Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Majjhima Nikaya
II. Majjhima-Pannasa
3. Paribbajaka Vagga

Sutta 79

Cula Sakuludayi Suttam

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Evam me sutam|| ||

Ekam samayam Bhagava Rajagahe viharati Veluvane Kalandakanivape.|| ||

Tena kho pana samayena Sakuludayi paribbajako Moranivape paribbajakarame pativasati mahatiya paribbajakaparisaya saddhim.|| ||

Atha kho Bhagava pubbanha-samayam nivasetva pattacivaram adaya Rajagaham pindaya pavisi.|| ||

Atha kho Bhagavato etad ahosi:|| ||

'Atippago kho tava Rajagaham pindaya caritum.|| ||

Yan nunaham yena Moranivapo paribbajakaramo yena Sakuludayi paribbajako,||
ten'upasankameyyan' ti.|| ||

Atha kho Bhagava yena Moranivapo paribbajakaramo ten'upasankami.|| ||

Tena kho pana samayena Sakuludayi paribbajako mahatiya paribbajaka parisaya saddhim nisinno hoti unnadiniya uccasaddaya [30] mahasaddaya aneka-vihitam tiracchana-katham kathentiya, seyyathidam:|| ||

Raja-katham||
cora-katham||
mahamatta-katham||
sena-katham||
bhaya-katham||
yuddha-katham||
anna-katham||
pana-katham||
vattha-katham||
sayana-katham||
mala-katham||
gandha-katham||
nati-katham||
yana-katham,||
gama-katham||
nigama-katham||
nagara-katham||
janapada-katham||
itthi-katham||
sura-katham||
visikha-katham||
kumbhatthana-katham||
pubba-peta-katham||
nanatta-katham||
lokakkhayikam samuddakkhayikam itibhavabhava-katham iti va.|| ||

Addasa kho Sakuludayi paribbajako Bhagavantam durato va agacchantam;||
disvana sakam parisam santhapesi:|| ||

'Appasadda bhonto hontu,||
ma bhonto saddam akattha.|| ||

Ayam Samano Gotamo agacchati.|| ||

Appasaddakamo kho pana so ayasma appasaddassa vannavadi.|| ||

App eva nama appasaddam parisam viditva upasankamitabbam manneyya' ti.|| ||

Atha kho te paribbajaka tunhi ahesum.|| ||

Atha kho Bhagava yena Sakuludayi paribbajako, ten'upasankami.|| ||

Atha kho Sakuludayi paribbajako Bhagavantam etad avoca:|| ||

'Etu kho bhante Bhagava:|| ||

Svagatam bhante Bhagavato.|| ||

Cirassam kho bhante Bhagava imam pariyayam akasi,||
yad idam idh'agamanaya.|| ||

Nisidatu bhante Bhagava,||
idam asanam pannattan' ti.|| ||

Nisidi Bhagava pannatte asane.|| ||

Sakuludayi pi kho paribbajako annataram nicam asanam gahetva eka-m-antam nisidi.|| ||

Eka-m-antam nisinnam kho Sakuludayi paribbajakam Bhagava etad avoca:|| ||

'Kaya nu'ttha Udayi,||
etarahi kathaya sannisinna?|| ||

Ka ca pana vo antara katha vippakata ti?'|| ||

'Titthat'esa bhante katha yaya mayam etarahi kathaya sannisinna.|| ||

N'esa, bhante, katha Bhagavato dullabha bhavissati paccha pi savanaya.|| ||

Yadaham, bhante, imam parisam anupasankanto homi,||
athayam parisa aneka-vihitam tiracchana-katham kathenti nisinna hoti.|| ||

Yada ca kho aham, bhante,||
imam parisam upasankanto homi,||
athayam parisa mamam yeva mukham ullokenti nisinna hoti:|| ||

"Yam no samano Udayi dhammam bhasissati,||
tam no sossama" ti.|| ||

Yada [31] pana bhante Bhagava imam parisam upasankanto hoti,||
atha ahan c'eva ayan ca parisa Bhagavato va mukham ullokento nisinna homa:|| ||

"Yam no Bhagava dhammam bhasissati,||
tam no sossama" ti.|| ||

'Tena h', Udayi,||
tam yev'ettha patibhatu,||
yatha mam patibhaseyya' ti.|| ||

Purimani, bhante, divasani purimatarani sabbannu sabbadassavi aparisesam nana-dassanam patijanamano:|| ||

"Carato ca me titthato ca suttassa ca jagarassa ca satatam samitam nana-dassanam paccupatthitan" ti.|| ||

So maya pubbantam arabbha panham puttho samano annen'annam paticari,||
bahiddha katham apanamesi,||
kopan ca dosan ca appaccayan ca patvakasi.|| ||

Tassa mayham bhante,||
Bhagavantam yeva arabbha piti udapadi:|| ||

"Aho nuna Bhagava,||
aho nuna sugato,||
yo imesam dhammanam kusalo" ti.|| ||

'Ko pan'eso, Udayi,||
sabbannu sabbadassavi aparisesam nana-dassanam patijanamano:|| ||

