Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Majjhima Nikaya
I. Mulapannasa
4. Maha Yamaka Vagga

Sutta 31

Cula Gosinga Suttam

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal][ntbb] Evam me sutam:|| ||

Ekam samayam Bhagava nadike viharati ginjakavasathe.|| ||

Tena kho pana samayena ayasma ca Anuruddho ayasma ca nandiyo ayasma ca kimbilo gosingasalavanadaye viharanti.|| ||

Atha kho Bhagava sayanhasamayam patisallana vutthito yena gosingasalavanadayo ten'upasankami.|| ||

2. Addasa kho dayapalo Bhagavantam durato va agacchantam disvana Bhagavantam etad avoca:|| ||

"Ma samana, etam dayam pavisi.|| ||

Santettha tayo kulaputta attakamarupa viharanti ma tesam aphasumakasi" ti.|| ||

3. Assosi kho ayasma Anuruddho dayapalassa Bhagavata saddhim mantayamanassa.|| ||

Sutvana dayapalam etad avoca:|| ||

'Ma avuso dayapala, Bhagavantam varesi.|| ||

Sattha no Bhagava anuppatto' ti.|| ||

4. Atha kho ayasma Anuruddho yen'ayasma ca nandiyo ayasma ca kimbilo ten'upasankami upasankamitva ayasmantan ca nandiyam ayasmantan ca kimbilam etad avoca:|| ||

'Abhikkamathayasmanto,||
abhikkamathayasmanto,||
sattha [206] no Bhagava anuppatto' ti.|| ||

5. Atha kho ayasma ca Anuruddho ayasma ca nandiyo ayasma ca kimbilo Bhagavantam paccuggantva eko Bhagavato pattacivaram patiggahesi.|| ||

Eko asanam pannapesi.|| ||

Eko padodakam upatthapesi.|| ||

Nisidi Bhagava pannatte asane.|| ||

Nisajja4 kho Bhagava pade pakkhalesi.|| ||

Te pi kho ayasmanto Bhagavantam abhivadetva eka-m-antam nisidimsu.|| ||

6. Eka-m-antam nisinnam kho ayasmantam Anuruddham Bhagava etad avoca: kacci vo anuruddha khamaniyam? Kacci yapaniyam? Kacci pindakena na kilamatha" ti.|| ||

"Khamaniyam Bhagava,||
yapaniyam Bhagava,||
na ca mayam bhante pindakena kilamama " ti.|| ||

8. Kacci pana vo anuruddha samagga sammodamana avivadamana khirodakibhuta annamannam piyacakkhuhi sampassanta viharathati?|| ||

9. "Taggha mayam bhante samagga sammodamana avivadamana khirodakibhuta annamannam piyacakkhuhi sampassanta viharama" ti.|| ||

10. Yathakatham pana tumhe anuruddha samagga sammodamana avivadamana khirodakibhuta annamannam piyacakkhuhi sampassanta viharathati?|| ||

11. "Idha mayham bhante evam hoti: 'labha vata me suladdham vata me,||
yoham eva rupehi sabrahmacarihi saddhim viharami' ti.|| ||

Tassa mayham bhante imesu ayasmantesu mettam kaya-kammam paccupatthitam avi c'eva raho ca.|| ||

Mettam vaci-kammam paccupatthitam avi c'eva raho ca.|| ||

Mettam mano-kammam paccupatthitam avi c'eva raho ca.|| ||

Tassa mayham bhante evam hoti: 'yan nunaham sakam cittam nikkhipitva imesamyeva ayasmantanam cittassa vasena vatteyyan' ti.|| ||

So kho aham bhante sakam cittam nikkhipitva imesamyeva ayasmantanam cittassa vasena vattami.|| ||

Nana hi kho no bhante kaya.|| ||

Ekanca pana manne cittan" ti.

