataya'ti.|| ||

Tam kim mannasi vasettha, nanu evam sante tevijjanam brahmananam appatihirakatam bhasitam sampajjati?" ti.|| ||

"Addha kho bho Gotama evam sante tevijjanam brahmananam appatihirakatam bhasitam sampajjati" ti.|| ||

20. Sadhu vasettha.|| ||

Te vata vasettha, tevijja brahmana yam na jananti, yam na passanti, tassa sahavyataya [243] maggam desessanti: ayameva ujumaggo ayamanjasayano niyyaniko niyyani takkarassa brahmasahavyataya'ti n'etam thanam vijjati'ti.|| ||

21. seyyatha pi vasettha puriso catummahapathe nissenim kareyya pasadassa arohanaya, tam enam evam vadeyyum: ambho purisa yassa tvam pasadassa arohanaya nissenim karosi, janasi tam pasadam puratthimaya va disaya dakkhinayava disaya pacchimaya va disaya uttaraya va disaya, ucco va nico va majjhimo va'?Ti iti puttho 'no'ti vadeyya, tam enam evam vadeyyum: ambho purisa yam tvam na janasi na passasi tassa tvam pasadassa arohanaya nissenim karosi?Ti.|| ||

Iti puttho 'amo'ti vadeyya.|| ||

Tam kim mannasi vasettha, tanu evam sante tassa purisassa appatihirakatam bhasitam sampajjati?" ti.|| ||

"Addha kho bho Gotama evam sante tassa purisassa appatihirakatam bhasitam sampajjati" ti.|| ||

22. Evam eva kho vasettha na kira tevijjahi brahmanehi Brahma sakkhi dittho napi kira tevijjanam brahmananam acariyehi Brahma sakkhi dittho.|| ||

Napi kira tevijjanam brahmananam acariyapacariyehi Brahma sakkhi dittho.|| ||

Napi kira tevijjanam brahmananam yava sattama acariyamahayugehi Brahma sakkhi dittho.|| ||

Ye pi kira tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samuhitam tadanugayanti tadanubhasanti bhasitamanubhasanti vacitamanuvacenti, seyyathidam: attako vamako vamadevo vessamitto yamataggi angiraso bharadvajo vasettho Kassapo bhagu, te'pi na evam ahamsu: mayame tam janama mayame tam passama yattha va Brahma yena va Brahma yahim va Brahma'ti.|| ||

Te vata tevijja brahmana evam ahamsu: yam na janama yam na passama, tassa sahavyataya [244] maggam desema: ayameva ujumaggo ayamanjasayano niyyaniko niyyati takkarassa brahmasahavyataya'ti.|| ||

Tam kim mannasi vasettha, nanu evam sante tevijjanam brahmananam appatihirakatam bhasitam sampajjati?" ti.|| ||

"Addha kho bho Gotama evam sante tevijjanam brahmananam appatihirakatam bhasitam sampajjati" ti.|| ||

23. Sadhu vasettha.|| ||

Te vata vasettha, tevijja brahmana yam na jananti, yam na passanti, tassa sahavyataya maggam desessanti: ayameva ujumaggo ayamanjasayano niyyaniko niyyani takkarassa brahmasahavyataya'ti n'etam thanam vijjati'ti.|| ||

24. seyyatha pi vasettha ayam aciravati nadi pura udakassa samatittika kakapeyya, atha puriso agaccheyya paratthiko paragacesi pagami param taritukamo, so orime tire thito parimam tiram avheyya: ehi paraparam, ehi paraparanti, tam kim mannasi vasettha api nu tassa purisassa avhayanahetu va ayacanahetu va patthanahetu va abhinandanahetu va aciravatiya nadiya parimam tiram orimam tiram agaccheyya?" ti.|| ||

"No h'idam bho Gotama".|| ||

25. Evam eva kho vasettha tevijja brahmana ye dhamma brahmana karana te dhamme pahaya vattamana, ye dhamma abrahmanakarana te dhamme samadaya vattamana evam ahamsu: indamavhayama, somamahvayama, varunamavhayama, isanamavhayama, pajapatimavhayama, brahamamavhayama, mahindamavhayama, yamamavhayama'ti.|| ||

Te vata vasettha tevijja [245] brahmana ye dhamma brahmanakarana te dhamme pahaya vattamana, ye dhamma abrahmanakarana te dhamme samadaya vattamana, avhanahetu va ayacanahetu va patthanahetu vaabhinandanahetu va kayassa bheda param marana brahmuno sahavyupaga bhavissantiti n'etam thanam vijjati.|| ||

26. seyyatha pi vasettha ayam aciravati nadi pura udakassa samatittika kakapeyya, atha puriso agaccheyya paratthiko paragacesi pagami param taritukamo, so orime tire dalhaya anduya pacchabaham galhabandhanam baddho, tam kim mannasi vasettha, api nu so puriso aciravatiya nadiya orima tira parimam tiram gaccheyya?" ti.|| ||

"No h'idam bho Gotama".|| ||

27. "Evam eva kho vasettha pancime kamaguna ariyassa vinaye andu' ti pi vuccanti bandhanantipi vuccanti.|| ||

Katame panca? Cakkhuvinneyya rupa ittha kanta manapa piyarupa kamupasamhita rajaniya.|| ||

Sotavinneyya sadda ittha kanta manapa piyarupa kamupasamhita rajaniya.|| ||

Ghanavinneyya gandha ittha kanta manapa piyarupa kamupasamhita rajaniya.|| ||

Jivhavinneyya rasa ittha kanta manapa piyarupa kamupasamhita rajaniya.|| ||

Kayavinneyya photthabba ittha kanta manapa piyarupa kamupasamhita rajaniya.|| ||

Ime kho vasettha panca kamaguna ariyassa vinaye andu' ti pi vuccanti bandhanan' ti pi vuccanti.|| ||

