Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Majjhima Nikaya
I. Mulapannasa
4. Maha Yamaka Vagga

Sutta 35

Cula Saccaka Suttam

Based on the 'Sri Lanka Buddha Jayanti Tripitaka Series.'

 


[227]

[1][wrrn][chlm][pts][than][upal] Evam me sutam:|| ||

Ekam samayam Bhagava Vesaliyam viharati Mahavane Kutagarasalayam|| ||

Tena kho pana samayena Saccako Nigantha-putto Vesaliyam pativasati,||
bhassappavadiko panditavado sadhusammato bahujanassa|| ||

So Vesaliyam parisatim evam vacam bhasati:|| ||

"Naham tam passami samanam va brahmanam va sanghim ganim ganacariyam,||
api arahantam sammasambuddham patijanamanam,||
yo maya vadena vadam||
samaraddho||
na sankampeyya||
na sampakampeyya||
na sampavedheyya,||
yassa na kacchehi seda mucceyyum.|| ||

Thunan ce p'aham acetanam vadena vadam samarabheyyam,||
sa pi maya vadena vadam||
samaraddha||
sankampeyya||
sampakampeyya||
sampavedheyya|| ||

Ko pana vado manussabhutassa" ti.|| ||

2. Atha kho ayasma Assaji pubbanha-samayam nivasetva pattacivaram adaya Vesalim pindaya pavisi|| ||

Addasa kho Saccako Nigantha-putto Vesaliyam janghaviharam anucankamamano [228] anuvicaramano ayasmantam Assajim durato va agacchantam,||
disvana yen'ayasma Assaji ten'upasankami.|| ||

Upasankamitva ayasmata Assajina saddhim sammodim.|| ||

Sammodaniyam katham saraniyam vitisaretva eka-m-antam atthasi|| ||

Eka-m-antam thito kho Saccako Nigantha-putto ayasmantam Assajim etad avoca:|| ||

"Katham pana bho Assaji Samano Gotamo savake vineti?|| ||

Katham-bhaga ca pana samanassa Gotamassa savakesu anusasani bahula pavattati" ti?|| ||

Evam kho Aggivessana Bhagava savake vineti,||
evam-bhaga ca pana Bhagavato savakesu anusasani bahula pavattati:|| ||

'Rupam bhikkhave aniccam,||
vedana anicca,||
sanna anicca,||
sankhara anicca,||
vinnanam aniccam;|| ||

Rupam bhikkhave anatta,||
vedana anatta,||
sanna anatta,||
sankhara anatta,||
vinnanam anatta;|| ||

Sabbe sankhara anicca,||
sabbe dhamma anatta' ti.|| ||

Evam kho Aggivessana Bhagava savake vineti,||
evam-bhaga ca pana Bhagavato savakesu anusasani bahula pavattati" ti.|| ||

"Dussutam vata bho Assaji assumha,||
ye mayam evam vadim samanam Gotamam assumha;||
app'eva nama mayam kadaci karahaci tena bhota Gotamena saddhim samagaccheyyama,||
app'eva nama siya kocid-eva kathasallapo,||
app'eva nama tasma papaka ditthigata viveceyyama" ti.|| ||

3. Tena kho pana samayeta pancamattani Licchavisatani santhagare sannipatitani honti kenacid-eva karaniyena|| ||

Atha kho Saccako Nigantha-putto yena te Licchavi ten'upasankami.|| ||

Upasankamitva te Licchavi etad avoca:|| ||

"Abhikkamantu bhonto Licchavi!|| ||

Abhikkamantu bhonto Licchavi!|| ||

Ajja me samanena Gotamena saddhim kathasallapo bhavissati.|| ||

Sace me Samano Gotamo tatha patitthissati,||
yatha'ssa me natannatarena savakena Assajina nama bhikkhuna patitthitam.|| ||

Seyyatha pi nama balava puriso dighalomikam elakam lomesu gahetva||
akaddheyya||
parikaddheyya||
samparikaddeyya,||
evam-evaham samanam Gotamam vadena vadam||
akaddhissami||
parikaddhissami||
samparikaddhissami.|| ||