Ayasmapi kho nandiyo Bhagavantam etavoca: mayhampi kho bhante evam hoti: 'labha vata me,||
suladdham vata me,||
yoham evarupehi sabrahmacarihi saddhim viharami' ti.|| ||

Tassa mayham bhante imesu ayasmantesu mettam kaya-kammam paccupatthitam avi c'eva raho ca.|| ||

Mettam vaci-kammam paccupatthitam avi c'eva raho ca.|| ||

Tassa mayham bhante evam hoti: 'yan nunaham sakam cittam nikkhipitva imesamyeva ayasmantanam cittassa vasena vatteyyanti.|| ||

So kho aham bhante sakam cittam nikkhipitva imesamyeva ayasmantanam cittassa vasena vattami.|| ||

Nana hi kho no bhante kaya.|| ||

Ekanca pana manne cittan' ti.|| ||

Evam kho mayam bhante samagga sammodamana avivadamana khirodakibhuta annamannam piyacakkhuhi sampassanta viharama" ti.|| ||

12. Ayasmapi kho kimbilo Bhagavantam etavoca: mayhampi kho bhante evam hoti: 'labha vata me,||
suladdham vata me,||
yoham evarupehi sabrahmacarihi saddhim viharami' ti.|| ||

Tassa mayham bhante imesu ayasmantesu mettam kaya-kammam paccupatthitam avi c'eva raho ca.|| ||

Mettam vaci-kammam paccupatthitam avi c'eva raho ca.|| ||

Mettam mano-kammam paccupatthitam avi c'eva raho ca.|| ||

Tassa mayham bhante evam hoti: 'yan nunaham [207] sakam cittam nikkhipitva imesamyeva ayasmantanam cittassa vasena vatteyyanti.|| ||

So kho aham bhante sakam cittam nikkhipitva imesamyeva ayasmantanam cittassa vasena vattami.|| ||

Nana hi kho no bhante kaya.|| ||

Ekanca pana manne cittan' ti.|| ||

Evam kho mayam bhante samagga sammodamana avivadamana khirodakibhuta annamannam piyacakkhuhi sampassanta viharama" ti.|| ||

13. Sadhu, sadhu, anuruddha.|| ||

Kacci pana vo anuruddha,||
appamatta atapino pahitatta viharathati?|| ||

14. "Taggha mayam bhante appamatta atapino pahitatta viharama" ti.|| ||

15. Yathakathampana tumhe anuruddha appamatta atapino pahitatta viharathati?|| ||

16. "Idha pana bhante amhakam yo pathamam gamato pindaya patikkamati,||
so asanani pannapeti.|| ||

Paniyam paribhojaniyam upatthapeti1.|| ||

Avakkarapatim upatthapeti.|| ||

Yo paccha gamato pindaya patikkamati,||
sace hoti bhuttavaseso,||
sace akankhati, bhunjati.|| ||

No ce akankhati,||
appaharite va chaddeti.|| ||

Appanake va udake opilapeti.|| ||

So asanani patisameti.|| ||

Paniyam paribhojaniyam patisa meti.|| ||

Avakkarapatim patisameti.|| ||

Bhattaggam sammajjati.|| ||

Yo passati paniyaghatam va paribhojaniyaghatam va vaccaghatam va rittam tuccham,||
so upatthapeti.|| ||

Sacassa hoti avisayham,||
hatthavikarena dutiyam amantetva hatthavilanghakena upatthapema.|| ||

Na tv'eva mayam bhante tappaccaya vacam bhindama.|| ||

Pancahikam kho pana mayam bhante sabbarattikam dhammiya kathaya sannisidama.|| ||

Evam kho mayam bhante appamatta atapino pahitatta viharama" ti.|| ||

17. Sadhu, sadhu, anuruddha.|| ||

Atthi pana vo anuruddha,||
evam appamattanam atapinam pahitattanam viharatam uttarim manussa-dhamma alamariyanana-dassanaviseso adhigato phasuviharoti?|| ||

18. "Kim hi no siya bhante.|| ||

Idha mayam bhante yavad eva akankhama,||
vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharama.|| ||

Ayam kho no bhante amhakam appamattanam atapinam pahitattanam viharatam uttarim manussa-dhamma alamariyanana-dassanaviseso adhigato phasuviharo" ti.|| ||

19. Sadhu, sadhu, anuruddha.|| ||

Etassa pana vo anuruddha viharassa samatikkamaya etassa [208] viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

20. "Kim hi no siya bhante,||
idha mayam bhante yavad eva akankhama,||
vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam 6 upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo" ti.|| ||

21. Sadhu, sadhu, anuruddha.|| ||

Etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

22. "Kim hi no siya bhante,||
idha mayam bhante yavad eva akankhama pitiya ca viraga upekkhaka ca viharama sata ca sampajana.|| ||

