Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Digha Nikaya

Sutta 31

Sigalovada Suttantam

Adapted from the digital version of the Sri Lanka Buddha Jayanti Tripitaka Series

 


[180]

[1][grim][pts][ati-nara][ati-kell] EVAM ME SUTAM.|| ||

Ekam samayam Bhagava Rajagahe viharati vetavane kalandakanivape.|| ||

Tena kho pana samayena sigalako gahapatiputto kalasseva vutthaya Rajagaha nikkhamitva allavattho allakeso panjaliko puthuddisa namassati,||
purattimam disam dakkhinam disam pacchimam disam uttaram disam hetthimam disam uparimam disam.|| ||

[2] Atha kho Bhagava pubbanhasamayam nivasetva pattacivaramadaya Rajagaham pindaya pavisi.|| ||

Addasa kho Bhagava sigalakam gahapatiputtam kalasseva vutthaya Rajagaha nikkhamitva allavattam allakesam panjalikam puthudadisa namassantam,||
puratthimam disam dakkhinam disam pacchimam disam uttaram disam hetthimam disam uparimam disam.|| ||

Disvana sigalakam gahapatiputtam etad avoca: kin nu kho tvam gahapatiputta kalasseva utthaya Rajagaha nikkhamitva allavattho allakeso panjaliko puthuddisa [181] namassasi,||
puratthimam disam dakkhinam disam pacchimam disam uttaram disam hetthimam disam uparimam disanti?".|| ||

"Pita mam bhante kalam karonto evam avaca:|| ||

'Disa tata namasseyyasi' ti.|| ||

So kho aham bhante pituvacanam sakkaronto garukaronto manento pujento kalasseva vutthaya Rajagaha nikkhamitva allavattho allakeso panjaliko puthuddisa namassami,||
puratthimam disam dakkhinam disam pacchimam disam uttaram disam hetthimam disam uparimam disanti".|| ||

"Na kho gahapatiputta ariyassa vinaye evam chaddisa namassitabba" ti.|| ||

"Yathakatham pana bhante ariyassa vinaye chaddisa namassitabba?|| ||

Sadhu me bhante Bhagava tatha dhammam desetu yatha ariyassa vinaye chaddisa namassitabba" ti.|| ||

Chaddisa|| ||

[3] Tena hi gahapatiputta sunahi,||
sadhukam manasi karohi,||
bhasissami' ti.|| ||

'Evam bhante' ti kho sigalo gahapatiputto Bhagavato paccassosi.|| ||

Bhagava etad avoca:|| ||

"Yato kho gahapatiputta ariyasavakassa cattaro kammakilesa pahina honti,||
catuhi thanehi papakammam na karoti,||
cha ca bhoganam apayamukhani na sevati,||
so evam cuddasapapakapagato,||
chaddisapaticchadi,||
ubhayalokavijayaya patipanno hoti,||
tassa ayam c'eva loko araddho hoti paro ca loko.|| ||

So kayassa bheda param marana sugatim saggam lokam upapajjati.|| ||

Kammakilesa|| ||

[4] Katamassa cattaro kammakilesa pahina honti? Panatipato kho gahapatiputta kammakileso,||
adinnadanam kammakileso,||
kamesu micchacaro kammakiloso,||
musavado kammakileso.|| ||

Imassa cattaro kammakilesa pahina honti" ti.|| ||

Idam avoca Bhagava.|| ||

Idam vatva sugato,||
athaparam etad avoca sattha:|| ||

[182] panatipatam adinnadanam musavado ca vuccati.|| ||

Paradaragamananc'eva nappasamsanti pandita' ti.|| ||

Agatigamanani|| ||

[5] Katamehi catuhi thanehi papakammam karoti?|| ||

Chandagatim gacchanto papakammam karoti,||
dosagatim gacchanto papakammam karoti,||
mohagatam gacchanto papakammam karoti,||
bhayagatim gacchanto papakammam karoti.|| ||

Yato kho gahapatiputta ariyasavako n'eva chandagatim gacchati,||
na dosagatim gacchati,||
na mohagatim gacchati,||
na bhayagatim gacchati,||
imehi catuhi thanehi papakammam na karoti' ti.|| ||

Idam avoca Bhagava idam vatva sugato athaparam etad avoca sattha:|| ||

Chanda dosa bhaya moha yo dhammam ativattati,||
Nihiyati tassa yaso ka'apakkhe'va candima.|| ||