"Carato ca me titthato ca suttassa ca jagarassa ca satatam samitam nana-dassanam paccupatthitan" ti,||
yo taya pubbantam arabbha panham puttho samano annen'annam paticari,||
bahiddha katham apanamesi kopan ca dosan ca appaccayan ca patvakasi' ti?|| ||

'Nigantho, bhante, Nataputto' ti.|| ||

Yo kho Udayi,||
aneka-vihitam pubbenivasam anussareyya,||
seyyathidam:|| ||

Ekam pi jatim,||
dve pi jatiyo,||
tisso pi jatiyo||
catasso pi jatiyo||
panca pi jatiyo||
dasa pi jatiyo||
visatim pi jatiyo||
timsam pi jatiyo||
cattarisam pi jatiyo||
pannasam pi jatiyo||
jati-satam pi||
jati-sahassam pi||
jati-sata-sahassam pi||
aneke pi samvattakappe||
aneke pi vivattakappe||
aneke pi samvatta-vivattakappe||
amutr'asim evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evam-ayu-pariyanto||
so tato cuto amutra udapadim||
tatra p'asim||
evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evamayupariyanto||
so tato cuto idhupapanno' ti.|| ||

Iti sakaram sa-uddesam aneka-vihitam pubbenivasam anussareyya,||
so va mam pubbantam arabbha panham puccheyya,||
tam va'ham pubbantam arabbha panham puccheyyam;||
so va me pubbantam arabbha panhassa veyyakaranena cittam aradheyya,||
tassa va'ham pubbantam arabbha panhassa veyyakaranena cittam aradheyyam;||
so kho, Udayi,||
dibbena cakkhuna visuddhena atikkantamanusakena satte passeyya cavamane upapajjamane,||
hine panite suvanne dubbanne sugate duggate yathakammupage satte pajanati:|| ||

"Ime vata bhonte satta kayaduccaritena samannagata||
vaciduccaritena samannagata||
manoduccaritena samannagata||
ariyanam upavadaka micchaditthika micchaditthikammasamadana,||
te kayassa bheda param marana apayam duggatim vinipatam Nirayam upapanna;||
ime va pana bhonto satta kayasucaritena samannagata||
vacisucaritena samannagata||
manosucaritena samannagata||
ariyanam anupavadaka sammaditthika sammaditthikammasamadana,||
te kayassa bheda param marana sugatim saggam lokam upanna" ti.|| ||

Iti dibbena cakkhuna visuddhena atikkantamanusakena satte passati cavamane upapajjamane,||
hine panite suvanne dubbanne sugate duggate yathakammupage satte pajaneyya;||
so va mam aparantam arabbha [32] panham puccheyya,||
tam va'ham aparantam arabbha panham puccheyyam:||
so va me aparantam arabbha panhassa veyyakaranena cittam aradheyya,||
tassa va'ham aparantam arabbha panhassa veyyakaranena cittam aradheyyam.|| ||

Api c', Udayi,||
titthatu pubbanto,||
titthatu aparanto.|| ||

Dhammam te desessami:|| ||

'Imasmim sati,||
idam hoti;||
imass'uppada idam uppajjati,||
imasmim asati,||
idam na hoti;||
imassa nirodha imam nirujjhati' ti.|| ||

Aham, Bhante, yavatakam pi me imina attabhavena paccanubhutam,||
tam pi nappahomi sakaram sa-uddesam anussaritum:|| ||

Kuto panaham aneka-vihitam pubbenivasam anussarissami,||
seyyathidam:|| ||

Ekam pi jatim,||
dve pi jatiyo,||
tisso pi jatiyo||
catasso pi jatiyo||
panca pi jatiyo||
dasa pi jatiyo||
visatim pi jatiyo||
timsam pi jatiyo||
cattarisam pi jatiyo||
pannasam pi jatiyo||
jati-satam pi||
jati-sahassam pi||
jati-sata-sahassam pi||
aneke pi samvattakappe||
aneke pi vivattakappe||
aneke pi samvatta-vivattakappe||
amutr'asim evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evam-ayu-pariyanto||
so tato cuto amutra udapadim||
tatra p'asim||
evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evamayupariyanto||
so tato cuto idhupapanno' ti.|| ||

Iti sakaram sa-uddesam aneka-vihitam pubbenivasam anussarissami seyyatha pi Bhagava.|| ||

Aham hi bhante etarahi pamsu pisacakampi na passami:|| ||

Kuto panaham dibbena cakkhuna visuddhena atikkantamanusakena satte passeyya cavamane upapajjamane,||
hine panite suvanne dubbanne sugate duggate yathakammupage satte pajanati:|| ||

