Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 19

Maha-Govinda Suttantam

Adapted from the digital version of the Sri Lanka Buddha Jayanti Tripitaka Series

 


[220]

[1][pts] EVAM ME SUTAM.|| ||

Ekam samayam Bhagava Rajagahe viharati Gijjhakute pabbate.|| ||

Atha kho Pancasikho Gandhabba-putto abhikkantaya rattiya abhikkanta-vanno kevala-kappam Gijjhakutam obhasetva yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thito kho Pancasikho Gandhabba-putto Bhagavantam etad avoca:|| ||

"Yam me bhante devanam Tavatimsanam sammukha sutam sammukha patiggahitam,||
arocem etam bhante Bhagavato" ti.|| ||

"Arocehi me tvam Pancasikha' ti Bhagava avoca.|| ||

 


 

2. "Purimani bhante divasani purimatarani,||
tadahu'posathe pannarase pavaranaya punnamaya rattiya kevalakappa ca deva Tavatimsa Sudhammayam sabhayam sannisinna honti sannipatita,||
mahati ca dibba parisa samantato nisinna honti,||
cattaro ca Maharaja catuddisa nisinna honti.|| ||

Puratthimaya disaya Dhatarattho Maharaja pacchabhimukho nisinno hoti deve purakkhatva Dakkhinaya disaya Virulhako Maharaja uttarabhimukho nisinno hoti deve purakkhatva.|| ||

Pacchimaya disaya [221] Virupakkho Maharaja puratthabhimukho nisinno hoti deve purakkhatva.|| ||

Uttaraya disaya Vessavano Maharaja dakkhinabhimukho nisinno hoti deve purakkhatva.|| ||

Yada bhante kevalakappa ca deva Tavatimsa Sudhammayam sabhayam sannisinna honti sannipatita,||
mahati ca dibba parisa samantato nisinna honti,||
cattaro ca Maharaja catuddisa nisinna honti,||
idam tesam hoti asanasmim atha paccha amhakam asanam hoti.|| ||

Ye te bhante deva Bhagavati brahmacariyam caritva adhun-uppanna Tavatimsa-kayam,||
te anne deve atirocanti vannena c'eva yasasa ca.|| ||

Tena sudam bhante deva Tavatimsa attamana honti pamudita piti-somanassa-jata:|| ||

"Dibba vata bho kaya paripuranti,||
hayanti asura-kaya" ti.|| ||

3. Atha kho bhante Sakko devanam Indo devanam Tavatimsanam pasadam viditva imahi gathahi anumodi:|| ||

"Modanti vata bho deva Tavatimsa sahindaka,||
Tathagatam namassanta Dhammassa ca sudhammatam,||
Nave va deve passanta vannavante yasassino,||
Sugatasmim brahmacariyam caritvana idhagate.|| ||

Te anne atirocanti vannena yasasayuna,||
Savaka Bhuri-pannassa visesupagata idha.|| ||

Idham disvana nandanti tavatisa sahindaka,||
Tathagatam namassanta Dhammassa ca sudhammatan" ti.|| ||

[222] Tena sudam bhante deva Tavatimsa bhiyoso mattaya attamana honti pamudita piti-somanassa-jata:|| ||

"Dibba vata bho kaya paripuranti,||
hayanti asura-kaya" ti.|| ||

4. Atha bhante Sakko devanam Indo devanam Tavatimsanam sampasadam viditva deve Tavatimse amantesi:|| ||

"Iccheyyatha no tumhe marisa tassa Bhagavato attha yatha-bhucce vanne sotun" ti?|| ||

"Icchayyama mayam marisa tassa Bhagavato attha yatha-bhucce vanne sotun" ti.|| ||

Atha bhante Sakko devanam Indo devanam Tavatimsanam Bhagavato attha yatha-bhucce vanne payirudahasi:|| ||

5. "Tam kim mannanti bhonto deva Tavatimsa?|| ||

Yavan c'assa so Bhagava bahujana-hitaya patipanno bahujana-sukhaya lokanukampa-kaya atthaya hitaya sukhaya deva-manussanam,||
evam bahujana-hitaya patipannam bahujana-sukhaya lokanukampa-kaya atthaya hitaya sukhaya deva-manussanam,||
imina p'angena samannagatam sattharam,||
n'eva atitamse samanupassama,||
na pan'etarahi annatra tena Bhagavata.|| ||

6. "Svakkhato kho pana tena Bhagavata dhammo sanditthiko akaliko ehipassiko opanayiko paccattam veditabbo vinnuhi.|| ||

Evam opanayikassa Dhammassa desetaram,||
imina p'angena samannagatam sattharam,||
n'eva atitamse samanupassama,||
na pan'etarehi annatra tena Bhagavata.|| ||

7. "Idam kusalan ti kho pana tena Bhagavata suppannattam.|| ||

Idam akusalan ti suppannattam.|| ||

Idam [223] savajjam idam anavajjam.|| ||

Idam sevitabbanti idam na sevitabbam.|| ||

Idam hinam idam panitam.|| ||

Idam kanha-sukka-sappatibhagan ti suppannattam.|| ||

Evam kusala-kusala-savajjanavajja-sevitabba-sevitabba-hinappanita-kanhasukka-sappatibhaganam dhammanam pannapetaram,||
imina p'angena samannagatam sattharam,||
n'eva atitamse samanupassama,||
na pan'etarahi annatra tena Bhagavata.|| ||

8. "Suppannatta kho pana tena Bhagavata savakanam nibbana-gamini patipada.|| ||

Samsandati nibbanan ca patipada ca.|| ||

Seyyatha pi nama Gangodakam Yamunodakena samsandati sameti,||
evam eva suppanntta tena Bhagavata savakanam nibbana-gamini patipada,||
samsandati nibbanan ca patipada ca.|| ||

Evam nibbana-gaminiya-patipadaya pannapetaram imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

9. "Laddha-sahayo kho pana so Bhagava sekhanan c'eva patipadanam khinasavanan ca vusitavatam,||
te Bhagava apanujja ekaramatam anuyutto viharati.|| ||

Evam ekaramatam anuyuttam imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

10. "Abhinipphanno kho pana tassa Bhagavato labho,||
abhinipphanno siloko,||
yava manne khattiya sampiyaya-mana-rupa viharanti.|| ||

Vigata-mado kho pana so Bhagava aharam ahareti.|| ||

Evam vigata-madam aharam ahariyamana imina p'angena samannagatam sattharam n' [224] eva atitamse samanupassama,||
na pan'etarahi annatra tena Bhagavata.|| ||

11. "Yatha-vadi kho pana so Bhagava tatha-kari,||
yatha-kari tatha-vadi.|| ||

Iti yatha-vadi tatha-kari yatha-kari tatha-vadi.|| ||

Evam dhammanudhamma-patipannam imina p'angena samannagatam sattharam n'eva atitamse samanupassama,||
na pan'etarahi,||
annatra tena Bhagavata.|| ||

12. "Tinna-vicikiccho kho pana so Bhagava vigata-kathamkatho pariyosita-samkappo ajjhasayam adi-brahmacariyam.|| ||

Evam tinna-vicikiccham vigata-katham-katham pariyosita-samkappam ajjhasayam adi-brahmacariyam||
imina p'anghena samannagatam sattharam n'eva atitamse samanupassama,||
na pan'etarahi,||
annatra tena Bhagavata" ti.|| ||