Seyyatha pi nama balava sondikakammakaro mahantam sondikakilanjam gambhire udakarahade pakkhipitva kanne gahetva||
akaddheyya||
parikaddheyya||
samparikaddeyya,||
evam-evaham samanam Gotamam vadena vadam||
akaddhissami||
parikaddhissami||
samparikaddhissami.|| ||

Seyyatha pi nama balava sondikadhutto [229] valam kanne gahetva odhuneyya niddhuneyya nicchodeyya,||
evam-evaham samanam Gotamam vadena vadam||
odhunissami||
niddhunissami||
nicchodessami.|| ||

Seyyatha pi nama kunjaro satthihayano gambhiram pokkharanim ogahetva sanadhovikam nama kilitajatam kilati,||
evam-evaham samanam Gotamam sanadhovikam manne kilitajatam ki'issami.|| ||

Abhikkamantu bhonto Licchavi!|| ||

Abhikkamantu bhonto Licchavi!|| ||

Ajja me samanena Gotamena saddhim kathasallapo bhavissati " ti.|| ||

4. Tatr'ekacce Licchavi evam ahamsu:|| ||

"Kim Samano Gotamo Saccakassa Nigantha-puttassa vadam aropessati,||
atha kho Saccako Nigantha-putto samanassa Gotamassa vadam aropessati" ti|| ||

Ekacce Licchavi evam ahamsu:|| ||

"Kim so bhavamano Saccako Nigantha-putto Bhagavato vadam aropessati,||
atha kho Bhagava Saccakassa Nigantha-puttassa vadam aropessati" ti.|| ||

5. Atha kho Saccako Nigantha-putto panca-mattehi Licchavisatehi parivuto yena Mahavanam kutagarasala ten'upasankami.|| ||

Tena kho pana samayena sambahula bhikkhu abbhokase cankamanti.|| ||

Atha kho Saccako Nigantha-putto yena te bhikkhu ten'upasankami.|| ||

Upasankamitva te bhikkhu etad avoca:|| ||

"Kaham nu kho bho etarahi so bhavam Gotamo viharati?|| ||

Dassanakama hi mayam tam bhavantam Gotaman" ti.|| ||

"Es'Aggivessana Bhagava Mahavanam ajjhogahetva annatarasmim rukkhamule divaviharam nisinno" ti.|| ||

6. Atha kho Saccako Nigantha-putto mahatiya Licchaviparisaya saddhim Mahavanam ajjhogahetva yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Te pi kho Licchavi app'ekacce Bhagavantam abhivadetva eka-m-antam nisidimsu|| ||

App'ekacce Bhagavata saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

App'ekacce yena Bhagava ten'anjalim panametva eka-m-antam nisidimsu.|| ||

App'ekacce Bhagavato santike namagottam savetva eka-m-antam nisidimsu.|| ||

App'ekacce tunhibhuta eka-m-antam nisidimsu.|| ||

Eka-m-antam nisinno kho Saccako Nigantha-putto Bhagavantam etad avoca:|| ||

"Puccheyyaham bhavantam Gotamam kancid-eva desam,||
sace me bhavam Gotamo okasam karoti panhassa veyyakaranaya" ti.|| ||

"Pucch'Aggivessana yad- [230] akankhasi" ti.|| ||

7. "Katham pana bhavam Gotamo savake vineti?|| ||

Katham-bhaga ca pana bhoto Gotamassa savakesu anusasani bahula pavattati" ti?|| ||

"Evam kho aham Aggivessana savake vinemi,||
evam-bhaga ca pana me savakesu anusasani bahula pavattati:|| ||

'Rupam bhikkhave aniccam,||
vedana anicca,||
sanna anicca,||
sankhara anicca,||
vinnanam aniccam;|| ||