Ime kho vasettha panca kamagune tevijja brahmana gathita mucchita ajjhopanna anadinavadassavino anissaranapanna paribhunjanti.|| ||

28. Te vata vasettha tevijja brahmana ye dhamma brahmanakarana te dhamme pahaya vattamana, ye [246] dhamma abrahmanakarana te dhamme samadaya vattamana, panca kamagune gathita mucchita ajjhopanna anadinavadassavino anissaranapanna paribhunjanna kamandubandhanabaddha kayassa bheda param marana brahmuno sabhavyupaga bhavissantiti n'etam thanam vijjati.|| ||

29. seyyatha pi vasettha ayam aciravati nadi pura udakassa samatittika kakapeyya, atha puriso agaccheyya paratthiko paragavesi paragami param taritukamo, so orime tire sasisam parupitva nipajjeyya, tam kim mannasi vasettha, api nu so puriso aciravatiya nadiya orima tira parimam tiram gaccheyya ti.|| ||

"No h'idam bho Gotama".|| ||

30. Evam eva kho vasettha pancime nivarana ariyassa vinaye avarana' ti pi vuccanti, nivarana' ti pi vuccanti, onaha' ti pi vuccanti.|| ||

Pariyonaha' ti pi vuccanti.|| ||

Katame panca? Kamacchandanivaranam vyapadanivaranam thinamiddhanivaranam uddhaccakukkuccanivaranam vicikicchanivaranam.|| ||

Ime kho vasettha pancanivarana ariyassa vinaye avarana' ti pi vuccanti, nivarana' ti pi vuccanti, onaha' ti pi vuccanti, pariyonaha' ti pi vuccanti.|| ||

Imehi kho vasettha pancahi nivaranehi tevijja brahmana avuta nivuta ovuta pariyonaddha.|| ||

Te vata vasettha tevijja brahmana ye dhamma brahmanakarana te dhamme pahaya vattamana, ye dhamma abrahmanakarana te dhamme samadaya vattamana, panca nivaranehi avuta nivuta ovuta pariyonaddha kayassa bheda param marana brahmuno [247] sahavyupaga bhavissan' ti pi n'etam thanam vijjati.|| ||

31. Tam kim mannasi vasettha, kinti te sutam brahmananam vuddhanam mahallakanam acariyapacariyanam bhasamananam:.|| ||

"Sapariggaho va Brahma apariggaho va" ti.|| ||

"Apariggaho bho Gotama.".|| ||

"Saveracitto va averacitto va?" ti.|| ||

"Averacitto bho Gotama.".|| ||

"Savyapajjhacitto va avyapajjhacitto va?" ti.|| ||

"Avyapajjhacitto bho Gotama.".|| ||

"Sankilitthacitto va asankilittha-citto va?" ti.|| ||

"Asankilittha-citto bho Gotama.".|| ||

"Vasavatti va avasavatti va?" ti.|| ||

"Vasavatti bho Gotama.".|| ||

32. Tam kim mannasi vasettha, sapariggaha va tevijja brahmana apariggaha va?" ti.|| ||

"Sapariggaha bho Gotama.".|| ||

"Saveracitta va averacitta va?" ti.|| ||

"Saveracitta bho Gotama.".|| ||

"Savyapajjhacitta va avyapajjhacitta va?" ti.|| ||

"Savyapajjhacitta bho Gotama.".|| ||

"Sankilitthacitta va asankilitthacitta va?" ti.|| ||

"Sankilitthacitta bho Gotama.".|| ||

"Vasavatti va avasavatti va?" ti.|| ||

"Avasavatti bho Gotama.".|| ||

33. Iti kira vasettha sapariggaha tevijja brahmana.|| ||

Apariggaho Brahma.|| ||

Api nu kho sapariggahanam tevijjanam brahmananam apariggahena brahmuna saddhim samsandati sameti?" ti.|| ||

"No h'idam bho Gotama.".|| ||

Sadhu vasettha.|| ||

Te vata vasettha sapariggaha tevijja brahmana kayassabheda param marana apariggahassa [248] brahmuno sahavyupaga bhavissantiti n'etam thanam vijjati.|| ||

34. Iti kira vasettha saveracitta tevijja brahmana.|| ||

Averacitto Brahma.|| ||

Api nukho averacittanam tevijjam brahmananam averacittena brahmuna saddhim samsandati sameti?" ti.|| ||

"No h'idam bho Gotama.".|| ||

Sadhu vasettha.|| ||

Te vata vasettha saceracitta tevijja brahmana kayassabheda param marana avera cittassa brahmuno sahavyupaga bhavissantiti n'etam thanam vijjati.|| ||

35. Iti kira vasettha savyapajjhacitta tevijja brahmana.|| ||

Avyapajjhacitto Brahma.|| ||

Api nukho savyapajjhacittanam tevijjanam brahmananam avyapajjhacittena brahmuna saddhim samsandati sameti?" ti.|| ||

"No h'idam bho Gotama.".|| ||

Sadhu vasettha.|| ||

Te vata vasettha savyapajjhacitta tevijja brahmana kayassa bhedaparam marana avyapajjhacittassa brahmuno sahavyupaga bhavissantiti n'etam thanam vijjati.|| ||

