Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Majjhima Nikaya
II. Majjhima-Pannasa
3. Paribbajaka Vagga

Sutta 76

Sandaka Suttam

Based on the 'Sri Lanka Buddha Jayanti Tripitaka Series.'

 


[513]

[1][chlm][pts][upal] Evam me sutam|| ||

Ekam samayam Bhagava Kosambiyam viharati Ghositarame.|| ||

2. Tena kho pana samayena Sandako paribbajako pilakkha guhayam pativasati mahatiya paribbajakaparisaya saddhim panca-mattehi paribbajakasatehi.|| ||

3. Atha kho ayasma Anando sayanhasamayam patisallana vutthito bhikkhu amantesi 'ayamavuso yena devakatasobbho ten'upasankamissama guhadassanaya' ti.|| ||

Evam avuso ti kho te bhikkhu ayasmato Anandassa paccassosum.|| ||

Atha kho ayasma Anando sambahulehi bhikkhuhi saddhim yena devakatasobbho ten'upasankami.|| ||

4. Tena kho pana samayena Sandako paribbajako mahatiya paribbajakaparisaya saddhim nisinno hoti unnadiniya uccasaddamahasaddaya aneka-vihitam tiracchana-katham kathentiya.|| ||

Seyyathidam: raja-katham cora-katham mahamattakatam sena-katham bhaya-katham yuddha-katham anna-katham pana-katham vattha-katham yana-katham sayana-katham mala-katham gandha-katham nati-katham gama-katham nigama-katham nagara-katham janapada-katham itthi-katham purisakatham sura-katham visikha-katham kumbhatthana-katham pubba-peta-katham nanatta-katham lokakkhayikam samuddak- [514] khayikam itibhavabhava-katham iti va.|| ||

Addasa kho Sandako paribbajako ayasmantam Anandam durato va agacchantam.|| ||

Disvana sakam parisam santhapesi appasadda bhonto hontu,||
ma bhonto saddamakattha,||
ayam samanassa Gotamassa savako agacchati samano Anando.|| ||

Yavata kho pana samanassa Gotamassa savaka Kosambiyam pativasanti ayam tesam annataro samano Anando.|| ||

Appasaddakama kho pana te ayasmanto appasaddavinita appasaddassa vannavadino,||
app'eva nama appasaddam parisam viditva upasankamitabbam manneyya' ti.|| ||

Atha kho te paribbajaka tunhi ahesum.|| ||

5. Atha kho ayasma Anando yena Sandako paribbajako ten'upasankami.|| ||

Atha kho Sandako paribbajako ayasmantam Anandam etad avoca: etu kho bhavam Anando,||
svagatam bhoto Anandassa cirassam kho bhavam Anando imam pariyayamakasi yad idam idhagamanaya,||
nisidatu bhavam Anando,||
idamasanam pannattanti.|| ||

Nisidi kho ayasma Anando pannatte asane.|| ||

Sandako pi kho paribbajako annataram nicam asanam gahetva eka-m-antam nisidi.|| ||

Eka-m-antam nisinnam kho Sandakam paribbajakam ayasma Anando etad avoca:|| ||

"Kayanuttha Sandaka etarahi kathaya sannisinna,||
ka ca pana vo antara katha vippakata" ti.|| ||

"Titthat'esa bho Ananda katha,||
yaya mayam etarahi kathaya sannisinna.|| ||

N'esa bhoto Anandassa katha dullabha bhavissati pacchapi savanaya.|| ||

Sadhu vata bhavantamyeva Anandam patibhatu sake acariyake dhammi katha" ti.|| ||

"Tena hi Sandaka sunahi,||
sadhukam manasi karohi,||
bhasissami" ti.|| ||

"Evam bho" ti kho Sandako paribbajako ayasmato Anandassa paccassosi.|| ||

Ayasma Anando etad avoca:|| ||

6. "Cattaro'me Sandaka tena Bhagavata janata passata arahata samma-sambuddhena abrahmacariyavasa akkhata,||
cattari ca anassasikani brahmacariyani akkhatani,||
yattha vinnu puriso sasakkam brahmacariyam na vaseyya vasanto va na aradheyya nayam dhammam kusalan"ti.|| ||

Katame pana te bho Ananda tena Bhagavata janata passata arahata samma-sambuddhena cattaro abrahmacariyavasa akkhata,||
yattha [515] vinnu puriso sasakkam brahmacariyam na vaseyya vasanto va na aradheyya nayam dhammam kusalan" ti?|| ||

7. "Idha Sandaka ekacco sattha evam-vadi hoti evamditthi: 'n'atthi dinnam n'atthi yittham n'atthi hutam n'atthi sukata-dukkatanam kammanam phalam vipako n'atthi ayam loko n'atthi paro loko n'atthi mata n'atthi pita n'atthi satta opapatika n'atthi loke samana-brahmana sammaggata sammapatipanna ye iman ca lokam paranca lokam sayam abhinna sacchikatva pavedenti,||
catum-maha-bhutiko ayam puriso yada kalam karoti pathavi pathavikayam anupeti anupagacchati.|| ||