Rupam bhikkhave anatta,||
vedana anatta,||
sanna anatta,||
sankhara anatta,||
vinnanam anattam;|| ||

Sabbe sankhara anicca,||
sabbe dhamma anatta' ti|| ||

Evam kho aham Aggivessana savake vinemi,||
evam-bhaga ca pana me savakesu anusasani bahula pavattati" ti.|| ||

8. "Upama mam bho Gotama patibhati" ti.|| ||

"Patibhatu tam Aggivessana" ti Bhagava avoca.|| ||

"Seyyatha pi bho Gotama ye kec'ime bijagama-bhutagama vuddhim virulhim vepullam apajjanti,||
sabbe te pathavim nissaya pathaviyam patitthaya||
evam-ete bijagama-bhutagama vuddhim virulhim vepullam apajjanti;|| ||

seyyatha pi va pana bho Gotama ye kec'ime balakaraniya kammanta kariyanti,||
sabbe te pathavim nissaya pathaviyam patitthaya||
evam-ete balakaraniya kammanta kariyanti;|| ||

evam eva kho bho Gotama||
rup'atta'yam purisa-puggalo rupe patitthaya punnam va apunnam va pasavati;||
vedan'atta'yam purisa-puggalo vedanayam patitthaya punnam va apunnam va pasavati;||
sann'atta'yam purisa-puggalo sannayam patitthaya punnam va apunnam va pasavati;||
sankhar'atta'yam purisa-puggalo sankharesu patitthaya punnam va apunnam va pasavati;||
vinnan'atta'yam purisa-puggalo vinnane patitthaya punnam va apunnam va pasavati" ti.|| ||

9. "Nanu tvam Aggivessana evam vadesi:|| ||

'Rupam me atta,||
vedana me atta,||
sanna me atta,||
sankhara me atta,||
vinnanam me atta" ti?|| ||

"Aham hi bho Gotama evam vadami:|| ||

'Rupam me atta,||
vedana me atta,||
sanna me atta,||
sankhara me atta,||
vinnanam me atta' ti.|| ||

Ayan ca mahati janata" ti.|| ||

"Kim hi te Aggivessana mahati janata karissati?|| ||

Ingha tvam Aggivessana sakamyeva vadam nibbethehi" ti.|| ||

"Aham hi bho Gotama evam vadami:|| ||

'Rupam me atta,||
vedana me atta,||
sanna me atta,||
sankhara me atta,||
vinnanam me atta'" ti.|| ||

10. "Tena hi Aggivessana tam yev'ettha patipucchissami,||
yatha te khameyya,||
tatha nam vyakareyyasi.|| ||

Tam [231] kim mannasi Aggivessana?|| ||

Vatteyya ranno khattiyassa muddhavasittassa sakasmim vijite vaso||
ghatetayam va ghatetum,||
japetayam va japetum,||
pabbajetayam va pabbajetum -||
seyyatha pi ranno Pasenadissa Kosalassa,||
seyyatha pi va pana ranno Magadhassa Ajatasattussa Vedehi-puttassa" ti?|| ||

"Vatteyya bho Gotama ranno khattiyassa muddhavasittassa sakasmim vijite vaso:||
ghatetayam va ghatetum,||
japetayam va japetum,||
pabbajetayam va pabbajetum -||
seyyatha pi ranno Pasenadissa Kosalassa,||
seyyatha pi va pana ranno Magadhassa Ajatasattussa Vedehi-puttassa.|| ||

Imesam pi hi bho Gotama sanghanam gananam - seyyathidam:||
Vajjinam, Mallanam vattati sakasmim vijite vaso:||
ghatetayam va ghatetum,||
japetayam va japetum,||
pabbajetayam va pabbajetum.|| ||

Kim pana ranno khattiyassa muddhavasittassa||
seyyatha pi ranno Pasenadissa Kosalassa||
seyyatha pi va pana ranno Magadhassa Ajatasattussa Vedehi-puttassa?|| ||