Ime kho bhante Sakko devanam Indo devanam Tavatimsanam Bhagavato attha yatha-bhucce vanne payirudahasi.|| ||

Tena sudam bhante deva Tavatimsa bhiyoso mattaya attamana honti,||
pamudita piti-somanassa-jata Bhagavato attha yatha-bhucce vanne sutva.|| ||

13. Tatra kho bhante ekacce deva evam ahamsu:|| ||

"Aho vata marisa cattaro Samma-sambuddha loke uppajjeyyum,||
dhamman ca deseyyum,||
yathariva Bhagava.|| ||

Tad assa bahujana-hitaya bahujana-sukhaya lokanukampakaya atthaya hitaya sukhaya deva-manussanan" ti.|| ||

Ekacce deva evam ahamsu:|| ||

"Titthantu marisa cattaro Samma-sambuddha.|| ||

Aho vata marisa tayo Samma-sambuddha loke uppajjeyyum dhamman ca deseyyum,||
yathariva Bhagava.|| ||

Tad assa bahujana-hitaya bahujana-sukhaya lokanukampaya atthaya hitaya sukhaya deva-manussanan" ti.|| ||

Ekacce deva evam ahamsu:|| ||

"Titthantu marisa cattaro Samma-sambuddha.|| ||

Aho vata marisa tayo Samma-sambuddha loke uppajjeyyum,||
dhamman ca deseyyum,||
yathariva Bhagava.|| ||

Tad assa bahujana-hitaya bahujana-sukhaya lokanukampaya atthaya hitaya sukhaya deva-manussanan" ti.|| ||

Ekacce deva evam ahamsu:|| ||

"Titthantu marisa tayo Samma-sambuddha.|| ||

Aho vata marisa dve Samma-sambuddha loke uppajjeyyum,||
dhamman ca deseyyum,||
yathariva Bhagava.|| ||

Tad assa bahujana-hitaya bahujana-sukhaya lokanukampaya atthaya hitaya sukhaya deva-manussanan" ti.|| ||

[225] 14. Evam vutte bhante Sakko devanam Indo deve Tavatimse etad avoca:|| ||

"Atthanam kho etam marisa anavakaso yam ekissa loka-dhatuya dve arahanto Samma-sambuddha apubbam acarimam uppajjeyyum.|| ||

N'etam thanam vijjati.|| ||

Aho vata marisa so Bhagava appabadho appatanko ciram digham addhanam tittheyya.|| ||

Tad assa bahujana-hitaya bahujana-sukhaya lokanukampaya atthaya hitaya sukhaya deva-manussanan" ti.|| ||

Atha bhante yen'atthena deva Tavatimsa Sudhammayam sabhayam sannisinna honti sannipatita,||
tam attham cintayitva tam attham mantayitva vutta-vacana pi tam Cattaro Maharaja tasmim atthe honti||
paccanu-sittha-vacana pi tam Cattaro Maharaja tasmim atthe honti sakesu sakesu asanesu thita avipakkanta.|| ||

"Te vutta-vakya rajano patiggayhanusasanim||
Vippasanna-mana santa atthamsu sambhi asane" ti.|| ||

15. Atha kho bhante uttaraya disaya ularo aloko sanjayi obhaso patu-r-ahosi atikkamm'eva devanam devanubhavam.|| ||

Atha bhante Sakko devanam Indo deve Tavatimse amantesi:|| ||

"Yatha kho marisa nimitta dissanti aloko sanjayati obhaso patu-bhavati Brahma patu-bhavissati.|| ||

Brahmuno etam pubba-nimittam patu-bhavaya yad idam aloko sanjayati obhaso patu-bhavati ti.|| ||

"Yatha nimitta dissanti, Brahma patu-bhavissati,||
Brahmuno h'etam nimittam obhaso vipulo maha" ti.|| ||

[226] Atha kho bhante deva Tavatimsa yatha sakesu asanesu nisidimsu:|| ||

"Obhasam etam nassama,||
yam vipako bhavissati,||
sacchi-katva va nam gamissama" ti.|| ||

Cattaro pi Maharaja yatha-sakesu asanesu nisidimsu:|| ||

"Obhasam etam nassama,||
yam vipako bhavissati,||
sacchi-katva va nam gamissama" ti.|| ||

Idam sutva deva Tavatimsa ekaggata sama-pajjimsu:|| ||

"Obhasam etam nassama,||
yam vipako bhavissati,||
sacchikatva va nam gamissama" ti.|| ||

16. Yada bhante Brahma Sanamkumaro devanam Tavatisanam patu bhavati,||
olarikam attabhavam abhinimminitva patu-bhavati.|| ||

Yo kho pana bhante Brahmuno pakati-vanno anabhisambhavaniyo so devanam Tavatimsanam cakkhu-pathasmim.|| ||

Yada bhante Brahma Sanamkumaro devanam Tavatimsanam patu-bhavati,||
so anne deve atirocati vannena c'eva yasasa ca.|| ||

Seyyatha pi bhante sovanno viggaho manusam viggaham atirocati,||
evam eva kho bhante yada Brahma Sanamkumaro devanam Tavatimsanam patu-bhavati,||
so anne deve atirocati-vannena c'eva yasasa ca.|| ||

Yada bhante Brahma Sanamkumaro devanam Tavatimsanam patu-bhavati,||
na tassam parisayam koci devo abhivadeti va paccuttheti va asanena va nimanteti va.|| ||

Sabbe tunhi-bhuta panjalika pallankena nisidanti:|| ||

"Yassa dani devassa icchissati Brahma Sanamkumaro,||
tassa devassa pallanke nisidassati" ti.|| ||

Yassa kho pana bhante devassa Brahma Sanamkumaro pallanke nisidati,||
ularam so labhati devo veda-patilabham,||
Ularam so labhati devo somanassa-pati- [227] labham.|| ||

Seyyatha pi bhante raja khattiyo muddhavasitto adhunabhisitto rajjena,||
ularam so labhati veda-patilabham,||
ularam so labhati somanassa-patilabham,||
evam eva kho bhante yassa devassa Brahma Sanamkumaro pallanke nisidati,||
ularam so labhati devo veda-patilabham,||
ularam so labhati devo somanassa-patilabham.|| ||

17. Atha bhante Brahma Sanamkumaro devanam Tavatimsanam sampasadam viditva antarahito imahi gathahi anumodi:|| ||

"Modanti vata bho deva Tavatimsa sahindaka,||
Tathagatam namassanta Dhammassa ca sudhammatam.|| ||

Nave va deve ca passanta vannavante yasassino,||
Sugatasmim brahmacariyam caritvana idhagate.|| ||

Te anne atirocanti vannena yasasayuna,||
Savaka Bhuri-pannassa visesupagata idha.|| ||

Idam disvana nandanti Tavatimsa sahindaka,||
Tathagatam namassanta Dhammassa ca sudhammatan" ti.|| ||

18. Imam attham bhante Brahma Sanamkumaro abhasittha.|| ||

Idam attham bhante Brahmuno Sanamkumarassa bhasato atthanga-samannagato saro hoti vissattho ca||
vinnoyyo ca||
manju ca||
savaniyo ca||
bindu ca||
avisari ca||
gambhiro ca||
ninnadi ca.|| ||

