Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 24

Patika Suttantam

Adapted from the digital version of the Sri Lanka Buddha Jayanti Tripitaka Series

 


 

[1][pts]Evam me sutam.|| ||

Ekam samayam Bhagava Mallesu viharati.|| ||

Anupiya nama Mallanam nigamo.|| ||

Atha kho Bhagava pubbanha-samayam nivasetva patta-civaram adaya Anupiyam pindaya pavisi.|| ||

Atha kho Bhagavato etad ahosi:|| ||

"Atippago kho tava Anupiyayam pindaya caritum,||
yan nunaham yena Bhaggava-gottassa paribbajakassa aramo,||
yena Bhaggava-gotto paribbajako ten'upasankameyyan" ti.|| ||

2. Atha kho Bhagava yena Bhaggava-gottassa paribbajakassa aramo yena Bhaggava-gotto paribbajako ten'upasankami.|| ||

[2] Atha kho Bhaggava-gotto paribbajako Bhagavantam etad avoca:|| ||

"Etu kho bhante Bhagava,||
svagatam bhante Bhagavato,||
cirassam kho bhante Bhagava imam pariyayam akasi yad idam idh'agamanaya.|| ||

Nisidatu bhante Bhagava,||
idam asanam pannattan" ti.|| ||

Nisidi Bhagava pannatte asane.|| ||

Bhaggava-gotto pi kho paribbajako annataram nicam asanam gahetva eka-m-antam nisidi.|| ||

3. Eka-m-antam nisinno kho Bhaggava-gotto paribbajako Bhagavantam etad avoca:|| ||

"Purimani bhante, divasani purimatarani Sunakkhatto Licchavi-putto yenaham ten'upasankami,||
upasankamitva mam etad avoca:|| ||

'Paccakkhato dani maya Bhaggava Bhagava,||
na danaham Bhaggava Bhagavantam uddissa viharami' ti.|| ||

Kacc'etam bhante tath'eva,||
yatha Sunakkhatto Licchavi-putto avaca" ti?|| ||

"Tath'eva kho etam Bhaggava,||
yatha Sunakkhatto Licchavi-putto avaca.|| ||

4. Purimani Bhaggava divasani puramatarani Sunakkhatto Licchavi-putto yenaham ten'upasankami.|| ||

Upasankamitva mam abhivadetva eka-m-antam nisidi.|| ||

Eka-m-antam nisinno kho Bhaggava,||
Sunakkhatto Licchavi-putto mam etad avoca:|| ||

'Paccakkhami danaham bhante Bhagavantam,||
na danaham bhante, Bhagavantam uddissa viharissami' ti.|| ||

Evam vutte aham Bhaggava,||
Sunakkhattam Licchavi-puttam etad avocam:|| ||

'Api nunaham Sunakkhatta, evam avacam:|| ||

"Ehi tvam Sunakkhatta, mamam uddissa viharahi" ti?|| ||

'No h'etam bhante.'|| ||

[3] Tvam va pana mam evam avaca:|| ||

"Aham bhante, Bhagavantam uddissa viharissami" ti?.|| ||

'No h'etam bhante.'|| ||

Iti kira Sunakkhatta, n'evahan tam vadami:

"Ehi tvam Sukkhatta,||
mamam uddissa viharahi" ti,|| ||

Na pi kira mam tvam vadesi:|| ||

"Aham bhante, Bhagavantam uddissa viharissami" ti,|| ||

Evam sante mogha-purisa,||
ko santo kam paccacikkhasi?|| ||

Passa mogha-purisa,||
yavan ca te idam aparaddhan' ti.|| ||

5. 'Na hi pana me hante,||
Bhagava uttari-manussa-dhamma iddhi-patihariyam karoti' ti.|| ||

'Api nu taham Sunakkhatta, evam avacam:|| ||

"Ehi tvam Sunakkhatta,||
mamam uddissa viharahi,||
ahan te uttari-manussa-dhamma iddhi-patihariyam karissami' ti?"

'No h'etam bhante.'|| ||

Tvam ca pana mam evam acaca:

"Aham bhante, Bhagavantam uddissa viharissami,||
Bhagava me uttari manussadhamma iddhi-patihariyam karissati' ti?"

'No h'etam bhante.'|| ||

'Iti kira Sunakkhatta,||
n'evahan tam vadami:|| ||

"Ehi tvam Sunakkhatta,||
mamam uddissa viharahi,||
ahan te uttari-manussa-dhamma iddhi-patihariyam karissami" ti,|| ||

Na pi kira mam tvam vadesi:|| ||

"Aham bhante, Bhagavantam uddissa viharissami,||
Bhagava me uttari-manussa-dhamma iddhi-patihariyam karissati" ti,|| ||

Evam sante mogha-purisa,||
ko santo kam paccacikkhasi?|| ||

Tam kim mannasi Sunakkhatta?|| ||

Kate va uttari-manussa-dhamma||
iddhi-patihariye akate va||
uttari-manussa-dhamma iddhi-patihariye,||
yass'atthaya maya dhammo desito so niyyati takkarassa samma-dukkha-kkhayaya ti?|| ||

[4] 'Kate va bhante,||
uttari-manussa-dhamma iddhi-patihariye akate va||
uttari-manussa-dhamma iddhi-patihariye,||
yass'atthaya Bhagavata dhammo desito so niyyati takkarassa samma-dukkha-kkhayaya' ti.|| ||

Iti kira Sunakkhatta,||
kate va uttari-manussa-dhamma iddhi-patihariye akate va uttari-manussa-dhamma iddhi-patihariye,||
yass'atthaya maya dhammo desito so niyyati takkarassa samma-dukkha-kkhayaya.|| ||

Tatra Sunakkhatta,||
kim uttari-manussa-dhamma iddhi-patihariyam katam karissati?|| ||

Passa mogha-purisa,||
yavan ca te idam aparaddhan ti.'|| ||

6. 'Na hi pana me bhante,||
Bhagava aggannam pannapeti' ti.|| ||

Api nu taham Sunakkhatta,||
evam avacam:|| ||

"Ehi tvam Sunakkhatta,||
mamam uddissa viharahi,||
ahan te aggannam pannapessami" ti?|| ||

'No h'etam bhante.'|| ||

Tvam va pana mam evam avaca:|| ||

"Aham bhante, Bhagavantam uddissa viharissami,||
Bhagava me aggannam pannapessati" ti?

'No h'etam bhante.'|| ||

Iti kira Sunakkhatta,||
n'evahan tam vadami:

"Ehi tvam Sunakkhatta,||
mamam uddissa viharahi,||
ahan te aggannam pannapessami" ti,|| ||

Na pi kira mam tvam vadesi:|| ||

"Aham bhante, Bhagavantam uddissa viharissami,||
Bhagava me aggannam pannapessati" ti,|| ||

Evam sante mogha-purisa,||
ko santo kam paccacikkhasi?|| ||

Tam kim mannasi Sunakkhatta?|| ||

Pannatte va agganne appannatte va agganne||
yass'atthaya maya dhammo desito,||
so niyyati takkarassa samma-dukkha-kkhayaya ti?|| ||

'Pannatte va bhante,||
agganne appannatte va agganne,||
yass'atthaya Bhagavata dhammo desito so niyyati takkarassa samma-dukkha-kkhayaya' ti.|| ||

[5] Iti kira Sunakkhatta,||
pannatte va agganne appannatte va agganne,||
yass'atthaya maya dhammo desito,||
so niyyati takkarassa samma-dukkha-kkhayaya.|| ||

Tatra Sunakkhatta,||
kim aggannam pannattam karissati?|| ||

Passa mogha-purisa,||
yavan ca te idam aparaddham.|| ||

Aneka-pariyayena kho te Sunakkhatta,||
mama vanno bhasito Vajji-game:|| ||

"Iti pi so Bhagava araham Samma-Sambuddho vijja-carana-sampanno sugato loka-vidu anuttaro purisadammasarathi sattha deva-manussanam buddho Bhagava" ti.|| ||

Iti kho te Sunakkhatta,||
aneka-pariyayena mama vanno bhasito Vajji-game.'|| ||

Aneka-pariyayena kho te Sunakkhatta,||
Dhammassa vanno bhasito Vajji-game:|| ||

"Svakkhato Bhagavata Dhammo sanditthiko akaliko ehi-passiko opanayiko paccattam veditabbo vinnuhi" ti.|| ||