Chanda dosa bhaya moha yo dhammam nativattati,||
Apurati tassa yaso1 sukkapakkhe'va2 candima'ti.|| ||

Cha apayamukhani|| ||

[6] Katamani cha bhoganam apayamukhani na sevati? Suramerayamajjapamadatthananuyogo kho gahapatiputta bhoganam apayamukham.|| ||

Vikalavisikhacariyanuyogo bhoganam apayamukham.|| ||

Samajjabhicaranam bhoganam apayamukham.|| ||

Jutappamadatthananuyogo bhoganam apayamukham.|| ||

Papamittanuyogo bhoganam apayamukham.|| ||

Alassanuyogo bhoganam apayamukham.|| ||

Majjapanadinava|| ||

Cha kho'me gahapatiputta adinava suramerayamajjapamadatthananuyoge:||
sanditthika dhanajani,||
kalahappavaddhani,||
roganam ayatanam,||
akittisanjanani,||
[183] kopinanidamsani pannayadubbalikaranitv eva chattham padam bhavati.|| ||

Ime kho gahapatiputta cha adinava suramerayamajjapamadatthananuyoge.|| ||

Vikalacariyadinava|| ||

Cha kho'me gahapatiputta adinava vikalavisikhacariyanuyoge:||
atta'pi'ssa agutto arakkhito hoti puttadaro pi'ssa agutto arakkhito hoti,||
sapateyyampi'ssa aguttam arakkhitam hoti,||
sankiyo ca hoti papakesu thanesu,||
abhutavacanam ca tasmim ruhati,||
bahunanca dukkhadhammanam purakkhato hoti.|| ||

Ime kho gahapatiputta cha adinava vikalavisikhacariyanuyoge.|| ||

Samajjabhivaranadinava|| ||

Cha kho'me gahapatiputta adinava samajjabhicarane:||
kva naccam,||
kva gitam,||
kva vaditam,||
kva akkhanam,||
kva panissaram,||
kva kumbhathunan ti?|| ||

Ime kho gahapatiputta cha adinava samajjabhivarane.|| ||

Jutappamadadinava|| ||

Cha kho'me gahapatiputta adinava jutappamadatthananuyoge:||
jayam veram pasavati,||
jito vittamanusocati,||
sanditthika dhanajani,||
sabhagatassa1 vacanam na ruhati,||
mittamccanam paribhuto hoti,||
avahavivahakanam apatthito hoti,||
akkhadhutto ayam purisapuggalo nalam darabharanaya' ti.|| ||

Ime kho gahapatiputta cha adinava jutappamadatthananuyoge.|| ||

Papamittanuyogadinava|| ||

Cha kho'me gahapatiputta adinava papamittanuyoge:||
ye dhutta,||
ye sonda,||
ye pipasa,||
ye nekatika,||
ye cancanika,||
ye sahasika,||
tyassa mitta honti.|| ||

Te sahaya.|| ||

[184] Ime kho gahapatiputta cha adinava papamittanuyoge.|| ||

Alassadinava|| ||

Cha kho'me gahapatiputta adinava alassanuyoge:||
atisitanti kammam na karoti,||
atiunhanti kammam na karoti,||
atisayanti kammam na karoti,||
atipato'ti kammam na karoti,||
atichato'smiti kammam na karoti,||
atidhato'smiti kammam na karoti.|| ||

Tassa evam kiccapadesabahulassa viharato anuppanna c'eva bhoga nuppajjanti,||
uppanna ca bhoga parikkhayam gacchanti.|| ||

Imo kho gahapati putta cha adinava alassanuyoge" ti.|| ||

Idam avoca Bhagava,||
idam vatva sugato athaparam etad avoca sattha:|| ||

[1] Sabhaye tassa (kam)|| ||

[7] "Hoti panasakha nama hoti sammiyasammiyo|| ||

Yo ca atthesu jatesu sahayo hoti so sakha. 1|| ||

Ussuraseyya paradarasevana||
Verappasango ca anatthata ca||
Papa ca mitta sukadariyata ca||
Ete cha thana purisam dhamsayanti.|| ||

Papamitto papasakho papaacaragocaro||
Asma loka parambha ca ubhaya dhamsate naro.|| ||

Akkhitthiyo varuni naccagitam||
Divasoppam paricariya akale||
Papa ca mitta sukadariyata ca||
Ete cha thana purisam dhamsayanti.|| ||

Akkhehi dibbanti suram pivanti||
Yantitthiyo panasama paresam||
[185] nihinasevi na ca vuddhasevi||
Nihiyare ka'apakkhe'va cando.|| ||