Sukhanca kayena patisanvedema.|| ||

Yantam ariya acikkhanti: 'upekkhako satima sukhavihari'ti tatiyam-jhanam upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo" ti.|| ||

23. Sadhu, sadhu, anuruddha.|| ||

Etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

24. "Kim hi no siya bhante,||
idha mayam bhante yavad eva akankhama sukhassa ca pahana dukkhassa ca pahana pubbe va somanassa-domanassanam attha-gama adukkham-asukham upekkha-sati-parisuddhim catuttham-jhanam upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo" ti.|| ||

25. Sadhu, sadhu, anuruddha.|| ||

Etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

26. "Kim hi no siya bhante.|| ||

Idha mayam bhante yavad eva akankhama sabbaso rupa-sannanam samatikkama patigha-sannanam attha-gama nanatta-sannanam amanasi-kara ananto akasoti akasanancayatanam [209] upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo" ti.|| ||

27. Sadhu, sadhu, anuruddha.|| ||

Etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

28. "Kim hi no siya bhante,||
idha mayam bhante yavad eva akankhama,||
sabbaso akasanancayatanam samatikkamma 'Anantam vinnanan' ti vinnanancayatanam upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo " ti.|| ||

Sadhu, sadhu, anuruddha,||
etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharo" ti?|| ||

Kim hi no siya bhante,||
idha mayam bhante yavad eva akankhama,||
sabbaso vinnanancayatanam samatikkamma 'N'atthi kinci' ti akincannayatanam upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo " ti.|| ||

Sadhu, sadhu, anuruddha,||
etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharo ti?|| ||

Kim hi no siya bhante,||
idha mayam bhante yavad eva akankhama,||
sabbaso akincannayatanam samatikkamma n'eva-sanna-nasannayatanam upasampajja viharama.|| ||

Etassa bhante viharassa samatikkamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo" ti.|| ||

29. Sadhu, sadhu, anuruddha,||
etassa pana vo anuruddha viharassa samatikkamaya etassa viharassa patippassaddhiya atthanno uttarim manussa-dhamma alamariyanana-dassanaviseso adhigato phasuviharoti?|| ||

30. "Kim hi no siya bhante,||
idha mayam bhante yavad eva akankhama,||
sabbaso n'eva-sanna-nasannayatanam samatikkamma sanna-vedayita-nirodham upasampajja viharama.|| ||

Pannaya ca no disva asava parikkhina.1 Etassa bhante viharassa samatikakamaya etassa viharassa patippassaddhiya ayamanno uttarim manussa-dhamma alamariyanana-dassanaviseso adhigato phasuviharo.2 Imasma ca3 mayam bhante phasuvihara annam phasuviharam uttaritaram va panitataram va na samanupassama" ti.|| ||

31. Sadhu, sadhu, anuruddha,||
etasma anuruddha phasuvihara anno phasuviharo uttaritaro va panitataro va n'atthiti.|| ||

32. Atha kho Bhagava ayasmantan ca Anuruddham ayasmantan ca nandiyam ayasmantan ca kimbilam dhammiya kathaya sandassetva samadapetva samuttejetva samp'ahamsetva utthay asana pakkami.4|| ||

33. Atha kho ayasma ca Anuruddho ayasma ca nandiyo ayasma ca kimbilo Bhagavantam anusamsavetvam5 tato patinivattitva ayasma [210] ca nandiyo ayasma ca kimbilo ayasmantam Anuruddham etad avocum:|| ||

"Kin nu6 mayam ayasmato Anuruddhassa evamarocimha:7 'imasannca imasanca viharasamapattinam mayam labhino'ti yam no ayasma Anuruddho Bhagavato sammukha yava asavanam khaya pakasesi" ti.|| ||

34. Na kho me ayasmanto evamarocesum: imasanca imasanca viharasamapattinam mayam labhinoti,||
api ca1 me ayasmantanam cetasa ceto paricca vidito: imasanca imasanca viharasamapattinam ime ayasmanto labhinoti.|| ||

Devata pi me etam attham arocesum: imasanca imasanca viharasamapattinam ayasmanto labhinoti.|| ||

Tam me Bhagavata panhabhi putthena byakatanti.|| ||

35. Atha kho digho parajano yakkho yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thito kho digho parajano yakkho Bhagavantam etad avoca:|| ||