Iti kho te Sunakkhatta,||
aneka-pariyayena Dhammassa vanno bhasito Vajji-game.|| ||

Aneka-pariyayena kho te Sunakkhatta,||
Sanghassa vanno bhasito Vajji-game:|| ||

"Supatipanno Bhagavato savaka-sangho,||
uju-patipanno Bhagavato savaka-sangho,||
naya-patipanno Bhagavato savaka-sangho,||
samici-patipanno Bhagavato savaka-sangho,||
yad idam cattari purisayugani attha-purisa-puggala,||
esa Bhagavato savaka-sangho ahuneyyo pahuneyyo dakkhineyyo anjali-karaniyo anuttaram punna-kkhettam lokassa" ti.|| ||

Iti kho te Sunakkhatta,||
aneka-pariyayena Sanghassa vanena bhasito Vajji-game.|| ||

Arocayami kho te Sunakkhatta,||
pativedayami kho te Sunakkhatta,||
bhavissanati kho te Sunakkhatta vattaro:|| ||

"No visahi Sunakkhatto Licchavi-putto Samane Gotame brahmacariyam caritum.|| ||

So avisahanto sikkham paccakkhaya hinay'avatto" ti.|| ||

Iti kho te Sunakkhatta,||
bhavissanti vattaro' ti.|| ||

[6] Evam kho Bhaggava, Sunakkhatto Licchavi-putto maya vuccamano apakkam'eva imasma Dhamma-Vinaya yatha tam Apayiko Nerayiko."|| ||

Korakkhatkiyavatthu

7. Ekam idaham Bhaggava, samayam Bumusu viharami,||
Uttaraka nama Bumunam nigamo.|| ||

Atha kho'ham Bhaggava,||
pubbanha-samayam nivasetva patta-civaram adaya Sunakkhattena Licchavi-puttena paccha-samanena Uttarakam pindaya pavisim.|| ||

Tena kho pana samayena acelo Korakkhattiyo kukkuravatiko catukundiko chama-nikkinnam bhakkhasam mukhen'eva khadati mukhen'eva bhunjati.|| ||

Addasa kho Bhaggava, Sunakkhatto Licchavi-putto acelam Korakkhattiyam kukkuravatikam catukundikam chama-nikkinnam bhakkhasam mukhen'eva khadannam mukhen'eva bhunjantam.|| ||

Disvan'assa etad ahosi:|| ||

"Sadhu-rupo vata bho araham samano catukundiko chama-nikkinnam bhakkhasam mukhen'eva khadati mukhen'eva bhunjati" ti.|| ||

8. Atha kho aham Bhaggava,||
Sunakkhattassa Licchavi-puttassa cetasa ceto-parivitakkam annaya Sunakkhattam Licchavi-puttam etad avocam:|| ||

'Tvam pi nama mogha-purisa,||
samano Sakya-puttiyo patijanissasi' ti?|| ||

'Kim pana mam bhante,||
Bhagava evam aha:'|| ||

[7] 'Tvam pi nama mogha-purisa,||
samano Sakya-puttiyo patijanissi ti?'|| ||

'Nanu te Sunakkhatta,||
imam acelam Korakkhattiyam kukkuravatikam catukundikam chama-nikkinnam bhakkhasam mukhen'eva khadantam mukhen'eva bhunjantam.|| ||

Disvana etad ahosi:|| ||

"Sadhu-rupo vata bho araha samano catukundiko chama-nikkinnam bhakkhasam mukhen'eva khadati mukhen'eva bhunjati" ti?'|| ||

'Evam bhante.|| ||

Kim pana bhante,||
Bhagava arahattassa maccharayati' ti?|| ||

'Na kho aham mogha-purisa,||
arahattassa maccharayami|| ||

Api ca tuyh'ev'etam papakam ditthi-gatam uppannam,||
tam pajaha,||
ma te ahosi digha-rattam ahitaya dukkhaya.|| ||

Yam kho pan'etam Sunakkhatta,||
mannasi acelam Korakkhattiyam:|| ||

"Sadhu-rupo araham samano" ti,||
so sattamam-divasam alasakena kalam karissati,||
kala-kato ca - Kalakanja nama Asura,||
sabba-nihino Asura-kayo - tatra upapajjissati.|| ||

Kalakatan ca nam birana-tthambhake susane chaddessanti.|| ||

Akankhamano ca tvam Sunakkhatta,||
acelam Korakkhattiyam upasankamitva puccheyyasi:|| ||

"Janasi avuso acela Korakkhattiya,||
attano gatin" ti?|| ||

Thanam kho pan'etam Sunakkhatta,||
vijjati,||
yan te acelo Korakkhattiyo vyakarissati:|| ||

"Janami avuso Sunakkhatta attano gatim - Kalakanja nama Asura,||
sabba-nihino Asura-kayo tatr'amhi upapanno" ti.'|| ||

9. Atha kho Bhaggava, Sunakkhatto Licchavi-putto yena acelo Korakkhattiyo ten'upasankami.|| ||

Upasankamitva acelam Korakkhattiyam etad avoca:|| ||

'Vyakato kho'si avuso Korakkhattiya,||
samanena Gotamena:|| ||

"Acelo Korakkhattiyo sattamam-divasam alasakena kalam karissati,||
kala-kato.|| ||

[8] Ca Kalakanja nama Asura,||
sabba-nihino Asura-kayo tatra upapajjissati||
Kalakatan ca nam birana-tthambhake susane chaddessanti" ti.|| ||

Yena tvam avuso Korakkhattiya,||
mattam ca bhattam bhunjeyyasi,||
mattam ca paniyam piveyyasi,||
yatha Samanassa Gotamassa miccha assa vacanan' ti.|| ||

Atha kho Bhaggava, Sunakkhatto Licchavi-putto eka-dvihikaya sattarattindivani ganesi,||
yatha tam Tathagatassa asaddahamano.'|| ||

Atha kho Bhaggava,||
acelo Korakkhattiyo sattamam-divasam alasakena kalam akasi||
Kalakato Kalakanja nama Asura,||
sabba-nihino Asura-kayo tatra upapajji||
Kalakatan ca tam birana-tthambhake susane chaddhesum.|| ||

Assosi kho Bhaggava, Sunakkhatto Licchavi-putto acelo Korakkhattiyo alasakena kala-kato birana-tthambhake susane chaddhito' ti.|| ||

Atha kho Bhaggava, Sunakkhatto Licchavi-putto yena birana-tthambhakam susanam yena acelo Korakkhattiyo ten'upasankami.|| ||

Upasankamitva acelam Korakkhattiyam tikkhattum panina akotesi:|| ||

'Janasi avuso,||
Korakkhattiya attano gatin' ti?|| ||

Atha kho Bhaggava, acelo Korakkhattiyo panina pitthim paripunjanto vutthasi|| ||

'Janami avuso Sunakkhatta, attano gatim||
Kalakanja nama Asura||
sabba nihino Asura-kayo,||
tatr'amhi upapanno' ti|| ||

vatva tatth'eva uttano paripati.|| ||

10. Atha kho Bhaggava, Sunakkhatto Licchavi-putto yenaham ten'upasankami.|| ||

Upasankamitva mam abhivadetva eka-m-antam nisidi.|| ||

Eka-m-antam nisinnam kho aham Bhaggava,||
Sunakkhattam Licchavi-puttam etad avocam:|| ||

'Tam kim mannasi Sunakkhatta?|| ||

Yath'eva te aham acelam Korakkhattiyam arabbha vyakasim,||
tath'eva tam vipakkam annatha va' ti?|| ||

'Yath'eva me bhante,||
Bhagava acelam Korakkhattiyam arabbha vyakasi,||
tath'eva tam vipakkam no annatha' ti?|| ||

[9] 'Tam kim mannasi Sunakkhatta?|| ||

Yadi evam sante katam va hoti uttari-manussa-dhamma iddhi-patihariyam akatam va' ti?|| ||

'Addha kho bhante,||
evam sante katam hoti uttari-manussa-dhamma iddhi-patihariyam no akatan' ti.|| ||