Vatteyya bho Gotama,||
vattitun-ca-m-arahati" ti.|| ||

11. "Tam kim mannasi Aggivessana?|| ||

Yam tvam evam vadesi:|| ||

'Rupam me atta' ti,||
vattati te tasmim rupe vaso:|| ||

'Evam me rupam hotu,||
evam me rupam ma ahosi' ti"?|| ||

Evam vutte Saccako Nigantha-putto tunhi ahosi.|| ||

Dutiyam pi kho Bhagava Saccakam Nigantha-puttam etad avoca:|| ||

"Tam kim mannasi Aggivessana?|| ||

Yam tvam evam vadesi:|| ||

'Rupam me atta' ti,||
vattati te tasmim rupe vaso:|| ||

'Evam me rupam hotu,||
evam me rupam ma ahosi' ti"?|| ||

Dutiyam pi kho Saccako Nigantha-putto tunhi ahosi.|| ||

Atha kho Bhagava Saccakam Nigantha-puttam etad avoca:|| ||

"Vyakarohi'dani Aggivessana,||
na dani te tunhibhavassa kalo.|| ||

Yo koci Aggivessana Tathagatena yava tatiyam sahadhammikam panham puttho na vyakaroti,||
etth'ev'assa sattadha muddha phalati" ti.|| ||

12. Tena kho pana samaye vajirapani yakkho ayasam vajiram adaya adittam sampajjalitam sajotibhutam Saccakassa Nigantha-puttassa upari-vehasam thito hoti:|| ||

"Sacayam Saccako Nigantha-putto Bhagavata yava tatiyam sahadhammikam panham puttho na vyakarissati||
etth'ev'assa sattadha muddham phalessami" ti.|| ||

Tam kho pana vajirapanim yakkham Bhagava c'eva passati,||
Saccako ca Nigantha-putto|| ||

Atha kho Saccako Nigantha-putto bhito samviggo lomahatthajato Bhaga- [232] vantamyeva tanam gavesi,||
Bhagavantam etad avoca:|| ||

"Pucchatu mam bhavam Gotamo,||
vyakarissami" ti.|| ||

13. "Tam kim mannasi Aggivessana?|| ||

Yam tvam evam vadesi:|| ||

'Rupam me atta' ti,||
vattati te tasmim rupe vaso:|| ||

'Evam me rupam hotu,||
evam me rupam ma ahosi' ti"?|| ||

"No h'idam bho Gotama."|| ||

"Manasi karohi Aggivessana,||
manasi karitva kho Aggivessana vyakarohi,||
na kho te sandhiyati purimena va pacchimam,||
pacchimena va purimam.|| ||

Tam kim mannasi Aggivessana?|| ||

Yam tvam evam vadesi:|| ||

'Vedana me atta' ti,||
vattati te tayam vedanayam vaso|| ||

'Evam me vedana hotu,||
evam me vedana ma ahosi' ti"?|| ||

"No h'idam bho Gotama."|| ||

"Manasi karohi Aggivessana,||
manasi karitva kho Aggivessana vyakarohi,||
na kho te sandhiyati purimena va pacchimam,||
pacchimena va purimam.|| ||

Tam kim mannasi Aggivessana?|| ||

Yam tvam evam vadesi:|| ||

'Yam tvam evam vadesi:|| ||

'Sanna me atta' ti,||
vattati te tayam sannayam vaso|| ||

'Evam me sanna hotu,||
evam me sanna ma ahosi' ti"?|| ||

"No h'idam bho Gotama."|| ||

"Manasi karohi Aggivessana,||
manasi karitva kho Aggivessana vyakarohi,||
na kho te sandhiyati purimena va pacchimam,||
pacchimena va purimam.|| ||

Tam kim mannasi Aggivessana?|| ||

Yam tvam evam vadesi:|| ||

'Sankhara me atta' ti,||
vattati te tasu sankharesu vaso|| ||

'Evam me sankhara hontu,||
evam me sankhara ma ahesun' ti"?|| ||

"No h'idam bho Gotama."|| ||

"Manasi karohi Aggivessana,||
manasi karitva kho Aggivessana vyakarohi,||
na kho te sandhiyati purimena va pacchimam,||
pacchimena va purimam.|| ||