Yo varuni adhano akincano||
Pipaso pivam papam gato||
Udakamiva inam vigahati||
Akulam4 kahiti khippamattano.|| ||

Na divasoppasilena rattimutthanadessina,||
Niccam mattena sondena sakka avasitum gharam.|| ||

Atisitam atiunham atisayam idam ahu,||
Iti vissatthakammanne attha accenti manave.|| ||

Yo'dha sitan ca unhanca tina bhiyyo na mannati||
Karam purisakiccani so sukha na vihayati" ti.|| ||

Mittapatirupaka|| ||

[8] Cattaro'me gahapatiputta amitta mittapatirupaka1 veditabba.|| ||

Annadatthuharo amitto mittapatirupako veditabbo,||
vaciparamo amitto mittapatirupako veditabbo,||
anuppiyabhani amitto mittapatirupako veditabbo,||
apayasahayo amitto mittapatirupako veditabbo.|| ||

Catuhi kho gahapatiputta thanehi annadatthuharo [186] amitto mittapatirupako veditabbo.|| ||

Annadatthuharo hoti appena bahumicchati,||
Bhayassa kiccam karoti sevati atthakarana.|| ||

Imehi kho gahapatiputta catuhi thanehi annadatthuharo amitto mittapatirupako veditabbo.|| ||

Catuhi kho gahapatiputta thanehi vaciparamo amitto mittapatirupako veditabbo.|| ||

Atitena patisatharati anagatena patisatharatim,||
niratthakena sanganhati,||
paccuppannesu kivecasu byasanam dasseti.|| ||

Imehi kho gahapatiputta catuhi thanehi vaciparamo amitto mittapatirupako veditabbo.|| ||

Catuhi kho gahapatiputta thanehi anuppiyabhani amitto mittapatirupako veditabbo.|| ||

Papakampi'ssam3 anujanati,||
kalyanampi'ssa anujanati,||
sammukha'ssa vannam bhasati,||
parammukha'ssa avannam bhasati.|| ||

Imehi kho gahapatiputta catuhi thanehi anuppiyabhani amitto mittapatirupa veditabbo.|| ||

Catuhi kho gahapatiputta thanehi apayasahayo amitto mittapatirupako veditabbo:||
suramerayamajjapamadatthananuyoge sahayo hoti,||
vikalavisikhacariyanuyoge sahayo hoti,||
samajjabhivarane sahayo hoti,||
jutappamadatthananuyoge sahayo hoti.|| ||

Imehi kho gahapatiputta catuhi thanehi apayasahayo amitto mittapatirupako veditabbo'ti.|| ||

Idam avoca Bhagava.|| ||

Idam vatva sugato athaparam etad avoca sattha:|| ||

"Annadatthuharo mitto yo ca mitto vaciparo,||
Anuppiyan ca yo aha apayesu ca yo sakha.|| ||

Ete amitte cattaro iti vinnaya pandito,||
Araka parivajjeyya maggam patibhayam yatha" ti.|| ||

Suhadamitta|| ||

[9] [187] cattaro'me gahapatiputta mitta suhada veditabba:||
upakaro mitto suhado veditabbo,||
samanasukhadukkho mitto suhado veditabbo,||
atthakkhayi mitto suhado veditabbo,||
anukampako mitto suhado veditabbo.|| ||

Catuhi kho gahapatiputta thanehi upakaro mitto suhado veditabbo.|| ||

Pamattam rakkhati,||
pamattassa sapateyyam rakkhati,||
bhitassa saranam hoti,||
uppanne kiccakaraniye taddigunam bhogam anuppadeti.|| ||

Imehi kho gahapatiputta catuhi thanehi upakaro mitto suhado veditabbo.|| ||

Catuhi kho gahapatiputta thanehi samanasukhadukkho mitto suhado veditabbo:||
guyhamassa acikkhati,||
guyhamassa pariguhati,||
apadasu na vijahati,||
jivitampi'ssa atthaya pariccattam hoti.|| ||

Imehi kho gahapatiputta catuhi thanehi samanasukhadukkho mitto suhado veditabbo.|| ||

Catuhi kho pana gahapatiputta thanehi atthakkhayi mitto suhado veditabbo:||
papa nivareti,||
kalyane niveseti,||
assutam saveti,||
saggassa maggam acikkhati.|| ||