Yatha-parisam kho pana bhante Brahma Sanamkumaro sarena vinnapeti,||
na c'assa bahiddha parisaya ghoso niccharati.|| ||

Yassa kho pana bhante evam atthanga-samannagato saro hoti,||
so vuccati Brahmassaro ti.|| ||

19. Atha bhante deva Tavatimsa Brahma-Sanamkumaram etad avocum:|| ||

"Sadhu Maha Brahme etad eva mayam sankhaya modama,||
[228] atthi ca Sakkena devanam indena tassa Bhagavato attha yathabhucca vanna bhasita,||
te ca mayam sankhaya modama" ti.|| ||

Atha kho bhante Brahma Sanamkumaro Sakkam devanam indam etad avoca:|| ||

"Sadhu devanam Inda,||
mayam pi tassa Bhagavato attha yatha-bhucce vanne suneyyama" ti.|| ||

"Evam Maha Brahme" ti kho bhante Sakko devanam Indo brahmuno Sanamkumarassa Bhagavato attha yatha-bhucce vanne payirudahasi.|| ||

20. Tam kim mannati bhavam Maha-Brahma?|| ||

Yavan ca so Bhagava bahujana-hitaya patipanno bahujana-sukhaya lokanukampaya atthaya hitaya sukhaya deva-manussanam,||
evam bahujana-hitaya patipannam bahujana-sukhaya lokanukampakaya atthaya hitaya sukhaya deva-manussanam,||
imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

21. Svakkhato kho pana tena Bhagavata dhammo sanditthiko akaliko ehipassiko opanayiko paccattam veditabbo vinnuhi.|| ||

Evam opanayikassa Dhammassa desetaram imina p'angena samannagatam sattharam n'eva atitamse samanupassama na pan'etarahi annatra tena Bhagavata.|| ||

22. "Idam kusalan" ti kho pana tena Bhagavata suppannattam.|| ||

"Idam akusalan" ti suppannattam.|| ||

"Idam savajjam||
idam anavajjam||
idam sevitabbam||
idam na sevitabbam||
idam hinam||
idam panitam||
idam kanha-sukka-sappatibhagan" ti suppannattam.|| ||

Evam kusala-kusala-savajjanavajja-sevitabbasevitabba-hinappanita-kanha-sukka-sappati-bhaganam dhammanam pannapetaram imina p'angena samannagatam sattharam,||
n'eva [229] atitamse samanupassama na pan'etarahi annatra tena Bhagavata.|| ||

23. Suppannatta kho pana tena Bhagavata savakanam nibbana-gamini patipada.|| ||

Samsandati nibbanan ca patipada ca.|| ||

Seyyatha pi nama Gangodakam Yamunodakena samsandati sameti,||
evam eva suppanntta tena Bhagavata savakanam nibbana-gamini-patipada samsandati nibbanan ca patipada ca.|| ||

Evam nibbana-gaminiya-patipadaya pannapetaram imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

24. "Laddha-sahayo kho pana so Bhagava sekhanan c'eva patipadaanam khina-savanan ca vusitavatam.|| ||

Te Bhagava apanujja ekaramatam anuyutto pi viharati.|| ||

Evam ekaramatam anuyuttam imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

25. "Abhinipphanno kho pana'tassa Bhagavato labho,||
abhinipphanno siloko,||
yava manne khattiya sampiyaya-mana-rupa viharanti.|| ||

Vigata-mado kho pana manne so Bhagava aharam ahareti.|| ||

Evam vigata-madam aharam aharaya-manam imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

26. "Yatha-vadi kho pana so Bhagava tatha-kari,||
yatha-kari tatha-vadi.|| ||

Iti yatha-vadi tatha-kari,||
yatha-kari tatha-vadi.|| ||

Evam dhammanudhamma-patipannam imina p'angena samannagatam sattharam n'eva atitamse samanupassama,||
na pan'etarahi annatra tena Bhagavata.|| ||

27. "Tinna-vicikiccho kho pana so Bhagava vigata-katham-katho pariyosita-samkappo ajjhasayam adi-brahma- [230] cariyam.|| ||

Evam tinna-vicikiccham vigata-katham-katham pariyosita-samkappam ajjhasayam adi-brahmacariyam imina p'anghena samannagatam sattharam n'eva atitamse samanupassama,||
na pan'etarahi annatra tena Bhagavata" ti.|| ||

Ime kho bhante Sakko devanam Indo Brahmuno Sanamkumarassa Bhagavato attha yatha-bhucce vanne payirudahasi.|| ||

Tena sudam bhante Brahma Sanamkumaro attamano hoti pamudito piti-somanassa-jato Bhagavato attha yatha-bhucce vanne sutva.|| ||

28. Atha bhante Brahma Sanamkumaro olarikam attabhavam abhinimminitva kumara-vanni hutva Pancasikho devanam Tavatimsanam patu-r-ahosi.|| ||

So vehasam abbhuggantva akase antalikkhe pallankena nisiditva.|| ||

Seyyatha pi bhante balava puriso supaccatthate va pallanke same va bhumi-bhage pallankena nisideyya,||
evam eva kho bhante Brahma Sanamkumaro vehasam abbhuggantva akase antalikkhe pallankena nisiditva deve Tavatimse amantesi:|| ||

29. Tam kim mannanti bhonto deva Tavatimsa?|| ||

Yava digha-rattam maha-panno ca so Bhagava ahosi.|| ||

 


 

Bhuta-pubbam bho raja Disampati nama ahosi.|| ||

Disampatissa ranno Govindo nama Brahmano purohito ahosi.|| ||

Disampatissa ranno Renu nama kumaro putto ahosi.|| ||

Govindassa Brahmanassa Jotipalo nama manavo putto ahosi.|| ||

Iti Renu ca raja-putto Jotipalo ca manavo anne ca chakhattiya icc ete attha sahaya ahesum.|| ||

[231] Atha kho bho ahorattanam accayena Govindo Brahmano kalam akasi.|| ||

Govinde buhmane kalakate raja Disampati paridevesi:|| ||

"Yasmim vata bho mayam samaye Govinde Brahmane sabba-kiccani samma-vossajjitva pancahi kama-gunehi samappita samangi-bhuta paricarema,||
tasmim no samaye Govindo Brahmano kalakato" ti.|| ||

Evam vutte bho Renu raja-putto rajanam Disampatim etad avoca:|| ||

"Ma kho tvam deva Govinde Brahmane kalakate atibalham paridevesi.|| ||

Atthi deva Govindassa Brahmanassa Jotipalo nama manavo putto panditataro c'eva pitara alamatthadasataro c'eva pitara.|| ||

Ye pi'ssa pita atthe anusasi.|| ||

Te pi Jotipalass'eva manavassa anusasaniya" ti.|| ||

"Evam kumara" ti?|| ||

"Evam deva" ti.|| ||

30. Atha kho bho raja Disampati annataram purisam amantesi:|| ||

"Ehi tvam ambho purisa,||
yena Jotipalo nama manavo ten'upasankami.|| ||

Upasankamitva Jotipalam manavam evam vadehi:|| ||

Bhavam-atthu bhavantam Jotipalam manavam,||
raja Disampati bhavantam Jotipalam manavam amantayati.|| ||