Tam kim mannasi Aggivessana?|| ||

Yam tvam evam vadesi:|| ||

'Vinnanam me atta' ti,||
vattati te tasmim vinnane vaso|| ||

'Evam me vinnanam hotu||
evam me vinnanam ma ahosi' ti"?|| ||

"No h'idam bho Gotama."|| ||

"Manasi karohi Aggivessana,||
manasi karitva kho Aggivessana vyakarohi,||
na kho te sandhiyati purimena va pacchimam,||
pacchimena va purimam.|| ||

 


 

14. Tam kim mannasi Aggivessana?|| ||

'Rupam niccam va aniccam va' ti"?|| ||

"Aniccam bho Gotama."|| ||

"'Yam pananiccam dukkham va tam sukham va' ti"?|| ||

"Dukkham bho Gotama."|| ||

"Yam pananiccam dukkham viparinama-dhammam kallan-nu tam samanupassitum:|| ||

'Etam mama,||
eso'ham asmi,||
[233] eso me atta' ti?"|| ||

"No h'idam bho Gotama."|| ||

"Tam kim mannasi Aggivessana?|| ||

Vedana niccam va aniccam va' ti"?|| ||

"Aniccam bho Gotama."|| ||

"'Yam pananiccam dukkham va tam sukham va' ti"?|| ||

"Dukkham bho Gotama."|| ||

"Yam pananiccam dukkham viparinama-dhammam kallan-nu tam samanupassitum:|| ||

'Etam mama,||
eso'ham asmi,||
eso me atta' ti?"|| ||

"No h'idam bho Gotama."|| ||

"Tam kim mannasi Aggivessana?|| ||

Sanna niccam va aniccam va' ti"?|| ||

"Aniccam bho Gotama."|| ||

"'Yam pananiccam dukkham va tam sukham va' ti"?|| ||

"Dukkham bho Gotama."|| ||

"Yam pananiccam dukkham viparinama-dhammam kallan-nu tam samanupassitum:|| ||

'Etam mama,||
eso'ham asmi,||
eso me atta' ti?"|| ||

"No h'idam bho Gotama."|| ||

"Tam kim mannasi Aggivessana?|| ||

Sankhara niccam va aniccam va' ti"?|| ||

"Aniccam bho Gotama."|| ||

"'Yam pananiccam dukkham va tam sukham va' ti"?|| ||

"Dukkham bho Gotama."|| ||

"Yam pananiccam dukkham viparinama-dhammam kallan-nu tam samanupassitum:|| ||

'Etam mama,||
eso'ham asmi,||
eso me atta' ti?"|| ||

"No h'idam bho Gotama."|| ||

"Tam kim mannasi Aggivessana?|| ||

Vinnanam niccam va aniccam va' ti"?|| ||

"Aniccam bho Gotama."|| ||

"'Yam pananiccam dukkham va tam sukham va' ti"?|| ||

"Dukkham bho Gotama."|| ||

"Yam pananiccam dukkham viparinama-dhammam kallan-nu tam samanupassitum:|| ||

'Etam mama,||
eso'ham asmi,||
eso me atta' ti?"|| ||

"No h'idam bho Gotama."|| ||

 


 

"Tam kim mannasi Aggivessana?|| ||

Yo nu kho dukkham||
allino dukkham||
upagato dukkham||
ajjhosito dukkham:||
'Etam mama,||
eso hamasmi,||
eso me atta" ti samanupassati,||
api nu kho so samam va dukkham parijaneyya,||
dukkham va parikkhepetva vihareyya ti"?|| ||

"Kim hi siya bho Gotama,||
no h'idam bho Gotama" ti|| ||

Tam kim mannasi Aggivessana?|| ||

Na nu tvam evam sante dukkham||
allino dukkham||
upagato dukkham||
ajjhosito dukkham:||
'Etam mama,||
eso'ham asmi,||
eso me atta' ti samanupassasi ti?|| ||