'Evam pi kho mam tvam mogha-purisa,||
uttari-manussa-dhamma iddhi-patihariyam karontam evam vadesi:|| ||

"Na hi pana me bhante,||
Bhagava uttari-manussa-dhamma iddhi-patihariyam karoti" ti.|| ||

Passa mogha-purisa,||
yavan ca te idam aparaddhan' ti.|| ||

Evam pi kho Bhaggava,||
Sunakkhatto Licchavi-putto maya vuccamano apakkam'eva imasma Dhamma-Vinaya,||
yatha tam Apayiko Nerayiko."|| ||

Kandaramasukavatthu

11. "Ekam idaham Bhaggava,||
samayam Vesaliyam viharami Maha-vane Kutagara-salayam.|| ||

Tena kho pana samayena acelo Kandaramasuko Vesaliyam pativasati labhagga-ppatto c'eva yasagga-ppatto ca Vajji-game.|| ||

Tassa satta vata-padani samattani samadinnani honti:

'Yava-jivam acelako assam,||
na vattham paridaheyyam.|| ||

Yava-jivam brahmacari assam,||
na methunam dhammam patiseveyyam.|| ||

Yava-jivam sura-mamsen'eva yapeyyam,||
na odana-kummasam bhunjeyyam.|| ||

Puratthimena Vesalim Udenam nama cetiyam tam natikkameyyam

Dakkhinena Vesalim Gotamakam nama cetiyam tam natikkameyyam

Pacchimena Vesalim Sattambam nama cetiyam [10] Tam natikkameyyam

Uttarena Vesalim Bahuputtam nama cetiyam tam natikkameyyana' ti.|| ||

So imesam sattannam vata-padanam samadana-hetu labhagga-ppatto c'eva yasagga-ppatto ca Vajji-game.|| ||

Atha kho Bhaggava, Sunakkhatto Licchavi-putto yena acelo Kandaramasuko ten'upasankami,||
upasankamitva acelam Kandaramasukam panham pucchi.|| ||

Tassa acelo Kandaramasuko panham puttho na sampayasi.|| ||

Asampayanto kopan ca dosan ca appaccayan ca patvakasi.|| ||

Atha kho Bhaggava, Sunakkhattassa Licchavi-puttassa etad ahosi:|| ||

'Sadhu-rupam vata bho arahantam samanam asadimhase,||
ma vata no ahosi digha-rattam ahitaya dukkhaya' ti.'|| ||

12. Atha kho Bhaggava, Sunakkhatto Licchavi-putto yenaham ten'upasankami.|| ||

Upasankamitva mam abhivadetva eka-m-antam nisidi.|| ||

Eka-m-antam nisinnam kho aham Bhaggava,||
Sunakkhattam Licchavi-puttam etad avocam:|| ||

'Tvam pi nama mogha-purisa,||
samano Sakya-puttiyo patijanissasi' ti?|| ||

'Kim pana mam bhante,||
Bhagava evam aha:|| ||

"Tvam pi nama mogha-purisa,||
samano Sakya-puttiyo patijanissasi" ti?|| ||

'Nanu tvam Sunakkhatta,||
acelam Kandaramasukam upasankamitva panham pucchi?|| ||

Tassa te acelo Kandaramasuko panham puttho na sampayasi.|| ||

Asampayanto kopan ca dosan ca appaccayan ca patvakasi.|| ||

Tassa te etad ahosi:|| ||

"Sadhurupam vata bho arahantam samanam asadimhase.|| ||

Ma vata no ahosi digha-rattam ahitaya dukkhaya" ti.'|| ||

'Evam bhante.|| ||

Kim pana bhante,||
Bhagava arahantassa maccharayati' ti?|| ||

[11] 'Na kho aham mogha-purisa,||
arahattassa maccharayami.|| ||

Api ca tuyh'ev'etam papakam ditthi-gatam uppannam,||
tam pajaha,||
ma te ahosi digha-rattam ahitaya dukkhaya.|| ||

Yam kho pan'etam Sunakkhatta mannasi acelam Kandaramasukam "sadhurupo araham samano" ti||
so na cirass'eva parihito sanucariyo vicaranto odana-kummasam bhunjamano sabban'eva Vesaliyani cetiyani samatikkamitva yasa nikkinno kalam karissati ti.'|| ||

13. Atha kho Bhaggava, acelo Kalaramatithuko na cirass'eva parihito sanucariyo vicaranto odana-kummasam bhunjamano sabban'eva Vesaliyani cetiyani samatikkamitva yasa nikkinno kalam akasi.|| ||

Assosi kho Bhaggava, Sunakkhatto Licchavi-putto:|| ||

Acelo kira Kandaramasuko parihito sanucariyo vicaranto odana-kummasam bhunjamano sabban'eva Vesaliyani cetiyani samatikkamitva yasa nikkinno kalam katoti.|| ||

Atha kho Bhaggava, Sunakkhatto Licchavi-putto yenaham ten'upasankami.|| ||

Upasankamitva mam abhivadetva eka-m-antam nisidi.|| ||

Eka-m-antam nisinnam kho aham Bhaggava Sunakkhattam Licchavi-puttam etad avocam:

'Tam kim mannasi Sunakkhatta?|| ||

Yath'eva te aham acelam Kandaramasukam arabbha vyakasim,||
tath'eva tam vipakkam annatha va' ti?|| ||

'Yath'eva me bhante,||
Bhagava acelam Kandaramasukam arabbha vyakasi,||
tath'eva tam vipakkam no annatha' ti.|| ||

'Tam kim mannasi Sunakkhatta?|| ||

Yadi evam sante [12] katam va hoti uttari-manussa-dhamma iddhi-patihariyam,||
akatam va' ti?

'Addha kho bhante,||
evam sante katam hoti uttari-manussa-dhamma iddhi-patihariyam,||
no akatanti.'|| ||

'Evam pi kho mam tvam mogha-purisa,||
uttari-manussa-dhamma iddhi-patihariyam karontam evam vadesi:|| ||

"Na hi pana me bhante,||
Bhagava uttari-manussa-dhamma iddhi-patihariyam karoti" ti.|| ||

Passa mogha-purisa,||
yavan ca te idam aparaddhan' ti.|| ||

Evam pi kho Bhaggava, Sunakkhatto Licchavi-putto maya vuccamano apakkam'eva imasma Dhamma-Vinaya,||
yatha tam Apayiko Nerayiko."|| ||

Patikaputtavatthu

14. "Ekam idaham Bhaggava, samayam tatth'eva Vesaliyam viharami Maha-vane Kutagara-salayam.|| ||

Tena kho pana samayena acelo Patika-putto Vesaliyam pativasati labhagga-ppatto c'eva yasagga-ppatto ca Vajji-game.|| ||

So ca Vesaliyam parisatim evam vacam bhasati:|| ||

'Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham [13] karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami' ti.|| ||

15. "Atha kho Bhaggava, Sunakkhatto Licchavi-putto yenaham ten'upasankhami,||
upasankamitva mam abhivadetva eka-m-antam nisidi.|| ||

Eka-m-antam nisinno kho Bhaggava,||
Sunakkhatto Licchavi-putto mam etad avoca:|| ||

'Acelo bhante, Patika-putto Vesaliyam pativasati labhagga-ppatto c'eva yasagga-ppatto ca Vajji-game.|| ||

So Vesaliyam parisatim evam vacam bhasati:|| ||

"Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami" ti.|| ||

16. Evam vutto aham Bhaggava, Sunakkhattam Licchavi-puttam etad avocam:|| ||

'Abhabbo kho Sunakkhatta,||
acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum.|| ||

Sace pi'ssa evam assa|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa samamukhibhavam gaccheyyan" ti|| ||

muddha pi tassa vipateyya' ti.|| ||

'Rakkhate tam bhante, Bhagava vacam,||
rakkhat'etam Sugato vacan ti.'|| ||

[14] 'Kim pana mam tvam Sunakkhattam evam vadesi:|| ||

"Rakkhate tam bhante,||
Bhagava vacam,||
rakkhate tam sugato vacan" ti?'|| ||

'Bhagavata c'assa bhante, esa vaca ekamsena odharita:|| ||

"Abhabbo acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum."|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