Apo apokayam anupeti anupagacchati,||
tejo tejokayam anupeti anupagacchati,||
vayo vayokayam anupeti anupagacchati,||
akasam indriyani sankamanti,||
asandipancama purisa matam adaya gacchanti,||
yava a'ahana padani pannayanti,||
kapotakani atthini bhavanti,||
bhassantahutiyo dattupannattam yad idam danam tesam tuccham musa vilapo ye keci atthikavadam vadanti,||
bale ca pandite ca kayassa bheda ucchijjanti vinassanti na honti param marana' ti.|| ||

8. Tatra Sandaka vinnu puriso iti patisancikkhati: 'ayam kho bhavam sattha evam-vadi evamditthi.|| ||

'N'atthi dinnam n'atthi yittham n'atthi hutam n'atthi sukata-dukkatanam kammanam phalam vipako n'atthi ayam loko n'atthi paro loko n'atthi mata n'atthi pita n'atthi satta opapatika n'atthi loke samana-brahmana sammaggata sammapatipanna,||
ye iman ca lokam paranca lokam sayam abhinna sacchikatva pavedenti,||
catum-maha-bhutiko ayam puriso,||
yada kalam karoti pathavi pathavikayam anupeti anupagacchati,||
apo apokayam anupeti anupagacchati,||
tejo tejokayam anupeti anupagacchati.|| ||

Vayo vayokayam anupeti anupagacchati,||
akasam indriyani sankamanti,||
asandi pancama purisa matam adaya gacchanti,||
yava a'ahana padani pannayanti,||
kapotakani atthini bhavanti,||
bhassantahutiyo,||
dattupannattam yad idam danam,||
tesam tuccham musa vilapo ye keci atthikavadam vadanti,||
bale ca pandite ca kayassa bheda ucchijjanti,||
vinassanti,||
na honti param maranati.||
Sace imassa bhoto satthuno saccam vacanam,||
akatena me ettha katam,||
abbusitena me ettha vusitam,||
ubhopi mayam ettha samasama samannam patta,||
yo caham na vadami: 'ubho kayassa bheda ucchijjissama vinassissama,||
na bhavissama param marana' ti.|| ||

Atirekam kho panimassa bhoto satthuno naggiyam mundiyam ukkutikappadhanam kesamassulocanam,||
yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam,||
soham kimjananto kimpassanto imasmim satthari brahmacariyam carissami,||
so abrahmacariyam vaso aya'nti iti viditva tasma brahmacariya nibbijja pakkamati.|| ||

9. Ayam kho Sandaka tena Bhagavata janata passata arahata samma-sambuddhena pathamo abrahmacariyavaso akkhato yattha vinnu puriso sasakkam brahma- [516] cariyam na vaseyya,||
vasanto va naradheyya nayam dhammam kusalam.|| ||

10. Puna ca param Sandaka idh'ekacco sattha evam-vadi hoti evamditthi: 'karato karayato chindato chedapayato pacato pacayato socayato socapayato kilamato kilamapayato phandato phandapayato panamatipatayato adinnam adiyato sandhim chindato nillopam harato ekagarikam karoto paripanthe titthato paradaram gacchato musabhanato,||
karato na kariyati papam.|| ||

Khurapariyantena ce pi cakkena yo imissa pathaviya pane ekamamsakhalam ekamamsapunjam kareyya,||
n'atthi tato nidanam papam,||
n'atthi papassa agamo.|| ||

Dakkhinan ce pi Gangaya tiram gaccheyya hananto ghatento chindanto chedapento pacanto pacento n'atthi tato nidanam papam,||
n'atthi papassa agamo.|| ||

Uttaran ce pi Gangaya tiram gaccheyya dadanto dapento yajanto yajento n'atthi tato nidanam punnam,||
n'atthi punnassa agamo.|| ||

Danena damena samyamena saccavajjena n'atthi punnam,||
n'atthi punnassa agamo' ti.|| ||

11. Tatra Sandaka vinnu puriso iti patisancikkhati: ayam kho bhavam sattha evam-vadi evamditthi: 'karato karayato chindato chedapayato pacato pacayato socayato socapayato kilamato kilamapayato phandato phandapayato panamatipatayato adinnam adiyato sandhim chindato nillopam harato ekagarikam karoto paripanthe titthato paradaram gacchato musabhanato karato na kariyati papam.|| ||

Khurapariyantena ce pi cakkena yo imissa pathaviya pane ekamamsakhalam ekamamsapunjam kareyya,||
n'atthi tato nidanam papam,||
n'atthi papassa agamo.|| ||

Dakkhinan ce pi Gangaya tiram gaccheyya hananto ghatento chindanto chedapento pacanto pacento n'atthi tato nidanam papam,||
n'atthi papassa agamo.|| ||

Uttaran ce pi Gangaya tiram gaccheyya dadanto dapento yajanto yajento n'atthi tato nidanam punnam,||
n'atthi punnassa agamo,||
danena damena samyamena saccavajjena n'atthi punnam,||
n'atthi punnassa agamoti.|| ||

Sace imassa bhoto satthuno saccam vacanam,||
akatena me ettha katam,||
abbusitena me ettha vusitam.|| ||

Ubhopi mayam ettha samasama samannam patta yo caham na vadami,||
'ubhinnam kurutam na kariyati papan' ti.|| ||