"Ime vata bhonte satta kayaduccaritena samannagata||
vaciduccaritena samannagata||
manoduccaritena samannagata||
ariyanam upavadaka micchaditthika micchaditthikammasamadana,||
te kayassa bheda param marana apayam duggatim vinipatam Nirayam upapanna;||
ime va pana bhonto satta kayasucaritena samannagata||
vacisucaritena samannagata||
manosucaritena samannagata||
ariyanam anupavadaka sammaditthika sammaditthikammasamadana,||
te kayassa bheda param marana sugatim saggam lokam upanna" ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanissami,||
seyyatha pi Bhagava.|| ||

Yam pana mam bhante Bhagava evam aha:|| ||

Api c', Udayi, titthatu pubbanto,||
titthatu aparanto:|| ||

Dhammam desessami:|| ||

"Imasmim sati,||
idam hoti;||
imass'uppada idam uppajjati,||
imasmim asati,||
idam na hoti;||
imassa nirodha imam nirujjhati" ti;||
tan ca pana me bhiyosomattaya na pakkhayati.|| ||

App'eva namaham, bhante, sake acariyake Bhagavato cittam aradheyyam panhassa veyyakaranena' ti.

Kin ti pana te Udayi,||
sake acariyake hoti ti?|| ||

Ambhakam, bhante,||
sake acariyake evam hoti:|| ||

'Ayam paramo vanno,||
ayam paramo vanno' ti.|| ||

Yam pana te etam, Udayi, sake acariyake evam hoti:|| ||

'Ayam paramo vanno,||
ayam paramo vanno' ti.|| ||

Katamo so paramo vanno' ti?|| ||

'Yasma, bhante, vanna anno vanno uttaro va panitataro va n'atthi,||
so paramo vanno' ti.|| ||

'Katamo pana so, Udayi, vanno,||
yasma vanna anno vanno uttaritaro va panitataro va n'atthi' ti?|| ||

[33] 'Yasma, bhante, vanna anno vanno uttaritaro va panitataro va n'atthi,||
so paramo vanno' ti.|| ||

'Digha pi kho te esa, Udayi, phareyya.|| ||

"Yasma, bhante, vanna anno vanno uttaritaro va panitataro va n'atthi,||
so paramo vanno" ti vadesi;||
tan ca vannam na pannapesi.|| ||

Seyyatha pi, Udayi,||
puriso evam vadeyya:|| ||

"Aham ya imasmim janapade janapadakalyani,||
tam icchami tam kamemi" ti.|| ||

Tam enam evam vadeyyum:|| ||

"Ambho purisa,||
yam tvam janapadakalyanim icchasi kamesi,||
janasi tam janapadakalyani:||
khattiyi va||
brahmani va||
vessi va||
suddi va" ti?|| ||

Iti puttho "no" ti vadeyya.|| ||

Tam enam vadeyyum:|| ||

"Ambho purisa,||
yam tvam janapadakalyanim icchasi kamesi,||
janasi tam janapadakalyanim:||
evannama evamgotta iti va" ti?|| ||

Iti puttho "no" ti vadeyya.|| ||

Tam enam vadeyyum:|| ||

"Ambho purisa,||
yam tvam janapadakalyanim icchasi kamesi,||
janasi tam janapadakalyanim:||
digha va||
rassa va||
majjhama va||
kali va||
sama va||
manguracchavi va" ti?|| ||

Iti puttho "no" ti vadeyya.|| ||

Tam enam vadeyyum:|| ||

"Ambho purisa,||
yam tvam janapadakalyanim icchasi kamesi,||
janasi tam janapadakalyanim:||
amukasmim game va||
nigame va||
nagare va" ti?|| ||

Iti puttho "no" ti vadeyya.|| ||

Tam enam evam vadeyyum:|| ||

"Ambho purisa,||
yam tvam na janasi na passasi,||
tam tvam icchasi kamesi" ti?|| ||

Iti puttho "Ama" ti vadeyya.|| ||

Tam [41] kim mannasi Udayi?|| ||

Nanu evam sante tassa purisassa appatihirakatam bhasitam sampajjati' ti?|| ||

'Addha kho, bhante,||
evam sante tassa purisassa appatihirakatam bhasitam sampajjati' ti.|| ||

'Evam eva kho tvam Udayi:|| ||

"Yasma bhante, vanna anno vanno uttaritaro va panitataro va n'atthi,||
so paramo vanno" ti vadesi,||
tan ca vannam na pannapesi' ti.|| ||

 


 

'Seyyatha pi bhante,||
mani veluriyo subho jatima atthamso suparikammakato pandukambale nikkhitto bhasati ca tapati ca virocati ca;||
evam vanno atta hoti arogo param marana' ti.|| ||

 


 

'Tam kim mannasi Udayi?|| ||

Yo va mani veluriyo subho jatima atthamso suparikammakato pandukambale nikkhitto [34] bhasati ca tapati ca virocati ca;||
yo va ratt'andhakara'timisaya kimi khajjopanako, -||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam, bhante, ratt'andhakara'timisaya kimi khajjopanako,||
ayam imesam ubhinnam vannanam abhikkantataro ca panitataro ca' ti.|| ||