36. Iti kira vasettha samkilitthacitta tevijja brahmana.|| ||

Asamkilitthacitto Brahma.|| ||

Api nu kho samkilitthacittanam tevijjanam brahmananam asamkilitthacittena brahmuna saddhim samsandati sameti?" ti.|| ||

"No h'idam bho Gotama.".|| ||

Sadhu vasettha.|| ||

Te vata vasettha samkilitthacitta tevijja brahmana kayassa bheda param marana asamkilitthacittassa buhmuno sahavyupaga bhavissantiti n'etam thanam vijjati.|| ||

37. Iti kira vasettha avasavatti tevijja brahmana.|| ||

Vasavatti Brahma.|| ||

Api nu kho avasavattinam tevijjanam brahmananam vasavattina brahmuno saddhim samsandati sameti?'Ti.|| ||

"No h'idam bho Gotama".|| ||

Sadhu vasettha.|| ||

Te vata vasettha avasavatti tevijja brahmana kayassa bheda param marana vasavattissa brahmuno sahavyupaga bhavissantiti n'etam thanam vijjati.|| ||

Idha kho pana te vasettha tevijja brahmana asiditva samsidanti, samsiditva visadam va papunanti.|| ||

Sukkhataranam manne pataranti.|| ||

Tasma idam tevijjanam brahmananam tevijjam iranan' ti vuccati.|| ||

Tevijjam vipinan' ti pi vuccati.|| ||

Tevijjam vyasanan' ti pi vuccati" ti.|| ||

38. Evam vutte vasettho manavo Bhagavantam etad avoca: "sutam me tam bho Gotama, Samano Gotamo brahmuno sahavyataya maggam janati" ti.|| ||

Tim kim mannasi vasettha asanena ito manasakatam, nayito dure manasakatanti?".|| ||

"Evam bho Gotama.|| ||

Asanena ito manasakatam.|| ||

Nayito dure manasakatanti.".|| ||

39. Tam kim mannasi vasettha, idhassa puriso manasakate jatavaddho, tam enam manasakatato tavadeva [249] avasatam manasakatassa maggam puccheyyum, siya nu kho vasettha tassa purisassa manasakate jatavaddhassa manasakatassa maggam putthassa dandhayitattam va vitthayitattam va?" ti.|| ||

"No h'idam bho Gotama.|| ||

Tam kissa hetu? Asu hi bho Gotama puriso manasakate jatavaddho.|| ||

Tassa sabban'eva manasakatassa maggani suviditani" ti.|| ||

40. "Siya kho vasettha tassa purisassa manasakate jatavaddhassa manasakatassa maggam putthassa dandhayitattam va vitthayitattam va, nattheva Tathagatassa brahmaloke va brahmalokagaminiya va patipadaya putthassa dandhayitattam va vitthayitattam va.|| ||

Brahmanancaham vasettha pajanami brahmalokan ca brahmalokagamininca patipadam.|| ||

Yathapatipanno brahmalokam upapanno, tan capajanami" ti.|| ||

41. Evam vutte vasettho manavo Bhagavantam etad avoca: "sutam me tam bho Gotama 'Samano Gotamo brahmuno sahavyataya maggam deseti'ti.|| ||

Sadhu no bhavam Gotamo brahmuno sahavyataya maggam desetu.|| ||

Ullumpatu bhavam Gotamo brahmanim pajan" ti.|| ||

"Tena hi vasettha sunahi.|| ||

Sadhukam manasikarohi.|| ||

Bhasissami" ti.|| ||

"Tena hi vasettha sunahi.|| ||

Sadhukam manasikarohi.|| ||

Bhasissami" ti.|| ||

'Evam bho'ti kho vasettho manavo Bhagavato paccassosi.|| ||

Bhagava etad avoca:.|| ||

42. Idha vasettha Tathagato loko uppajjati araham Samma-sambuddho vijja-carana-sampanno sugato loka-vidu [250] anuttaro purisa-damma-sarathi sattha deva-manussanam buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham.|| ||

Brahmacariyam pakaseti.|| ||

43(29). Tam dhammam sunati gahapati va gahapatiputto va annatarasmim va kule paccajato.|| ||

So tam dhammam sutva tathagate saddham patilabhati.|| ||

So tena saddhapatilabhena samannagato iti patisamcikkhati: 'sambadho gharavaso rajapatho.|| ||

Abbhokaso pabbajja.|| ||

Nayidam sukaram agaram ajjhavasata ekantaparipunnam ekantaparisuddham samkhalikhitam brahmacariyam caritum.|| ||

Yannunaham kesamassum oharetva kasayani vatthani acchadetva agarasma anagariyam pabbajeyya'nti.|| ||

44. So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano patimokkha-samvara-samvuto viharati acara-gocara-sampanno anumattesu vajjesu bhaya-dassavi.|| ||

Samadaya sikkhati sikkhapadesu kayakammavacikammena samannagato kusalena.|| ||

Parisuddhajivo silasampanno indriyesu guttadvaro bhojane mattannu satisampajannesu samannagato santuttho.|| ||

45(29). Kathan ca vasettha bhikkhu silasampanno hoti? Idha vasettha bhikkhu panatipatam pahaya panatipata pativirato hoti nihita-dando nihita-sattho lajji dayapanno.|| ||

Sabbapanabhutahitanukampi viharati.|| ||

Idam pi'ssa hoti silasmim.|| ||

Adinnadanam pahaya adinnadana pativirato hoti dinnadayi dinna-patikankhi.|| ||

Athenena suci-bhutena attana viharati.|| ||

Idam pi'ssa hoti silasmim.|| ||

Abrahmacariyam pahaya brahmacari hoti ara-cari virato methuna gama-dhamma.|| ||

Idam pi'ssa hoti silasmim.|| ||

Musa-vadam pahaya musa-vada pativirato hoti sacca-vadi sacca-sandho theto paccayiko avisamvadako lokassa.|| ||