Atirekam kho panimassa bhoto satthuno naggiyam mundiyam ukkutikappadhanam kesamassulocanam,||
yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam.|| ||

Soham kimjananto kimpassanto imasmim satthari brahmacariyam carissami,||
so 'abrahmacariyavaso ayan' ti.iti viditva tasma brahmacariya nibbijja pakkamati.|| ||

12. Ayam kho Sandaka tena Bhagavata janata passata arahata samma-sambuddhena dutiyo abrahmacariyavaso akkhato,||
yattha vinnu puriso sasakkam brahmacariyam na vaseyya,||
vasanto va na aradheyya nayam dhammam kusalam.|| ||

13. Puna ca param Sandaka idh'ekacco sattha evam-vadi hoti evamditthi:|| ||

N'atthi hetu n'atthi paccayo sattanam sankilesaya,||
ahetu appaccaya satta sankilissanti.|| ||

N'atthi hetu n'atthi paccayo sattanam visuddhiya,||
ahetu appaccaya satta visujjhanti.|| ||

N'atthi balam n'atthi viriyam n'atthi purisat- [517] thamo n'atthi purisaparakkamo,||
sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chassevabhijatisu sukhadukkham patisanvedenti' ti.|| ||

14. Tatra Sandaka vinnu puriso iti patisancikkhati: 'ayam kho bhavam sattha evam-vadi evamditthi: n'atthi hetu n'atthi paccayo sattanam sankilesaya.|| ||

Ahetu appaccaya satta sankilissanti.|| ||

N'atthi hetu n'atthi paccayo sattanam visuddhiya.|| ||

Ahetu appaccaya satta visujjhanti.|| ||

N'atthi balam n'atthi viriyam n'atthi purisatthamo n'atthi purisaparakkamo,||
sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chassevabhijatisu sukhadukkham patisanvedenti' ti.|| ||

Sace imassa bhoto satthuno saccam vacanam,||
akatena me ettha katam,||
abbusitena me ettha vusitam.|| ||

Ubhopi mayam ettha samasama samannam patta,||
yocaham na vadami,||
ubho ahetu appaccaya visujjhissama' ti.|| ||

Atirekam kho panimassa bhoto satthuno naggiyam mundiyam ukkutikappadhanam kesamassu locanam.|| ||

Yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam.|| ||

Soham kimjananto kimpassanto imasmim satthari brahmacariyam carissami.|| ||

So abrahmacariyavaso aya'nti iti viditva tasma brahmacariya nibbijja pakkamati.|| ||

15. Ayam kho Sandaka tena Bhagavata janata passata arahata samma-sambuddhena tatiyo abrahmacariyavaso akakhato,||
yattha vinnu puriso sasakkam brahmacariyam na vaseyya vasanto va naradheyya nayam dhammam kusalam.|| ||

16. Puna ca param Sandaka idh'ekacco sattha evam-vadi hoti evamditthi: satt'ime kaya akata akatavidha animmita animmata vanjha kutattha esikatthayitthita.|| ||

Te na injanti na viparinamanti.|| ||

Nannamannam vyabadhenti.|| ||

Nalam annamannassa sukhaya va dukkhaya va sukhadukkhaya va.|| ||

Katame satta?|| ||

Pathavikayo apokayo tejokayo vayo kayo sukhe dukkhe jive satt'ime.|| ||

Ime satta kaya akata akatavidha animmita animmata vanjha kutattha esikatthayitthita.|| ||

Te na injanti,||
na viparinamanti,||
nannamannam vyabadenti,||
nalam annamannassa sukhaya va dukkhaya va sukhadukkhaya va.|| ||

Tattha n'atthi hanta va ghateta va sota va saveta va vinnata va vinnapeta va yepi tinhena satthena sisam chindati.|| ||

Na koci kanci jivita voropeti.|| ||

Sattannam tv'eva kayanamantarena sattham vivaramanupatati.|| ||

Cuddasa kho panimani yonipamukhasatasahassani satthinca satani cha ca satani.|| ||

Panca ca kammuno satani panca ca kammani tini ca kammani kamme ca addhakamme ca,||
dvatthi patipada,||
dvatth'antarakappa,||
chalabhijatiyo,||
attha purisabhumiyo,||
ekunapannasa ajivasate,||
ekunapannasa paribbajakasate,||
ekuna- [518] pannasa nagavasasate,||
vise indriyasate,||
timse nirayasate,||
chattimsa rajodhatuyo,||
satta sannigabbha,||
satta asannigabbha,||
satta niganthigabbha,||
satta deva,||
satta manusa,||
satta pesaca,||
satta sara,||
satta pavuta,||
satta papata,||
satta papatasatani,||
sattasupina,||
sattasupinasatani,||
cullasitimahakappuno satasahassani yani bale ca pandite ca sandhavitva samsaritva dukkhassantam karissanti.|| ||

Tattha n'atthi iminaham silena va vatena va tapena va brahmacariyena va aparipakkam va kammam paripacessami,||
paripakkam va kammam phussa phussa byantikarissamiti.|| ||

Hevam n'atthi donamite sukhadukkhe,||
pariyantakate samsare,||
n'atthi hayanavaddhane,||
n'atthi ukkamsavakamse.|| ||