Acelo ca bhante,||
Patika-putto virupa-rupena Bhagavato sammukhi-bhavam agaccheyya,||
tadassa Bhagavato musa' ti.'|| ||

'Api nu Sunakkhatta,||
Tathagato tam vacam bhaseyya ya sa vaca dvaya-gamini' ti?|| ||

'Kim pana bhante, Bhagavata acelo Patika-putto cetasa ceto paricca vidito:|| ||

"Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti?|| ||

Udahu devata Tathagatassa etam attham arocesum:|| ||

"Abhabbo acelo Patika-putto tam vacam appahaya tam cittam appahaya tam ditthim appatinissajjitva Bhagavato sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti?|| ||

17. 'Cetasa ceto paricca vidito c'eva me Sunakkhatta:|| ||

"Acelo Patika-putto abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

Devata pi me etam attham arocesum:|| ||

[15] Abhabbo bhante, acelo Patika-putto abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti?|| ||

Ajito pi nama Licchavinam senapati adhuna kala-kato Tavatimsakayam upapanno.|| ||

So pi mam upasankamitva evam arocesi:|| ||

"Alajji bhante, acelo Patika-putto||
musa-vadi bhante, acelo Patika-putto||
mam pi bhante, acelo Patika-putto||
vyakasi Vajji-game:|| ||

'Ajito Licchavi senapati Maha-Nirayam upapanno' ti.|| ||

Na kho panaham bhante,||
Maha-Nirayam upapanno.|| ||

Tavatisamhi kayam upapanno.|| ||

"Alajji bhante, acelo Patika-putto||
musa-vadi bhante, acelo Patika-putto||
mam pi bhante, acelo Patika-putto,||
abhabbo ca bhante,||
acelo Patika-putto tam vacam appahaya tam cittam appahaya tam ditthim appatinissajjitva Bhagavato sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

Iti kho Sunakkhatta, cetasa ceto paricca vidito c'eva me acelo Patika-putto abhabbo acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

Devata pi me etam attham arocesum abhabbo bhante,||
acelo Patika-putto tam vacam appahaya tam cittam appahaya tam ditthim appatinissajjitva Bhagavato sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

So kho panaham Sunakkhatta,||
Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten'upasankamissami diva-viharaya.|| ||

Yassa dani tvam Sunakkhatta, icchasi,||
tassa arocehi" ti.|| ||

Iddhipatihariyakatha

[16] 18. Atha kho aham Bhaggava,||
pubbanha-samayam nivasetva patta-civaram adaya Vesaliyam pindaya pavisim.|| ||

Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten'upasankamim diva-viharaya.|| ||

Atha kho Bhaggava, Sunakkhatto Licchavi-putto taramana-rupo Vesalim pavisitva yena abhinnata abhinnata Licchavi ten'upasankami.|| ||

Upasankamitva abhinnate Licchavi etad avoca:|| ||

'Es'avuso, Bhagava Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten'upasankami diva-viharaya.|| ||

Abhikkamath'ayasmanto abhikkamath'ayasmanto.|| ||

Sadhu-rupanam samananam uttari-manussa-dhamma iddhi-patihariyam bhavissati' ti.|| ||

Atha kho Bhaggava, abhinnatanam abhinnatanam Licchavinam etad ahosi:|| ||

'Sadhu-rupanam kira bho samananam uttari-manussa-dhamma iddhi-patihariyam bhavissati.|| ||

Handa vata bho gacchama' ti.|| ||

Yena ca abhinnata abhinnata brahmana-mahasala gahapati-necayika nana-titthiya samana-brahmana ten'upasankami,||
upasankamitva abhinnate abhinnate nanatitthiye samana-brahmane etad avoca:|| ||

'Es'avuso, Bhagava Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten'upasankami diva-viharaya.|| ||

Abhikkamath'ayasmanto abhikkamath'ayasmanto.|| ||

Sadhu-rupanam samananam uttari-manussa-dhamma iddhi-patihariyam bhavissati' ti.|| ||

Atha kho Bhaggava, abhinnatanam abhinnatanam nana-titthiyanam samana-brahmananam etad ahosi:|| ||

'Sadhu-rupanam kira bho samananam uttari-manussa-dhamma iddhi-patihariyam bhavissati.|| ||

Handa vata bho gacchama' ti.|| ||

[17] 19. Atha kho Bhaggava, abhinnata abhinnata Licchavi||
abhinnnata abhinnata ca brahmana-mahasala||
gahapati-necayika nana-titthiya samana-brahmana||
yena acelassa Patika-puttassa aramo ten'upasankamimsu.|| ||

Sa esa Bhaggava, parisa hoti aneka-sata aneka-sahassa.|| ||

Assosi kho Bhaggava, acelo Patika-putto:|| ||

'Abhikkanta kira abhinnata abhinnata Licchavi,||
abhikkanta abhinnata abhinnata ca brahmana-mahasala,||
abhinnata abhinnata ca brahmana-mahasala gahapati-necayika nana-titthiya samana-brahmana,||
samano pi Gotamo mayham arame diva-viharam nisinno' ti.|| ||

Sutvan'assa bhayam chambhitattam lomahamso udapadi.|| ||

20. Atha kho Bhaggava, acelo Patika-putto bhito samviggo lomahattha-jato yena Tindukakhanu-paribbajakaramo ten'upasankami.|| ||

Assosi kho Bhaggava, sa parisa:|| ||

'Acelo kira Patika-putto bhito samviggo lomahattha-jato yena Tindukakhanu-paribbajakaramo ten'upasankamanto' ti.|| ||

Atha kho Bhaggava, sa parisa annataram purisam amantesi:|| ||

'Ehi tvam bho purisa, yena Tindukakhanu-paribbajakaramo yena acelo Patika-putto ten'upasankami,||
upasankamitva acelam Patika-puttam evam vadehi:|| ||

"Abhikkam'avuso Patika-putta,||
abhikkanta abhinnata abhinnata Licchavi,||
abhikkanta abhinnata abhinnata ca brahmana-mahasala gahapati-necayika nana-titthiya samana-brahmana,||
samano pi Gotamo ayasmato arame diva-viharam nisinno.|| ||

Bhasita kho pana te as'avuso Patika-putta,||
Vesaliyam parisatim vaca:|| ||

'Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

[18] Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami' ti.|| ||

Abhikkama yeva kho avuso Patika-putta,||
upaddha-patham||
sabba-pathamam yeva agantva Samano Gotamo ayasmato arame diva-viharam nisinno" ti.|| ||

'Evam bho' ti kho Bhaggava,||
so puriso tassa parisaya patissutva yena Tindukakhanu-paribbajakaramo yena acelo Patika-putto ten'upasankami.|| ||

Upasankamitva acelam Patika-puttam etad avoca:|| ||

'Abhikkam'avuso Patika-putta,||
abhikkanta abhinnata abhinnata Licchavi,||
abhikkanta abhinnata abhinnata ca brahmana-mahasala gahapati-necayika nana-titthiya samana-brahmana,||
samano pi Gotamo ayasmato arame diva-viharam nisinno.|| ||

Bhasita kho pana te as'avuso Patika-putta,||
Vesaliyam parisatim vaca:|| ||

"Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami" ti.|| ||

Abhikkama yeva kho avuso Patika-putta,||
upaddha-patham||
sabba-pathamam yeva agantva Samano Gotamo ayasmato arame diva-viharam nisinno' ti.|| ||

21. Evam vutte Bhaggava, acelo Patika-putto 'Ayami avuso||
[19] Ayami avuso' ti||
vatva tatth'eva samsappati||
na sakkoti asana pi vutthatum.|| ||

Atha kho Bhaggava, so puriso acelam Patika-puttam etad avoca:|| ||

'Kim su nama te avuso Patika-putta?|| ||

Pavala su nama te pithakasmim allina,||
pithakam su nama te pavalasu allinam?|| ||

"Ayami avuso,||
ayami avuso" ti||
vatva tatth'eva samsappati,||
na sakkosi asana pi vutthatun' ti.|| ||

Evam pi kho Bhaggava, vuccamano acelo pathikaputto 'ayami avuso,||
ayami avuso' ti||
vatva tatth'eva samsappati,||
na sakkoti asana pi vutthatum.|| ||