Raja Disampati bhoto Jotipalassa manavassa dassana-kamo" ti.|| ||

"Evam deva" ti bho so puriso Disampatissa ranno patissutva yena Jotipalo manavo ten'upasankami.|| ||

Upasankamitva Jotipalam manavam etad avoca:|| ||

"Bhavam atthu bhavantam Jotipalam manavam.|| ||

Raja Disampati bhavantam Jotipalam manavam amanta-, [232] yati.|| ||

Raja Disampati bhoto Jotipalassa manavassa dassana-kamo" ti.|| ||

"Evam bho" ti kho so Jotipalo manavo tassa purisassa patissutva yena raja Disampati ten'upasankami.|| ||

Upasankamitva Disampatina ranna saddhim sammodi,||
sammodaniyam katham saraniyam vitisaretva eka-m-antam nisidi.|| ||

Eka-m-antam nisinnam kho bho Jotipalam manavam raja Disampati etad avoca:|| ||

"Anusasatu no bhavam Jotipalo manavo,||
ma bhavam Jotipalo anusasaniya paccavyahasi.|| ||

Pettike tam thane thapessami,||
Govindiye abhisincissami" ti.|| ||

"Evam bho' ti kho so Jotipalo manavo Disampatissa ranno paccassosi.|| ||

31. Atha kho bho raja Disampati Jotipalam manavam Govindiye abhisinci,||
pettike thane thapesi.|| ||

Abhisitto Jotipalo manavo Govindiye pettike thane thapito,||
ye pi'ssa pita atthe anusasi,||
te pi atthe anusasati;||
ye pi'ssa pita atthe nanusasi,||
te pi atthe nanusasati.|| ||

Ye pi'ssa pita kammante abhisambhosi,||
te pi kammante abhisambhoti;||
ye pi'ssa pita kammante nabhisambhosi||
te pi kammante nabhisambhoti.|| ||

Tam enam manussa evam ahamhu:|| ||

"Govindo vata bho Brahmano,||
Maha-Govindo vata bho buhmano" ti.|| ||

Imina kho evam bho pariyayena Jotipalassa manavassa Maha-Govindo Maha-Govindo tv eva samanna udapadi.|| ||

32. Atha kho bho Maha-Govindo brahmano yena te cha khattiya ten'upasankami.|| ||

Upasankamitva te cha khattiye etad avoca:|| ||

"Disampati kho bho raja jinno vuddho mahallako addha- [233] gato vayo anuppatto.|| ||

Ko nu kho pana bho janati jivitam?|| ||

Thanam kho pan'etam vijjati yam Disampatimhi ranno kalakate,||
raja-kattaro Renum raja-puttam rajje abhisinceyyum.|| ||

Ayantu bho bhonto,||
yena Renu raja-putto ten'upasankamatha.|| ||

Upasankamitva Renum raja-puttam evam vadetha:|| ||

"Mayam bhoto Renussa sahaya piya manapa appatikkula,||
yam sukho bhavam tam sukha mayam,||
yam dukkho bhavam tam dukkha mayam.|| ||

Disampati bho raja jinno vuddho mahallako addha-gato vayo-anuppatto.|| ||

Ko nu kho pana bho janati jivitam?|| ||

Thanam kho pan'etam vijjati yam Disampatimhi ranne kalakate raja-kattaro bhavantam Renum rajje abhisinceyyum.|| ||

Sace bhavam Renu rajjam labhetha,||
samvibhajetha no rajjena" ti.|| ||

"Evam bho" ti kho bho te cha khattiya Maha-Govindassa brahmanassa patissutva yena Renu raja-putto ten'upasankamimsu.|| ||

Upasankamitva Renum raja-puttam etad avocum:|| ||

"Mayam kho bhoto Renussa sahaya piya manapa appatikkula.|| ||

Yam sukho bhavam tam sukha mayam,||
yam dukkho bhavam tam dukkha mayam.|| ||

Disampati kho bho raja jinno vuddho mahallako addha-gato vayo-anuppatto.|| ||

Ko nu kho bho pana bho janati jivitam?|| ||

Thanam kho pan'etam vijjati yam Disampatimhi ranno kalakate raja-kattaro bhavantam Renum rajje abhisinceyyum.|| ||

Sace bhavam Renu rajjam labhetha,||
samvibhajetha no rajjena" ti.|| ||

"Ko nu kho bho anno mama vijite sukham edheyyatha annatra bhavantehi?|| ||

Sacaham bho rajjam labhissami,||
samvibhajissami vo rajjena" ti.|| ||

[234] 34. Atha kho bho ahorattanam accayena raja Disampati kalam akasi.|| ||

Disampatimhi ranne kalakate raja-kattaro Renum raja-puttam rajje abhisincimsu.|| ||

Abhisitto Renu rajjena pancahi kama-gunehi samappito samangi-bhuto paricareti.|| ||

Atha kho bho Maha-Govindo brahmano yena te cha khattiya ten'upasankami,||
upasankamitva te cha khattiye etad avoca:|| ||

"Disampati kho bho raja kalakato,||
abhisitto Renu rajjena pancahi kama-gunehi samappito samangi-bhuto paricareti.|| ||

Ko nu kho pana bho janati?|| ||

Madaniya kama.|| ||

Ayantu bhonto, yena Renu raja ten'upasankamatha,||
upasankamitva Renum rajanam evam vadetha:|| ||

'Disampati kho bho raja kalakato.|| ||

Abhisitto bhavam Renu rajjena.|| ||

Sarati bhavam tam vacanan' ti.|| ||

"Evam bho" ti kho bho te cha khattiya Maha-Govindassa brahmanassa patissutva yena Renu raja ten'upasankamimsu,||
upasankamitva Renum rajanam etad avocum:|| ||

"Disampati kho bho raja kalakato,||
abhisitto bhavam Renu rajjena.|| ||

Sarati bhavam tam vacananti.|| ||

"Saram aham bho tam vacanam.|| ||

Ko nu kho bho pahoti imam maha-pathavim uttarena ayatam dakkhinena sakatamukham sattadha samam suvibhattam vibhajitun" ti?|| ||

"Ko nu kho bho anno pahoti annatra Maha-Govindena Brahmanena" ti?|| ||

35. Atha kho bho Renu raja annataram purisam amantesi:|| ||

"Ehi tvam ambho purisa, yena Maha-Govindo brahmano ten'upasankama, upasankamitva Maha-Govindam brahmanam evam vadehi:|| ||

'Raja tam bhante Renu amanteti' ti."|| ||

[235] "Evam devo" ti kho bho so puriso Renussa ranno patissutva yena Maha-Govindo brahmano ten'upasankami.|| ||

Upasankamitva Maha-Govindam brahmanam etad avoca:|| ||

"Raja tam bhante Renu amanteti" ti.|| ||

"Evam bho" ti kho bho Maha-Govindo brahmano tassa purisassa patissutva yena Renu raja ten'upasankami,||
upasankamitva Renuna ranna saddhim sammodi,||
sammodaniyam katha saraniyam vitisaretva eka-m-antam nisidi.|| ||