Seyyatha pi nama suttagu'e khitte nibbethiyamanameva paleti,||
evam evam bale va pandite va sandhavitva samsaritva dukkhassantam karissanti ti.|| ||

17. Tatra Sandaka vinnu puriso iti patisancikkhati: ayam kho bhavam sattha evam-vadi evanditthi: satt'ime kaya akata akatavidha animmita animmata vanjha kutattha esikatthayitthita.|| ||

Te na injanti,||
na viparinamanti,||
nannamannam vyabadhenti,||
nalam annamannassa sukhaya va dukkhaya va sukhadukkhaya va.|| ||

Katame satta?|| ||

pathavikayo apokayo tejokayo vayokayo sukhe dukkhe jive satt'ime.|| ||

Ime satta kaya akata akatavidha animmita animmata vanjha kutattha esikatthayitthita.|| ||

Te na injanti,||
na viparinamanti,||
nannamannam vyabadhenti.|| ||

Nalam annamannassa sukhaya va dukkhaya va sukhadukkhaya va.|| ||

Tattha n'atthi hanta va ghateta va sota va saveta va vinnata va vinnapeta va yopi tinhena satthena sisam chindati,||
na koci kanci jivita voropeti,||
sattannam yeva kayanamantarena sattham vivaramanupatati.Cuddasa kho panimani yoni pamukhasatasahassani satthi ca satani cha ca satani panca ca kammuno satani panca ca kammani tini ca kammani kamme ca addhakamme ca dvatthipatipada dvatthantarakappa chalabhijatiyo attha purisabhumiyo ekunapannasa ajivasate1 ekunapannasa paribbajakasate ekunapannasa nagavasasate vise indirayasate timse nirayasate chattimsa rajodhatuyo satta sannigabbha satta asannigabbha satta niganthigabbha sattadeva sattamanusa sattapesaca satta sara satta pavuta satta papata satta papatasatani satta supina supinasatani cullasiti mahakappuno satasahassani.|| ||

Yani bale capandite ca sandhavitva samsaritva dukkhassantam karissanti.|| ||

Tattha n'atthi iminaham silena va vatena va tapena va brahmacariyena va aparipakkam va kammam paripacessami,||
paripakkam va phussa phussa vyantikarissamiti.|| ||

Hevam n'atthi donamite sukhadukkhe,||
pariyantakate samsare,||
n'atthi hayanavaddhane n'atthi ukkamsavakamse.|| ||

Seyyatha pi nama suttagu'e khitte nibbethiyamanameva paleti.|| ||

Evam evam bale ca pandite ca sandhavitva samsaritva dukkhassannam karissanti' ti.||
Sace imassa bhoto satthuno saccham vacanam,||
akatena me ettha katam abbusitena me ettha vusitam.|| ||

Ubhopi mayam ettha samasama samannam patta,||
yo caham na vadami: ubho sandhavitva samsaritva dukkhassantam karissama' ti.|| ||

Atirekam kho panimassa bhoto satthuno naggiyam mundiyam ukkutikappadhanam kesamassulocanam,||
yoham puttasambadhasayanam ajjhavasanto kasikacandanam paccanubhonto malagandhavilepanam dharento jataruparajatam sadiyanto imina bhota satthara samasamagatiko bhavissami abhisamparayam.|| ||

Soham kimjananto kimpassanto imasmim satthari brahmacariyam carissami.|| ||

18. So abrahmacariyavaso ayanti iti viditva tasma brahmacariya nibbijja pakkamati ayam kho Sandaka tena Bhagavata janata passata arahata samma-sambuddhena catuttho abrahmacariyavaso akkhato yattha vinnu puriso sasakkam brahmacariyam na vaseyya vasanto va naradheyya nayam dhammam kusalam.|| ||

19. Ime kho te Sandaka tena Bhagavata janata passata arahata samma-sambuddhena cattaro abrahmacariyavasa akkhata [519] yattha vinnu puriso sasakkam brahmacariyam na vaseyya vasanto va naradheyya nayam dhammam kusalan ti.|| ||

20. Acchariyam bho Ananda,||
abbhutam bho Ananda,||
yavan c'idam tena Bhagavata janata passata arahata samma-sambuddhena cattaro abrahmacariyavasa vasamana abrahmacariyavasati akkhata yattha vinnu puriso sasakkam brahmacariyam na vaseyya,||
vasanto va naradheyya nayam dhammam kusalan ti.|| ||

Katamani pana tani bho Ananda tena Bhagavata janata passata arahata samma-sambuddhena cattari anassasikani brahmacariyani akkhatani yattha vinnu puriso sasakkam brahmacariyam na vaseyya vasanto va naradheyya nayam dhammam kusalan ti:|| ||

21. Idha Sandaka ekacco sattha sabbannu sabbadassavi aparisesam nana-dassanam patijanati: carato ca me titthato ca suttassa ca jagarassa ca satatam samitam nana-dassanam paccupatthitanti.|| ||

So sunnampi agaram pavisati,||
pindampi na labhati,||
kukkuropi dasati,||
candenapi hatthina samagacchati,||
candenapi assena samagacchati,||
candenapi gonena samagacchati,||
itthiyapi purisassapi namampi gottampi pucchati,||
gamassapi nigamassapi namampi maggampi pucchati,||
so kimidanti puttho samano sunnam me agaram pavisitabbam ahosi,||
tena pavisim.|| ||