"Labha bhante Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayokulaputta,||
ayasma ca Anuruddho ayasma ca nandiyo ayasma ca kimbilo" ti.|| ||

36. Dighassa parajanassa yakkhassa saddam sutva bhumma deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Bhummanam devanam saddam sutva catummaharajika deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Catummaharajikanam deva saddam sutva Tavatimsa deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Tavatimsanam devanam saddam sutva yama deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Yamanam devanam saddam sutva tusita deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Tusitanam devanam saddam sutva nimmanarati deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Nimmanaratinam devanam saddam sutva paranimmitavasavattino deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Paranimmitavasavattinam devanam5 saddam sutva brahmakayika deva saddamanussavesum:|| ||

"Labha vata bho Vajjinam,||
suladdhalabha Vajjipajaya,||
yattha Tathagato viharati araham Samma-sambuddho,||
ime ca tayo kulaputta ayasma ca Anuruddho ayasma ca nandiyo ayasma ca kimbilo" ti.|| ||

Iti ha te ayasmanto tena khanena tena muhuttena yava brahmaloka vidita ahesum.|| ||

37. Evam etam digha,||
evam etam digha yasmapi digha,||
kula ete tayo kulaputta agarasma anagariyam pabbajita,||
tan ce pi kulam ete tayo kulaputte pasannacittam anussareyya,||
tassapassa6 kulassa digha-rattam hitaya sukhaya.|| ||

38. Digha, yasmapi kulaparivatta ete tayo kulaputta agarasma [211] anagariyam pabbajita,||
so ce pi kulaparivatto ete tayo kulaputte pasannacitto anussareyya,||
tassapassa kulaparivattassa digha-rattam hitaya sukhaya.|| ||

39. Yasma pi digha,||
gama ete tayo kulaputta agarasma anagariyam pabbajita,||
so ce pi gamo ete tayo kulaputte pasannacitto anussareyya, tassapassa gamassa digha-rattam hitaya sukhaya.|| ||

40. Yasma pi digha,||
nigama ete tayo kulaputta agarasma anagariyam pabbajita,||
so ce pi nigamo ete tayo kulaputte pasannacitto anussareyya,||
tassapassa nigamassa digha-rattam hitaya sukhaya.|| ||

41. Yasma pi digha,||
nagara ete tayo kulaputta agarasma anagariyam pabbajita,||
tan ce pi nagaram ete tayo kulaputte pasannacitto anussareyya,||
tassapassa nagarassa digha-rattam hitaya sukhaya.|| ||

42. Yasma pi digha,||
janapada ete tayo kulaputta agarasma anagariyam pabbajita,||
so ce pi janapado ete tayo kulaputte pasannacitto anussareyya,||
tassapassa janapadassa digha-rattam hitaya sukhaya.|| ||

43. Sabbe ce pi digha,||
khattiya ete tayo kulaputte pasannacitta anussareyyum,||
sabbesanampassa khattiyanam digha-rattam hitaya sukhaya.|| ||

44. Sabbe ce pi digha,||
brahmana ete tayo kulaputte pasannacitta anussareyyum,||
sabbesanampassa2 brahmananam digha-rattam hitaya sukhaya.|| ||

45. Sabbe ce pi digha,||
vessa ete tayo kulaputte pasannacitta anussareyyum,||
sabbesanampassa vessanam digha-rattam hitaya sukhaya.|| ||

46. Sabbe ce pi digha,||
sudda ete tayo kulaputte pasannacitta anussareyyum,||
sabbesanampassa suddanam digha-rattam hitaya sukhaya.|| ||

47. Sadevako ce pi digha,||
loko samarako sabrahmako,||
sassamanabrahmani paja sadeva-manussa ete tayo kulaputte pasannacitta anussareyya,||
sadevakassa passa lokassa samarakassa sabrahmakassa,||
sassamanabrahmaniya pajaya sadeva-manussaya digha-rattam hitaya sukhaya.|| ||

48. Passa digha,||
yavancete tayo kulaputta bahujanahitaya patipanna bahujanasukhaya lokanukampakaya atthaya hitaya sukhaya deva-manussananti.|| ||

Idam avoca Bhagava.|| ||

Attamano digho parajano yakkho Bhagavato bhasitam abhinanditi.|| ||

Culagosingasuttam pathamam


Contact:
E-mail
Copyright Statement