Idam pi'ssa hoti silasmim.|| ||

Pisunam vacam pahaya pisunaya vacaya pativirato hoti.|| ||

Ito sutva na amutra akkhata imesam bhedaya.|| ||

Amutra va sutva na imesam akkhata amusam bhedaya.|| ||

Iti bhinnanam va sandhata, sahitanam va anuppadata samaggaramo samagga-rato samagganandim samagga-karanim vacam bhasita hoti.|| ||

Idam pi'ssa hoti silasmim.|| ||

Vacam pahaya pharusaya vacaya pativirato hoti.|| ||

Ya sa vaca ne'a kanna-sukha pemaniya hadayan-gama pori bahujana-kanta bahujana-manapa, tatharupam vacam bhasita hoti.|| ||

Idam pi'ssa hoti silasmim.|| ||

Samphappalapam pahaya samphappalapa pativirato hoti kala-vadi bhuta-vadi attha-vadi dhamma-vadi vinaya-vadi.|| ||

Nidhanavatim vacam bhasita hoti kalena sapadesam pariyantavatim atthasanhitam.|| ||

Idam pi'ssa hoti silasmim.|| ||

46(30). Bijagama-bhutagama-samarambha pativirato hoti.|| ||

Eka-bhattiko hoti rattuparato pativirato vikala-bhojana.|| ||

Nacca-gita-vadita-visuka-dassana pativirato hoti.|| ||

Malagandhavilepanadharanamandanavibhusanatthana pativirato hoti.|| ||

Uccasayana-mahasayana pativirato hoti.|| ||

Jatarupa-rajata-patiggahana pativirato hoti.|| ||

Amaka-dhanna-patiggahana pativirato hoti.|| ||

Amakamamsapatigggahana pativirato hoti.|| ||

Itthi-kumarika-patiggahana pativirato hoti.|| ||

Dasi-dasa-patiggahana pativirato hoti.|| ||

Aj-e'aka-patiggahana pativirato hoti.|| ||

Kukkuta-sukara-patiggahana pativirato hoti.|| ||

Hatthigavassava'ava patiggahana pativirato hoti.|| ||

Khetta-vatthu-patiggahana pativirato hoti.|| ||

Duteyyapahena gamananuyoga pativirato hoti.|| ||

Kaya-vikkaya pativirato hoti.|| ||

Tulakuta-kamsakuta-manakuta9 pativirato hoti.|| ||

Ukkotanavan cananikatisaci yoga pativirato hoti.|| ||

Chedana-vadhabandhana-viparamosa-alopa-sahasakara pativirato hoti.|| ||

Idam pi'ssa hoti silasmim.|| ||

Cullasilam nitthitam.|| ||

47(31). Yatha va pan'eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham anuyutta viharanti, seyyathidam: mula-bijam khandha-bijam phalu-bijam agga-bijam bijabijameva pancamam.|| ||

Iti va iti evarupa bijagama-bhutagama-samarambha pativirato hoti.|| ||

Idam pi'ssa hoti silasmim.|| ||

32. 48(32) Yatha va pan'eke bhonto samana-brahmana saddha-deyyani bhojanani bhunjitva te evarupam sannidhi-kara-paribhogam anuyutta viharanti, seyyathidam: anna-sannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim.|| ||

Iti va iti evarupa sannidhi-kara-paribhoga pativirato hoti.|| ||

Idam pi'ssa hoti silasmim.|| ||

49(33). Yatha va pan'eke bhonto samana-brahmana saddha-deyyani bhojanani bhunjitva te evarupam visukadassanam anuyutta viharanti, seyyathidam: naccam gitam vaditam pekkham akkhatam panissaram vetalam kumbhathunam Sobha-nagarakam candalam vamsam dhopanakam hatthi-yuddham assa-yuddham mahisayuddham usabhayuddham ajayuddham mendayuddham kukkutayuddham vattakayuddham danda-yuddham mutthi-yuddham nibBuddham uyyodhikam balaggam senabyuham anikadassanam.|| ||

Iti va iti evarupa visuka-dassana pativirato hoti.|| ||

Idam pi'ssa hoti silasmim.|| ||

50(34). Yatha va pan'eke bhonto samana-brahmana saddha-deyyani bhojanani bhunjitva te evarupam juta-ppamada-tthananuyogam anuyutta viharanti, seyyathidam: attha-padam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulakam pattalhakam rathakam dhanukam akkharikam manesikam yatha-vajjam.|| ||

Iti va iti evarupa juta-ppamada-tthananuyoga pativirato hoti.|| ||

Idam pi'ssa hoti silasmim.|| ||

51(35). Yatha va pan'eke bhonto samana-brahmana saddha-deyyani bhojanani bhunjitva te evarupam ucca-sayana-mahasayanam anuyutta viharanti, seyyathidam: asandim pallankam gonakam cittakam patikam patalikam tulikam vikatikam udda-lomim ekanta-lomim katthi'ssam koseyyam kuttakam hatthattharam assattharam rathattharam ajina-ppavenim kadali-miga-pavara-pacc'attharanam sa-uttara-cchadam ubhato-lohitakupadhanam.|| ||