Pindam me aladdhabbam ahosi,||
tena nalattham.|| ||

Kukkurena dasitabbam ahosi,||
tenamhi dattho.|| ||

Candena hatthina samagantabbam ahosi,||
tena samagamam.|| ||

Candena assena samagantabbam ahosi,||
tena samagamam.|| ||

Candena gonena samagantabbam ahosi,||
tena samagamam.|| ||

Itthiyapi purisassapi namampi gottampi pucchitabbam ahosi,||
tena pucchim.|| ||

Gamassapi nigamassapi namampi maggampi pucchitabbam ahosi,||
tenapucchinti.|| ||

22. Tatra Sandaka vinnu puriso iti patisancikkhati: 'ayam kho bhavam sattha sabbannu sabbadassavi aparisesam nana-dassanam patijanati: carato ca me titthato ca suttassa ca jagarassa ca satatam samitam nana-dassanam paccupatthitanti.|| ||

So sunnampi agaram pavisati,||
pindampi na labhati,||
kukkuropi dasati,||
candenapi hatthina samagacchati,||
candenapi assena samagacchati,||
candenapi gonena samagacchati,||
itthiyapi purisassapi namampi gottampi pucchati,||
gamassapi nigamassapi namampi maggampi pucchati,||
so kimidanti puttho samano sunnam me agaram pavisitabbam ahosi,||
tena pavisim.|| ||

Pindam me aladdhabbam ahosi,||
tena nalattham.|| ||

Kukkurena dasitabbam ahosi,||
tenamhi dattho.|| ||

Candena hatthina samagantabbam ahosi,||
tena samagamam.|| ||

Candena assena samagantabbam ahosi,||
tena samagamam.|| ||

Candena gonena samagantabbam ahosi,||
tena samagamam.|| ||

Itthiyapi purisassapi namampi gottampi pucchitabbam ahosi,||
tena pucchim.|| ||

Gamassapi nigamassapi namampi maggampi pucchitabbam ahosi,||
tenapucchinti.|| ||

So anassasikam idam brahmacariyanti,||
iti viditva tasma brahmacariya nibbijja pakkamati.|| ||

23. Idam kho Sandaka tena Bhagavata janata passata arahata samma-sambuddhena pathamam anassasikam brahmacariyam akkha [520] tam,||
yattha vinnu puriso sasakkam brahmacariyam na vaseyya,||
vasanto va naradheyya nayam dhammam kusalam.|| ||

24. Puna ca param Sandaka idh'ekacco sattha anussaviko hoti anussavasacco.|| ||

So anussavena itihitiha paramparaya pitakasampadaya dhammam deseti.|| ||

Anussavikassa kho pana Sandaka satthuno anussavasaccassa sussutampi hoti,||
dussutampi hoti.|| ||

Tathapi hoti.|| ||

Annathapi hoti.|| ||

25. Yatra Sandaka vinnu puriso iti patisancikkhati: 'ayam kho bhavam sattha anussaviko anussavasacco.|| ||

So anussavena itihitiha paramparaya pitakasampadaya dhammam deseti.|| ||

Anussavikassa kho pana satthuno anussavasaccassa sussutampi hoti,||
dussutampi hoti,||
tathapi hoti,||
annathapi hoti.|| ||

So anassasikam idam brahmacariyanti iti viditva tasma brahmacariya nibbijja pakkamati.|| ||

26. Idam kho Sandaka tena Bhagavata janata passata arahata samma-sambuddhena dutiyam anassasikam brahmacariyam akkhatam,||
yattha vinnu puriso sasakkam brahmacariyam na vaseyya vasanto va naradheyya nayam dhammam kusalam.|| ||

27. Puna ca param Sandaka idh'ekacco sattha takki hoti vimamsi.|| ||

So takka-pariyahatam vimamsanucaritam sayam-patibhanam dhammam deseti.|| ||

Takkissa kho pana Sandaka satthuno vimamsissa sutakkitampi hoti,||
duttakkitampi hoti,||
tathapi hoti,||
annathapi hoti.|| ||

28. Tatra Sandaka vinnu puriso iti patisancikkhati: ayam kho bhavam sattha takki vimamsi.|| ||

So takka-pariyahatam vimamsanucaritam sayam-patibhanam dhammam deseti.|| ||

Takkissa kho pana satthuno vimamsissa sutakkitampi hoti,||
duttakkitampi hoti,||
tathapi hoti,||
annathapi hoti.|| ||

So anassasikam idam brahmacariyanti iti viditva tasma brahmacariya nibbijja pakkamati.|| ||

29. Idam kho Sandaka tena Bhagavata janata passata arahata samma-sambuddhena tatiyam anassasikam brahmacariyam akkhatam yattha vinnu puriso sasakkam brahmacariyam na vaseyya.|| ||

Vasanto va naradheyya nayam dhammam kusalam.|| ||

30. Puna ca param Sandaka idh'ekacco sattha mando hoti momuho.|| ||

So mandatta momuhatta tatha tatha panham [521] puttho samano vaca vikkhepam apajjati amara-vikkhepam,||
evam pi me no,||
tathapi me no,||
annathapi me no,||
notipi me no,||
no notipi me noti.|| ||

