Majjhima Nikaya


[Home]  [Sutta Indexes]  [Glossology]  [Site Sub-Sections]


 

Majjhima Nikāya
III. Upari Paṇṇāsa — 4. Vibhaṅga Vagga

Sutta 135

Cūḷa Kamma-Vibhaṅga Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[202]

[1][gogr][chlm][pts][than][nymo][ntbb][olds][upal] Evaṃ me sutaṃ:|| ||

{1} Ekaṃ samayaṃ Bhagavā Sāvatthīyaṃ viharati||
Jetavane, Anāthapiṇḍikassa ārāme.|| ||

{2} Atha kho Subho māṇavo Todeyya-putto||
yena Bhagavā ten'upasaṅkami.|| ||

Upasaṅkamitvā Bhagavatā saddhiṃ sammodi.|| ||

Sammodanīyaṃ kathaṃ sārāṇīyaṃ vīti-sāretvā||
eka-m-antaṃ nisīdi.|| ||

Eka-m-antaṃ nisinno kho||
Subho māṇavo Todeyya-putto||
Bhagavantaṃ etad avoca:|| ||

{3} "Ko nu kho bho Gotama, hetu||
ko paccayo,||
yena manussānaṃ||
yeva sataṃ manussa-bhūtānaṃ||
dissanti hīna-p-paṇītatā?|| ||

Dissanti hi bho Gotama,||
manussā app'āyukā,||
dissanti dīgh'āyukā;|| ||

Dissanti bavhā-bādhā,||
dissanti appā-bādhā;|| ||

Dissanti du-b-baṇṇā,||
dissanti vaṇṇa-vanto;|| ||

Dissanti appe-sakkhā,||
dissanti mahe-sakkhā;|| ||

Dissanti appa-bhogā,||
dissanti mahā-bhogā;|| ||

Dissanti nīca-kulīnā,||
dissanti uccā-kulinā;|| ||

Dissanti du-p-paññā,||
dissanti [203] pañña-vanto.|| ||

Ko nu kho bho Gotama, hetu||
ko paccayo,||
yena manussānaṃ||
yeva sataṃ manussa-bhūtānaṃ||
dissanti hīna-p-paṇītatā" ti?|| ||

{4} "Kamma-sakkā māṇava,||
sattā kamma-dāyādā,||
kamma-yoni,||
kamma-bandhu,||
kamma-paṭisaraṇā.|| ||

Kammaṃ satte vibhajati
yad idaṃ||
hīna-p-paṇītatāyā" ti.|| ||

"Na kho ahaṃ imassa||
bhoto Gotamassa saṅkhittena bhāsitassa||
vitthārena atthaṃ avibhattassa,||
vitthārena atthaṃ ājānāmi.|| ||

Sādhu me bhavaṃ Gotamo||
tathā dhammaṃ desetu.|| ||

Yathā'haṃ imassa||
bhoto Gotamassa saṅkhittena bhāsitassa,||
vitthārena atthaṃ avibhattassa,
vitthārena atthaṃ ājāneyyan" ti.|| ||

"Tena hi māṇava,||
suṇāhi sādhukaṃ||
mana-sikarohi,||
bhāsissāmī" ti.|| ||

"Evaṃ hoti" kho Subho māṇavo,||
Todeyya-putto,||
Bhagavato paccassosi.|| ||

Bhagavā etad avoca:|| ||

{5} "Idha māṇava,||
ekacco itthi vā puriso vā,||
pāṇ'ātipātī hoti||
luddo||
lohitapāṇi||
hatapahate niviṭṭho||
adayā-panno sabba-pāṇa-bhutesu.|| ||

So tena kammena,||
evaṃ samanttena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati appāyuko hoti.|| ||

Appāyuka-saṃvaṭṭanikā esā mānava paṭipadā,||
yad idaṃ||
pāṇ'ātipātī hoti||
luddo||
lohita-pāṇī||
hatapahate niviṭṭho||
adayā-panno sabba-pāṇa-bhutesu.|| ||