Yada kho so Bhaggava, puriso annasi:|| ||

Parabhuta-rupo ayam acelo Patika-putto||
'Ayami avuso ayami avuso' ti||
vatva tatth'eva samsappati||
na sakkoti asana pi vutthatun ti,||
atha tam parisam agantva evam arocesi:|| ||

'Parabhuta-rupo bho ayam acelo Patika-putto,||
"ayami avuso,||
ayami avuso" ti vatva tatth'eva samsappati,||
na sakkoti asana' pi vutthatun' ti.|| ||

Evam vutte aham Bhaggava,||
tam parisam etad avocam:|| ||

"Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

22. Atha kho Bhaggava, annataro Licchavi mahamatto utthay'asana tam parisam etad avoca:|| ||

'Tena hi bho muhuttam tava agametha yavaham gacchami.|| ||

[20] App eva nama aham pi sakkuneyyam acelam Patika-puttam imam parisam anetunt' ti.|| ||

Atha kho so Bhaggava, Licchavi mahamatto yena Tindukakhanu-paribbajakaramo yena acelo Patika-putto ten'upasankami,||
upasankamitva acelam Patika-puttam etad avoca:|| ||

'Abhikkam'avuso Patika-putta,||
abhikkantam te seyyo,||
abhikkanta abhinnata abhinnata Licchavi abhikkanta abhinnata abhinnata ca brahmana-mahasala gahapati-necayika nana-titthiya samana-brahmana samano pi Gotamo ayasmato arame diva-viharam nisinno.|| ||

Bhasita kho pana te es'avuso Patika-putta,||
Vesaliyam parisatim vaca:|| ||

"Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami" ti.|| ||

Abhikkama yeva kho avuso Patika-putta,||
upaddha-patham,||
sabba-pathamam yeva agantva Samano Gotamo ayasmato arame diva-viharam nisinno.|| ||

Bhasita kho pana te esa avuso Patika-putta,||
samanena Gotamena parisatim vaca:|| ||

"Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya" ti.|| ||

Abhikkam'avuso Patika-putta,||
abhikkamanen'eva te jayam karissama,||
Samanassa Gotamassa parajayan' ti.|| ||

Evam vutte Bhaggava, acelo Patika-putto 'ayami avuso,||
ayami avuso' ti||
vatva tatth'eva samsappati na [21] sakkoti asana' pi vutthatum.|| ||

Atha kho Bhaggava, Licchavi-mahamatto acelam Patika-puttam etad avoca:|| ||

'Kim su nama te avuso Patika-putta,||
pavala su nama te pithakasmim allina,||
pithakam su nama te pavalasu allinam ?||
'ayami avuso, ayami avuso' ti vatva tatth'eva samsappasi,||
na sakkosi asana pi vutthatun' ti.|| ||

Evam pi kho Bhaggava, vuccamano acelo Patika-putto 'ayami avuso, ayami avuso' ti||
vatva tatth'eva samsappati,||
na sakkoti asana pi vutthatum.|| ||

Yada kho so Bhaggava, Licchavi-mahamatto annasi parabhuta-rupo ayam acelo Patika-putto,||
'ayami avuso, ayami avuso' ti||
vatva tatth'eva samsappati,||
na sakkoti asana pi vutthatunti,||
atha tam parisam agantva evam arocesi:|| ||

'Parabhuta-rupo so acelo Patika-putto,||
'ayami avuso ayami avuso' ti||
vatva tatth'eva samsappati,||
na sakkoti asana pi vutthatunti.'|| ||

23. Evam vutte aham Bhaggava, tam parisam etad avocam:|| ||

'Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan" ti|| ||

muddha pi tassa vipateyya.|| ||

Sace pi ayasmantanam Licchavinam evam assa:|| ||

"Mayam acelam Patika-puttam varattahi bandhitva go-yugehi avinjeyyama" ti.|| ||

Ta varatta chijjeram Patika-putto va.|| ||

Abhabbo acelo Patika-putto tam vacam appahaya [22] tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan" ti|| ||

muddha pi tassa vipateyya' ti.|| ||

Atha kho Bhaggava, Jaliyo darupattik-antevasi utthay'asana tam parisam etad avoca:|| ||

'Tena hi bho muhuttam tava agametha yavaham gacchami,||
app eva nama aham pi sakkuneyyam acelam Patika-puttam imam parisam anetun' ti.|| ||

Atha kho Bhaggava, Jaliyo darupattik-antevasi yena Tindukakhanu-paribbajakaramo yena acelo Patika-putto ten'upasankami.|| ||

Upasankamitva acelam Patika-puttam etad avoca:|| ||

'Abhikkam'avuso Patika-putta,||
abhikkantam te seyyo,||
abhikkanta abhinnata abhinnata Licchavi abhikkanta abhinnata abhinnata ca brahmana-mahasala gahapati-necayika nana-titthiya samana-brahmana samano pi Gotamo ayasmato arame diva-viharam nisinno.|| ||

Bhasita kho pana te es'avuso Patika-putta,||
Vesaliyam parisatim vaca:|| ||

"Samano pi Gotamo nana-vado||
aham pi nana-vado.|| ||

Nana-vado kho pana nana-vadena arahati uttari-manussa-dhamma iddhi-patihariyam dassetum.|| ||

Samano ce Gotamo upaddha-patham agaccheyya,||
aham pi upaddha-patham gaccheyyam.|| ||

Te tattha ubho uttari-manussa-dhamma iddhi-patihariyam kareyyama.|| ||

Ekam ce Samano Gotamo uttari-manussa-dhamma iddhi-patihariyam karissati,||
dvaham karissami.|| ||

Dve ce Samano Gotamo uttari-manussa-dhamma iddhipatihariyani karissati,||
cattaraham karissami.|| ||

Cattari ce Samano Gotamo uttari-manussa-dhamma iddhipatihariyani karissati,||
atthaham karissami.|| ||

Iti yavatakam yavatakam Samano Gotamo uttari-manussa-dhamma iddhi-patihariyam karissati,||
tad digunam tad digunaham karissami" ti.|| ||

Abhikkama yeva kho avuso Patika-putta,||
upaddha-patham,||
sabba-pathamam yeva agantva Samano Gotamo ayasmato arame diva-viharam nisinno.|| ||

Bhasita kho pana te esa avuso Patika-putta,||
samanena Gotamena parisatim vaca:|| ||

"Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

'Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan' ti|| ||

muddha pi tassa vipateyya.|| ||

Sace pi ayasmantanam Licchavinam evam assa:|| ||

'Mayam acelam Patika-puttam varattahi bandhitva go-yugehi avinjeyyama' ti.|| ||

Ta varatta chijjeram Patika-putto va.|| ||

Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan" ti|| ||

muddha pi tassa vipateyya' ti.|| ||

Abhikkam'avuso Patika-putta,||
abhikkamanen'eva te jayam karissama,||
Samanassa Gotamassa parajayan' ti.|| ||

[23] Evam vutte Bhaggava, acelo Patika-putto||
'ayami avuso ayami avuso' ti||
vatva tatth'eva samsappati,||
na sakkoti asana pi vutthatum.|| ||

Atha kho Bhaggava, Jaliyo darupattik-antevasi acelam Patika-puttam etad avoca:|| ||

'Kim su nama te avuso Patika-putta,||
pavala su nama te pithakasmim allina,||
pithakam su nama te pavalasu allinam.|| ||

"Ayami avuso, ayami avuso" ti||
vatva tatth'eva samsappasi,||
na saskosi asana pi vutthatun" ti?