Iti va iti evarupa uccasayana-mahasayana pativirato hoti.|| ||

Idam pi'ssa hoti silasmim.|| ||

52(36). Yatha va pan'eke bhonto samana-brahmana saddha-deyyani bhojanani bhunjitva te evarupam mandana-vibhusana-tthananuyogam anuyutta viharanti, seyyathidam: ucchadanam parimaddanam nahapanam sambahanam adasam anjanam mala-vilepanam mukkha-cunnakam mukhalepanam hattha-bandham sikha-bandham dandakam nalikam khaggam chattam citrupahanam unhisam manim vala-vijanim odatani vatthani digha-dasani.|| ||

Iti va iti evarupa mandana-vibhusana-tthananuyoga pativirato hoti.|| ||

Idam pi'ssa hoti silasmim.|| ||

53(37). Yatha va pan'eke bhonto samana-brahmana saddha-deyyani bhojanani bhunjitva te evarupam tiracchana-katham anuyutta viharanti, seyyathidam: raja-katham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandha-katham nati-katham yana-katham gama-katham nigama-katham nagara-katham janapada-katham itthi-katham purisakatham (kumarakatham kumarikatham) sura-katham visikha-katham kumbhatthana-katham pubba-peta-katham nanatta-katham lokakkhayikam samuddakkhayikam itibhavabhava-katham.|| ||

Iti va iti evarupaya tiracchana-kathaya pativirato hoti.|| ||

Idam pi'ssa hoti silasmim.|| ||

54(38). Yatha va pan'eke bhonto samana-brahmana saddha-deyyani bhojanani bhunjitva te evarupa viggahika-katham anuyutta viharanti, seyyathidam: "na tvam imam Dhamma-Vinayam ajanasi.|| ||

Aham imam Dhamma-Vinayam ajanami.|| ||

Kim tvam imam Dhamma-Vinayam ajanissasi? Miccha-patipanno tvam asi.|| ||

Ahamasmi sammapatipanno.|| ||

Sahitam me, asahitam te.|| ||

Pure vacaniyam paccha avaca.|| ||

Paccha vacaniyam pure avaca.|| ||

Avicinnan4 te viparavattam.|| ||

Aropito te vado.|| ||

Niggahito tvam asi.|| ||

Cara vadappamokkhaya.|| ||

Nibbethehi va sace pahosi" ti.|| ||

Iti va iti evarupaya viggahika-kathaya pativirato hoti.|| ||

Idam pi'ssa hoti silasmim.|| ||

55(39). Yatha va pan'eke bhonto samana-brahmana saddha-deyyani bhojanani bhunjitva te evarupam duteyya-pahina-gamananuyogamanuyrutta viharanti, seyyathidam: rannam raja-mahamattanam khattiyanam brahmananam gahapatikanam kumaranam "idha gaccha.|| ||

Amutragaccha.|| ||

Idam hara.|| ||

Amutra idam ahara" ti.|| ||

Iti va iti evarupa duteyya-pahina-gamananuyoga pativirato hoti.|| ||

Idam pi'ssa hoti silasmim.|| ||

56(40). Yatha va pan'eke bhonto samana-brahmana saddha-deyyani bhojanani bhunjitva te kuhaka ca honti lapaka ca nemittika ca nippesika ca labhena ca labham nijigimsitaro.|| ||

Iti va iti evarupa kuhanalapana pativirato hoti.|| ||

Idam pi'ssa hoti silasmim.|| ||

Majjhimasilam nitthitam.|| ||

57(41). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti, seyyathidam: angam nimittam uppatam supinam lakkhanam musikacchinnam aggi-homam dabbi-homam thusa-homam tandula-homam sappi-homam tela-homam mukhahomam lohita-homam anga-vijja vatthu-vijja khatta-vijja siva-vijja bhuta-vijja bhuri-vijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam saraparittanam migacakkam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

58(42). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti, seyyathidam: mani-lakkhanam vattha-lakkhanam danda-lakkhanam asi-lakkhanam usu-lakkhanam dhanu-lakkhanam avudha-lakkhanam itthi-lakkhanam purisa-lakkhanam kumara-lakkhanam kumarilakkhanam dasa-lakkhanam dasilakkhanam hatthi-lakkhanam assa-lakkhanam mahisa-lakkhanam usabha-lakkhanam go-lakkhanam9 aja-lakkhanam menda-lakkhanam kukkuta-lakkhanam vattakalakkhanam godha-lakkhanam kannika-lakkhanam kacchapa-lakkhanam miga-lakkhanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

59(43). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti seyyathidam: rannam niyyanam bhavissati, rannam aniyyanam bhavissati, abbhantaranam rannam upayanam bhavissati, bahiranam rannam apayanam bhavissati, bahiranam rannam upayanam bhavissati, abbhantaranam rannam apayanam bhavissati, abbhantaranam rannam jayo bhavissati, abbhantaranam rannam parajayo bhavissati.|| ||

Iti imassa jayo bhavissati.|| ||

Imassa parajayo bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

60(44). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: canda-ggaho bhavissati.|| ||

Suriyaggaho bhavissati.|| ||

Nakkhattagaho bhavissati.|| ||

Candima-suriyanam patha-gamanam bhavissati.|| ||

Candima-suriyanam uppatha-gamanam bhavissati.|| ||

Nakkhattanam patha-gamanam bhavissati.|| ||

Nakkhattanam uppatha-gamanam bhavissati.|| ||

Ukkapato bhavissati.|| ||

Disadaho bhavissati.|| ||

Bhumi-calo bhavissati.|| ||

Deva-dundubhi bhavissati.|| ||

Candima-suriya-nakkhattanam uggamanam ogamanam samkilesam vodanam bhavissati.|| ||