"Kim hi no siya bho Gotama,||
evam idam bho Gotama" ti.|| ||

16. Seyyatha pi Aggivessana,||
puriso saratthiko saragavesi sarapariyesanam caramano tikhinam kutharim adaya vanam paviseyya so tattha passeyya mahantam kadalikkhandham ujum navam akukkukajatam,||
tam enam mule chindeyya,||
mule chetva agge chindeyya,||
agge chetva pattavattim vinibbhujeyya,||
so tattha pattavattim vinibbhujanto,||
pheggumpi nadhigaccheyya,||
kuto saram;||
evam eva kho tvam Aggivessana maya sakasmim vade samanuyuyjiyamano||
samanugahiyamano||
samanubhasiyamano ritto tuccho aparaddho.|| ||

17. Bhasita kho pana te esa Aggivessana Vesaliyam parisatim vaca|| ||

'Nahan tam passami samanam va brahmanam va sanghim ganim ganacariyam.||
api arahantam sammasambuddham patijanamanam,||
yo maya vadena vadam samaraddho||
na sankampeyya||
na sampakampeyya||
na sampavedheyya,||
yassa na kacchehi seda mucceyyum.|| ||

Thunam ce p'aham acetanam vadena vadam samarabheyyam,||
sa pi maya vadena vadam samaraddha||
sankampeyya||
sampakampeyya||
sampavedheyya,||
ko pana vado manussabhutassa' ti.|| ||

Tuyham kho pan'Aggivesna app'ekaccani sedaphusitani nalata muttani uttarasangam vinibhinditva bhumiyam patitthitani.|| ||

Mayham kho pan'Aggivessana,||
n'atthi etarahi kayasmim sedo" ti|| ||

Iti Bhagava tasmim parisatim suvannavannam kayam vivari.|| ||

[234] Evam vutte Saccako Nigantha-putto tunhibhuto mankubhuto pattakkhandho adhomukho pajjhayanto appatibhano nisidi.|| ||

18. Atha kho Dummukho Licchaviputto Saccakam Nigantha-puttam tunhibhutam mankubhutam pattakkhandham adhomukham pajjhayan tam appatibhanam viditva Bhagavantam etad avoca:|| ||

"Upama mam Bhagava patibhati" ti|| ||

"Patibhatu tam dummukha" ti Bhagava avoca.|| ||

"Seyyatha pi bhante gamassa va nigamassa va avidure pokkharani,||
tatr'assa kakkatako.|| ||

Atha kho bhante sambahula kumaraka va kumarika va tamha gama va nigama va nikkhamitva yena sa pokkharani ten'upasankameyyum,||
upasankamitva tam pokkharanim ogahetva tam kakkatakam udaka uddharitva thale patitthapeyyum.|| ||

Yan-yad-eva hi so bhante kakkatako alam abhininnameyya,||
tam tad-eva te kumaraka va kumarika va katthena va kathalena va samchindeyyum sambhanjeyyum sampalibhanjeyyum.|| ||

Evam hi so bhante kakkatako sabbehi alehi samchinnehi sambhaggehi sampalibhaggehi abhabbo tam pokkharanim puna otaritum seyyatha pi pubbe.|| ||

Evam eva kho bhante yani Saccakassa Nigantha-puttassa visukayitani visevitani vipphanditani kanici kanici,||
tani Bhagavata samchinnani sambhaggani sampalibhaggani,||
abhabbo ca dani bhante Saccako Nigantha-putto puna Bhagavantam upasankamitum yad idam vadadhippayo" ti.|| ||

19. Evam vutte Saccako Nigantha-putto Dummukham Licchaviputtam etad avoca:|| ||

"Agamehi tvam Dummukha,||
agamehi tvam Dummukha,||
na mayam taya saddhim mantema,||
idha mayam bhota Gotamena saddhim mantema.|| ||