Eka-m-antam nisinnam kho Maha-Govindam brahmanam Renu raja etad avoca:|| ||

"Etu bhavam Govindo, imam maha-pathavim uttarena ayatam dakkhinena sakatamukham sattadha samam suvibhattam vibhajatu' ti.|| ||

"Evam bho" ti kho Maha-Govindo brahmano Renussa ranno patissutva,||
imam maha-pathavim uttarena ayatam dakkhinena sakatamukham sattadha samam suvibhattam vibhaji,||
sabbani sakatamukhani atthapesi.|| ||

36. Tatra sudam majjhe Renussa ranno janapado hoti.|| ||

"Dantapuram kalinganam assakanan ca Potanam||
Mahissati Avantinam Soviranan ca Rorukam.|| ||

Mithila ca Videhanam Campa Angesu mapita,||
Baranasi ca Kasinam ete Govinda-mapita" ti.|| ||

[236] 17. Atha kho bho te cha khattiya yatha sakena labhena attamana ahesum paripunna-sankappa:|| ||

"Yam vata no ahosi icchitam yam akankhitam yam adhippetam yam adhipatthitam,||
tam no laddhan" ti.|| ||

"Sattabhu Brahmadatto ca Vessabhu Bharato saha,||
Renu dve ca Dhatarattha tadasum satta Bharata" ti.|| ||

 

§

 

37. Atha kho bho te cha khattiya yena Maha-Govindo brahmano ten'upasankamimsu,||
upasankamitva Maha-Govindam brahmanam etad avocum:|| ||

"Yatha bhavam Govindo Renussa ranno sahayo piyo manapo appatikkulo,||
evam eva kho bhavam Govindo amhakam pi sahayo piyo manapo appatikkulo.|| ||

Anusasatu no bhavam Govindo,||
ma no bhavam Govindo anusasaniya paccavyahasi" ti.|| ||

"Evam bho" ti kho bho Maha-Govindo brahmano tesam channam khattiyanam paccassosi.|| ||

Atha kho bho Maha-Govindo Brahmano satta ca rajano khattiye muddha-vasatte rajje anusasi,||
satta ca Brahmana-mahasale,||
satta ca nahataka-satani mante vacesi.|| ||

[237] 38. Atha kho bho Maha-Govindassa brahmanassa aparena samayena evam kalyano kittisaddo abbhugganchi:|| ||

"Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti" ti.|| ||

Atha kho bho Maha-Govindassa brahmanassa etad ahosi:|| ||

"Mayham kho evam kalyano kittisaddo abbhuggato:|| ||

Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti' ti.|| ||

Na kho panaham Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi.|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati,||
karunam jhanam jhayati,||
so Brahmanam passati Brahmuna sakaccheti sallapati manteti" ti.|| ||

Yannunaham vassike cattaro mase patisalliyeyyam karunam jhanam jhapeyyan" ti.|| ||

39. Atha kho bho Maha-Govindo brahmano yena Renu raja ten'upasankami,||
upasankamitva Renum rajanam etad avoca:|| ||

"Mayham kho bho evam kalyano kittisaddo abbhuggato:||
Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti" ti.|| ||

Na kho panaham bho Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi.|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati karunam jhanam jhayati,||
so Brahmanam passati,||
buhmuna sakaccheti sallapati manteti" ti.|| ||

Iccham'aham bho vassike cattaro mase patisalliyitum,||
karunam jhanam jhayitum.|| ||

N'ambhi kenaci upasankamitabbo annatra ekena bhattabhiharena" ti.|| ||

"Yassa dani bhavam Govindo kalam mannati" ti.|| ||

[238] 40. Atha kho so Maha-Govindo brahmano yena te cha khattiya ten'upasankami.|| ||

Upasankamitva te cha khattiye etad avoca:|| ||

"Mayham kho bho evam kalyano kittisaddo abbhuggato:|| ||

Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti" ti.|| ||

Na kho panaham Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi.|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati,||
karunam jhanam jhayati,||
so Brahmanam passati Brahmuna sakaccheti sallapati manteti" ti.|| ||

Iccham'aham bho vassike cattaro mase patisalliyitum,||
karunam jhanam jhayitum.|| ||

N'amhi kenaci upasankamitabbo annatra ekena bhattabhiharena" ti.|| ||

"Yassa dani bhavam Govindo kalam mannati" ti.|| ||

41. Atha kho bho Maha-Govindo brahmano yena satta ca Brahmana-maha-sala satta ca nahataka-satani ten'upasankami.|| ||

Upasankamitva satta ca Brahmana-mahasale satta ca nahataka-satani etad avoca:|| ||

"Mayham kho bho evam kalyano kittisaddo abbhuggato:|| ||

Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti" ti.|| ||

Na kho panaham kho Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi.|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati,||
karunam jhanam jhayati,||
so Brahmanam passati,||
Brahmuna sakaccheti sallapati manteti" ti.|| ||

Tena hi bho yatha sute yatha pariyatte mante vittharena sajjhayam karotha,||
annam annam ca mante vacetha.|| ||

Iccham'aham bho vassike cattaro mase patisalliyitum,||
karunam jhanam jhayitum,||
N'amhi kenaci upasankamitabbo annatra ekena bhattabhiharena" ti.|| ||

"Yassa'dani bhavam Govindo kalam mannati" ti.|| ||

[239] 42. Atha kho bho Maha-Govindo brahmano yena cattarisa bhariya sadisiyo ten'upasankami,||
upasankamitva cattarisa bhariya sadisiyo etad avoca:|| ||

"Mayham kho bho ti evam kalyano kittisaddo abbhuggato:|| ||

Sakkhi Maha-Govindo brahmano Brahmanam passati,||
sakkhi Maha-Govindo brahmano Brahmuna sakaccheti sallapati manteti" ti.|| ||

Na kho panaham bhoti Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi.|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati,||
karunam jhanam jhayati,||
so Brahmanam passati,||
Brahmuna sakaccheti sallapati manteti" ti.|| ||

Iccham'aham bhoti vassike cattaro mase patisalliyitum,||
karunam jhanam jhayitum.|| ||

N'amhi kenaci upasankamitabbo annatra ekena bhattabhiharena" ti.|| ||

"Yassa'dani bhavam Govindo kalam mannati" ti.|| ||

43. Atha kho bho Maha-Govindo brahmano puratthimena nagarassa navam santhagaram karapetva vassike cattaro mase patisalliyi,||
karunam jhanam jhayi||
nassuda koci upasankamati annatra ekena bhattabhiharena.|| ||

Atha kho bho Maha-Govindasasa Brahmanassa catunnam masanam accayena ahu deva ukkanthana ahu paritassana:|| ||

Sutam kho pana m'etam Brahmananam vuddhanam mahallakanam acariya-pacariyanam bhasamananam:|| ||

Yo vassike cattaro mase patisalliyati karunam jhanam jhayati,||
so Brahmanam passati,||
Brahmuna sakaccheti sallapati manteti" ti.|| ||

Na kho panaham Brahmanam passami,||
na Brahmuna sakacchemi,||
na Brahmuna sallapami,||
na Brahmuna mantemi" ti.|| ||

44. Atha kho bho Brahmuna Sanamkumaro Maha-Govindassa brahmanassa cetasa ceto parivitakkam anna- [240]ya.|| ||

Seyyatha pi nama balava puriso saminjitam va baham pasareyya,||
pasaritam va baham samminjeyya.|| ||