Evam-vipako canda-ggaho bhavissati.|| ||

Evam-vipako suriya-ggaho bhavissati.|| ||

Evam-vipako nakkhatta-ggaho bhavissati.|| ||

Evamvipakam candima-suriyanam patha-gamanam bhavissati.|| ||

Evamvipakam candima-suriyanam uppatha-gamanam bhavissati.|| ||

Evamvipakam nakkhattanam patha-gamanam bhavissati.|| ||

Evamvipakam nakkhattanam uppatha-gamanam bhavissati.|| ||

Evam-vipako ukka-pato bhavissati.|| ||

Evam-vipako disa-daho bhavissati.|| ||

Evam-vipako bhumi-calo bhavissati.|| ||

Evam-vipako deva-dundubhi bhavissati.|| ||

Evam-vipako candima-suriya-nakkhattanam uggamanam ogamanam sankilesam vodanam bhavissati.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

61(45). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: subbutthika bhavissati.|| ||

Dubbutthika bhavissati.|| ||

Subhikkham bhavissati.|| ||

Dubbhikkham bhavissati.|| ||

Khemam bhavissati.|| ||

Bhayam bhavissati.|| ||

Rogo bhavissati.|| ||

Arogyam bhavissati.|| ||

Mudda ganana samkhanam kaveyyam lokayatam.|| ||

Iti va iti evarupaya tiracchana-vijjaya micchajivena pativirato hoti.|| ||

Idam pi'ssa hoti silasmim.|| ||

62(46).|| ||

Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nitthaddanam hanusamhananam hatthabhijappanam hanujappanam kanna-jappanam adasa-panham kumaripanham deva-panham adiccupatthanam Mahat-upatthanam abbhujjalanam sirivhayanam.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

63(47). Yatha va pan'eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti.|| ||

Seyyathidam: santi-kammam panidhi-kammam bhutakammam bhurikammam vassa-kammam vossa-kammam vatthu-kammam vatthu-parikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam netta-tappanam natthu-kammam anjanam paccanjanam salakiyam sallakattiyam daraka-tikiccha mula-bhesajjanam anuppadanam osadhinam patimokkho.|| ||

Iti va iti evarupaya tiracchana-vijjaya micchajiva pativirato hoti.|| ||

Idam pi'ssa hoti silasmim.|| ||

64(48). Sa kho so vasettha bhikkhu evam silasampanno na kutoci bhayam samanupassati yad idam silasamvarato.|| ||

seyyatha pi vasettha khattiyo muddhavasitto nihatapaccamitto na kutoci bhayam samanupassati yad idam paccatthikato, evam eva kho vasettha bhikkhu evam silasampanno na kutoci bhayam samanupassati yad idam silasamvarato.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

Evam kho vasettha bhikkhu silasampanno hoti.|| ||

65(49). Kathan ca vasettha bhikkhu indriyesu guttadvaro hoti? Idha vasettha bhikkhu cakkhuna rupam disva na nimittaggahi hoti nanuvyanjanaggahi.|| ||

Yatvadhikaranamenam cakkhundriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati cakkhundriyam.|| ||

Cakkhundriye samvaram apajjati.|| ||

Sotena saddam sutva na nimittaggahi hoti nanuvyanjanaggahi.|| ||

Yatvadhikaranamenam sotindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati sotindriyam.|| ||

Sotindriye samvaram apajjati.|| ||

Ghanena gandham ghayitva na nimittaggahi hoti nanuvyanjanaggahi.|| ||

Yatvadhikaranamenam ghanindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati ghanindriyam.|| ||

Ghanindriye samvaram apajjati.|| ||

Jivhaya rasam sayitva na nimittaggahi hoti nanuvyanjanaggahi.|| ||

Yatvadhikaranamenam jivhindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati jivhindriyam.|| ||

Jivhindriye samvaram apajjati.|| ||

Kayena photthabbam phusitva na nimittaggahi hoti nanuvyanjanaggahi.|| ||

Yatvadhikaranamenam kayindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati kayindriyam.|| ||

Kayindriye samvaram apajjati.|| ||

Manasa dhammam vinnaya na nimittaggahi hoti nanuvyanjanaggahi.|| ||

Yatvadhikaranamenam manindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati.|| ||

Rakkhati manindriyam.|| ||

Manindriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

Evam kho vasetdha bhikkhu indriyesu guttadvaro hoti.|| ||

50. Kathan ca vasettha bhikkhu satisampajannena samannagato hoti? Idha vasettha bhikkhu abhikkante patikkante sampajanakari hoti.|| ||

Alokite vilokite sampajanakari hoti.|| ||

Saminjite pasarite sampajanakari hoti.|| ||

Sanghatipattacivaradharane sampajanakari hoti.|| ||

Asite pite khayite sayite sampajanakari hoti.|| ||

Uccarapassavakamme sampajanakari hoti.|| ||

Gate thite nisinne sutte jagarite bhasite tunhibhave sampajanakari hoti.|| ||

Evam kho vasettha bhikkhu satisampajannena samannagato hoti.|| ||

67(51). Kathan ca vasettha bhikkhu santuttho hoti? Idha vasettha bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

seyyatha pi vasettha pakkhi sakuno yena yen'eva deti sapattabharo'va deti, evam eva kho vasettha bhikkhu santuttho hoti kayaparihariyena civarena kucchiparihariyena pindapatena.|| ||

So yena yen'eva pakkamati samadayeva pakkamati.|| ||

Evam kho vasettha bhikkhu santuttho hoti.|| ||

68(52). So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato imaya ca ariyaya santutthiya samannagato vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam.|| ||

So pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva.|| ||

69(53). So abhijjham loke pahaya vigatabhijjhena cetasa viharati.|| ||

Abhijjhaya cittam parisodheti.|| ||

vyapadapadosam pahaya abyapannacitto viharati sabba-pana-bhuta-hitanukampi.|| ||

vyapadapadosa cittam parisodheti.|| ||

Thinamiddham pahaya vigatathinamiddho viharati alokasanni sato sampajano.|| ||

Thinamiddha cittam parisodheti.|| ||

Uddhaccakukkuccam pahaya anuddhato viharati ajjhattam vupasantacitto.|| ||

Uddhaccakukkucca cittam parisodheti.|| ||

Vicikiccham pahaya tinnavicikiccho viharati akathamkathi kusalesu dhammesu.|| ||

Vicikicchaya cittam parisodheti.|| ||

54. seyyatha pi vasettha puriso inam adaya kammante payojeyya, tassa te kammanta samijjheyyum, so yani ca poranani inamulani tani ca byantikareyya, siya c'assa uttarim avasittham darabharanaya, tassa evam assa: "aham kho pubbe inam adaya kammante payojesim.|| ||

Tassa me te kammanta samijjhimsu.|| ||

So'ham yani ca poranani inamulani tani ca byanti akasim.|| ||

Atthi ca me uttarim avasittham darabharanaya" ti.|| ||

So tatonidanam labhetha pamojjam, adhigaccheyya somanassam-|| ||

71(55). seyyatha pi vasettha puriso abadhiko assa dukkhito balhagilano, bhattam c'assa nacchadeyya, na c'assa kaye balamatta, so aparena samayena tamha abadha mucceyya, bhattanc'assa chadeyya, siya c'assa kaye balamatta, tassa evam assa: "aham kho pubbe abadhiko ahosim dukkhito balhagilano.|| ||

Bhattam ca me nacchadesi.|| ||

Nacassa me asi kaye balamatta.|| ||

So'mhi etarahi tamha abadha mutto bhattan ca me chadeti.|| ||

Atthi ca me kaye balamatta" ti.|| ||

So tato nidanam labhetha pamojjam, adhigaccheyya somanassam-|| ||

72(56). seyyatha pi vasettha puriso bandhanagare baddho assa, so aparena samayena tamha bandhanagara mucceyya sotthina abbayena, na c'assa kinci bhoganam vayo, tassa evam assa: "aham kho pubbe bandhanagare baddho ahosi.|| ||

So'mhi etarahi tamha bandhanagara mutto sotthina abbayena.|| ||

N'atthi ca me kinci bhoganam vayo" ti.|| ||

So tatonidanam labhetha pamojjam, adhigaccheyya somanassam-|| ||

73(57). seyyatha pi vasettha puriso daso assa anattadhino paradhino na yenakamangamo, so aparena samayena tamha dasabya mucceyya attadhino aparadhino bhujisso yenakamangamo, tassa evam assa: "aham kho pubbe daso ahosim anattadhino paradhino na yenakamangamo, so'mhi etarahi tamha dasabya mutto attadhino aparadhino bhujisso yenakamangamo" ti.|| ||

So tatonidanam labhetha pamojjam, adhigaccheyya somanassam-|| ||

74(59). seyyatha pi vasettha puriso sadhano sabhogo kantaraddhanamaggam patipajjeyya dubbhikkham sappatibhayam.|| ||

So aparena samayena tam kantaram nitthareyya, sotthina gamantam anupapuneyya khemam appatibhayam, tassa evam assa: "aham kho pubbe sadhano sabhogo kantaraddhanamaggam patipajjim dubbhikkham sappatibhayam.|| ||

So'mhi etarahi tam kantaram tinno sotthina gamantam anuppatto khemam appatibhayan" ti.|| ||

So tato nidanam labhetha pamojjam adhigaccheyya somanassam-|| ||

75(60). Evam eva kho vasettha bhikkhu yatha inam yatha rogam yatha bandhanagaram yatha dasabyam yatha kantaraddhanamaggam evam ime panca nivarane appahine attani samanupassati.|| ||

seyyatha pi vasettha ananyam yatha arogyam yatha bandhana mokkham yatha bhujissam yatha khemantabhumim evam eva kho vasettha bhikkhu ime panca nivarane pahine attani samanupassati.|| ||

76(61). Tassime panca nivarane pahine attani samanupassato pamojjam jayati.|| ||

Pamuditassa piti jayati.|| ||

Pitimanassa kayo passambhati.|| ||

Passaddhakayo sukham vedeti.|| ||

Sukhino cittam samadhiyati.|| ||

77. So metta-sahagatena cetasa ekam disam eritva [251] viharati tatha dutiyam tatha tatiyam tatha catutthim.|| ||

Iti uddham-adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena avyapajjhena pharitva viharati.|| ||

seyyatha pi vasettha balava sankhadhamo appakasiren'eva catuddisam sarena vinnapeyya, evam eva kho vasettha evam bhavitaya mettaya ceto-vimuttiya yam pamanakatam kammam na tam tatravasissati, na tam tatravatitthati.|| ||

Ayam pi kho vasettha brahmuno sahavyataya maggo.|| ||

78. Puna ca param vasettha bhikkhu karuna-sahagatena cetasa ekam disam eritva viharati tatha dutiyam tatha tatiyam tatha catutthim.|| ||

Iti uddham-adho tiriyam sabbadhi sabbattataya sabbavantam lokam karuna-sahagatena cetasa vipulena mahaggatena appamanena averena avyapajjhena pharitva viharati.|| ||

seyyatha pi vasettha sankhadhamo appakasiren'eva catuddisam sarena vinnapeyya, evam eva kho vasettha evam bhavitaya mettaya ceto-vimuttiya yam pamanakatam kammam na tam tatravasissati, na tam tatravatitthati.|| ||