'Tam kim mannasi Udayi?|| ||

Yo va ratt'andhakara'timisayam kimi khajjopanako,||
yo va ratt'andhakara'timisayam telappadipo,||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam, bhante, ratt'andhakara'timisayam telappadipo,||
ayam imesam ubhinnam vannanam abhikkantataro ca panitataro ca' ti.|| ||

'Tam kim mannasi Udayi?|| ||

Yo va ratt'andhakara'timisayam telappadipo,||
yo va ratt'andhakara'timisayam maha aggikkhandho,||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam, bhante, ratt'andhakara'timisayam maha aggikkhandho,||
ayam imesam ubhinnam vannanam abhikkantataro ca panitataro ca' ti.|| ||

'Tam kim mannasi Udayi?|| ||

Yo va ratt'andhakara'timisayam maha aggikkhandho,||
ya va rattiya paccusasamayam viddhe vigata-valahake deve osadhitaraka,||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam bhante, rattiya paccusasamayam viddhe vigata-valahake deve osadhitaraka,||
ayam imesam ubhinnam vannanam abhikkantataro ca panitataro ca' ti.|| ||

'Tam kim mannasi Udayi?|| ||

Yo va rattiya paccusasamayam viddhe vigata-valahake deve osaditaraka,||
yo va tadahu'posathe pannarase viddhe vigata-valahake deve abhido addharattisamayam cando,||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam bhante, tadahu'posathe pannarase viddhe vigata-valahake deve abhido addharattisamayam cando,||
ayam imesam ubhinnam vannanam abhikkantataro ca panitataro ca' ti.|| ||

[35] 'Tam kim mannasi Udayi?|| ||

Yo va tadahu'posathe pannarase viddhe vigata-valahake deve abhido addharattisamayam cando,||
yo va vassanam pacchime mase saradasamaye viddhe vigata-valahake deve abhido majjhantikasamayam suriyo,||
imesam ubhinnam vannanam katamo vanno abhikkantataro ca panitataro ca' ti?|| ||

'Yvayam, bhante, vassanam pacchime mase saradasamaye viddhe vigata-valahake deve abhido majjhantikasamayam suriyo,||
ayam imesam ubhinnam vannanam abhikkantataro ca panitataro ca' ti.|| ||

'Ato kho te, Udayi, bahuhi bahutara deva,||
ye imesam candima-suriyanam abha nanubhonti,||
tyaham pajanami.|| ||

Atha ca panaham na vadami:|| ||

"Yasma vanna anno vanno uttaritaro va panitataro ca n'atthi" ti.|| ||

Atha ca pana tvam, Udayi:|| ||

"Yvayam vanno kimina khajjopanakena hinataro ca patikitthataro ca,||
so paramo vanno ti vadesi;||
tan ca vannam na pannapesi" ti.|| ||

'Acch'idam Bhagava katham.|| ||

Acch'idam sugato kathan' ti.|| ||

'Kim pana tvam Udayi,||
evam vadesi:|| ||

"Acch'idam Bhagava katham.|| ||

Acch'idam sugato kathan"'? ti|| ||

'Ambhakam bhante, sake acariyake evam hoti:|| ||

"Ayam paramo vanno,||
ayam paramo vanno" ti.|| ||

Te mayam bhante, Bhagavata sake acariyake samanuyunjiyamana samanugahiyamana samanubhasiyamana ritta tuccha aparaddha' ti.|| ||

 


 

'Kim pan', Udayi, atthi ekantasukho loko?|| ||

Atthi akaravati patipada ekantasukhassa lokassa sacchikiriyaya' ti?|| ||

'Amhakam, bhante, sake acariyake evam hoti:|| ||

"Atthi ekantasukho loko,||
atthi akaravati patipada ekantasukhassa lokassa sacchikiriyaya"' ti.|| ||

'Katama pana sa, Udayi, akaravati patipada ekantasukhassa lokassa sacchikiriyaya' ti?|| ||

'Idha bhante, ekacco panatipatam pahaya panatipata pativirato hoti,||
adinnadanam pahaya adinnadana pativirato hoti,||
kamesu micchacaram pahaya kamesu micchacara pativi- [36] rato hoti,||
musa-vadam pahaya musa-vada pativirato hoti,||
annataram va pana tapogunam samadaya vattati.|| ||

Ayam kho sa, bhante, akaravati patipada ekantasukhassa lokassa sacchikiriyaya' ti.|| ||

'Tam kim mannasi Udayi?|| ||

Yasmi samaye panatipatam pahaya||
panatipata pativirato hoti,||
ekanta-sukhi va tasmim samaye atta hoti sukha-dukkhi va' ti?|| ||

'Sukha-dukkhi bhante'.|| ||

'Tam kim mannasi Udayi?|| ||

Yasmim samaye adinnadanam pahaya||
adinnadana pativirato hoti,||
ekanta-sukhi va tasmim samaye atta hoti sukha-dukkhi va' ti?|| ||