Evam eva Brahma-loke antarahito Maha-Govindassa brahmanassa pamukhe patu-r-ahosi.|| ||

Atha kho bho Maha-Govindassa brahmanassa ahu-d'eva bhayam,||
ahu chambhitattam,||
ahu lomahamso,||
yatha tam adittha-pubbam rupam disva.|| ||

Atha kho bho Maha-Govindo brahmano bhito samviggo loma-hattha-jato Brahmanam Sanamkumaram gathaya ajjhabhasi:|| ||

"Vannava yasava sirima, ko nu tvam asi marisa?|| ||

Ajananta tam pucchama katham janemu tam mayam?"|| ||

"Mam ve kumaram jananti Brahma-loke sanantanam,||
Sabbe jananti mam deva, evam Govinda janahi."|| ||

"Asanam udakam pajjam madhu-pakan ca brahmuno,||
Agghe Bhavantam pucchama. Aggham kurutu no bhavam"|| ||

"Patigganhama te aggham yam tvam Govinda bhasasi.|| ||

Dittha-dhamma-hitatthaya samparaya-sukhaya ca,||
Katavakaso puccha ssu yam kinci-abhipatthitan" ti.|| ||

45. Atha kho bho Maha-Govindassa brahmanassa etad ahosi:|| ||

"Katavakaso kho'mhi Brahmuna Sanankumarena.|| ||

Kin nu kho aham Brahmanam Sanankumaram puccheyya,||
dittha-dhammikam va attham samparayikam va" ti?|| ||

[241] Atha kho bho Maha-Govindassa brahmanassa etad ahosi:|| ||

"Kusalo kho aham dittha-dhammikanam atthanam.|| ||

Anne pi mam dittha-dhammikam attham pucchanti.|| ||

Yannunaham Brahmanam Sanankumaram samparayikam yeva attham puccheyyan" ti.|| ||

Atha kho bho Maha-Govindo brahmano Brahmanam Sanankumaram gathaya ajjhabhasi:|| ||

"Pucchami Brahmanam Sanankumaram||
Kankhi akankhim paravediyesu,||
Katthatthito kimhi ca sikkhamano||
Pappoti macco amatam Brahma-lokan" ti?|| ||

"Hitva mamattam manujesu brahme||
Ekodibhuto karunadhimutto,||
Niramagandho virato methunasma||
Etthatthito ettha ca sikkhamano||
Pappoti macco amatam Brahma-lokan" ti.|| ||

46. "Hitva mamattam taham bhoto ajanami.|| ||

Idh'ekacco appam va bhogakkhandham||
pahaya mahantam va bhogakkhandham||
pahaya appam va nati-parivattam||
pahaya mahantam va nati-parivattam||
pahaya kesa-massum oharetva kasayani vatthani acchadetva agarasma anagariyam pabbajati.|| ||

Iti hitva mamattam taham bhoto ajanami.|| ||

[242] "Ekodibhuto" ti caham bhoto ajanami.|| ||

Idh'ekacco vivittam senasanam bhajati arannam rukkha-mulam pabbatam kandaram giri-guham susanam vana-pattham abbhokasam palala-punjam.|| ||

"Iti ekodibhuto" ti p'aham bhoto ajanami.|| ||

"Karunadhimutto" ti p'aham bhoto ajanami.|| ||

Idh'ekacco karuna-sahagatena cetasa ekam disam pharitva viharati,||
tatha dutiyam,||
tatha tatiyam,||
tatha catuttham.|| ||

Iti uddham adho tiriyam sabbadhi sabbattataya sabbavantam lokam karuna-sahagatena cetasa vipulena mahaggatena appamanena averena avyapajjena pharitva viharati.|| ||

"Iti karunadhimutto" ti p'aham bhoto ajanami.|| ||

"Amagandhe va kho aham bhoto bhasamanassa na ajanami.|| ||

"Ke amagandha manujesu Brahme?||
Ete avidva idha bruhi dhira.||
Ken'avata vati paja kurutthru||
Apayika nivuta-brahmaloka" ti.|| ||

[243] "Kodho mosa-vajjam nikati ca dobbho||
Kadariyata atimano usuyya,||
Iccha viviccha para-hethana ca||
Lobho ca doso ca mado ca moho||
Etesu yutta aniramagandha||
Apayika nivuta-brahmaloka" ti.|| ||

"Yatha kho aham bhoto amagandhe bhasamanassa ajanami,||
te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

"Yassa dani bhavam Govindo kalam mannati" ti.|| ||

47. Atha kho bho Maha-Govindo brahmano yena Renu raja ten'upasankami.|| ||

Upasankamitva Renum rajanam etad avoca:|| ||

"Annam dani bhavam purohitam pariyesatu,||
yo bhoto rajjam anusasissati.|| ||

Iccham'aham bho agarasma anagariyam pabbajitum.|| ||

Yatha kho pana me sutam Brahmuno amagandhe bhasamanassa te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

"Amantayami rajanam Renum bhumi-patim aham,||
Tvam pajanassu rajjena, naham porohacce rame."|| ||

"Sace te unam kamehi aham paripurayami te,||
Yo tam himsati varemi bhumi-senapati aham,||
Tvam pita aham putto ma no Govinda pajahi."|| ||

"Na m'atthi unam kamehi bhimsita me na vijjati||
Amanussa-vaco sutva tasma'ham na gahe rame.|| ||

[244] Amanusso katham-vanno, kam te attham abhasatha,||
Yam sutva pajahasi no gehe amhe ca kevale."|| ||

"Upavutthassa me pubbe yatthu-kamassa me sato||
Aggi pajjalito asi kusapatta-paritthato.||
Tato me Brahma patur ahu Brahma-loka Sanantano,||
So me panham viyakasi tam sutva na gahe rame."|| ||

"Saddahami aham bhoto yam tvam Govinda bhasasi,||
Amanussa-vaco sutva katham vattetha annatha,||
Te tam anuvattissama sattha Govinda no bhavam.||
Mani yatha veluriyo akaco vimalo subho,||
Evam suddha carissama Govindasasanusasane" ti.|| ||

"Sace bhavam Govindo agarasma anagariyam pabbajissati,||
aham pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

48. Atha kho bho Maha-Govindo brahmano yena te cha khattiya ten'upasankami,||
upasankamitva cha khattiye etad avoca:|| ||

"Annam dani bhavanto purohitam pariyesantu,||
yo bhavantanam rajje anusasissati.|| ||

Iccham'aham bho agarasma anagariyam pabbajitum.|| ||

Yatha kho pana me sutam Brahmuno amagandhe bhasamanassa,||
te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

Atha kho bho te cha khattiya eka-m-antam apakkamma [245] evam samacintesum:|| ||

"Ime kho Brahmana nama dhanaluddha,||
yan nuna mayam Maha-Govindam brahmanam dhanena sikkheyyama" ti.|| ||

Te Maha-Govindam brahmanam upasankamitva evam ahamsu:|| ||

"Samvijjati kho bho imesu sattasu rajjesu pahutam sapateyyam.|| ||

Tato bhoto yavatakena attho tavatakam ahareyyatan" ti.|| ||

"Alam bho!|| ||

Mama p'idam pahutam sapateyyam bhavantanam yeva vabhasa,||
tam aham yasam pahaya agarasma anagariyam pabbajissami.|| ||