{6} Idha pana māṇava,||
ekacco itthi vā puriso vā||
pāṇ'ātipātaṃ pahāya||
pāṇ'ātipātā paṭivirato hoti,||
nihita-daṇḍo||
nihita-sattho||
lajjī dayā-panno
sabba-pāṇa-bhūta-hit'ānukampī viharati.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati dīgh'āyuko hoti.|| ||

Dīgh'āyuka-saṃvaṭṭanikā esā, māṇava, paṭipadā||
yad idaṃ||
pāṇ'ātipātaṃ pahāya||
pāṇ-ā-tipātā [204] paṭivirato hoti||
nihita-daṇḍo||
nihita-sattho||
lajjī dayā-panno||
sabba-pāṇa-bhūta-hit'ānukampī viharati.|| ||

{7} Idha māṇava,||
ekacco itthī vā puriso vā||
sattāṇaṃ viheṭhaka-jātiko hoti||
pāṇinā vā||
leḍḍunā vā||
daṇḍena vā||
satthena vā.|| ||

So tena kammena,||
evaṃ samanttena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati bavhābādho hoti.|| ||

Bavhābādha-saṃvaṭṭanikā esā, māṇava, paṭipadā||
yad idaṃ||
sattāṇaṃ viheṭhaka-jātiko hoti||
pāṇinā vā||
leḍḍunā vā||
daṇḍena vā||
satthena vā.|| ||

{8} Idha pana, māṇava,||
ekacco itthī vā puriso vā||
sattāṇaṃ aviheṭhaka-jātiko hoti||
pāṇinā vā||
leḍḍunā vā||
daṇḍena vā
satthena vā.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati appābādho hoti.|| ||

Appābādha-saṃvaṭṭanikā esā, māṇava, paṭipadā||
yad idaṃ||
sattāṇaṃ aviheṭhaka-jātiko hoti||
pāṇinā vā||
leḍḍunā vā||
daṇḍena vā||
satthena vā.|| ||

{9} Idha māṇava,||
ekacco itthi vā puriso vā||
kodhano hoti||
upāyāsa-bahulo,||
appam pi vutto samāno||
abhisajjati||
kuppati||
vyāpajjati||
patitthīyati||
kopañ ca||
dosañ ca||
a-p-paccayañ ca||
pātu-karoti.|| ||

So tena kammena,||
evaṃ samanttena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati dubbaṇṇo hoti.|| ||

Du-b-baṇṇa-saṃvaṭṭanikā esā, māṇava, paṭipadā||
yad idaṃ||
kodhano hoti||
upāyāsa-bahulo,||
appam pi vutto samāno||
abhisajjati
kuppati||
vyāpajjati||
patitthīyati||
kopañ ca||
dosañ ca||
a-p-paccayañ ca||
pātu-karoti.|| ||

{10} Idha pana māṇava,||
ekacco itthī vā puriso vā||
akkodhano hoti||
anupāyāsa-bahulo,||
bahum pi vutto samāno||
nābhisajjati,||
na kuppati||
na vyāpajjati||
na patitthīyati||
na kopañ ca||
dosañ ca||
a-p-paccayañ ca||
pātu-karoti.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati pāsādiko hoti.|| ||

Pāsādika-saṃvaṭṭanikā esā māṇava, paṭipadā||
yad idaṃ||
akkodhano hoti||
anupāyāsa-bahulo,||
bahum pi vutto samāno||
nābhisajjati||
na vyāpajjati||
na patitthīyati||
na kopañ ca||
dosañ ca||
a-p-paccayañ ca||
pātu-kareti.|| ||

{11} Idha māṇava,||
ekacco itthī vā puriso vā||
issāmanako hoti,||
para-lābha-sakkāra-garukāra-mānana-vandana-pūjanāsu issati,||
upadussati,||
issaṃ bandhati.|| ||

So tena kammena,||
evaṃ samattena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati appesakkho hoti.|| ||