Titthat'esa bho Gotama,||
amhakan c'eva annesan ca puthusamana-brahmananam vaca,||
vilapam vilapitam manne.|| ||

Kittavata ca nu kho bhoto Gotamassa savako sasanakaro hoti||
ovadapatikaro tinnavicikiccho vigatakathankatho vesarajjappatto aparappaccayo satthusasane viharati " ti?|| ||

20. "Idha Aggivessana mama savako yam kinci rupam||
atitanagata paccuppannam||
ajjhattam va bahiddha va||
olarikam va sukhumam va||
hinam va panitam va||
yam dure santike va,||
sabbam rupam||
'n'etam mama,||
n'eso'ham asmi,||
na m'eso atta' ti,||
[235] evam etam yathabhutam sammappannaya passati.|| ||

Ya kaci vedana||
atitanagata paccuppannam||
ajjhattam va bahiddha va||
olarikam va sukhumam va||
hinam va panitam va||
yam dure santike va,||
sabbam vedana||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya passati.|| ||

Ya kaci sanna||
atitanagata paccuppannam||
ajjhattam va bahiddha va||
olarikam va sukhumam va||
hinam va panitam va||
yam dure santike va,||
sabbam sanna||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya passati.|| ||

Ye keci sankhara||
atitanagata paccuppannam||
ajjhattam va bahiddha va||
olarikam va sukhumam va||
hinam va panitam va||
yam dure santike va,||
sabbam sankhara||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya passati.|| ||

Yam kinci vinnanam||
atitanagata paccuppannam||
ajjhattam va bahiddha va||
olarikam va sukhumam va||
hinam va panitam va||
yam dure santike va,||
sabbam vinnanam||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya passati.|| ||

Ettavata kho Aggivessana mama savako sasanakaro hoti||
ovadapatikaro||
tinnavicikiccho||
vigatakathankatho||
vesarajjappatto||
aparappaccayo||
satthusasane viharati" ti.|| ||

21. "Kittavata pana bho Gotama bhikkhu araham hoti||
khinasavo||
vusitava katakaraniyo||
ohitabharo||
anuppatta-sadattho||
parikkhinabhava-samyojano||
samma-d-anna vimutto" ti?|| ||

Idha Aggivessana bhikkhu yam kinci rupam||
atitanagata paccuppannam||
ajjhattam va bahiddha va||
olarikam va subumam va||
hinam va panitam va||
yam dure sannike va,||
sabbam rupam||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya disva anupada vimutto hoti.|| ||

Ya kaci vedana||
atitanagata paccuppannam||
ajjhattam va bahiddha va||
olarikam va subumam va||
hinam va panitam va||
yam dure sannike va,||
sabbam vedana||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya disva anupada vimutto hoti.|| ||

Ya kaci sanna||
atitanagata paccuppannam||
ajjhattam va bahiddha va||
olarikam va subumam va||
hinam va panitam va||
yam dure sannike va,||
sabbam sanna||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya disva anupada vimutto hoti.|| ||

Ye keci sankhara||
atitanagata paccuppannam||
ajjhattam va bahiddha va||
olarikam va subumam va||
hinam va panitam va||
yam dure sannike va,||
sabbam sankhara||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya disva anupada vimutto hoti.|| ||

Yam kinci vinnanam||
atitanagata paccuppannam||
ajjhattam va bahiddha va||
olarikam va subumam va||
hinam va panitam va||
yam dure sannike va,||
sabbam vinnanam||
'n'etam mama,||
n'eso'ham asmi,||
na m'eso atta' ti,||
evam etam yathabhutam sammappannaya disva anupada vimutto hoti.|| ||

Ettavata kho Aggivessana bhikkhu araham hoti||
khinasavo||
vusitava||
katakaraniyo||
ohitabharo||
anuppatta-sadattho||
parikkhina-bhava-samyojano samma-d-anna vimutto.|| ||