Yatha kho pana me sutam Brahmuno amagandhe bhasamanassa,||
te na sunimmadaya agaram ajjhavasata.|| ||

Pabbajissam'aham bho agarasma anagariyan" ti.|| ||

49. Atha kho bho te cha khattiya eka-m-antam apakkamma evam samacintesum:|| ||

"Ime kho brahmana nama itthi-luddha.|| ||

Yan nuna mayam Maha-Govindam brahmanam itthihi sikkheyyama" ti?|| ||

Te Maha-Govindam brahmanam upasankamitva evam ahamsu:|| ||

"Samvijjanti kho bho imesu sattasu rajjesu pahuta itthiyo.|| ||

Tato bhoto yavatikahi attho,||
tavatika aniyyantan" ti.|| ||

"Alam bho!|| ||

Mama p'ima cattarisa bhariya sadisiyo.|| ||

Ta p'aham sabba pahaya agarasma anagariyam pabbajissami.|| ||

Yatha kho pana me sutam Brahmuno amagandhe bhasamanassa,||
te na sunimmadaya agaram ajjhavasata.|| ||

Pabbajissam'aham bho agarasma anagariyan" ti.|| ||

[246] 50. "Sace bhavam Govindo agarasma anagariyam pabbajissati,||
mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Sace jahatha kamani yattha satto puthujjano,||
Arabhavho dalha hotha khanti-bala-samahita.||
Esa maggo uju maggo esa maggo anuttaro,||
Saddhammo sabbhi rakkhito Brahma-lokupapattiya" ti.|| ||

51. "Tena hi bhavam Govindo satta vassani agametu,||
sattannam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Aticiram kho bho satta vassani.|| ||

Naham sakkomi bhavante satta vassani agametum.|| ||

Ko nu kho pana bho janati jivitanam.|| ||

Gamaniyo samparayo,||
mantayam boddhabbam,||
kattabbam kusalam,||
caritabbam brahmacariyam,||
n'atthi jatassa amaranam.|| ||

Yatha kho pana me sutam Brahmuno amagandhe bhasamanassa te na sunimmadaya agaram ajjhavasata.|| ||

Pabbajissam'aham bho agarasma anagariyan" ti.|| ||

52. "Tena hi bhavam Govindo cha vassani agametu.|| ||

Chabbassannam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

Tena hi bhavam Govindo panca vassani agametu.|| ||

Pancannam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

Tena hi bhavam Govindo cattari vassani agametu.|| ||

Catunnam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

Tena hi bhavam Govindo tini vassani agametu.|| ||

Tinnam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

Tena hi bhavam Govindo dve vassani agametu.|| ||

Dvinanam vassanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

Tena hi bhavam Govindo ekam vassam agametu.|| ||

Ekassa vassassa accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

53. "Aticiram kho bho ekam vassam.|| ||

Naham sakkomi [247] bhavante ekam vassam agametum.|| ||

Ko nu kho pana bho janati jivitanam.|| ||

Gamaniyo samparayo,||
mantayam boddhabbam||
katabbam kusalam,||
caritabbam brahmacariyam,||
n'atthi jatassa amaranam.|| ||

Yatha kho pana me sutam brahmuno amagandhe bhasamanassa,||
te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

"Tena hi bhavam Govindho satta masani agametu.|| ||

Sattannam manasam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

54. "Aticiram kho bho satta masani.|| ||

Naham sakkomi bhavante satta masani agametum.|| ||

Ko nu kho pana bho janati jivitanam?|| ||

Gamaniyo samparayo,||
mantaya boddhabbam,||
kattabbam kusalam,||
caritabbam buhmacariyam,||
n'atthi jatassa amaranam.|| ||

Yatha kho pana me sutam brahmuno amagandhe bhasamanassa,||
te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

"Tena hi bhavam Govindo cha masani agametu.|| ||

Cha masanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Tena hi bhavam Govindo panca masani agametu.|| ||

Pancannam masanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Tena hi bhavam Govindo cattari masani agametu.|| ||

Catunnam masanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Tena hi bhavam Govindo dve masani agametu.|| ||

Dvinnam masanam accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Tena hi bhavam Govindo ekam masam agametu.|| ||

Ekamasassa accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

"Tena hi bhavam Govindo addhamasam agametu.|| ||

Addhamasassa accayena mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

55. Aticiram kho bho so addhamaso.|| ||

Naham sakkomi bhavante addhamasam agametum.|| ||

Ko nu kho pana bho janati jivitanam?|| ||

Gamaniyo samparayo,||
mantaya boddhabbam,||
kattabbam kusalam,||
caritabbam brahmacariyam,||
n'atthi jatassa amaranam.|| ||

Yatha kho pana me sutam brahmuno amagandhe bhasamanassa te na sunimmadaya agarasma ajjhavasata,||
pabbajissam'aham bho agarasma anagariyan" ti.|| ||

[248] "Tena hi bhavam Govindo sattaham agametu,||
yava mayam sake putta-bhataro rajjena anusasissama.|| ||

Sattahassa accayena mayam pi agarasma anagariyam pabbajissama,|| ||

Atha ya te gati sa no gati bhavissati" ti.|| ||

"Na ciram kho bho sattaham,||
agamessam'aham bhavante sattahan" ti.|| ||

56. Atha kho bho Maha-Govindo brahmano yena te satta ca Brahmana maha-sala satta ca nahataka-satani ten'upasankami.|| ||

Upasankamitva satta ca brahmana-maha-sale satta ca nahataka-satani etad avoca:|| ||

"Annam dani bhavanto acariyam pariyesantu,||
yo bhavantanam mante vacessati.|| ||

Iccham'aham bho agarasma anagariyam pabbajitum.|| ||

Yatha kho pana me sutam Brahmuno amagandhe bhasamanassa te na sunimmadaya agaram ajjhavasata,||
pabbajissam'aham bho agarasma anagariyan" ti.|| ||

"Ma bhavam Govindo agarasma anagariyam pabbaji||
pabbajja bho appesakkha ca||
appalabha ca||
brahmannam mahesakkhan ca||
mahalabhan ca" ti.|| ||

"Ma bhavanto evam avavuttha:|| ||

"Pabbajja appesakkha ca,||
appalabha ca,||
brahmannam mahesakkhan ca||
mahalabhan ca" ti.|| ||

Ko nu kho bho anno maya mahesakkhataro va mahalabhataro va?|| ||

Aham hi bho etarahi raja ca rannam,||
Brahma ca brahmanam,||
devata ca gahapatikanam||
tam p'aham sabbam pahaya agarasma anagariyam pabbajissami.|| ||

Yatha kho pana me sutam Brahmuno amagandhe bhasamanassa,||
te na sunimmadaya [249] agaram ajjhavasata,||
pabbajissam'aham bho agarasma anagariyan" ti.|| ||

"Sace bhavam Govindo agarasma anagariyam pabbajissati,||
mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

57. Atha kho bho Maha-Govindo brahmano yena cattarisa bhariya sadisiyo ten'upasankami.|| ||

Upasankamitva cattarisa bhariya sadisiyo etad avoca:|| ||

"Ya bhoti nam icchati sakani va nati-kulani gacchatu,||
annam bhattaram pariyesatu.|| ||