31. Tatra Sandaka vinnu puriso iti patisancikkhati.|| ||

Ayam kho bhavam sattha mando momuho,||
so mandatta momuhatta tatha tatha panham puttho samano vaca-vikkhepam apajjati amara-vikkhepam.|| ||

Evam pi me no,||
tathapi me no,||
annathapi me no,||
notipi me no,||
no no tipi me noti.|| ||

So anassasikam idam brahmacariyanti iti viditva tasma brahmacariya nibbijja pakkamati.|| ||

32. Idam kho Sandaka tena Bhagavata janata passata arahata samma-sambuddhena catuttham anassasikam brahmacariyam akkhatam,||
yattha vinnu puriso sasakkam brahmacariyam na vaseyya,||
vasanto va naradheyya nayam dhammam kusalam.|| ||

33. Imani kho Sandaka tena Bhagavata janata passata arahata samma sambuddhena cattari anassasikani brahmacariyani akkhatani,||
yattha vinnu puriso sasakkam brahmacariyam na vaseyya vasanto va naradheyya nayam dhammam kusalan ti.|| ||

34. Acchariyam bho Ananda abbhutam bho Ananda,||
yavan c'idam tena Bhagavata janata passata arahata samma-sambuddhena cattari anassasikan'eva brahmacariyani anassasikani brahmacariyaniti akkhatani.|| ||

Yattha vinnu puriso sasakkam brahmacariyam na vaseyya,||
vasanto va naradheyya nayam dhammam kusalam.|| ||

Yo pana so bho Ananda sattha kimvadi kimakkhayi yattha vinnu puriso sasakkam brahmacariyam vaseyya,||
vasanto va aradheyya nayam dhammam kusalan ti.|| ||

35. Idha Sandaka Tathagato loke uppajjati araham Samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti,||
so dhammam deseti: adi kalyanam majjhe kalyanam pariyosana-kalyanam sattham savyanjanam kevalaparipunnam parisuddham brahmacariyam pakaseti.|| ||

36. Tam dhammam sunati Gahapati va gahapatiputto va annatarasmim va kule paccajato.|| ||

So tam dhammam sutva Tathagate saddham patilabhati.|| ||

So tena saddhapatilabhena samannagato itipatisancikkhati: sambadho gharavaso rajapatho,||
abbhokaso pabbajja,||
na-y-idam sukaram agaram ajjhavasata ekanta-paripunnam ekanta-parisuddham sankhalikhitam brahmacariyam caritum,||
yan nunaham kesamassum oharetva kasayani vatthani acchadetva agarasma anagariyam pabbajeyyanti.|| ||

So aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.|| ||

37. So evam pabbajito samano bhikkhunam [sikkhasajiva samapanno] panatipatam pahaya panatipata pativirato hoti,||
nihita-dando nihita-sattho lajji dayapanno [sabba panabhutahitanukampi] viharati.|| ||

Adinnadanam pahaya adinnadana pativirato hoti,||
dinnadayi dinna-patikankhi athenena suci-bhutena attana viharati.|| ||

Abrahmacariyam pahaya brahmacari hoti,||
ara-cari virato methuna gama-dhamma.|| ||

Musa-vadam pahaya musa-vada pativirato hoti,||
sacca-vadi sacca-sandho theto paccayiko avisamvadako lokassa.|| ||

pisunam vacam pahaya pisunaya vacaya pativirato hoti,||
ito sutva na amutra akkhata imesam bhedaya,||
amutra va sutva na imesam akkhata amusam bhedaya,||
iti bhinnanam va sandhata sahitanam va anuppadata,||
samaggaramo samagga-rato samagga-nandi samagga-karanim vacam bhasita hoti.|| ||

Pharusam vacam pahaya pharusaya vacaya pativirato hoti,||
ya sa vaca ne'a kanna-sukha pemaniya hadayan-gama pori bahujana-kanta bahujana-manapa,||
tatharupam vacam bhasita hoti.|| ||

Samphappalapam pahaya samphappalapa pativirato hoti,||
kala-vadi bhuta-vadi attha-vadi dhamma-vadi vinaya-vadi nidhanavatim vacam bhasita kalena sapadesam pariyantavatim atthasamhitam.|| ||

So [bijagama bhutagama samarambha] pativirato hoti.|| ||

Eka-bhattiko hoti rattuparato virato vikala-bhojana.|| ||

[Naccagitavadi tavisuka-dassana] pativirato hoti.|| ||

[Malagandha vilepana dharana mandana vibhusanatthana] pativirato hoti.|| ||

Uccasayana-mahasayana pativirato hoti.|| ||

Jataruparajatapatiggahana pativirato hoti.|| ||

Amakadhannapatiggahana pativirato hoti.|| ||

Amakamamsapatiggahana pativirato hoti.|| ||

Itthikumarikapatiggahana pativirato hoti.|| ||

Dasidasapatiggahana pativirato hoti.|| ||

Ajelakapatiggahana pativirato hoti.|| ||

Kukkutasukarapatiggahana pativirato hoti.|| ||

[Hatthi gavassava'ava patiggahana] pativirato hoti.|| ||

Khettavatthupatiggahana pativirato hoti.|| ||

[Duteyya pahinagamananuyoga] pativirato hoti.|| ||

Kaya-vikkaya pativirato hoti.|| ||

[Tulakuta kamsakuta manakuta] pativirato hoti.|| ||

[Ukkota navan ca nanikatisaciyoga] pativirato hoti.|| ||

[Chedana vadha bandhana viparamosaalopa sahasakara] pativirato hoti.|| ||

38. So santuttho hoti kayapariharikena civarena,||
kucchipariharikena pindapatena,||
so yena yen'eva pakkamati,||
samadayeva pakkamati.|| ||