'Sukha-dukkhi bhante'.|| ||

'Tam kim mannasi Udayi?|| ||

Yasmim samaye kamesu micchacaram pahaya||
kamesu micchacara pativirato hoti,||
ekanta-sukhi va tasmim samaye atta hoti sukha-dukkhi va' ti?|| ||

'Sukha-dukkhi bhante'.|| ||

'Tam kim mannasi Udayi?|| ||

Yasmim samaye musa-vadam pahaya||
musa-vada pativirato hoti,||
ekanta-sukhi va tasmim samaye atta hoti sukha-dukkhi va' ti?|| ||

'Sukha-dukkhi bhante'.|| ||

'Tam kim mannasi Udayi?|| ||

Yasmim samaye annataram tapogunam samadaya vattati,||
ekanta-sukhi va tasmim samaye atta hoti sukha-dukkhi va' ti?|| ||

'Sukha-dukkhi bhante'.|| ||

'Tam kim mannasi Udayi?|| ||

Api nu kho vokinnasukha-dukkham patipadam agamma ekantasukhassa lokassa sacchikiriya hoti' ti?|| ||

'Acch'idam Bhagava katham.|| ||

Acch'idam sugato kathan' ti.|| ||

'Kim pana tvam Udayi,||
evam vadesi:|| ||

"Acch'idam Bhagava katham.|| ||

Acch'idam sugato kathan"'? ti|| ||

'Amhakam, bhante, sake acariyake evam hoti:|| ||

"Atthi ekantasukho loko,||
atthi akaravati patipada ekantasukhassa lokassa sacchikiriyaya" ti.|| ||

Te mayam, bhante, Bhagavata sake acariyake samanuyunjiyamana samanugahiyamana samanubhasiyamana ritta tuccha aparaddha pi.|| ||

Kim pana bhante, atthi ekantasukho loko?|| ||

Atthi akaravati patipada ekantasukhassa lokassa sacchikiriyaya' ti?|| ||

[37] 'Atthi kho Udayi, ekantasukho loko;||
atthi akaravati patipada ekantasukhassa lokassa sacchikiriyaya' ti.|| ||

'Katama pana sa, bhante, akaravati patipada ekantasukhassa lokassa sacchikiriyaya' ti?|| ||

Idh', Udayi, bhikkhu vivicc'eva kamehi vivicca akusalehi dhammehi savitakkam savicaram vivekajam piti-sukham||
pathamam-jhanam upasampajja viharati.|| ||

Vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham||
dutiyam-jhanam upasampajja viharati.|| ||

Pitiya ca viraga upekkhako ca viharati.|| ||

Sato ca sampajano sukhan ca kayena patisanvedeti.|| ||

Yantam ariya acikkhanti:|| ||

'Upekkhako satima sukha-vihari'|| ||

ti tam tatiyam-jhanam upasampajja viharati.|| ||

Ayam kho sa, Udayi,||
akaravati patipada ekantasukhassa lokassa sacchikiriyaya' ti|| ||

'Na kho sa, bhante,||
akaravati patipada ekantasukhassa lokassa sacchikiriyaya.|| ||

Sacchikato hi'ssa bhante.|| ||

Ettavata ekantasukho loko hoti' ti.|| ||

'Na khvassa, Udayi,||
ettavata ekantasukho loko sacchikato hoti;||
akaravatitv'eva sa patipada ekantasukhassa lokassa sacchikiriyaya' ti.|| ||

Evam vutte Sakuludayissa paribbajakassa parisa unnadini uccasadda mahasadda ahosi:|| ||

'Ettha mayam anassama sacariyaka;||
ettha mayam anassama sacariyaka;||
na mayam ito bhiyyo utatritaram pajanama' ti.|| ||

Atha kho Sakuludayi paribbajako te paribbajake appasadde katva bhagantam etad avoca:|| ||

'Kittavata pan'assa, bhante, ekantasukho loko sacchikato hoti' ti?|| ||

Idhudayi, bhikkhu sukhassa ca pahana dukkhassa ca pahana,||
pubbe va somanassa-domanassanam atthangama adukkham-asukham upekkha-sati-parisuddhim||
catuttham-jhanam upasampajja viharati.|| ||

Yavata devata ekantasukham lokam upapanna,||
tahi devatahi saddhim santitthati sallapati sakaccham samapajjati.|| ||

Ettavata khvassa, Udayi,||
ekantasukho loko sacchikato hoti' ti.|| ||

'Etassa nuna, bhante,||
ekantasukhassa lokassa sacchikiriyahetu bhikkhu Bhagavati brahmacariyam caranti' ti?|| ||

'Na kho, Udayi, etassa ekantasukhassa lokassa sacchikiriyahetu bhikkhu mayi brahmacariyam caranti.|| ||