Imehi kho gahapatiputta catuhi thanehi atthakkhayi mitto suhado veditabbo.|| ||

Catuhi kho pana gahapatiputta thanehi anukampako mitto suhado veditabbo:||
abhavenassa na nandati,||
bhavenassa nandati,||
avannam bhanamanam nivareti,||
vannam bhanamanam pasamsati.|| ||

Imehi kho gahapatiputta catuhi thanehi anukampako mitto suhado veditabbo" ti.|| ||

Idam avoca Bhagava.|| ||

Idam vatva sugato,||
athaparam etad avoca sattha:|| ||

[10] [188] "Upakaro ca yo mitto yo ca mitto sukhe dukhe||
Atthakkhayi ca yo mitato yo ca mitto'nukampako.|| ||

Etepi mitte cattaro iti vinnaya pandito||
Sakkaccam payirupaseyya mata puttam'va orasam.|| ||

Pandito silasampanno jalam aggi va bhasati||
Bhoge samharamanassa bhamarasseva iriyato||
Bhoga sannicayam yanti vammiko'vupaciyati.|| ||

Evam bhoge samahatva alamatto kule gihi||
Catudha vibhaje bhoge sa ve mittani ganthati.|| ||

Ekena bhoge bhunjeyya dvihi kammam payojaye||
Catutthanca nidhapeyya apadasu bhavissati" ti.|| ||

Chaddisapaticchadanam|| ||

[11] Kathan ca gahapatiputta ariyasavako chaddisapaticchadi hoti?|| ||

Chayima gahapatiputta disa veditabba: puratthima disa mata-pitaro veditabba.|| ||

Dakkhina [189] disa acariya veditabba.|| ||

Pacchima disa puttadara veditabba. Uttara disa mittamacca veditabba.|| ||

Hetthima disa dasakammakara veditabba. Uparima disa samana-brahmana veditabba.|| ||

Pancahi kho gahapatiputta thanehi puttena puratthima disa mata-pitaro paccupatthatabba:||
bhato nesambharissami1,||
kiccam n'esam karissami,||
kulavamsam thapessami,||
dayajjam patipacchami,||
atha va pana petanam kalakatanam dakkhinam anuppadassami" ti.|| ||

Imehi kho gahapatiputta pancahi thanehi puttena puratthima disa mata-pitaro paccupatthita pancahi thanehi puttam anukampanti:||
papa nivarenti,||
ka'yane nivesenti,||
sippam sikkhapenti,||
patirupena darena samyojenti,||
samaye dayajjam niyyatenti.|| ||

Imehi kho gahapatiputta pancahi thanehi puttena puratthima disamata-pitaro paccupatthita imehi pancahi thanehi puttam anukampanti.|| ||

Evamassa esa puratthima disa paticchanna hoti khema appatibhaya.|| ||

[12] Pancahi kho gahapatiputta thanehi antevasina dakkhina disa acariya paccupatthatabba:||
utthanena,||
upatthanena,||
sussusaya,||
paricariyaya,||
sakkaccam sippapatiggahanena.|| ||

Imehi kho gahapatiputta pancahi thanehi antevasina dakkhina disa acariya paccupatthita,||
pancahi thanehi antevasim anukampanti:||
suvinitam vinenti,||
suggahitam gahapenti,||
sabbasippasutam samakkhayino bhavanti,||
mittamaccesu patiyadenti5,||
disasu parittanam karonti.|| ||

Imehi kho gahapatiputta pancahi thanehi antevasina [190] dakkhina disa acariya paccupatthita,||
imehi pancahi thanehi antevasim anukampanti.|| ||

Evamassa esa dakkhina disa paticchanna hoti khema appatibhaya.|| ||

[13] Pancahi kho gahapatiputta thanehi samikena pacchima disa bhariya paccupatthatabba:||
sammananaya,||
anavamananaya,||
anaticariyaya,||
issariyavossaggena,||
alankaranuppadanena.|| ||

Imehi kho gahapatiputta pancahi thanehi samikena pacchima disa bhariya paccupatthita,||
pancahi thanehi samikam anukampati:||
susamvihitakammanta ca hoti,||
susamgahitaparijana ca,||
anaticarini ca,||
sambhatam anurakkhati,||
dakkha ca hoti analasa sabbakiccesu.|| ||

Imehi kho gahapatiputta pancahi thanehi samikena pacchima disa bhariya paccupatthita imehi pancahi thanehi samikam anukampati.|| ||