Seyyatha pi nama pakkhisakuno yena yen'eva deti,||
sapattabharova deti.|| ||

Evam evam bhikkhu santuttho hoti kayapariharikena civarena,||
kucchipariharikena pindapatena.|| ||

Yena yen'eva pakkamati samadayeva pakkamati.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

39. So cakkhuna rupam disva na nimittaggahi hoti nanuvyanjanaggahi,||
yatvadhikaranamenam cakkhu'ndriyam asamvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati cakkhu'ndriyam,||
cakkhu'ndriye samvaram apajjati.|| ||

Sotena saddam sutva na nimittaggahi hoti nanuvyanjanaggahi,||
yatvadhikaranamenam sot'indriyam asamvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati sot'indriyam,||
sot'indriye samvaram apajjati.|| ||

Ghanena gandham ghayitva na nimittaggahi hoti nanuvyanjanaggahi,||
yatvadhikaranamenam ghan'indriyam asamvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati ghan'indriyam,||
ghan'indriye samvaram apajjati.Jivhaya rasam sayitva na nimittaggahi hoti nanuvyanjanaggahi,||
yatvadhikaranamenam jivh'indriyam asamvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati jivh'indriyam,||
jivh'indriye samvaram apajjati.|| ||

Kayena photthabbam phusitva na nimittaggahi hoti nanuvyanjanaggahi,||
yatvadhikaranamenam kay'indriyam asamvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati kay'indriyam,||
kay'indriye samvaram apajjati.Manasa dhammam vinnaya na nimittaggahi hoti nanuvyanjanaggahi,||
yatvadhikaranamenam man'indriyam asamvutam viharantam abhijjha domanassa papaka akusaladhamma anvassaveyyum,||
tassa samvaram patipajjati,||
rakkhati man'indriyam,||
man'indriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

40. So abhikkante patikkante sampajanakari hoti,||
alokite vilokite sampajanakari hoti,||
samminjite pasarite sampajanakari hoti,||
sanghatipattacivaradharane sampajanakari hoti,||
asite pite khayite sayite sampajanakari hoti,||
uccarapassavakamme sampajanakari hoti,||
gate thite nisinne sutte jagarite bhasite tunhibhave sampajanakari hoti.|| ||

41. So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati.|| ||

Arannam rukkhamulam pabbatam kandaram giriguham susanam vanapattham abbhokasam palalapunjam.|| ||

42. So pacchabhattam pindapatapatikkanto nisidati pallankam abhujitva ujum kayam panidhaya,||
parimukham satim upatthapetva.|| ||

So abhijjham loke pahaya vigatabhijjhena cetasa viharati,||
abhijjhaya cittam parisodheti.|| ||

vyapadapadosam pahaya abyapannacitto viharati sabba-pana-bhuta-hitanukampi.|| ||

vyapadapadosa cittam parisodeti,||
thinamiddham pahaya vigatathinamiddho viharati alokasanni sato sampajano.|| ||

Thinamiddha cittam parisodheti,||
uddhaccakukkuccam pahaya anuddhato viharati ajjhattam vupasantacitto.|| ||

Uddhaccakukkucca cittam parisodheti.|| ||

Vicikiccham pahaya tinnavicikiccho viharati akathankathi kusalesu dhammesu.|| ||

Vicikicchaya cittam parisodheti.|| ||

43. So ime panca nivarane pahaya cetaso upakkilese pannaya dubbalikarane,||
vivicc'eva kamehi vivicca akusalehi dhammehi savitakkam savicaram vivekajam pitikham pathamam-jhanam upasampajja viharati.|| ||

Yasmim kho Sandaka satthari savako evarupam ularam visesam adhigacchati.|| ||

[522] Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

44. Puna ca param Sandaka bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

45. Puna ca param Sandaka bhikkhu pitiya ca viraga upekkhako ca viharati sato ca sampajano sukhanca kayena patisanvedeti.|| ||

Yantam ariya acikkhanti: 'Upekkhako satima sukha-vihari' ti tam tatiyam-jhanam upasampajja viharati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

46. Puna ca param Sandaka bhikkhu sukhassa ca pahana dukkhassa ca pahana,||
pubbe va somanassa-domanassanam atthangama adukkham-asukham upekkha-sati-parisuddhim catuttham-jhanam upasampajja viharati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

47. So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti.|| ||

So aneka-vihitam pubbenivasam anussarati,||
seyyathidam: ekam pi jatim dve pi jatiyo,||
Tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi anekepi samvattakappe anekepi vivattakappe anekepi samvatta-vivattakappe amutrasim evam-namo evam-gotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra udapadim tatrapasim evam-namo evam-gotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno' ti.|| ||