Atthi kho Udayi,||
anne ca dhamma uttaritara ca panitatara ca,||
yesam sacchikiriyahetu bhikkhu mayi brahmacariyam caranti' ti.|| ||

[38] Katame pana te, bhante,||
dhamma uttaritara ca panitatara ca,||
yesam sacchikiriyahetu bhikkhu Bhagavati brahmacariyam caranti' ti?|| ||

'Idh', Udayi, Tathagato loke uppajjati araham sammasambuddho vijja-carana-sampanno sugato loka-vidu,||
anuttaro purisa-damma-sarathi,||
sattha deva-manussanam Buddho Bhagava.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.|| ||

So dhammam deseti:|| ||

Adi-kalyanam majjhe-kalyanam pariyosana-kalyanam sattham sabyanjanam,||
kevalaparipunnam parisuddham brahmacariyam pakaseti.|| ||

Tam dhammam sunati gahapati va gahapatiputto va annatarasmim va kule paccajato.|| ||

So tam dhammam sutva Tathagate saddham patilabhati.|| ||

So tena saddhapatilabhena samannagato iti patisancikkhati:|| ||

Sambadho gharavaso rajapatho,||
abbhokaso pabbajja,||
na-y-idam sukaram agaram ajjhavasata ekanta-paripunnam ekantaparisuddam sankhalikhitam brahmacariyam caritum,||
yan nunaham kesamassum oharetva kasayani vatthani acchadetva agarasma anagariyam pabbajeyyanti.|| ||

So aparena samayena appam va bhogakkhandham pahaya mahantam va bhogakkhandham pahaya,||
appam va natiparivattam pahaya||
mahantam va natiparivattam pahaya||
kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano bhikkhunam sikkhasajivasamapanno panatipatam pahaya||
panatipata pativirato hoti,||
nihita-dando nihita-sattho lajji dayapanno sabba-pana-bhuta-hitanukampi viharati.|| ||

Adinnadanam pahaya||
adinnadana pativirato hoti,||
dinnadayi dinna-patikankhi athenena suci-bhutena attana viharati.|| ||

Abrahmacariyam pahaya||
brahmacari hoti ara-cari,||
virato methuna gama-dhamma.|| ||

Musa-vadam pahaya||
musa-vada pativirato hoti,||
sacca-vadi sacca-sandho theto paccayiko avisamvadako lokassa.|| ||

Pisunam vacam pahaya||
pisunaya vacaya pativirato hoti,||
ito sutva na amutra akkhata imesam bhedaya,||
amutra va sutva na imesam akkhata amusam bhedaya,||
iti bhinnanam va sandhata sahitanam va anuppadata,||
samaggaramo samaggarato samagganandi samagga-karanim vacam bhasita hoti.|| ||

Pharusam vacam pahaya||
pharusaya vacaya pativirato hoti,||
ya sa vaca nela kanna-sukha pemaniya hadayangama pori bahujana-kanta bahujana-manapa,||
tatharupam vacam bhasita hoti.|| ||

Samphappalapam pahaya||
samphappalapa pativirato hoti,||
kala-vadi bhuta-vadi attha-vadi dhamma-vadi vinaya-vadi,||
nidhanavatim vacam bhasita kalena sapadesam pariyantavatim atthasamhitam.|| ||

So bijagama-bhutagama-samarambha pativirato hoti.|| ||

Eka-bhattiko hoti rattuparato,||
virato vikala-bhojana.|| ||

Nacca-gita-vadita-visuka-dassana pativirato hoti.|| ||

Mala-gandha-vilepanadharana-mandana-vibhusana-tthana pativirato hoti.|| ||

Uccasayana-mahasayana pativirato hoti.|| ||

Jataruparajatapatiggahana pativirato hoti.|| ||

Amakadhannapatiggahana pativirato hoti.|| ||

Amakamamsapatiggahana pativirato hoti.|| ||

Itthikumarikapatiggahana pativirato hoti.|| ||

Dasidasapatiggahana pativirato hoti.|| ||

Ajelakapatiggahana pativirato hoti.|| ||

Kukkutasukarapatiggahana pativirato hoti.|| ||

Hatthi-gavassa-valavapatiggahana pativirato hoti.|| ||

Khettavatthupatiggahana pativirato hoti.|| ||

Duteyyapahinagamananuyoga pativirato hoti.|| ||

Kaya-vikkaya pativirato hoti.|| ||

Tulakuta-kamsakuta-manakuta pativirato hoti.|| ||

Ukkotana-vancana-nikati-saciyoga pativirato hoti.|| ||

Chedana-vadhabandhana-viparamosa-alopa-sahasakara pativirato hoti.