Evam pi kho Bhaggava, vuccamano acelo Patika-putto||
'ayami avuso, ayami avuso' ti||
vatva tatth'eva samsappati,||
na sakkoti asana pi vutthatunti.|| ||

Yada kho Bhaggava, Jaliyo darupattik-antevasi annasi parabhuta-rupo ayam acelo Patika-putto,||
'ayami avuso, ayami avuso' ti||
vatva tatth'eva samsappati,||
na sakkoti asana pi vutthatunti.|| ||

Atha nam etad avoca:

24. 'Bhuta-pubbam avuso Patika-putta,||
sihassa miga-ranno etad ahosi:|| ||

"Yan nunaham annataram vana-sandam nissaya asayam kappeyyam,||
tatr'asayam kappetva sayanha-samayam asaya nikkhameyyam,||
asaya nikkhamitva vijambheyyam,||
vijambhitva samanta catuddisa anuvilokeyyam,||
samanta catuddisa anuviloketva tikkhattum siha-nadam nadeyyam,||
tikkhattum siha-nadam naditva go-caraya pakkameyyam,||
so varam varam miga-sanghe vadhitva mudu-mamsani mudu-mamsani bhakkhayitva tam eva asayam ajjhupeyyan" ti.|| ||

Atha kho so siho miga-raja annataram vana-sandam nissaya asayam kappesi||
tatr'asayam kappetva sayanha-samayam asaya nikkhami.|| ||

Asaya nikkhamitva vijambhi.|| ||

Vijambhitva samanta catuddisa anuvilokesi.|| ||

Samanta catuddisa anuviloketva tikkhattum siha-nadam-nadi.|| ||

Tikkhattum siha-nadam naditva go-caraya pakakami.|| ||

So varam varam miga-sanghe vadhitva mudu-mamsani mudu-mamsani bhakkhayitva tam eva asayam ajjhupesi.|| ||

[24] Tass'eva kho avuso Patika-putta,||
sihassa miga-ranno vighase samvaddho jara-sigalo ditto c'eva balava ca.|| ||

Atha kho avuso tassa jara-sigalassa etad ahosi:|| ||

"Ko caham ko siho miga-raja?|| ||

Yan nunaham annataram vana-sandam nissaya asayam kappeyyam,||
tatr'asayam kappetva sayanha-samayam asaya nikkhameyyam,||
asaya nikkhamitva vijambheyyam,||
vijambhitva samanta catuddisa anuvilokeyyam,||
samanta catuddisa anuviloketva tikkhattum siha-nadam nadeyyam,||
tikkhattum siha-nadam naditva go-caraya pakkameyyam,||
so varam varam miga-sanghe vadhitva mudu-mamsani mudu-mamsani bhakkhayitva tam eva asayam ajjhupeyyan" ti."|| ||

Atha kho so avuso jara-sigalo annataram vana-sandam nissaya asayam kappesi.|| ||

Tatr'asayam kappetva sayanha-samayam asaya nikkhami.|| ||

Asaya nikkhamitva vijambhi.|| ||

Vijambhitva samanta catuddisa anuvilokesi.|| ||

Samanta catuddisa anuviloketva tikkhattum siha-nadam-nadissami ti segalakam yeva anadi,||
bherandakam yeva anadi.|| ||

Ke ca chave segale,||
ke pana siha-nade ti?

Evam eva kho tvam avuso Patika-putta,||
Sugatapadanesu jivamano||
Sugatatirittani bhunjamano||
Tathagate arahante Samma-sambuddhe asadetabbam mannasi.|| ||

Ke ca chavo Patika-putto||
ka ca Tathagatanam arahantanam Samma-sambuddhanam asadana' ti?|| ||

25. Yato kho Bhaggava, Jaliyo darupattik-antevasi imina opammena n'eva asakkhi acelam Patika-puttam tamha asana cavetum,||
atha nam etad avoca:|| ||

[25] 'Siho ti attanam samekkhiyanam||
manni kotthu miga-raja 'ham asmi,||
Tath'eva so segalakam anadi,||
Ke ca chavo segale,||
ke pana siha-nade' ti?'
|| ||

Evam eva kho tvam avuso Patika-putto,||
Sugatapadanesu jivamano||
Sugatatirittani bhunjamano||
Tathagate arahante Samma-sambuddhe asadetabbam mannasi.|| ||

Ke ca chavo Patika-putto,||
ka ca Tathagatanam arahantanam Samma-sambuddhanam asadana' ti?

26. Yato kho Bhaggava, Jaliyo darupatnikantevasi imina pi opammena n'eva asakkhi acelam Patika-puttam tamha asana cavetum,||
atha nam etad avoca:|| ||

'Annam anucankamanam||
Attanam vighase samekkhiya||
Yav'attanam na passati||
Kotthu tava vyaggho ti mannati||
Tath'eva so segalakam anadi||
Ke ca chavo segale||
ke pana siha-nade' ti?
|| ||

Evam eva kho tvam avuso Patika-putta,||
Sugatapadanesu jivamano||
Sugatatirittani bhunjamano||
Tathagate arahante Samma-sambuddhe asadetabbam mannasi.|| ||

Ke ca chavo Patika-putto,||
ka ca Tathagatanam arahantanam Samma-sambuddhanam asadana' ti?|| ||

27. Yato kho Bhaggava, Jaliyo darupattik-antevasi imina [26] pi opammena n'eva asakkhi acelam Patika-puttam tamha asana cavetum,||
atha nam etad avoca:|| ||

'Bhutvana bheke khala-musikayo||
Katasisu khittani ca konapani,||
Maha-vane sunna-vane vivaddho||
Amanni kotthu miga-raja'ham asmi,||
Tath'eva so segalakam anadi||
Ke ca chavo segalo,||
ke pana siha-nade ti?'
|| ||

Evam eva kho tvam avuso Patika-putta,||
sugatapadanesu jivamano||
Sugatatirittani bhunjamano||
Tathagate arahante Samma-sambuddhe asadetabbam mannasi.|| ||

Ke ca chavo Patika-putto,||
ka ca Tathagatanam arahantanam Samma-sambuddhanam asadana' ti?|| ||

Yato kho Bhaggava, Jaliyo darupattik-antevasi imina pi opammena n'eva asakkhi acelam Patika-puttam tamha asana cavetum,||
atha tam parisam agantva evam arocesi:|| ||

'Parabhuta-rupo bho acelo Patika-putto,||
'ayami avuso, ayami avuso' ti||
vatva tatth'eva samsappati,||
na sakkoti asana pi vutthatun' ti.|| ||

Evam vutte aham Bhaggava,||
tam parisam etad avocam:

'Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan" ti|| ||

muddha pi tassa vipateyya.|| ||

Sace pi ayasmantanam Licchavinam evam assa:|| ||

"Mayam acelam Patika-puttam varattahi bandhitva go-yugehi [27] avinjeyyama" ti.|| ||

Ta varatta chijjeram Patika-putto va.|| ||

Abhabbo acelo Patika-putto tam vacam appahaya tam cittam appahaya ti ditthim appatinissajjitva mama sammukhi-bhavam agantum.|| ||

Sace pi'ssa evam assa:|| ||

"Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan" ti|| ||

muddha pi tassa vipateyya' ti.|| ||

28. Atha kho aham Bhaggava, tam parisam dhammiya kathaya||
sandassesim samadapesim samuttejesim sampahamsesim||
tam parisam dhammiya kathaya sandassetva samadapetva samuttejetva sampahamsetva maha-bhandhana mokkham karitva,||
caturasiti-pana-sahassani maha-vidugga uddharitva,||
tejo-dhatum samapajjitva,||
satta-talam vehasam abbhuggantva,||
annam satta-talam pi accim abhinimminitva jalitva dhumayitva Maha-vane kutagara-salaya paccutthasim.|| ||

Atha kho Bhaggava, Sunakkhatto Licchavi-putto yenaham ten'upasankami,||
upasankamitva mam abhivadetva eka-m-antam nisidi.|| ||

Eka-m-antam nisinnam kho aham Bhaggava,||
Sunakkhattam Licchavi-puttam etad avocam:|| ||

'Tam kim mannasi Sunakkhatta?|| ||

Yath'ev'aham te acelam Patika-puttam arabbha vyakasim,||
tath'eva tam vipakkam||
no annatha va' ti?|| ||

'Yath'eva me bhante,||
Bhagava acelam Patika-puttam arabbha vyakasi,||
tath'eva tam vipakkam||
no annatha' ti.|| ||

'Tam kim mannasi Sunakkhatta?|| ||

Yadi evam sante katam va hoti,||
uttari-manussa-dhamma iddhi-patihariyam akatam va' ti?|| ||

'Addha kho pana bhante,||
evam sante katam hoti,||
uttari-manussa-dhamma iddhi-patihariyam||
no akatan' ti.|| ||