Ayam pi kho vasettha brahmuno sahavyataya maggo.|| ||

79. Puna ca param vasettha bhikkhu mudita-sahagatena cetasa ekam disam eritva viharati tatha dutiyam tatha tatiyam tatha catutthim.|| ||

Iti uddham-adho tiriyam sabbadhi sabbattataya sabbavantam lokam mudita-sahagatena cetasa vipulena mahaggatena appamanena averena avyapajjhena pharitva viharati.|| ||

seyyatha pi vasettha balava sankhadhamo appakasiren'eva catuddisam sarena vinnapeyya, evam eva kho vasettha evam bhavitaya mettaya ceto-vimuttiya yam pamanakatam kammam na tam tatravasissati, na tam tatravatitthati.|| ||

Ayam pi kho vasettha brahmuno sahavyataya maggo.|| ||

80. Puna ca param vasettha bhikkhu upekkha-sahagatena cetasa ekam disam eritva viharati tatha dutiyam tatha tatiyam tatha catutthim.|| ||

Iti uddham-adho tiriyam sabbadhi sabbattataya sabbavantam lokam upekkha-sahagatena cetasa vipulena mahaggatena appamanena averena avyapajjhena pharitva viharati.|| ||

seyyatha pi vasettha balava sankhadhamo appakasiren'eva catuddisam sarena vinnapeyya, evam eva kho vasettha evam bhavitaya mettaya ceto-vimuttiya yam pamanakatam kammam na tam tatravasissati, na tam tatravatitthati.|| ||

Ayam pi kho vasettha brahmuno sahavyataya maggo.|| ||

81. Tam kim mannasi vasettha? Evam vihari bhikkhu sapariggaho va apariggaho va?" ti.|| ||

"Apariggaho bho Gotama."|| ||

"Saveracitto va averacitto va?" ti.|| ||

"Averacitto bho Gotama."|| ||

"Savyapajjha citto va avyapajjhacitto va?" ti.|| ||

"Abyapajjha citto bho Gotama"|| ||

"Samkilitthacitto va asamkilitthacitto va?" ti.|| ||

"Asamkilitthacitto bho Gotama."|| ||

"Vasavatti va avasavatti va?" ti.|| ||

"Vasavatti bho Gotama."|| ||

82. [252] iti kira vasettha apariggaho bhikkhu.|| ||

Apariggaho Brahma.|| ||

Api nu kho apariggahassa bhikkhuno apariggahena brahmuna saddhim samsandati sameti?" ti.|| ||

"Evam bho Gotama."|| ||

"Sadhu vasettha.|| ||

So vata vasettha apariggabho bhikkhu kayassa bheda param marana apariggahassa brahmuno sahavyupago bhavissatiti thaname tam vijjati."|| ||

83. Iti kira vasettha averacitto bhikkhu.|| ||

Averacitto Brahma.|| ||

Api nu kho averacittassa bhikkhuno averacittena brahmuna saddhim samsandati sameti?" ti.|| ||

"Evam bho Gotama."|| ||

"Sadhu vasettha.|| ||

So vata vasettha averacitto bhikkhu kayassa bheda param marana averacitgassa brahmuno sahavyupago bhavissatiti thaname tam vijjati."|| ||

84. Iti kira vasettha avyapajjhacitto bhikkhu.|| ||

Abyapajjhacitto Brahma.|| ||

Api nu kho avyapajjhacittassa bhikkhuno avyapajjhacittena brahmuna saddhim samsandati sameti?" ti.|| ||

"Evam bho Gotama"|| ||

"Sadhu vasettha.|| ||

So vata vasettha avyapajjhacitto bhikkhu kayassa bheda param marana avyapajjhacitgassa brahmuno sahavyupago bhavissatiti thaname tam vijjati."|| ||

85. Iti kira vasettha asamkilitthacitto bhikkhu.|| ||

Asamkilitthacitto Brahma.|| ||

Api nu kho asamkilitthacittassa bhikkhuno asamkilitthacittena brahmuna saddhim samsandati sameti?" ti.|| ||

"Evam bho Gotama"|| ||

"Sadhu vasettha.|| ||

So vata vasettha asamkilitthacitto bhikkhu kayassa bheda param marana asamkilitthacitgassa brahmuno sahavyupago bhavissatiti thaname tam vijjati."|| ||

86. Iti kira vasettha vasatti bhikkhu.|| ||

Vasavatti Brahma.|| ||

Api nu kho vasavattissa bhikkhuno vasavattina brahmuna saddhim samsandati sameti?" ti.|| ||

"Evam bho Gotama"|| ||

"Sadhu vasettha.|| ||

So vata vasettha vasavatti bhikkhu kayassa bheda param marana vasavattissa brahmuno sahavyupago bhavissatiti thaname tam vijjati."|| ||

87. Evam vutte vasetthabharadvaja manava Bhagavantam etad avocum: "abhikkantam bho Gotama abhikkantam bho Gotama.|| ||

seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va telappajjotam dhareyya cakkhumanto rupani dakkhintiti, evam eva bhota Gotamena aneka-pariyayena dhammo pakisito.|| ||

Ete mayam Bhagavantam Gotamam saranam gacchama dhammanca bhikkhu-sanghan ca.|| ||

Upasake ne bhavam Gotamo dharetu ajjatagge panupete saranamgate" ti.|| ||

Tevijjasuttam nitthitam terasamam.


Contact:
E-mail
Copyright Statement