Appesakkha-saṃvaṭṭanikā esā, māṇava, paṭipadā||
yad idaṃ||
issāmanako hoti,||
para-lābha-sakkāra-garukāra-mānana-vandana-pūjanāsu issati,||
upadussati,||
issaṃ bandhati.|| ||

[205] {12} Idha pana māṇava,||
ekacco itthī vā puriso vā||
anissāmanako hoti,||
para-lābha-sakkāra-garukāra-mānana-vandana-pūjanāsu na issati,||
na upadussati||
na issaṃ bandhati.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati mahesakkho hoti.|| ||

Mahesakkha-saṃvaṭṭanikā esā māṇava, paṭipadā||
yad idaṃ
anissāmanako hoti,||
para-lābha-sakkāra-garukāra-mānana-vandana-pūjanāsu||
na issati||
na upadussati||
na issaṃ bandhati.|| ||

{13} Idha māṇava,||
ekacco itthī vā puriso vā||
na dātā hoti||
samaṇassa vā brāhmaṇassa vā||
annaṃ||
pānaṃ||
vatthaṃ||
yānaṃ||
mālā-gandha-vilepanaṃ||
seyy'āvasa-ṭhapa-dīpeyyaṃ.|| ||

So tena kammena||
evaṃ samattena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussataṃ āgacchati,||
yattha yattha,||
paccājāyati appa-bhogo hoti.|| ||

Appa-bhoga-saṃvaṭṭanikā esā māṇava, paṭipadā||
yad idaṃ||
na dātā hoti||
samaṇassa vā brāhmaṇassa vā||
annaṃ||
pānaṃ||
vatthaṃ||
yānaṃ||
mālā-gandha-vilepanaṃ||
seyy'āvasa-thapa-dīpeyyaṃ.|| ||

{14} Idha pana māṇava,||
ekacco itthī vā puriso vā||
dātā hoti||
samaṇassa vā brāhmaṇassa vā||
annaṃ||
pānaṃ||
vatthaṃ||
yānaṃ||
mālā-gandha-vilepanaṃ||
seyy'āvasa-thapa-dīpeyyaṃ.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati mahā-bhogo hoti.|| ||

Mahā-bhoga-saṃvaṭṭanikā esā māṇava, paṭipadā||
yad idaṃ||
dātā hoti samaṇassa vā brāhmaṇassa vā||
annaṃ||
pānaṃ||
vatthaṃ||
yānaṃ||
mālā-gandha-vilepanaṃ||
seyy-ā-vasa-thapadīpeyyaṃ.|| ||

{15} Idha pana māṇava,||
ekacco itthī vā puriso vā||
thaddho hoti,||
ati-mānī,||
abhivādetabbaṃ na abhivādeti,||
paccuṭṭhātabbaṃ na paccuṭṭheti,||
āsanārahassa āsanaṃ na deti,||
maggārahassa maggaṃ na deti,||
sakkātabbaṃ na sakkaroti,||
garukātabbaṃ na garukaroti,||
mānetabbaṃ na māneti,||
pūjetabbaṃ na pūjeti.|| ||

So tena kammena||
evaṃ samattena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
vinipātaṃ,||
Nirayaṃ uppajjati.|| ||

No ce kāyassa bhedā param maraṇā,||
apāyaṃ,||
du-g-gatiṃ,||
vinipātaṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati nīca-kulīno hoti.|| ||

Nīca-kulīna-saṃvaṭṭanikā esā māṇava, paṭipadā||
yad idaṃ||
thaddho hoti,||
ati-mānī,||
abhivādetabbaṃ na abhivādeti,||
paccuṭṭhātabbaṃ na paccuṭṭheti,||
āsanārahassa āsanaṃ na deti,||
maggārahassa maggaṃ na deti,||
sakkātabbaṃ na sakkaroti,||
garukātabbaṃ na garukaroti,||
mānetabbaṃ na māneti,||
pūjetabbaṃ na pūjeti.|| ||