'Evam pi kho mam tvam mogha-purisa,||
uttari-manussa-dhamma [28] iddhi-patihariyam karontam evam vadesi:|| ||

"Na hi pana me bhante,||
Bhagava uttari-manussa-dhamma iddhi-patihariyam karoti" ti.|| ||

Passa mogha-purisa,||
yavan ca te idam aparaddhan' ti.|| ||

Evam pi kho Bhaggava,||
Sunakkhatto Licchavi-putto maya vuccamano apakkam'eva imasma Dhamma-Vinaya yatha tam Apayiko Nerayiko."|| ||

 


 

Aggannapannattikatha

29. "Aggannan caham Bhaggava, pajanami,||
tan ca pajanami tato ca uttaritaram pajanami,||
tan ca pajananam na paramasami,||
aparamasato ca me paccattam yeva nibbuti vidita,||
yad abhijanam Tathagato no anayam apajjati.|| ||

Santi Bhaggava, eke samana-brahmana Issara-kuttam Brahma-kuttam acariyakam aggannam pannapenti.|| ||

Te'ham upasankamitva evam vadami:|| ||

'Saccam kira tumhe ayasmanto Issara-kuttam Brahma-kuttam acariyakam aggannam pannapetha' ti?|| ||

Te ca me evam puttha:||
'Amo' ti patijananti.|| ||

Te'ham evam vadami:|| ||

'Katham vihitakam pana tumhe ayasmanto Issara-kuttam Brahma-kuttam acariyakam aggannam pannapetha' ti.|| ||

Te maya puttha na sampayanti.|| ||

Asampayanta maman neva patipucchanti.|| ||

Tesaham puttho vyakaromi:

30. 'Hoti kho so avuso samayo yam kadaci karahaci dighassa addhuno accayena ayam loko samvattati.|| ||

Samvattamane loke yebhuyyena satta Abhassara-samvattanika honti.|| ||

Te tattha honti mano-maya piti-bhakkha sayam-pabha antalikkha-cara subha-tthayino,||
ciram digham addhanam titthanti.|| ||

Hoti kho so avuso samayo yam kadaci karahaci dighassa addhuno accayena ayam loko vivattati,||
vivattamane loke sunnam Brahma-vimanam patu-bhavati.|| ||

Atha [29] annataro satto ayu-kkhaya va punna-kkhaya va Abhassara-kaya cavitva sunnam Brahma-vimanam upapajjati.|| ||

So tattha hoti mano-mayo piti-bhakkho sayam-pabho antalikkha-caro subha-tthayi,||
ciram digham addhanam titthati.|| ||

Tassa tattha ekakassa digha-rattam nibbusitatta anabhirati paritassana uppajjati:|| ||

"Aho vata anne pi satta itthattam agaccheyyun" ti.|| ||

Atha anna pi satta ayu-kkhaya va punna-kkhaya va Abhassara-kaya cavitva sunnam Brahma-vimanam upapajjanti tassa sattassa sahavyatam.|| ||

Te pi tattha honti mano-maya piti-bhakkha samaypaha antalikkhacara subha-tthayino ciram digham addhanam titthanti.|| ||

Tatr'avuso yo so satto pathamam upapanno,||
tassa evam hoti:|| ||

"Aham asmi Brahma Maha-Brahma abhibhu anabhibhuto annad-atthu-daso vasavatti issaro katta nimmata settho sanjita vasi pita bhuta-bhavyanam.|| ||

Maya ime satta nimmita.|| ||

Tam kissa hetu?|| ||

Maman hi pubbe etad ahosi:|| ||

'Aho vata anne pi satta itthattam agaccheyyun' ti.|| ||

Iti maman ca mano-panidhi,||
ime ca satta itthattam agata" ti.|| ||

Ye pi te satta paccha upapanna,||
tesam pi evam hoti:|| ||

"Ayam kho bhavam Brahma Maha-Brahma abhibhu anabhibhuto annad-atthu-daso vasavatti issaro katta nimmata sattha sanjita vasi pita bhuta-bhavyanam.|| ||

Imina mayam bhota Brahmuna nimmita.|| ||

Tam kissa hetu?|| ||

Iman hi mayam addasama idha pathamam uppannam,||
mayam pan amha paccha uppanna" ti.|| ||

[30] Tatr'avuso, yo so satto pathamam uppanno.|| ||

So dighayukataro ca hoti vannavantataro ca mahesakkhataro ca.|| ||

Ye pana te satta paccha uppanna,||
te appayukatara ca honti dubbannatara ca appesakkhatara ca.|| ||

Thanam kho pan'etam avuso,||
vijjati yam annataro satto tamha kaya cavitva itthattam agacchati.|| ||

Itthattam agato samano agarasma anagariyam pabbajati.|| ||

Agarasma anagariyam pabbajito samano atappam anvaya padhanam anvaya anuyogam anvaya,||
appamadam anvaya samma-manasi-karam anvaya tatharupam ceto-samadhim phusati,||
yatha samahite citte tam pubbenivasam anussarati,||
tato param nanussarati.|| ||

So evam aha:|| ||

"Yo kho so bhavam Brahma Maha-Brahma abhibhu anabhibhuto annad-atthu-daso vasavatti issaro katta nimmata sattha sanjita vasi pita bhuta-bhavyanam,||
yena mayam bhota Brahmuna nimmita,||
so nicco dhuvo sassato aviparinama-dhammo sassata-samam tath'eva thassati.|| ||

Ye pana mayam ahumha tena bhota Brahmuna nimmita,||
te mayam anicca addhuva appayuka cavana-dhamma itthattam agata" ti.|| ||

Evam vihitakam bho tumhe ayasmanto Issara-kuttam Brahma-kuttam acariyakam aggannam pannapetha' ti.|| ||

Te evam ahamsu:|| ||

"Evam kho no avuso Gotama sutam yath'ev'ayasma Gotamo aha" ti.|| ||

Aggannna caham Bhaggava, pajanami tan ca pajanami tato ca uttaritaram pajanami,||
tan ca pajananam na paramasami,||
aparamasato ca me paccattam yeva nibbuti vidita,||
yad abhijanam Tathagato no anayam apajjati."|| ||

 

§

 

31. "Santi Bhaggava, eke samana-brahmana khidda-padosikam acariyakam aggannam pannapenti.|| ||

Te'ham upasankamitva evam vadami:|| ||

'Saccam kira tumhe ayasmanto khidda-padosikam acariyakam aggannam pannapetha' ti?|| ||

Te ca me evam puttha||
"Amo" ti patijananti.|| ||

[31] Te'ham evam vadami:|| ||

'Katham vihitakam no pana tumhe ayasmanto khidda-padosikam acariyakam agganasanam pannapetha' ti?|| ||

Te maya puttha na sampayanti.|| ||

Asampayanta maman neva patipucchanti.|| ||

Tesaham puttho vyakaromi:|| ||

'Sant'avuso khidda-padusika nama deva.|| ||

Te ativelam hassa-khidda-rati-dhamma-samapanna viharanti.|| ||

Tesam ativelam hassa-khidda-rati-dhamma-samapannanam,||
viharatam sati sammussati.|| ||

Satiya sammosa te deva tamha kaya cavanti.|| ||

Thanam kho pan'etam avuso vijjati,||
yam annataro satto tamha kaya cavitva itthattam agacchati.|| ||

Itthattam agato samano agarasma anagariyam pabbajati.|| ||

Agarasma anagariyam pabbajito samano atappam anvaya padhanam anvaya anuyogam anvaya,||
appamadam anvaya samma-manasi-karam anvaya tatharupam ceto-samadhim phusati,||
yatha samahite citte tam pubbenivasam anussarati,||
tato param nanussarati.|| ||

So evam aha:|| ||

"Ye kho te bhonto deva na khidda-padusika te na ativelam hassa-khidda-rati-dhamma-samapanna viharanti.|| ||

Tesam nativelam hassa-khidda-rati-dhamma-samapannanam viharatam sati na sammussati.|| ||

Satiya asammosa te deva tamha kaya na cavanti.|| ||

Nicca dhuva sassata aviparinama-dhamma sassata-samam tath'eva thassanti.|| ||

Ye pana mayam ahumha khidda-padusika te mayam ativelam hassa-khidda-rati-dhamma-samapanna viharatam.|| ||