Iti sakaram sa-uddesam aneka-vihitam pubbenivasam anussarati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

48. So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti.|| ||

So dibbena cakkhuna visuddhena atikkantamanusakena satte passati cavamane upapajjamane,||
hine panite suvanne dubbanne sugate duggate yathakammupage satte pajanati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalam.|| ||

49. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti.|| ||

So idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Ime asavati yathabhutam pajanati ayam asavasamudayoti yathabhutam pajanati.|| ||

Ayam asavanirodhoti yathabhutam pajanati.|| ||

Ayam asavanirodhagamini patipada ti yathabhutam pajanati.|| ||

50. Tassa evam janato evam passato kamasava pi cittam vimuccati.|| ||

Bhavasavapi cittam vimuccati.|| ||

Avijjasavapi cittam vimuccati.|| ||

Vimuttasmim vimuttamiti nanam hoti.|| ||

Khina jati,||
vusitam brahmacariyam,||
katam karaniyam,||
naparam itthattayati pajanati.|| ||

Yasmim kho Sandaka satthari savako evarupam ularam visesam adhigacchati.|| ||

Tattha vinnu puriso sasakkam brahmacariyam vaseyya,||
vasanto va aradheyya nayam dhammam kusalan ti.|| ||

51. Yo pana so bho Ananda bhikkhu araham khinasavo vusitava katakaraniyo ohitabharo anuppatta-sadattho parikkhina-bhavasamyojano samma-d-anna vimutto.|| ||

Paribhun [523] jeyya so kameti.|| ||

Yo so Sandaka bhikkhu araham khinasavo vusitava katakaraniyo ohitabharo anuppatta-sadattho parikkhina-bhavasamyojano samma-d-anna vimutto.|| ||

Abhabbo so pancathanani ajjhacaritum: abhabbo khinasavo bhikkhu sancicca panam jivita voropetum,||
abhabbo khinasavo bhikkhu adinnam theyyasankhatam adatum,||
abhabbo khinasavo bhikkhu methunam dhammam patisevetum,||
abhabbo khinasavo bhikkhu sampajanamusa bhasitum,||
abhabbo khinasavo bhikkhu sannidhikarakam kame paribhunjitum seyyatha pi pubbe agariyabhuto.|| ||

Yo so Sandaka bhikkhu araham khinasavo vusitava katakaraniyo ohitabharo anuppatta-sadattho parikkhina-bhavasamyojano samma-d-anna vimutto.|| ||

Abhabbo so imani pancathanani ajjhacaritun' ti.|| ||

52. Yo pana so bho Ananda bhikkhu araham khinasavo vusitava katakaraniyo ohitabharo anuppatta-sadattho parikkhina-bhavasamyojano samma-d-anna vimutto.|| ||

Tassa carato c'eva titthato ca suttassa ca jagarassa ca satatam samitam nana-dassanam paccupatthitam: 'khina me asava' ti.||
Tena hi Sandaka upamante karissami,||
upamayapidh'ekacce vinnu purisa bhasitassa attham ajananti.|| ||

Seyyatha pi Sandaka purisassa hatthapada chinna,||
tassa carato c'eva titthato ca suttassa ca jagarassa ca satatam samitam chinna va hatthapada.|| ||

Api ca kho pana tam paccavekkhamano janati: chinna me hatthapadati.|| ||

Evam eva kho Sandaka yo so bhikkhu araham khinasavo vusitava katakaraniyo ohitabharo anuppatta-sadattho [parikkhina bhavasamyojano] samma-d-anna vimutto.|| ||

Tassa carato c'eva titthato ca suttassa ca jagarassa ca satatam samitam khinava asava.|| ||

Api ca kho nam paccavekkhamano janati: khina me asavati.|| ||

53. Kiva bahuka pana bho Ananda imasmim dhamma-vinaye niyyataroti.|| ||

Na kho Sandaka ekam yeva satam na dve satani na tini satani na cattari satani na panca satani.|| ||

Atha kho hiyyova ye imasmim dhamma-vinaye niyyataro' ti.|| ||

Acchariyam bho Ananda,||
abbhutam bho Ananda,||
na ca nama sadhammokkamsana bhavissati na paradhammavasadana ayatane ca dhammadesana.|| ||

Tava [524] bahuka ca niyyataro pannayissanti.|| ||

Ime pana'jivaka puttamataya putta.|| ||

Attananc'eva ukkamsenti,||
pare ca vambhenti.|| ||

Tayo c'eva niyyataro pannapenti.|| ||

Seyyathidam: 'Nandam vaccham,||
kisam sankiccam,||
makkhaligosalan" ti.|| ||

54. Atha kho Sandako paribbajako sakam parisam amantesi: 'carantu bhonto samane gotame brahmacariyavaso,||
nadani sukaram amhehi labha-sakkara-siloke pariccajitun' ti.|| ||

Itih'idam Sandako paribbajako sakam parisam uyyojesi Bhagavati brahmacariyeti.|| ||

Sandakasuttam chattham


Contact:
E-mail
Copyright Statement