So santuttho hoti kayapariharikena civarena,||
kucchipariharikena pindapatena,||
so yena yen'eva pakkamati,||
samaday'eva pakkamati.|| ||

Seyyatha pi nama pakkhi sakuno yena yen'eva deti,||
sapattabharo va deti.|| ||

Evam evam bhikkhu santuttho hoti kayapariharikena civarena,||
kucchipariharikena pindapatena,||
yena yen'eva pakkamati,||
samaday'eva pakkamati.|| ||

So imina ariyena silakkhandhena samannagato ajjhattam anavajjasukham patisanvedeti.|| ||

So cakkhuna rupam disva na nimittaggahi hoti nanuvyanjanaggahi,||
yatvadhikaranam-enam cakkhu'ndriyam asanvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati cakkhu'ndriyam,||
cakkhu'ndriye samvaram apajjati.

So sotena saddam sutva na nimittaggahi hoti nanuvyanjanaggahi,||
yatvadhikaranamenam sotendriyam asanvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati sotendriyam,||
sotendriye samvaram apajjati.|| ||

So ghanena gandham ghayitva na nimittaggahi hoti nanuvyanjanaggahi,||
yatvadhikaranamenam ghanendriyam asanvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati ghanendriyam,||
ghanendriye samvaram apajjati.

So jivhaya rasam sayitva na nimittaggahi hoti nanuvyanjanaggahi,||
yatvadhikaranamenam jivhendriyam asanvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati jivhendriyam,||
jivhendriye samvaram apajjati.

So kayena photthabbam phusitva na nimittaggahi hoti nanuvyanjanaggahi,||
yatvadhikaranamenam kayendriyam asanvutam viharantam abhijjha domanassa papaka akusaladhamma anvassaveyyum,||
tassa samvaraya patipajjati,||
rakkhati kayendriyam,||
kayendriye samvaram apajjati.

So manasa dhammam vinnaya na nimittaggahi hoti nanuvyanjanaggahi,||
yatvadhikaranamenam manendriyam asanvutam viharantam abhijjha domanassa papaka akusaladhamma anvassaveyyum,||
tassa samvaram patipajjati,||
rakkhati manendriyam,||
manendriye samvaram apajjati.|| ||

So imina ariyena indriyasamvarena samannagato ajjhattam abyasekasukham patisanvedeti.|| ||

So abhikkante patikkante sampajanakari hoti,||
alokite vilokite sampajanakari hoti,||
samminjite pasarite sampajanakari hoti,||
sanghatipattacivaradharane sampajanakari hoti,||
asite pite khayite sayite sampajanakari hoti,||
uccarapassavakamme sampajanakari hoti,||
gate thite nisinne sutte jagarite bhasite tunhibhave sampajanakari hoti.|| ||

So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati,||
arannam rukkhamulam pabbatam kandaram giriguham susanam vanapattam abbhokasam palalapunjam.|| ||

So pacchabhattam pindapatapatikkanto nisidati pallankam abhujitva,||
ujum kayam panidhaya,||
parimukham satim upatthapetva.|| ||

So abhijjham loke pahaya||
vigatabhijjhena cetasa viharati,||
abhijjhaya cittam parisodheti.|| ||

Vyapadapadosam pahaya||
avyapannacitto viharati,
sabba-pana-bhuta-hitanukampi||
Vyapadapadosa cittam parisodheti.|| ||

Thinamiddam pahaya||
vigatatinamiddo viharati,||
alokasanni sato sampajano||
thinamidda cittam parisodheti.|| ||

Uddhaccakukkuccam pahaya||
anuddhato viharati,||
ajjhattam vupasantacitto,||
uddhaccakukkucca cittam parisodheti.|| ||

Vicikiccham pahaya||
tinnavicikiccho viharati,||
akathankathi kusalesu dhammesu,||
vicikicchaya cittam parisodheti.|| ||

So ime panca nivarane pahaya cetaso upakkilese pannaya dubbalikarane,||
vivicc'eva kamehi vivicca akusalehi dhammehi savitakkam savicaram vivekajam piti-sukham pathamam jhanam upasampajja viharati.|| ||

Ayam pi kho Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

Puna ca param, Udayi,||
bhikkhu vitakka-vicaranam vupasama||
ajjhattam sampasadanam cetaso ekodi-bhavam||
avitakkam avicaram||
samadhijam piti-sukham||
dutiyam-jhanam upasampajja viharati.|| ||

Ayam pi kho Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

Pitiya ca viraga upekkhako ca viharati||
sato ca sampajano sukhan ca kayena patisanvedeti||
yantam ariya acikkhanti:|| ||

'Upekkhako satima sukha-vihari'|| ||

ti tam tatiyam-jhanam upasampajja viharati.|| ||

Ayam pi kho Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

Sukhassa ca pahana||
dukkhassa ca pahana,||
pubbe va somanassa-domanassanam atthangama||
adukkham-asukham upekkha-sati-parisuddhim||
catuttham-jhanam upasampajja viharati.|| ||

Ayam pi kho Udayi,||
dhammo uttaritaro ca panitataro ca yassa sacchikiriyahetu bhikkhu mayi brahmacariyam caranti.|| ||

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbe nivasanussatinanaya cittam abhininnameti.|| ||