Evamassa esa pacchima disa paticchanna hoti khema appatibhaya.|| ||

[14] Pancahi kho gahapatiputta thanehi kulaputtena uttara disa mittamacca paccupatthatabba:||
danena,||
peyyavajjena,||
atthacariyaya,||
samanattataya,||
avisavadanataya.|| ||

Imehi kho gahapatiputta pancahi thanehi kulaputtena uttara disa mittamacca paccupatthita pancahi thanehi kulaputtam anukampanti:||
pamattam rakkhanti,||
pamattassa sapateyyam rakkhanti,||
bhitassa saranam honti,||
apadasu na vijahanti,||
aparapaja c'assa patipujenti.|| ||

Imehi kho gahapatiputta pancahi thanehi kulaputtena uttara disa mittamacca paccupatthita imehi pancahi thanehi kulaputtam anukampanti.|| ||

Evamassa esa uttara disa paticchanna hoti khema appatibhaya.|| ||

[15] Pancahi kho gahapatiputta thanehi ayirakena [191] hetthima disa dasakammakara paccupatthatabba:||
yathabalam kammantasamvidhanena,||
bhattavetananuppadanena,||
gilanupatthanena,||
acchariyanam rasanam samvibhagena,||
samaye vossaggena.|| ||

Imehi kho gahapatiputta pancahi thanehi ayirakena hetthima disa dasakammakara paccupatthita pancahi thanehi ayirakam anukampanti.|| ||

Pubbutthayino ca honti,||
pacchanipatino ca,||
dinnadayino ca,||
sukatakammakara ca,||
kittivannahara ca.|| ||

Imehi kho gahapatiputta pancahi thanehi ayirakena hetthima disa dasakammakara paccupatthita imehi pancahi thanehi ayirakam anukampanti.|| ||

Evamassa esa hetthima disa paticchanna hoti khema appatibhaya.|| ||

[16] Pancahi kho gahapatiputta thanehi kulaputtena uparima disa samana-brahmana paccupatthatabba:||
mettena kayakammena,||
mettena vacikammena,||
mettena manokammena,||
anavatadvarataya,||
amisanuppadanena.|| ||

Imehi kho gahapatiputta pancahi thanehi kulaputtena uparima disa samana-brahmana paccupatthita chahi thanehi kulaputtam anukampanti.|| ||

Papa nivarenti,||
kalyane nivesenti,||
kalyanena manasa anukampanti,||
assutam saventi,||
sutam pariyodapenti,||
saggassa maggam acikkhanti.|| ||

Imehi kho gahapatiputta chahi thanehi kulaputtena uparima disa samanabuhmana paccupatthita imehi chabhi thanehi kulaputtam anukampanti.|| ||

Evamassa esa uparima disa paticchanna hoti khema appatibhaya" ti.|| ||

Idam avoca Bhagava.|| ||

Idam vatva sugato athaparam etad avoca sattha:|| ||

[17] "Matapita disa pubba acariya dakkhina disa||
[192] puttadara disa pacca mittamacca ca uttara.||
Dasakammakara hettha uddham samana-brahmana||
Eta disa namasseyya alamatto kule gihi.||
Pandito silasampanno sanho ca patibhanava,||
Nivatavutti atthaddho tadiso labhate yasam.||
Utthanako analaso apadasu na vedhati,||
Acchinnavutti medhavi tadiso labhate yasam.||
Sangahako mittakaro vadannu vitamaccharo,||
Neta vineta anuneta tadiso labhate yasam.||
Dananca peyyavajjanca atthacariya ca ya idha,||
Samanattata ca dhammesu tattha tattha yatharaham.||
Ete kho sangaha loke rathassani'va yayato,||
Ete ca sangaha nassu na mata puttakarana,||
Labhetha manam pujam va pita va puttakarana.||
Yasma ca sangahe ete samavekkhanti1 pandita,||
[193] tasma mahattam papponti pasamsa ca bhavanti te" ti.|| ||

[18] Evam vutte sigalako gahapatiputto Bhagavantam etad avoca:||
abhikkantam bhante,||
abhikkantam bhante. seyyatha pi bhante nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
adhakare va telapajjotam dhareyya cakkhumanto rupani dakkhantiti,||
evam eva Bhagavata aneka-pariyayena dhammo pakasito.|| ||

Esaham bhante Bhagavantam saranam gacchami,||
dhammanca bhikkhusanganca.|| ||

Upasakam mam Bhagava dharetu ajjatagge panupetam saranam gatanti.|| ||

Sigala Suttam nitthitam atthamam|| ||


Contact:
E-mail
Copyright Statement