Hassa-khidda-rati-dhamma-samapannana viharimha.|| ||

Tesam nativelam hassa-khidda-rati-dhamma-samapannanam viharatam sati sammussi.|| ||

Satiya sammosa evam mayam tamha kaya cuta anicca addhuva appayuka cavana-dhamma itthattam agata" ti.|| ||

Evam vihitakam [32] bho tumhe ayasmanto khidda-padosikam acariyakam aggannam pannapetha' ti?|| ||

Te evam ahamsu:|| ||

"Evam kho no avuso,||
Gotama sutam yath'ev'ayasma Gotamo aha" ti.|| ||

Aggannna caham Bhaggava, pajanami tan ca pajanami tato ca uttaritaram pajanami,||
tan ca pajananam na paramasami,||
aparamasato ca me paccattam yeva nibbuti vidita,||
yad abhijanam Tathagato no anayam apajjati."|| ||

 

§

 

31. Santi Bhaggava, eke samana-brahmana mano-padosikam acariyakam aggannam pannapenti.|| ||

Te'ham upasankamitva evam vadami:|| ||

'Saccam kira tumhe ayasmanto mano-padosikam acariyakam aggannam pannapetha' ti?|| ||

Te ca me evam puttha||
'Amo' ti patijananti.|| ||

Te'ham evam vadami:|| ||

'Katham vihitakam no pana tumhe ayasmanto mano-padosikam acariyakam aggannam pannapetha?' Ti.|| ||

Te maya puttha na sampayanti.|| ||

Asampayanta maman neva patipucchanti.|| ||

Tesaham puttho vyakaromi:|| ||

'Sant'avuso, Mano-padusika nama deva.|| ||

Te ativelam anna-m-annam upanijjhayanti.|| ||

Te ativelam anna-m-annam upanijjhayanta anna-m-annamhi cittani padusenti.|| ||

Anna-m-annam paduttha-citta kilanta-kaya kilanta-citta te deva tamha kaya cavanti.|| ||

Thanam kho pan'etam avuso,||
vijjati yam annataro satto tamha kaya cavitva itthattam agacchati,||
itthattam agato samano agarasma anagariyam pabbajati.|| ||

Agarasma anagariyam pabbajito samano atappam anvaya padhanam anvaya anuyogam anvaya,||
appamadam anvaya samma-manasi-karam anvaya tatharupam ceto-samadhim phusati,||
yatha samahite citte tam pubbenivasam anussarati,||
tato param nanussarati.|| ||

So evam aha:|| ||

"Ye kho te bhonto deva na Mano-padusika te nativelam anna-m-annam upanijjhayanti.|| ||

Te nativelam anna-m-annam upanijjhayanta anna-m-annamhi cittani na ppadusenti.|| ||

Te anna-m-annamhi appaduttha-citta akilanta-kaya akilanta-citta te deva [33] tamha kaya na cavanti nicca dhuva sassata aviparinama-dhamma sassati-samam tath'eva thassanti.|| ||

Ye pana mayam ahumha Mano-padusika te mayam ativelam anna-m-annam upanijjhayimha.|| ||

Te mayam ativelam anna-m-annam upanijjhayanta anna-m-annamhi cittani padusayimha.|| ||

Te mayam anna-m-annam paduttha-citta kilanta-kaya kilanta-citta eva,||
mayam tamha kaya cuta anicca addhuva appayuka cavana-dhamma itthattam agata" ti.|| ||

Evam vihitakam bho tumhe ayasmanto mano-padosikam acariyakam aggannam pannapetha' ti.|| ||

Te evam ahamsu:|| ||

"Evam kho no avuso Gotama,||
sutam yathecayasma Gotamo aha" ti.|| ||

Aggannna caham Bhaggava, pajanami||
tan ca pajanami||
tato ca uttaritaram pajanami,||
tan ca pajananam na paramasami,||
aparamasato ca me paccattam yeva nibbuti vidita,||
yad abhijanam Tathagato no anayam apajjati."|| ||

 

§

 

32. Santi Bhaggava, eke samana-brahmana adhicca-samuppannam acariyakam aggannam pannapenti.|| ||

Te'ham upasankamitva evam vadami:|| ||

'Saccam kira tumhe ayasmanto adhicca-samuppannam acariyakam aggannam pannapetha' ti?|| ||

Te ca me evam puttha||
'Amo' ti patijananti.|| ||

Te'ham evam vadami:|| ||

'Katham vihitakam no pana tumhe ayasmanto adhicca-samuppannam acariyakam aggannam pannapetha' ti?|| ||

Te ca maya puttha na sampayanti.|| ||

Asampayanta maman neva patipucchanti.|| ||

Tesaham puttho vyakaromi:|| ||

'Sant'avuso, Asanna-satta nama deva.|| ||

Sannuppada ca pana te deva tamha kaya cavanti.|| ||

Thanam kho pan'etam avuso vijjati,||
yam annataro satto tamha kaya cavitva itthattam agacchati,||
itthattam agato samano agarasma anagariyam pabbajati.|| ||

Agarasma anagariyam pabbajito samano atappam anvaya padhanam anvaya anuyogam anvaya,||
appamadam anvaya samma-manasi-karam anvaya tatharupam ceto-samadhim phusati,||
yatha samahite citte tam pubbenivasam anussarati,||
tato param nanussarati.|| ||

So evam aha:|| ||

"Adhicca-samuppanno atta ca loko ca.|| ||

Tam kissa hetu?|| ||

[34] Aham hi pubbe nahosim,||
so'mhi etarahi ahutva santataya parinato.|| ||

Evam vihitakam bho pana tumhe ayasmanto adhicca-samuppannam acariyakam aggannam pannapetha" ti.|| ||

Te evam ahamsu:|| ||

'Evam kho no avuso,||
Gotama sutam yathecayasma Gotamo aha' ti.|| ||

Aggannna caham Bhaggava, pajanami||
tan ca pajanami||
tato ca uttaritaram pajanami,||
tan ca pajananam na paramasami,||
aparamasato ca me paccattam yeva nibbuti vidita,||
yad abhijanam Tathagato no anayam apajjati."|| ||

 

§

 

33. "Evam vadim kho mam Bhaggava,||
evam akkhayim eke samana-brahmana asata tuccha musa abhutena abbhacikkhanti:|| ||

'Viparito Samano Gotamo bhikkhavo ca.|| ||

Samano Gotamo evam aha:|| ||

"Yasmim samaye subham vimokkham upasampajja viharati,||
sabbam tasmim samaye asubhan t'eva pajanati" ti.'|| ||

Na kho panaham Bhaggava evam vadami:|| ||

'Yasmim samaye subham vimokkham upasampajja viharati||
sabbam tasmim samaye asubhan t'eva pajanati' ti.|| ||

Evam ca khvaham Bhaggava, vadami:|| ||

'Yasmim samaye subham vimokkham upasampajja viharati,||
subhan t'eva tasmim samaye pajanati' ti."|| ||

"Teca bhante, viparita ye Bhagavantam viparitato dahanti bhikkhavo ca||
evam pasanno aham.|| ||

Bhagavati, [35] pahoti ca me Bhagava tatha dhammam desetum yatha aham subham vimokkham upasampajja vihareyyan" ti.|| ||

"Dukkaram kho evam Bhaggava,||
taya anna-ditthikena anna-khantikena anna-rucikena annatr'ayogena annatr'acariyakena subham vimokkham upasampajja viharitum.|| ||

Ingha tvam Bhaggava, yo ca te ayam mayi pasado,||
tam eva tvam sadhukam anurakkha" ti.|| ||

"Sac'etam bhante, maya dukkaram anna-ditthikena anna-khantikena anna-rucikena annatr'ayogena annatr'acariyakena subham vimokkham upasampajja viharitum,||
yo ca me ayam bhante, Bhagavati pasado,||
tam evaham sadhukam anurakkhissami" ti.|| ||

Idam avoca Bhagava.|| ||

Attamano Bhaggava-gotto paribbajako Bhagavato bhasitam abhinandi ti.|| ||

Patikasuttam nitthitam pathamams|| ||


Contact:
E-mail
Copyright Statement