So aneka-vihitam pubbenivasam anussarati,||
seyyathidam:|| ||

Ekam pi jatim,||
dve pi jatiyo,||
tisso pi jatiyo||
catasso pi jatiyo||
panca pi jatiyo||
dasa pi jatiyo||
visatim pi jatiyo||
timsam pi jatiyo||
cattarisam pi jatiyo||
pannasam pi jatiyo||
jati-satam pi||
jati-sahassam pi||
jati-sata-sahassam pi||
aneke pi samvattakappe||
aneke pi vivattakappe||
aneke pi samvatta-vivattakappe||
amutr'asim evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evam-ayu-pariyanto||
so tato cuto amutra udapadim||
tatra p'asim||
evam-namo||
evam-gotto||
evam-vanno||
evam-aharo||
evam-sukha-dukkha-patisanvedi||
evamayupariyanto||
so tato cuto idhupapanno' ti.|| ||

Iti sakaram sa-uddesam aneka-vihitam pubbenivasam anussarati.|| ||

Ayam pi kho Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti.|| ||

So dibbena cakkhuna visuddhena atikkantamanusakena satte passeyya cavamane upapajjamane,||
hine panite suvanne dubbanne sugate duggate yathakammupage satte pajanati:|| ||

"Ime vata bhonte satta kayaduccaritena samannagata||
vaciduccaritena samannagata||
manoduccaritena samannagata||
ariyanam upavadaka micchaditthika micchaditthikammasamadana,||
te kayassa bheda param marana apayam duggatim vinipatam Nirayam upapanna;||
ime va pana bhonto satta kayasucaritena samannagata||
vacisucaritena samannagata||
manosucaritena samannagata||
ariyanam anupavadaka sammaditthika sammaditthikammasamadana,||
te kayassa bheda param marana sugatim saggam lokam upanna" ti.|| ||

Iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati.|| ||

Ayam pi kho Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti.|| ||

So "idam dukkhan" ti||
yathabhutam pajanati.|| ||

"Ayam dukkhasamudayo" ti||
yatabhutam pajanati.|| ||

"Ayam dukkhanirodho" ti||
yatabhutam pajanati.|| ||

"Ayam dukkhanirodhagaminipatipada" ti||
yathabhutam pajanati.|| ||

"Ime asava" ti||
yathabhutam pajanati.|| ||

"Ayam asava- [39] samudayo" ti||
yathabhutam pajanati.|| ||

"Ayam asavanirodho" ti||
yathabhutam pajanati.|| ||

"Ayam asavanirodhagaminipatipada" ti||
yathabhutam pajanati.|| ||

Tassa evan janato evam passato kamasava pi cittam vimuccati.|| ||

Bhavasava pi cittam vimuccati.|| ||

Avijjasava pi cittam vimuccati.|| ||

Vimuttasmim vimuttam iti nanam hoti:|| ||

Khina jati,||
vusitam brahmacariyam,||
katam karaniyam,||
naparam itthattaya ti pajanati.|| ||

Ayam pi kho, Udayi,||
dhammo uttaritaro ca panitataro ca,||
yassa sacchikiriyahetu bhikkhu mayi brahmacariyam caranti.|| ||

Ime kho, Udayi,||
dhamma uttaritara ca panitatara ca,||
yesam sacchikiriya hetu bhikkhu mayi brahmacariyam caranti' ti.

Evam vutte Sakuludayi paribbajako Bhagavantam etad avoca:|| ||

'Abhikkantam bhante,||
abhikkantam bhante.|| ||

Seyyatha pi bhante,||
nikkujjitam va ukkujjeyya,||
paticcannam va vicareyya,||
mulhassa va maggam acikkheyya,||
andhakare va telapajjotam dhareyya:||
cakkhumanto rupani dakkhinti ti.|| ||

Evam evam Bhagavata aneka-pariyayena dhammo pakasito.|| ||

Esaham, bhante, Bhagavantam saranam gacchami||
dhamman ca||
bhikkhu-sanghan ca.|| ||

Labheyyaham, bhante, Bhagavato santike pabbajjam,||
labheyyam upasampadan' ti.|| ||

Evam vutte Sakuludayissa paribbajakassa parisa Sakuludayim paribbajakam etad avoca:|| ||

'Ma bhavam Udayi,||
samane Gotame brahmacariyam cari,||
ma bhavam Udayi,||
acariyo hutva antevasivasam vasi.|| ||

Seyyatha pi nama udakamaniko hutva udancaniko assa.|| ||

Evam sampadam etam bhoto Udayissa bhavissati.|| ||

Ma bhavam Udayi samane Gotame brahmacariyam cari.|| ||

Ma bhavam Udayi acariyo hutva antevasivasam vasi' ti.|| ||

Iti h'idam Sakuludayissa paribbajakassa parisa Sakuludayim paribrabajakam antarayam akasi Bhagavati brahmacariye ti.|| ||

[40] CulaSakuludayisuttam navamam.


 

Contact:
E-mail
Copyright Statement