22. Evam vimutta-citto kho Aggivessana bhikkhu tihi anuttariyehi samannagato hoti:|| ||

Dassananuttariyena||
patipadanuttariyena||
vimuttanuttariyena.|| ||

Evam vimutta-citto kho Aggivessana bhikkhu Tathagatam yeva sakkaroti,||
garukaroti,||
maneti,||
pujeti:|| ||

'Buddho so Bhagava bodhaya dhammam deseti,||
danto so Bhagava damathaya dhammam deseti||
santo so Bhagava samathaya dhammam deseti||
tinno so Bhagava taranaya dhammam deseti||
parinibbuto so Bhagava parinibbanaya dhammam deseti' ti".|| ||

23. Evam vutte Saccako Nigantha-putto Bhagavantam etad [236]avoca:|| ||

"Mayam-eva bho Gotama dhamsi,||
mayam pagabbha,||
ye mayam bhavantam Gotamam vadena vadam asadetabbam amannimha.|| ||

Siya hi bho Gotama hatthippabhinnam asajja purisassa sotthibhavo,||
na tv'eva bhavantam Gotamam asajja siya purisassa sotthibhavo.|| ||

Siya hi bho Gotama jalantam aggikkhandham asajja purisassa sotthibhavo,||
na tv'eva bhavantam Gotamam asajja siya purisassa sotthibhavo.|| ||

Siya hi bho Gotama asivisam ghoravisam asajja purisassa sotthibhavo,||
na tv'eva bhavantam Gotamam asajja siya purisassa sotthibhavo.|| ||

Mayam-eva bho Gotama dhamsi,||
mayam pagabbha||
ye mayam bhavantam Gotamam vadena vadam asadetabbam amannimha.|| ||

Adhivasetu ca me bhavam Gotamo svatanaya bhattam sddhim bhikkhu-sanghena" ti.|| ||

Adhivasesi Bhagava tunhi-bhavena.|| ||

24. Atha kho Saccako Nigantha-putto Bhagavato adhivasanam viditva te Licchavi amantesi:|| ||

"Sunantu me bhonto Licchavi,||
samano me Gotamo nimannito svatanaya bhattena saddhim bhikkhu-sanghena,||
yena me abhihareyyatha yamassa patirupam manneyyatha" ti.|| ||

Atha kho te Licchavi tassa rattiya accayena Saccakassa Nigantha-puttassa pancamattani thalipakasatani bhattabhiharam abhiharimsu.|| ||

Atha kho Saccako Nigantha-putto sake arame panitam khadaniyam bhojaniyam patiyadapetva Bhagavato kalam arocapesi:|| ||

"Kalo bho Gotama,||
nitthitam bhattan" ti.|| ||

25. Atha kho Bhagava pubbanha-samayam nivasetva pattacivaram adaya yena Saccakassa Nigantha-puttassa aramo ten'upasankami.|| ||

Upasankamitva pannatte asane nisidi saddhim bhikkhu-sanghena.|| ||

Atha kho Saccako Nigantha-putto Buddhapamukham bhikkhu-sangham panitena khadaniyena bhojaniyena sahattha santappesi sampavaresi.|| ||

Atha kho Saccako Nigantha-putto Bhagavantam bhuttavim onitapattapanim annataram nicam asanam gahetva eka-m-antam nisidi.|| ||

Eka-m-antam nisinno kho Saccako Nigantha-putto Bhagavantam etad avoca:|| ||

"Yam idam bho Gotama dane punnan ca punnamahi ca,||
tam dayakanam sukhaya hotu" ti.|| ||

"Yam kho Aggivessana tadisam dakkhineyyam agamma avitaragam||
avitadosam||
avitamoham,||
[237] tam dayakanam bhavissati.|| ||

Yam kho Aggivessana madisam dakkhineyyam agamma vitaragam||
vitadosam||
vitamoham,||
tam tuyham bhavisasati" ti.|| ||

Cula-Saccaka Suttam Pancamam


Contact:
E-mail
Copyright Statement