{16} Idha pana māṇava,||
ekacco itthī vā puriso vā||
athaddho hoti,||
anati-mānī,||
abhivādetabbaṃ abhivādeti,||
paccuṭṭhātabbaṃ paccuṭṭheti,||
āsanārahassa āsanaṃ deti,||
maggārahassa maggaṃ deti,||
sakkātabbaṃ sakkaroti,||
garukātabbaṃ garukaroti,||
mānetabbaṃ māneti,||
pūjetabbaṃ pūjeti.|| ||

So tena kammena||
evaṃ samattena||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati uccā-kulīno hoti.|| ||

Uccā-kulīno-saṃvaṭṭanikā esā māṇava, paṭipadā||
yad idaṃ||
athaddho hoti,||
anati-mānī,||
abhivādetabbaṃ abhivādeti,||
paccuṭṭhātabbaṃ paccuṭṭheti,||
āsanārahassa āsanaṃ deti,||
maggārahassa maggaṃ deti,||
sakkātabbaṃ sakkaroti,||
garukātabbaṃ garukaroti,||
mānetabbaṃ māneti,||
pūjetabbaṃ pūjeti.|| ||

{17} Idha māṇava,||
ekacco itthī vā puriso vā||
samaṇaṃ vā brāhmaṇaṃ vā upasaṅkamitvā||
na paripucchitā hoti:||
'Kiṃ bhante kusalaṃ,||
kiṃ akusalaṃ,||
kiṃ sāvajjaṃ,||
kiṃ anavajjaṃ,||
kiṃ sevitabbaṃ,||
kiṃ na sevitabbaṃ,||
kiṃ me karīyamānaṃ dīgha-rattaṃ ahitāya dukkhāya hoti,||
kiṃ vā pana me karīyamānaṃ dīgha-rattaṃ hitāya sukhāya hotī' ti?|| ||

So tena kammena||
evaṃ samattena,||
evaṃ samādinnena,||
kāyassa bhedā param maraṇā||
apāyaṃ,||
du-g-gatiṃ,||
Nirayaṃ uppajjati.|| ||

No ce kāyassa bhedā param maraṇā||
apāyaṃ,||
du-g-gatiṃ,||
Nirayaṃ uppajjati,||
sace manussattaṃ āgacchati,||
yattha yattha,||
paccājāyati du-p-pañño hoti.|| ||

Du-p-pañña-saṃvaṭṭanikā esā māṇava, paṭipadā||
yad idaṃ||
samaṇaṃ vā brāhmaṇaṃ vā upasaṅkamitvā||
na paripucchitā hoti:||
'Kiṃ bhante kusalaṃ,||
kiṃ akusalaṃ,||
kiṃ sāvajjaṃ,||
kiṃ anavajjaṃ,||
kiṃ sevitabbaṃ,||
kiṃ na sevitabbaṃ,||
kiṃ me karīyamānaṃ dīgha-rattaṃ ahitāya dukkhāya hoti,||
kiṃ vā pana me karīyamānaṃ dīgha-rattaṃ hitāya sukhāya hotī' ti?|| ||

[206] {18} Idha pana māṇava,||
ekacco itthī vā puriso vā||
samaṇaṃ vā brāhmaṇaṃ vā upasaṅkamitvā||
paripucchitā hoti:||
'Kiṃ bhante kusalaṃ,||
kiṃ akusalaṃ,||
kiṃ sāvajjaṃ,||
kiṃ anavajjaṃ,||
kiṃ sevitabbaṃ,||
kiṃ na sevitabbaṃ,||
kiṃ me karīyamānaṃ dīgha-rattaṃ ahitāya dukkhāya hoti,||
kiṃ vā pana me karīyamānaṃ dīgha-rattaṃ hitāya sukhāya hotī' ti?|| ||

So tena kammena||
evaṃ samattena,||
evaṃ samādinnena||
kāyassa bhedā param maraṇā||
sugatiṃ saggaṃ lokaṃ uppajjati.|| ||