Iccham'aham bhoti agarasma anagariyam pabbajitum.|| ||

Yatha kho pana me sutam Brahmuno amagandhe bhasamanassa,||
te na sunimmadaya agaram ajjhavasata||
pabbajissam'aham bhoti agarasma anagariyan" ti.|| ||

"Tvam yeva no nati nati-kamanam,||
tvam pana bhatta bhattu-kamamanam.|| ||

Sace bhavam Govindo agarasma anagariyam pabbajissati,||
mayam pi agarasma anagariyam pabbajissama.|| ||

Atha ya te gati sa no gati bhavissati" ti.|| ||

58. Atha kho bho Maha-Govindo brahmano tassa sattahassa accayena kesa-massum oharetva kasayani vatthani acchadetva agarasma anagariyam pabbaji.|| ||

Pabbajitam pana Maha-Govindam brahmanam satta ca rajano khattiya muddhavasitta,||
satta ca brahmana-mahasala satta ca nahataka-satani,||
cattarisa ca bhariya sadisiyo,||
anekani ca khattiya-sahassani,||
anekani ca brahmana-sahassani,||
anekani ca gahapati-sahassani,||
anekehi ca itthagarehi itthikayo kesa-massum oharetva kasayani vatthani acchadetva Maha-Govindam brahmanam agarasma anagariyam pabbajitam anupabbajimsu.|| ||

Taya sudam bho parisaya parivuto Maha-Govindo brahmano gama-nigama-raja- [250] dhanisu carikam carati.|| ||

Yam kho pana bho tena samayena Maha-Govindo brahmano gamam va nigamam va upasankamati||
tattha raja va hoti rannam,||
Brahma va brahmananam,||
devata va gahapatikanam.|| ||

Tena kho pana samayena manussa khipanti va upakkhalanti va,||
te evam ahamsu:|| ||

"Nam'atthu Maha-Govindassa brahmanassa,||
nam'atthu satta-purohitassa" ti.|| ||

59. Maha-Govindo bho Brahmano metta-sahagatena cetasa ekam disam pharitva vihasi,||
tatha dutiyam,||
tatha tatiyam,||
tatha catuttham.|| ||

Iti uddham-adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena avyapajjena pharitva vihasi.|| ||

Karuna-sahagatena cetasa ekam disam pharitva vihasi,||
tatha dutiyam,||
tatha tatiyam,||
tatha catuttham.|| ||

Iti uddham-adho tiriyam sabbadhi sabbattataya sabbavantam lokam karuna-sahagatena cetasa vipulena mahaggatena appamanena averena avyapajjena pharitva vihasi.|| ||

Mudita-sahagatena cetasa ekam disam pharitva vihasi,||
tatha dutiyam,||
tatha tatiyam,||
tatha catuttham.|| ||

Iti uddham-adho tiriyam sabbadhi sabbattataya sabbavantam lokam mudita-sahagatena cetasa vipulena mahaggatena appamanena averena abyapajjena pharitva vihasi.|| ||

Upekkha-sahagatena cetasa ekam disam pharitva vihasi,||
tatha dutiyam,||
tatha tatiyam,||
tatha catuttham.|| ||

Iti uddham-adho tiriyam sabbadhi sabbattataya sabbavantam lokam upekkha-sahagatena cetasa vipulena mahaggatena appamanena averena abyapajjena pharitva vihasi.|| ||

Savakanan ca Brahma-loka-sahabyataya maggam desesi.|| ||

60. Ye kho pana bho tena samayena Maha-Govindassa brahmanassa savaka sabbena sabbam sasanam ajanimsu,||
te kayassa bheda param marana sugatim Brahma-lokam upapajjimsu.|| ||

Ye na sabbena sabbam sasanam ajanimsu,||
te kayassa bheda param marana app'ekacce Paranimmita-Vasavattinam devanam sahabyatam upapajjimsu,||
app'ekacce Nimmana-ratinam devanam sahavyatam upapajjimsu||
app'ekacce Tusitanam devanam sahabyatam upapajjimsu,||
app'ekacce Yamanam devanam [251] sahavyatam upapajjimsu,||
app'ekacce Tavatimsanam devanam sahabyatam upapajjimsu,||
app'ekacce Catummaharajikanam devanam sahabyatam upapajjimsu.|| ||

Ye sabbe sabba-nihinam-kayam paripuresum te gandhabba-kayam paripuresum.|| ||

Iti kho pana sabbesam yeva tesam kula-puttanam amogha pabbajja ahosi avanjha saphala sa-udraya" ti.|| ||

 


 

61. "Sarati tam Bhagava" ti?|| ||

"Saram'aham Pancasikha.|| ||

Aham tena samayena Maha-Govindo brahmano ahosim.|| ||

Aham tesam savakanam Brahma-loka-sahavyataya maggam desesim.|| ||

Tam kho pana me Pancasikha, brahmacariyam||
na nibbidaya||
na viragaya||
na nirodhaya||
na upasamaya||
na abhinnaya||
na sambodhaya||
na nibbanaya samvattati,||
yavad eva Brahma-lokupapattiya.|| ||

Idam kho pana me Pancasikha, brahmacariyam||
ekanta-nibbidaya||
viragaya||
nirodhaya||
upasamaya||
abhinnaya||
sambodhaya||
nibbanaya samvattati,||
ayam eva ariya atthangiko Maggo.|| ||

Seyyathidam samma-ditthi,||
samma-sankappo,||
samma-vaca,||
samma-kammanto,||
samma-ajivo,||
samma-vayamo,||
samma-sati,||
samma-samadhi.|| ||

Idam kho tam Pancasikha, brahmacariyam ekanta-nibbidaya viragaya nirodhaya upasamaya abhinnaya sambodhaya nibbanaya samvattati.|| ||

62. "Ye kho pana me Pancasikha savaka sabbena sabbam sasanam ajananti,||
te asavanam khaya anasavam ceto-vimuttim panna-vimuttim ditthe va dhamme sayam [252] abhinna sacchikatva upasampajja viharanti.|| ||

Ye na sabbena sabbam sasanam ajananti app'ekacce pancannam orambhagiyanam samyojananam parikkhaya opapatika honti,||
tattha parinibbayino anavatti-dhamma tasma loka.|| ||

Ye na sabbena sabbam sasanam ajananti,||
app'ekacce tinnam samyojananam parikkhaya raja-dosa-mohanam tanutta sakadagamino honti,||
sakid'eva imam lokam agantva dukkhass'antam karonti.|| ||

Ye na sabbena sabbam sasanam ajananti app'ekacce tinnam sannojananam parikkhaya sotapanna honti avinipata-dhamma niyata sambodhi-parayana.|| ||

Iti kho Pancasikha, sabbesam yeva imesam kula-puttanam amogha pabbajja avanjha saphala sa-uddisa" ti.|| ||

Idam avoca Bhagava.|| ||

Attamano Pancasikho Gandhabba-putto Bhagavato bhasitam abhinanditva anumoditva Bhagavantam abhivadetva padakkhinam katva tatth'ev'antaradhayi" ti.|| ||

Maha-Govinda Suttam chattham.|| ||


Contact:
E-mail
Copyright Statement