No ce kāyassa bhedā param maraṇā||
sugatiṃ saggaṃ lokaṃ uppajjati,||
sace manussattaṃ āgacchati,||
yattha yattha,||
paccājāyati mahā-pañño hoti.|| ||

Mahā-pañña-saṃvaṭṭanikā esā māṇava, paṭipadā||
yad idaṃ||
samaṇaṃ vā brāhmaṇaṃ vā upasaṅkamitvā||
paripucchitā hoti:||
'Kiṃ bhante kusalaṃ,||
kiṃ akusalaṃ,||
kiṃ sāvajjaṃ,||
kiṃ anavajjaṃ,||
kiṃ sevitabbaṃ,||
kiṃ na sevitabbaṃ,||
kiṃ me karīyamānaṃ dīgha-rattaṃ ahitāya dukkhāya hoti,||
kiṃ vā pana me karīyamānaṃ dīgha-rattaṃ hitāya sukhāya hotī' ti?|| ||

{19} Iti kho māṇava,||
appāyuka-saṃvaṭṭanikā paṭipadā,||
appāyukattaṃ upaneti.|| ||

Dīgh'āyuka-saṃvaṭṭanikā paṭipadā,||
dīgh'āyukattaṃ upaneti.|| ||

Bavhābādha-saṃvaṭṭanikā paṭipadā,||
bavhābādhattaṃ upaneti.|| ||

Appābādha-saṃvaṭṭanikā paṭipadā,||
appābādhattaṃ upaneti.|| ||

Du-b-baṇṇa-saṃvaṭṭanikā paṭipadā,||
du-b-baṇṇattaṃ upaneti.|| ||

Pāsādika-saṃvaṭṭanikā paṭipadā,||
pāsādikattaṃ upaneti.|| ||

Appesakkha-saṃvaṭṭanikā paṭipadā,||
appesakkhattaṃ upaneti.|| ||

Mahesakkha-saṃvaṭṭanikā paṭipadā,||
mahesakkhattaṃ upaneti.|| ||

Appabhoga-saṃvaṭṭanikā paṭipadā,||
appa-bhogattaṃ upaneti.|| ||

Mahā-bhoga-saṃvaṭṭanikā paṭipadā,||
mahā-bhogattaṃ upaneti.|| ||

Nīca-kulīna-saṃvaṭṭanikā paṭipadā,||
nīca-kulīnattaṃ upaneti.|| ||

Uccā-kulīna-saṃvaṭṭanikā paṭipadā,||
uccā-kulīnattaṃ upaneti.|| ||

Du-p-pañña-saṃvaṭṭanikā paṭipadā,||
du-p-paññattaṃ upaneti.|| ||

Mahā-pañña-saṃvaṭṭanikā paṭipadā,||
mahā-paññattaṃ upaneti.|| ||

{20} Kammassakā, māṇava,||
sattā kamma-dāyādā||
kamma-yoni||
kamma-bandhu||
kamma-paṭisaraṇā.|| ||

Kammaṃ satte vibhajati||
yad idaṃ||
hina-p-paṇītatāyā" ti.|| ||

{21} Evaṃ vutte Subho māṇavo,||
Todeyya-putto,||
Bhagavantaṃ etad avoca.|| ||

"Abhikkantaɱ bho Gotama!|| ||

Abhikkantaɱ bho Gotama!|| ||

Seyyathā pi bho Gotama||
nikujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā maggaɱ ācikkheyya,||
andhakāre vā tela-pajjotaɱ dhāreyya||
'Cakkhumanto rūpāni dakkhintī' ti,||
evam-evaɱ bhotā Gotamena||
aneka-pariyāyena Dhammo pakāsito.|| ||

Esāhaṃ bhavantaṃ Gotamaɱ saraṇaṃ gacchāma||
Dhammañ ca||
bhikkhu-saṃghañ ca.|| ||

Upāsakaṃ maṃ bhavaṃ Gotamo dhāretu ajjatagge pāṇupetaṃ saraṇaṃ gatan" ti.|| ||